लवथवती विक्राळा

लवथवती विक्राळा ब्रह्मांडी माळा⁠ ⁠। विषे कंठ काळा त्रिनेत्री ज्वाळा⁠ ⁠॥ लावण्यसुंदर मस्तकी बाळा⁠ ⁠। तेथुनिया जळ निर्मळ वाहे झुळझुळा⁠ ⁠॥⁠ ⁠१⁠ ⁠॥

Lavathavatee vikraalaa brahmaandee maalaa | Vishe kanth kaalaa trinetree jvaalaa || Laavanyasundar mastakee baalaa | Tethuniyaa jal nirmal vaahe jhulajhulaa || 1 ||

जय देव जय देव जय श्रीशंकरा⁠ ⁠। आरती ओवाळू तुज कर्पुरगौरा⁠ ⁠॥ धृ⁠ ⁠॥

Jay dev jay dev jay shreeshankaraa | Aaratee ovaaloo tuj karpuragauraa || dhru ||

कर्पुरगौरा भोळा नयनी विशाळा⁠ ⁠। अर्धांगी पार्वती सुमनांच्या माळा⁠ ⁠॥ विभुतीचे उधळण शितिकंठ नीळा⁠ ⁠। ऐसा शंकर शोभे उमावेल्हाळा⁠ ⁠॥⁠ ⁠२⁠ ⁠॥

Karpuragauraa bholaa nayanee vishaalaa | Ardhaangee paarvatee sumanaanchyaa maalaa || Vibhuteeche udhalan shitikanth neelaa | Aisaa shankar shobhe umaavelhaalaa || 2 ||

देवी दैत्य सागरमंथन पै केले⁠ ⁠। त्यामाजी अवचित हळाहळ जे उठिले⁠ ⁠॥ ते त्वा असुरपणे प्राशन केले⁠ ⁠। नीळकंठ नाम प्रसिद्ध झाले⁠ ⁠॥⁠ ⁠३⁠ ⁠॥

Devee daitya saagaramanthan pai kele | Tyaamaajee avachit halaahal je uthile || Te tvaa asurapane praashan kele | Neelakanth naam prasiddha jhaale || 3 ||

व्याघ्रांबर फणिवरधर सुंदर मदनारी⁠ ⁠। पंचानन मनमोहन मुनिजनसुखकारी⁠ ⁠॥ शतकोटीचे बीज वाचे उच्चारी⁠ ⁠। रघुकुळटिळक रामदासा अंतरी⁠ ⁠॥⁠ ⁠४⁠ ⁠॥

Vyaaghraambar phanivaradhar sundar madanaaree | Panchaanan manamohan munijanasukhakaaree || Shatakoteeche beej vaache uchchaaree | Raghukulatilak raamadaasaa antaree || 4 ||