श्रीगणपत्यथर्वशीर्षम्

ॐ भद्रं कर्णेभिः शृणुयाम देवाः⁠ ⁠। भद्रं पश्येमाक्षभिर्यजत्राः⁠ ⁠॥ स्थिरैरङ्गैस्तुष्टुवांसस्तनूभिः⁠ ⁠। व्यशेम देवहितं यदायुः⁠ ⁠॥ ॐ स्वस्ति न इन्द्रो वृद्धश्रवाः⁠ ⁠। स्वस्ति नः पूषा विश्ववेदाः⁠ ⁠॥ स्वस्तिनस्तार्क्ष्यो अरिष्टनेमिः⁠ ⁠। स्वस्ति नो बृहस्पतिर्दधातु⁠ ⁠॥ ॐ शांतिः शांतिः शांतिः⁠ ⁠॥

Om bhadram karnebhih shrunuyaama devaah | Bhadram pashyemaakshabhiryajatraah || Sthirairangaistushtuvaansastanoobhih | Vyashema devahitam yadaayuh || Om svasti na indro vruddhashravaah | Svasti nah pooshaa vishvavedaah || Svastinastaarkshyo arishtanemih | Svasti no bruhaspatirdadhaatu || Om shaantih shaantih shaantih ||

हरिः ॐ नमस्ते गणपतये⁠ ⁠॥ त्वमेव प्रत्यक्षं तत्त्वमसि⁠ ⁠॥ त्वमेव केवलं कर्ताऽसि⁠ ⁠॥ त्वमेव केवलं धर्ताऽसि⁠ ⁠॥ त्वमेव केवलं हर्ताऽसि⁠ ⁠॥ त्वमेव सर्वं खल्विदं ब्रह्मासि⁠ ⁠॥ त्वं साक्षादात्माऽसि नित्यम्⁠ ⁠॥⁠ ⁠१⁠ ⁠॥

Harih Om namaste ganapataye || Tvameva pratyaksham tattvamasi || tvameva kevalam kartaa'si || Tvameva kevalam dhartaa'si || tvameva kevalam hartaa'si || Tvameva sarvam khalvidam brahmaasi || Tvam saakshaadaatmaa'si nityam || 1 ||

ऋतं वच्मि⁠ ⁠॥ सत्यं वच्मि⁠ ⁠॥⁠ ⁠२⁠ ⁠॥

Rutam vachmi || satyam vachmi || 2 ||

अव त्वं माम्⁠ ⁠॥ अव वक्तारम्⁠ ⁠॥ अव श्रोतारम्⁠ ⁠॥ अव दातारम्⁠ ⁠॥ अव धातारम्⁠ ⁠॥ अवानूचानमव शिष्यम्⁠ ⁠॥ अव पश्चात्तात्⁠ ⁠॥ अव पुरस्तात्⁠ ⁠॥ अवोत्तरात्तात्⁠ ⁠॥ अव दक्षिणात्तात्⁠ ⁠॥ अव चोर्ध्वात्तात्⁠ ⁠॥ अवाधरात्तात्⁠ ⁠॥ सर्वतो मां पाहि पाहि समंतात्⁠ ⁠॥⁠ ⁠३⁠ ⁠॥

Ava tvam maam || ava vaktaaram || ava shrotaaram || Ava daataaram || ava dhaataaram || Avaanoochaanamava shishyam || Ava pashchaattaat || ava purastaat || Avottaraattaat || ava dakshinaattaat || Ava chordhvaattaat || avaadharaattaat || Sarvato maam paahi paahi samantaat || 3 ||

त्वं वाङ्मयस्त्वं चिन्मयः⁠ ⁠॥ त्वमानंदमयस्त्वं ब्रह्ममयः⁠ ⁠॥ त्वं सच्चिदानंदाद्वितीयोऽसि⁠ ⁠॥ त्वं प्रत्यक्षं ब्रह्मासि⁠ ⁠॥ त्वं ज्ञानमयो विज्ञानमयोऽसि⁠ ⁠॥⁠ ⁠४⁠ ⁠॥

Tvam vaanmayastvam chinmayah || Tvamaanandamayastvam brahmamayah || Tvam sachchidaanandaadviteeyo'si || Tvam pratyaksham brahmaasi || Tvam jnaanamayo vijnaanamayo'si || 4 ||

सर्वं जगदिदं त्वत्तो जायते⁠ ⁠॥ सर्वं जगदिदं त्वत्तस्तिष्ठति⁠ ⁠॥ सर्वं जगदिदं त्वयि लयमेष्यति⁠ ⁠॥ सर्वं जगदिदं त्वयि प्रत्येति⁠ ⁠॥ त्वं भूमिरापोऽनलोऽनिलो नभः⁠ ⁠॥ त्वं चत्वारि वाक्पदानि⁠ ⁠॥⁠ ⁠५⁠ ⁠॥

Sarvam jagadidam tvatto jaayate || Sarvam jagadidam tvattastishthati || Sarvam jagadidam tvayi layameshyati || Sarvam jagadidam tvayi pratyeti || Tvam bhoomiraapo'nalo'nilo nabhah || Tvam chatvaari vaakpadaani || 5 ||

त्वं गुणत्रयातीतः त्वमवस्थात्रयातीतः⁠ ⁠॥ त्वं देहत्रयातीतः⁠ ⁠॥ त्वं कालत्रयातीतः⁠ ⁠॥ त्वं मूलाधारस्थितोऽसि नित्यम्⁠ ⁠॥ त्वं शक्तित्रयात्मकः⁠ ⁠॥ त्वां योगिनो ध्यायंति नित्यम्⁠ ⁠॥ त्वं ब्रह्मा त्वं विष्णुस्त्वं रुद्रस्त्वमिन्द्रस्त्वमग्निस्त्वं वायुस्त्वं सूर्यस्त्वं चंद्रमास्त्वं ब्रह्मभूर्भुवःस्वरोम्⁠ ⁠॥⁠ ⁠६⁠ ⁠॥

Tvam gunatrayaateetah tvamavasthaatrayaateetah || Tvam dehatrayaateetah || tvam kaalatrayaateetah || Tvam moolaadhaarasthito'si nityam || Tvam shaktitrayaatmakah || Tvaam yogino dhyaayanti nityam || Tvam brahmaa tvam vishnustvam rudrastvamindrastvamagnistvam Vaayustvam sooryastvam chandramaastvam Brahmabhoorbhuvahsvarom || 6 ||

गणादिं पूर्वमुच्चार्य वर्णादींस्तदनंतरम्⁠ ⁠॥ अनुस्वारः परतरः⁠ ⁠॥ अर्धेन्दुलसितम्⁠ ⁠॥ तारेण ऋद्धम्⁠ ⁠॥ एतत्तव मनुस्वरूपम्⁠ ⁠॥ गकारः पूर्वरूपम्⁠ ⁠॥ अकारो मध्यमरूपम्⁠ ⁠॥ अनुस्वारश्चान्त्यरूपम्⁠ ⁠॥ बिन्दुरुत्तररूपम्⁠ ⁠॥ नादः संधानम्⁠ ⁠॥ संहितासंधिः⁠ ⁠॥ सैषा गणेशविद्या⁠ ⁠॥ गणकऋषिः⁠ ⁠॥ निचृद्गायत्रीच्छंदः⁠ ⁠॥ गणपतिर्देवता⁠ ⁠॥ ॐ गं गणपतये नमः⁠ ⁠॥⁠ ⁠७⁠ ⁠॥

Ganaadim poorvamuchchaarya varnaadeenstadanantaram || Anusvaarah paratarah || ardhendulasitam || taarena ruddham || Etattava manusvaroopam || gakaarah poorvaroopam || Akaaro madhyamaroopam || anusvaarashchaantyaroopam || Binduruttararoopam || naadah sandhaanam || Sanhitaasandhih || saishaa ganeshavidyaa || Ganakarushih || nichrudgaayatreechchhandah || Ganapatirdevataa || Om gam ganapataye namah || 7 ||

एकदंताय विद्महे⁠ ⁠। वक्रतुण्डाय धीमहि⁠ ⁠॥ तन्नो दंतिः प्रचोदयात्⁠ ⁠॥⁠ ⁠८⁠ ⁠॥

Ekadantaaya vidmahe | vakratundaaya dheemahi || Tanno dantih prachodayaat || 8 ||

एकदंतं चतुर्हस्तं पाशमंकुशधारिणम्⁠ ⁠॥ रदं च वरदं हस्तैर्बिभ्राणं मूषकध्वजम्⁠ ⁠॥ रक्तं लंबोदरं शूर्पकर्णकं रक्तवाससम्⁠ ⁠॥ रक्तगंधानुलिप्तांगं रक्तपुष्पैः सुपूजितम्⁠ ⁠॥ भक्तानुकंपिनं देवं जगत्कारणमच्युतम्⁠ ⁠॥ आविर्भूतं च सृष्ट्यादौ प्रकृतेः पुरुषात्परम्⁠ ⁠॥ एवं ध्यायति यो नित्यं स योगी योगिनां वरः⁠ ⁠॥⁠ ⁠९⁠ ⁠॥

Ekadantam chaturhastam paashamankushadhaarinam || Radam cha varadam hastairbibhraanam mooshakadhvajam || Raktam lambodaram shoorpakarnakam raktavaasasam || Raktagandhaanuliptaangam raktapushpaih supoojitam || Bhaktaanukampinam devam jagatkaaranamachyutam || Aavirbhootam cha srushtyaadau prakruteh purushaatparam || Evam dhyaayati yo nityam sa yogee yoginaam varah || 9 ||

नमो व्रातपतये⁠ ⁠। नमो गणपतये⁠ ⁠। नमः प्रमथपतये⁠ ⁠। नमस्तेऽस्तु लंबोदरायैकदंताय⁠ ⁠। विघ्ननाशिने शिवसुताय⁠ ⁠। श्रीवरदमूर्तये नमो नमः⁠ ⁠॥⁠ ⁠१०⁠ ⁠॥

Namo vraatapataye | namo ganapataye | namah pramathapataye | Namaste'stu lambodaraayaikadantaaya | Vighnanaashine shivasutaaya | shreevaradamoortaye namo namah || 10 ||

एतदथर्वशीर्षं योऽधीते⁠ ⁠॥ स ब्रह्मभूयाय कल्पते⁠ ⁠॥ स सर्वतः सुखमेधते⁠ ⁠॥ स सर्व विघ्नैर्नबाध्यते⁠ ⁠॥ स पंचमहापापात्प्रमुच्यते⁠ ⁠॥ सायमधीयानो दिवसकृतं पापं नाशयति⁠ ⁠॥ प्रातरधीयानो रात्रिकृतं पापं नाशयति⁠ ⁠॥ सायंप्रातः प्रयुंजानो अपापो भवति⁠ ⁠॥ सर्वत्राधीयानोऽपविघ्नो भवति⁠ ⁠॥ धर्मार्थकाममोक्षं च विंदति⁠ ⁠॥ इदमथर्वशीर्षमशिष्याय न देयम्⁠ ⁠॥ यो यदि मोहाद्दास्यति स पापीयान् भवति सहस्रावर्तनाद्यं यं काममधीते तं तमनेन साधयेत्⁠ ⁠॥⁠ ⁠११⁠ ⁠॥

Etadatharvasheersham yo'dheete || sa brahmabhooyaaya kalpate || Sa sarvatah sukhamedhate || sa sarva vighnairnabaadhyate || Sa panchamahaapaapaatpramuchyate || Saayamadheeyaano divasakrutam paapam naashayati || Praataradheeyaano raatrikrutam paapam naashayati || Saayampraatah prayunjaano apaapo bhavati || Sarvatraadheeyaano'pavighno bhavati || Dharmaarthakaamamoksham cha vindati || Idamatharvasheershamashishyaaya na deyam || Yo yadi mohaaddaasyati sa paapeeyaan bhavati Sahasraavartanaadyam yam kaamamadheete Tam tamanena saadhayet || 11 ||

अनेन गणपतिमभिषिंचति स वाग्मी भवति⁠ ⁠॥ चतुर्थ्यामनश्नन् जपति स विद्यावान् भवति⁠ ⁠॥ इत्यथर्वणवाक्यम्⁠ ⁠॥ ब्रह्माद्यावरणं विद्यात् न बिभेति कदाचनेति⁠ ⁠॥⁠ ⁠१२⁠ ⁠॥

Anena ganapatimabhishinchati sa vaagmee bhavati || Chaturthyaamanashnan japati sa vidyaavaan bhavati || Ityatharvanavaakyam || brahmaadyaavaranam vidyaat Na bibheti kadaachaneti || 12 ||

यो दूर्वांकुरैर्यजति स वैश्रवणोपमो भवति⁠ ⁠॥ यो लाजैर्यजति स यशोवान् भवति⁠ ⁠॥ स मेधावान् भवति⁠ ⁠॥ यो मोदकसहस्रेण यजति स वाञ्छितफलमवाप्नोति⁠ ⁠॥ यः साज्यसमिद्भिर्यजति स सर्वं लभते स सर्वं लभते⁠ ⁠॥⁠ ⁠१३⁠ ⁠॥

Yo doorvaankurairyajati sa vaishravanopamo bhavati || Yo laajairyajati sa yashovaan bhavati || Sa medhaavaan bhavati || Yo modakasahasrena yajati Sa vaanchhitaphalamavaapnoti || Yah saajyasamidbhiryajati Sa sarvam labhate sa sarvam labhate || 13 ||

अष्टौ ब्राह्मणान् सम्यग्ग्राहयित्वा सूर्यवर्चस्वी भवति⁠ ⁠॥ सूर्यग्रहे महानद्यां प्रतिमासंनिधौ वा जप्त्वा सिद्धमंत्रो भवति⁠ ⁠॥ महाविघ्नात्प्रमुच्यते⁠ ⁠॥ महादोषात्प्रमुच्यते⁠ ⁠॥ महापापात् प्रमुच्यते⁠ ⁠॥ स सर्वविद्भवति स सर्वविद्भवति⁠ ⁠॥ य एवं वेद इत्युपनिषत्⁠ ⁠॥⁠ ⁠१४⁠ ⁠॥

Ashtau braahmanaan samyaggraahayitvaa Sooryavarchasvee bhavati || Sooryagrahe mahaanadyaam pratimaasannidhau Vaa japtvaa siddhamantro bhavati || Mahaavighnaatpramuchyate || mahaadoshaatpramuchyate || Mahaapaapaat pramuchyate || Sa sarvavidbhavati sa sarvavidbhavati || Ya evam veda ityupanishat || 14 ||

ॐ सहनाववतु⁠ ⁠॥ सहनौभुनक्तु⁠ ⁠॥ सह वीर्यं करवावहै⁠ ⁠॥ तेजस्विनावधीतमस्तु मा विद्विषावहै⁠ ⁠॥ ॐ भद्रं कर्णेभिः शृणुयाम देवाः⁠ ⁠। भद्रं पश्येमाक्षभिर्यजत्राः⁠ ⁠॥ स्थिरैरंगैस्तुष्टुवांसस्तनूभिः⁠ ⁠। व्यशेम देवहितं यदायुः⁠ ⁠॥ ॐ स्वस्ति न इन्द्रो वृद्धश्रवाः⁠ ⁠। स्वस्ति नः पूषा विश्ववेदाः⁠ ⁠॥ स्वस्तिनस्तार्क्ष्यो अरिष्टनेमिः⁠ ⁠। स्वस्ति नो बृहस्पतिर्दधातु⁠ ⁠॥ ॐ शांतिः शांतिः शांतिः⁠ ⁠॥

Om sahanaavavatu || sahanaubhunaktu || Saha veeryam karavaavahai || Tejasvinaavadheetamastu maa vidvishaavahai || Om bhadram karnebhih shrunuyaama devaah | Bhadram pashyemaakshabhiryajatraah || Sthirairangaistushtuvaansastanoobhih | Vyashema devahitam yadaayuh || Om svasti na indro vruddhashravaah | Svasti nah pooshaa vishvavedaah || Svastinastaarkshyo arishtanemih | Svasti no bruhaspatirdadhaatu || Om shaantih shaantih shaantih ||