दोहा
Dohaa
जय गणेश गिरिजा सुवन, मंगल मूल सुजान । कहत अयोध्यादास तुम, देहु अभय वरदान ॥
Jay ganesh girijaa suvan, mangal mool sujaan | Kahat ayodhyaadaas tum, dehu abhay varadaan ||
चौपाई
Chaupaaee
जय गिरिजा पति दीन दयाला । सदा करत सन्तन प्रतिपाला ॥ १ ॥
Jay girijaa pati deen dayaalaa | Sadaa karat santan pratipaalaa || 1 ||
भाल चन्द्रमा सोहत नीके । कानन कुण्डल नागफनी के ॥ २ ॥
Bhaal chandramaa sohat neeke | Kaanan kundal naagaphanee ke || 2 ||
अंग गौर शिर गंग बहाये । मुण्डमाल तन क्षार लगाये ॥ ३ ॥
Ang gaur shir gang bahaaye | Mundamaal tan kshaar lagaaye || 3 ||
वस्त्र खाल बाघम्बर सोहे । छवि को देखि नाग मन मोहे ॥ ४ ॥
Vastra khaal baaghambar sohe | Chhavi ko dekhi naag man mohe || 4 ||
मैना मातु कि हवे दुलारी । वाम अंग सोहत छवि न्यारी ॥ ५ ॥
Mainaa maatu ki have dulaaree | Vaam ang sohat chhavi nyaaree || 5 ||
कर त्रिशूल सोहत छवि भारी । करत सदा शत्रुन क्षयकारी ॥ ६ ॥
Kar trishool sohat chhavi bhaaree | Karat sadaa shatrun kshayakaaree || 6 ||
नन्दि गणेश सोहै तहँ कैसे । सागर मध्य कमल हैं जैसे ॥ ७ ॥
Nandi ganesh sohai taham kaise | Saagar madhya kamal hai jaise || 7 ||
कार्तिक श्याम और गणराऊ । या छवि को कहि जात न काऊ ॥ ८ ॥
Kaartik shyaam aur ganaraaoo | Yaa chhavi ko kahi jaat na kaaoo || 8 ||
देवन जबहीं जाय पुकारा । तब ही दुख प्रभु आप निवारा ॥ ९ ॥
Devan jabahee jaay pukaaraa | Tab hee dukh prabhu aap nivaaraa || 9 ||
किया उपद्रव तारक भारी । देवन सब मिलि तुमहिं जुहारी ॥ १० ॥
Kiyaa upadrav taarak bhaaree | Devan sab mili tumahi juhaaree || 10 ||
तुरत षडानन आप पठायउ । लवनिमेष महँ मारि गिरायउ ॥ ११ ॥
Turat shadaanan aap pathaayau | Lavanimesh maham maari giraayau || 11 ||
आप जलंधर असुर संहारा । सुयश तुम्हार विदित संसारा ॥ १२ ॥
Aap jalandhar asur sanhaaraa | Suyash tumhaar vidit sansaaraa || 12 ||
त्रिपुरासुर सन युद्ध मचाई । सबहिं कृपा कर लीन बचाई ॥ १३ ॥
Tripuraasur san yuddha machaaee | Sabahi krupaa kar leen bachaaee || 13 ||
किया तपहिं भागीरथ भारी । पुरब प्रतिज्ञा तासु पुरारी ॥ १४ ॥
Kiyaa tapahi bhaageerath bhaaree | Purab pratigyaa taasu puraaree || 14 ||
दानिन महँ तुम सम कोउ नाहीं । सेवक स्तुति करत सदाहीं ॥ १५ ॥
Daanin maham tum sam kou naahee | Sevak stuti karat sadaahee || 15 ||
वेद नाम महिमा तव गाई। अकथ अनादि भेद नहिं पाई ॥ १६ ॥
Ved naam mahimaa tav gaaee| Akath anaadi bhed nahi paaee || 16 ||
प्रकटी उदधि मंथन में ज्वाला । जरत सुरासुर भए विहाला ॥ १७ ॥
Prakatee udadhi manthan me jvaalaa | Jarat suraasur bhae vihaalaa || 17 ||
कीन्ही दया तहं करी सहाई । नीलकण्ठ तब नाम कहाई ॥ १८ ॥
Keenhee dayaa taham karee sahaaee | Neelakantha tab naam kahaaee || 18 ||
पूजन रामचन्द्र जब कीन्हा । जीत के लंक विभीषण दीन्हा ॥ १९ ॥
Poojan raamachandra jab keenhaa | Jeet ke lank vibheeshan deenhaa || 19 ||
सहस कमल में हो रहे धारी । कीन्ह परीक्षा तबहिं पुरारी ॥ २० ॥
Sahas kamal me ho rahe dhaaree | Keenha pareekshaa tabahi puraaree || 20 ||
एक कमल प्रभु राखेउ जोई । कमल नयन पूजन चहं सोई ॥ २१ ॥
Ek kamal prabhu raakheu joee | Kamal nayan poojan chaham soee || 21 ||
कठिन भक्ति देखी प्रभु शंकर । भए प्रसन्न दिए इच्छित वर ॥ २२ ॥
Kathin bhakti dekhee prabhu shankar | Bhae prasanna die ichchhit var || 22 ||
जय जय जय अनन्त अविनाशी । करत कृपा सब के घटवासी ॥ २३ ॥
Jay jay jay ananta avinaashee | Karat krupaa sab ke ghatavaasee || 23 ||
दुष्ट सकल नित मोहि सतावै । भ्रमत रहौं मोहि चैन न आवै ॥ २४ ॥
Dushta sakal nit mohi sataavai | Bhramat rahau mohi chain na aavai || 24 ||
त्राहि त्राहि मैं नाथ पुकारो । येहि अवसर मोहि आन उबारो ॥ २५ ॥
Traahi traahi mai naath pukaaro | Yehi avasar mohi aan ubaaro || 25 ||
लै त्रिशूल शत्रुन को मारो । संकट से मोहि आन उबारो ॥ २६ ॥
Lai trishool shatrun ko maaro | Sankat se mohi aan ubaaro || 26 ||
मात-पिता भ्राता सब कोई । संकट में पूछत नहिं कोई ॥ २७ ॥
Maat-pitaa bhraataa sab koee | Sankat me poochhat nahi koee || 27 ||
स्वामी एक है आस तुम्हारी । आय हरहु मम संकट भारी ॥ २८ ॥
Svaamee ek hai aas tumhaaree | Aay harahu mam sankat bhaaree || 28 ||
धन निर्धन को देत सदा हीं । जो कोई जांचे सो फल पाहीं ॥ २९ ॥
Dhan nirdhan ko det sadaa hee | Jo koee jaanche so phal paahee || 29 ||
अस्तुति केहि विधि करों तुम्हारी । क्षमहु नाथ अब चूक हमारी ॥ ३० ॥
Astuti kehi vidhi karo tumhaaree | Kshamahu naath ab chook hamaaree || 30 ||
शंकर हो संकट के नाशन । मंगल कारण विघ्न विनाशन ॥ ३१ ॥
Shankar ho sankat ke naashan | Mangal kaaran vighna vinaashan || 31 ||
योगी यति मुनि ध्यान लगावैं । शारद नारद शीश नवावैं ॥ ३२ ॥
Yogee yati muni dhyaan lagaavai | Shaarad naarad sheesh navaavai || 32 ||
नमो नमो जय नमः शिवाय । सुर ब्रह्मादिक पार न पाय ॥ ३३ ॥
Namo namo jay namah shivaay | Sur brahmaadik paar na paay || 33 ||
जो यह पाठ करे मन लाई । ता पर होत हैं शम्भु सहाई ॥ ३४ ॥
Jo yah paath kare man laaee | Taa par hot hai shambhu sahaaee || 34 ||
ऋनियां जो कोई हो अधिकारी । पाठ करे सो पावन हारी ॥ ३५ ॥
Runiyaa jo koee ho adhikaaree | Paath kare so paavan haaree || 35 ||
पुत्र हीन कर इच्छा जोई । निश्चय शिव प्रसाद तेहि होई ॥ ३६ ॥
Putra heen kar ichchhaa joee | Nishchay shiv prasaad tehi hoee || 36 ||
पण्डित त्रयोदशी को लावे । ध्यान पूर्वक होम करावे ॥ ३७ ॥
Pandit trayodashee ko laave | Dhyaan poorvak hom karaave || 37 ||
त्रयोदशी व्रत करै हमेशा । तन नहिं ताके रहै कलेशा ॥ ३८ ॥
Trayodashee vrat karai hameshaa | Tan nahi taake rahai kaleshaa || 38 ||
धूप दीप नैवेद्य चढ़ावे । शंकर सम्मुख पाठ सुनावे ॥ ३९ ॥
Dhoop deep naivedya charhaave | Shankar sammukh paath sunaave || 39 ||
जन्म जन्म के पाप नसावे । अन्त धाम शिवपुर में पावे ॥ ४० ॥
Janma janma ke paap nasaave | Anta dhaam shivapur me paave || 40 ||
कहैं अयोध्यादास आस तुम्हारी । जानि सकल दुःख हरहु हमारी ॥ ४१ ॥
Kahai ayodhyaadaas aas tumhaaree | Jaani sakal duhkh harahu hamaaree || 41 ||
दोहा
Dohaa
नित्त नेम कर प्रातः ही, पाठ करौं चालीस । तुम मेरी मनोकामना, पूर्ण करो जगदीश ॥
Nitta nem kar praatah hee, paath karau chaalees | Tum meree manokaamanaa, poorna karo jagadeesh ||
मगसर छठि हेमन्त ऋतु, संवत चौसठ जान । अस्तुति चालीसा शिवहि, पूर्ण कीन कल्याण ॥
Magasar chhathi hemanta rutu, sanvat chausath jaan | Astuti chaaleesaa shivahi, poorna keen kalyaan ||