ॐ ॥ हिरण्यवर्णां हरिणीं सुवर्णरजतस्रजाम् । चन्द्रां हिरण्मयीं लक्ष्मीं जातवेदो म आवह ॥ १ ॥
Om || hiranyavarnaam harineem suvarnarajatasrajaam | Chandraam hiranmayeem lakshmeem jaatavedo ma aavaha || 1 ||
तां म आवह जातवेदो लक्ष्मीमनपगामिनीम् । यस्यां हिरण्यं विन्देयं गामश्वं पुरुषानहम् ॥ २ ॥
Taam ma aavaha jaatavedo lakshmeemanapagaamineem | Yasyaam hiranyam vindeyam gaamashvam purushaanaham || 2 ||
अश्वपूर्वां रथमध्यां हस्तिनादप्रबोधिनीम् । श्रियं देवीमुपह्वये श्रीर्मादेवीर्जुषताम् ॥ ३ ॥
Ashvapoorvaam rathamadhyaam hastinaadaprabodhineem | Shriyam deveemupahvaye shreermaadeveerjushataam || 3 ||
कां सोस्मितां हिरण्यप्राकारामार्द्रां ज्वलन्तीं तृप्तां तर्पयन्तीम् । पद्मे स्थितां पद्मवर्णां तामिहोपह्वये श्रियम् ॥ ४ ॥
Kaam sosmitaam hiranyapraakaaraamaardraam jvalanteem truptaam tarpayanteem | Padme sthitaam padmavarnaam taamihopahvaye shriyam || 4 ||
चन्द्रां प्रभासां यशसा ज्वलन्तीं श्रियं लोके देवजुष्टामुदाराम् । तां पद्मिनीमीं शरणमहं प्रपद्येऽलक्ष्मीर्मे नश्यतां त्वां वृणे ॥ ५ ॥
Chandraam prabhaasaam yashasaa jvalanteem shriyam loke devajushtaamudaaraam | Taam padmineemeem sharanamaham prapadye'lakshmeerme nashyataam tvaam vrune || 5 ||
आदित्यवर्णे तपसोऽधिजातो वनस्पतिस्तव वृक्षोऽथ बिल्वः । तस्य फलानि तपसा नुदन्तु मायान्तरायाश्च बाह्या अलक्ष्मीः ॥ ६ ॥
Aadityavarne tapaso'dhijaato vanaspatistava vruksho'tha bilvah | Tasya phalaani tapasaa nudantu maayaantaraayaashcha baahyaa alakshmeeh || 6 ||
उपैतु मां देवसखः कीर्तिश्च मणिना सह । प्रादुर्भूतोऽस्मि राष्ट्रेऽस्मिन् कीर्तिमृद्धिं ददातु मे ॥ ७ ॥
Upaitu maam devasakhah keertishcha maninaa saha | Praadurbhooto'smi raashtre'smin keertimruddhim dadaatu me || 7 ||
क्षुत्पिपासामलां ज्येष्ठामलक्ष्मीं नाशयाम्यहम् । अभूतिमसमृद्धिं च सर्वां निर्णुद मे गृहात् ॥ ८ ॥
Kshutpipaasaamalaam jyeshthaamalakshmeem naashayaamyaham | Abhootimasamruddhim cha sarvaam nirnuda me gruhaat || 8 ||
गंधद्वारां दुराधर्षां नित्यपुष्टां करीषिणीम् । ईश्वरीं सर्वभूतानां तामिहोपह्वये श्रियम् ॥ ९ ॥
Gandhadvaaraam duraadharshaam nityapushtaam kareeshineem | Eeshvareem sarvabhootaanaam taamihopahvaye shriyam || 9 ||
मनसः काममाकूतिं वाचः सत्यमशीमहि । पशूनां रूपमन्नस्य मयि श्रीः श्रयतां यशः ॥ १० ॥
Manasah kaamamaakootim vaachah satyamasheemahi | Pashoonaam roopamannasya mayi shreeh shrayataam yashah || 10 ||
कर्दमेन प्रजाभूता मयि सम्भव कर्दम । श्रियं वासय मे कुले मातरं पद्ममालिनीम् ॥ ११ ॥
Kardamena prajaabhootaa mayi sambhava kardama | Shriyam vaasaya me kule maataram padmamaalineem || 11 ||
आपः सृजन्तु स्निग्धानि चिक्लीत वस मे गृहे । नि च देवीं मातरं श्रियं वासय मे कुले ॥ १२ ॥
Aapah srujantu snigdhaani chikleeta vasa me gruhe | Ni cha deveem maataram shriyam vaasaya me kule || 12 ||
आर्द्रां पुष्करिणीं पुष्टिं पिङ्गलां पद्ममालिनीम् । चन्द्रां हिरण्मयीं लक्ष्मीं जातवेदो म आवह ॥ १३ ॥
Aardraam pushkarineem pushtim pingalaam padmamaalineem | Chandraam hiranmayeem lakshmeem jaatavedo ma aavaha || 13 ||
आर्द्रां यः करिणीं यष्टिं सुवर्णां हेममालिनीम् । सूर्यां हिरण्मयीं लक्ष्मीं जातवेदो म आवह ॥ १४ ॥
Aardraam yah karineem yashtim suvarnaam hemamaalineem | Sooryaam hiranmayeem lakshmeem jaatavedo ma aavaha || 14 ||
तां म आवह जातवेदो लक्ष्मीमनपगामिनीम् । यस्यां हिरण्यं प्रभूतं गावो दास्योऽश्वान्विन्देयं पुरुषानहम् ॥ १५ ॥
Taam ma aavaha jaatavedo lakshmeemanapagaamineem | Yasyaam hiranyam prabhootam gaavo daasyo'shvaanvindeyam purushaanaham || 15 ||
यः शुचिः प्रयतो भूत्वा जुहुयादाज्य मन्वहम् । श्रियः पञ्चदशर्चं च श्रीकामः सततं जपेत् ॥ १६ ॥
Yah shuchih prayato bhootvaa juhuyaadaajya manvaham | Shriyah panchadasharcham cha shreekaamah satatam japet || 16 ||