नमो देव्यै महादेव्यै शिवायै सततं नमः । नमः प्रकृत्यै भद्रायै नियताः प्रणताः स्म ताम् ॥ १ ॥
Namo devyai mahaadevyai shivaayai satatam namah | Namah prakrutyai bhadraayai niyataah pranataah sma taam || 1 ||
रौद्रायै नमो नित्यायै गौर्यै धात्र्यै नमो नमः । ज्योत्स्नायै चेन्दुरूपिण्यै सुखायै सततं नमः ॥ २ ॥
Raudraayai namo nityaayai gauryai dhaatryai namo namah | Jyotsnaayai chenduroopinyai sukhaayai satatam namah || 2 ||
कल्याण्यै प्रणतां वृद्ध्यै सिद्ध्यै कुर्मो नमो नमः । नैरृत्यै भूभृतां लक्ष्म्यै शर्वाण्यै ते नमो नमः ॥ ३ ॥
Kalyaanyai pranataam vruddhyai siddhyai kurmo namo namah | Nairrutyai bhoobhrutaam lakshmyai sharvaanyai te namo namah || 3 ||
दुर्गायै दुर्गपारायै सारायै सर्वकारिण्यै । ख्यात्यै तथैव कृष्णायै धूम्रायै सततं नमः ॥ ४ ॥
Durgaayai durgapaaraayai saaraayai sarvakaarinyai | Khyaatyai tathaiva krushnaayai dhoomraayai satatam namah || 4 ||
अतिसौम्यातिरौद्रायै नतास्तस्यै नमो नमः । नमो जगत्प्रतिष्ठायै देव्यै कृत्यै नमो नमः ॥ ५ ॥
Atisaumyaatiraudraayai nataastasyai namo namah | Namo jagatpratishthaayai devyai krutyai namo namah || 5 ||
या देवी सर्वभूतेषु विष्णुमायेति शब्दिता । नमस्तस्यै नमस्तस्यै नमस्तस्यै नमो नमः ॥ ६ ॥
Yaa devee sarvabhooteshu vishnumaayeti shabditaa | Namastasyai namastasyai namastasyai namo namah || 6 ||
या देवी सर्वभूतेषु चेतनेत्यभिधीयते । नमस्तस्यै नमस्तस्यै नमस्तस्यै नमो नमः ॥ ७ ॥
Yaa devee sarvabhooteshu chetanetyabhidheeyate | Namastasyai namastasyai namastasyai namo namah || 7 ||
या देवी सर्वभूतेषु बुद्धिरूपेण संस्थिता । नमस्तस्यै नमस्तस्यै नमस्तस्यै नमो नमः ॥ ८ ॥
Yaa devee sarvabhooteshu buddhiroopena sansthitaa | Namastasyai namastasyai namastasyai namo namah || 8 ||
या देवी सर्वभूतेषु निद्रारूपेण संस्थिता । नमस्तस्यै नमस्तस्यै नमस्तस्यै नमो नमः ॥ ९ ॥
Yaa devee sarvabhooteshu nidraaroopena sansthitaa | Namastasyai namastasyai namastasyai namo namah || 9 ||
या देवी सर्वभूतेषु क्षुधारूपेण संस्थिता । नमस्तस्यै नमस्तस्यै नमस्तस्यै नमो नमः ॥ १० ॥
Yaa devee sarvabhooteshu kshudhaaroopena sansthitaa | Namastasyai namastasyai namastasyai namo namah || 10 ||
या देवी सर्वभूतेषु छायारूपेण संस्थिता । नमस्तस्यै नमस्तस्यै नमस्तस्यै नमो नमः ॥ ११ ॥
Yaa devee sarvabhooteshu chhaayaaroopena sansthitaa | Namastasyai namastasyai namastasyai namo namah || 11 ||
या देवी सर्वभूतेषु शक्तिरूपेण संस्थिता । नमस्तस्यै नमस्तस्यै नमस्तस्यै नमो नमः ॥ १२ ॥
Yaa devee sarvabhooteshu shaktiroopena sansthitaa | Namastasyai namastasyai namastasyai namo namah || 12 ||
या देवी सर्वभूतेषु तृष्णारूपेण संस्थिता । नमस्तस्यै नमस्तस्यै नमस्तस्यै नमो नमः ॥ १३ ॥
Yaa devee sarvabhooteshu trushnaaroopena sansthitaa | Namastasyai namastasyai namastasyai namo namah || 13 ||
या देवी सर्वभूतेषु क्षान्तिरूपेण संस्थिता । नमस्तस्यै नमस्तस्यै नमस्तस्यै नमो नमः ॥ १४ ॥
Yaa devee sarvabhooteshu kshaantiroopena sansthitaa | Namastasyai namastasyai namastasyai namo namah || 14 ||
या देवी सर्वभूतेषु जातिरूपेण संस्थिता । नमस्तस्यै नमस्तस्यै नमस्तस्यै नमो नमः ॥ १५ ॥
Yaa devee sarvabhooteshu jaatiroopena sansthitaa | Namastasyai namastasyai namastasyai namo namah || 15 ||
या देवी सर्वभूतेषु लज्जारूपेण संस्थिता । नमस्तस्यै नमस्तस्यै नमस्तस्यै नमो नमः ॥ १६ ॥
Yaa devee sarvabhooteshu lajjaaroopena sansthitaa | Namastasyai namastasyai namastasyai namo namah || 16 ||
या देवी सर्वभूतेषु शान्तिरूपेण संस्थिता । नमस्तस्यै नमस्तस्यै नमस्तस्यै नमो नमः ॥ १७ ॥
Yaa devee sarvabhooteshu shaantiroopena sansthitaa | Namastasyai namastasyai namastasyai namo namah || 17 ||
या देवी सर्वभूतेषु श्रद्धारूपेण संस्थिता । नमस्तस्यै नमस्तस्यै नमस्तस्यै नमो नमः ॥ १८ ॥
Yaa devee sarvabhooteshu shraddhaaroopena sansthitaa | Namastasyai namastasyai namastasyai namo namah || 18 ||
या देवी सर्वभूतेषु कान्तिरूपेण संस्थिता । नमस्तस्यै नमस्तस्यै नमस्तस्यै नमो नमः ॥ १९ ॥
Yaa devee sarvabhooteshu kaantiroopena sansthitaa | Namastasyai namastasyai namastasyai namo namah || 19 ||
या देवी सर्वभूतेषु लक्ष्मीरूपेण संस्थिता । नमस्तस्यै नमस्तस्यै नमस्तस्यै नमो नमः ॥ २० ॥
Yaa devee sarvabhooteshu lakshmeeroopena sansthitaa | Namastasyai namastasyai namastasyai namo namah || 20 ||
या देवी सर्वभूतेषु वृत्तिरूपेण संस्थिता । नमस्तस्यै नमस्तस्यै नमस्तस्यै नमो नमः ॥ २१ ॥
Yaa devee sarvabhooteshu vruttiroopena sansthitaa | Namastasyai namastasyai namastasyai namo namah || 21 ||
या देवी सर्वभूतेषु स्मृतिरूपेण संस्थिता । नमस्तस्यै नमस्तस्यै नमस्तस्यै नमो नमः ॥ २२ ॥
Yaa devee sarvabhooteshu smrutiroopena sansthitaa | Namastasyai namastasyai namastasyai namo namah || 22 ||
या देवी सर्वभूतेषु दयारूपेण संस्थिता । नमस्तस्यै नमस्तस्यै नमस्तस्यै नमो नमः ॥ २३ ॥
Yaa devee sarvabhooteshu dayaaroopena sansthitaa | Namastasyai namastasyai namastasyai namo namah || 23 ||
या देवी सर्वभूतेषु तुष्टिरूपेण संस्थिता । नमस्तस्यै नमस्तस्यै नमस्तस्यै नमो नमः ॥ २४ ॥
Yaa devee sarvabhooteshu tushtiroopena sansthitaa | Namastasyai namastasyai namastasyai namo namah || 24 ||
या देवी सर्वभूतेषु मातृरूपेण संस्थिता । नमस्तस्यै नमस्तस्यै नमस्तस्यै नमो नमः ॥ २५ ॥
Yaa devee sarvabhooteshu maatruroopena sansthitaa | Namastasyai namastasyai namastasyai namo namah || 25 ||
या देवी सर्वभूतेषु भ्रान्तिरूपेण संस्थिता । नमस्तस्यै नमस्तस्यै नमस्तस्यै नमो नमः ॥ २६ ॥
Yaa devee sarvabhooteshu bhraantiroopena sansthitaa | Namastasyai namastasyai namastasyai namo namah || 26 ||
इन्द्रियाणामधिष्ठात्री भूतानां चाखिलेषु या । भूतेषु सततं तस्यै व्याप्त्यै देव्यै नमो नमः ॥ २७ ॥
Indriyaanaamadhishthaatree bhootaanaam chaakhileshu yaa | Bhooteshu satatam tasyai vyaaptyai devyai namo namah || 27 ||
चित्तिरूपेण या कृत्स्नमेतद्व्याप्य स्थिता जगत् । नमस्तस्यै नमस्तस्यै नमस्तस्यै नमो नमः ॥ २८ ॥
Chittiroopena yaa krutsnametadvyaapya sthitaa jagat | Namastasyai namastasyai namastasyai namo namah || 28 ||
स्तुता सुरैः पूर्वमभीष्टसंश्रयात्तथा सुरेन्द्रेण दिनेषु सेविता । करोतु सा नः शुभहेतुरीश्वरी शुभानि भद्राण्यभिहन्तु चापदः ॥ २९ ॥
Stutaa suraih poorvamabheeshtasanshrayaattathaa surendrena dineshu sevitaa | Karotu saa nah shubhahetureeshvaree shubhaani bhadraanyabhihantu chaapadah || 29 ||
या साम्प्रतं चोद्धतदैत्यतापितैरस्माभिरीशा च सुरैर्नमस्यते । या च स्मृता तत्क्षणमेव हन्ति नः सर्वापदो भक्तिविनम्रमूर्तिभिः ॥ ३० ॥
Yaa saampratam choddhatadaityataapitairasmaabhireeshaa cha surairnamasyate | Yaa cha smrutaa tatkshanameva hanti nah sarvaapado bhaktivinamramoortibhih || 30 ||