लिङ्गाष्टकम्
Lingaashtakam
ब्रह्ममुरारि सुरार्चित लिङ्गं निर्मलभासित शोभित लिङ्गम् । जन्मज दुःख विनाशक लिङ्गं तत्प्रणमामि सदाशिव लिङ्गम् ॥ १ ॥
Brahmamuraari suraarchita lingam Nirmalabhaasita shobhita lingam | Janmaja duhkha vinaashaka lingam Tatpranamaami sadaashiva lingam || 1 ||
देवमुनि प्रवरार्चित लिङ्गं कामदहं करुणाकर लिङ्गम् । रावण दर्प विनाशन लिङ्गं तत्प्रणमामि सदाशिव लिङ्गम् ॥ २ ॥
Devamuni pravaraarchita lingam Kaamadaham karunaakara lingam | Raavana darpa vinaashana lingam Tatpranamaami sadaashiva lingam || 2 ||
सर्व सुगन्ध सुलेपित लिङ्गं बुद्धि विवर्धन कारण लिङ्गम् । सिद्ध सुरासुर वन्दित लिङ्गं तत्प्रणमामि सदाशिव लिङ्गम् ॥ ३ ॥
Sarva sugandha sulepita lingam Buddhi vivardhana kaarana lingam | Siddha suraasura vandita lingam Tatpranamaami sadaashiva lingam || 3 ||
कनक महामणि भूषित लिङ्गं फणिपति वेष्टित शोभित लिङ्गम् । दक्ष सुयज्ञ विनाशन लिङ्गं तत्प्रणमामि सदाशिव लिङ्गम् ॥ ४ ॥
Kanaka mahaamani bhooshita lingam Phanipati veshtita shobhita lingam | Daksha suyajna vinaashana lingam Tatpranamaami sadaashiva lingam || 4 ||
कुङ्कुम चन्दन लेपित लिङ्गं पङ्कज हार सुशोभित लिङ्गम् । सञ्चित पाप विनाशन लिङ्गं तत्प्रणमामि सदाशिव लिङ्गम् ॥ ५ ॥
Kunkuma chandana lepita lingam Pankaja haara sushobhita lingam | Sanchita paapa vinaashana lingam Tatpranamaami sadaashiva lingam || 5 ||
देवगणार्चित सेवित लिङ्गं भावैर्भक्तिभिरेव च लिङ्गम् । दिनकर कोटि प्रभाकर लिङ्गं तत्प्रणमामि सदाशिव लिङ्गम् ॥ ६ ॥
Devaganaarchita sevita lingam Bhaavairbhaktibhireva cha lingam | Dinakara koti prabhaakara lingam Tatpranamaami sadaashiva lingam || 6 ||
अष्टदलोपरिवेष्टित लिङ्गं सर्वसमुद्भव कारण लिङ्गम् । अष्टदरिद्र विनाशन लिङ्गं तत्प्रणमामि सदाशिव लिङ्गम् ॥ ७ ॥
Ashtadalopariveshtita lingam Sarvasamudbhava kaarana lingam | Ashtadaridra vinaashana lingam Tatpranamaami sadaashiva lingam || 7 ||
सुरगुरु सुरवर पूजित लिङ्गं सुरवन पुष्प सदार्चित लिङ्गम् । परात्परं परमात्मक लिङ्गं तत्प्रणमामि सदाशिव लिङ्गम् ॥ ८ ॥
Suraguru suravara poojita lingam Suravana pushpa sadaarchita lingam | Paraatparam paramaatmaka lingam Tatpranamaami sadaashiva lingam || 8 ||
लिङ्गाष्टकमिदं पुण्यं यः पठेश्शिव सन्निधौ । शिवलोकमवाप्नोति शिवेन सह मोदते ॥
Lingaashtakamidam punyam yah patheshshiva sannidhau | Shivalokamavaapnoti shivena saha modate ||