# Yuge Atthavis Vitevari Ubha · युगें अठ्ठावीस विटेवरी उभा

- Type: Aarti
- Language: Marathi
- Verses: 5
- Verified: under review
- Read in the app: https://pocketpothi.com/read?t=yuge-atthavis
- Share link: https://pocketpothi.com/p/bz
- Page: https://pocketpothi.com/texts/yuge-atthavis

## Text (Devanagari, with simple Roman spelling below each verse)

युगे अठ्ठावीस विटेवरी उभा ।  
वामांगी रखुमाई दिसे दिव्य शोभा ।  
पुंडलिकाचे भेटी परब्रह्म आले गा ।  
चरणी वाहे भीमा उद्धरी जगा ॥ १ ॥  

_Yuge aththaavees vitevaree ubhaa | / Vaamaangee rakhumaaee dise divya shobhaa | / Pundalikaache bhetee parabrahma aale gaa | / Charanee vaahe bheemaa uddharee jagaa || 1 ||_

जय देव जय देव जय पांडुरंगा ।  
रखुमाईवल्लभा राईच्या वल्लभा पावे जिवलगा ॥  

_Jay dev jay dev jay paandurangaa | / Rakhumaaeevallabhaa raaeechyaa vallabhaa paave jivalagaa ||_

तुळसीमाळा गळां कर ठेवुनि कटी ।  
कांसे पीतांबर कस्तुरी लल्लाटी ।  
देव सुरवर नित्य येती भेटी ।  
गरुड हनुमंत पुढे उभे राहती ॥ २ ॥  

_Tulaseemaalaa galaa kar thevuni katee | / Kaanse peetaambar kasturee lallaatee | / Dev suravar nitya yetee bhetee | / Garud hanumant pudhe ubhe raahatee || 2 ||_

धन्य वेणुनाद अनुक्षेत्रपाळा ।  
सुवर्णाची कमळे वनमाळा गळा ।  
राई रखुमाबाई राणीया सकळा ।  
ओवाळिती राजा विठोबा सांवळा ॥ ३ ॥  

_Dhanya venunaad anukshetrapaalaa | / Suvarnaachee kamale vanamaalaa galaa | / Raaee rakhumaabaaee raaneeyaa sakalaa | / Ovaalitee raajaa vithobaa saanvalaa || 3 ||_

ओवाळू आरत्या कुरवंड्या येती ।  
चंद्रभागेमाजी सोडुनिया देती ।  
दिंड्या पताका वैष्णव नाचती ।  
पंढरीचा महिमा वर्णावा किती ॥ ४ ॥  

_Ovaaloo aaratyaa kuravandyaa yetee | / Chandrabhaagemaajee soduniyaa detee | / Dindyaa pataakaa vaishnav naachatee | / Pandhareechaa mahimaa varnaavaa kitee || 4 ||_

आषाढी कार्तिकी भक्तजन येती ।  
चंद्रभागेमाजी स्नाने जे करिती ।  
दर्शनहेळामात्रे तयां होय मुक्ती ।  
केशवासी नामदेव भावे ओवाळिती ॥ ५ ॥  

_Aashaadhee kaartikee bhaktajan yetee | / Chandrabhaagemaajee snaane je karitee | / Darshanahelaamaatre tayaa hoy muktee | / Keshavaasee naamadev bhaave ovaalitee || 5 ||_