{"id":"vishnu-sahasranama","code":"5g","title":{"dev":"श्रीविष्णुसहस्रनामस्तोत्रम्","rom":"Shri Vishnu Sahasranama"},"type":"sahasranama","typeLabel":"Sahasranama","language":"sa","languageName":"Sanskrit","deity":["vishnu"],"aliases":["Vishnu Sahasranamam","Shuklambaradharam"],"verses":108,"sections":[{"kind":"heading","dev":"॥ पूर्वपीठिका ॥","rom":"|| Poorvapeethikaa ||"},{"kind":"prose","dev":"शुक्लाम्बरधरं विष्णुं शशिवर्णं चतुर्भुजम् ।\nप्रसन्नवदनं ध्यायेत् सर्वविघ्नोपशान्तये ॥","rom":"Shuklaambaradharam vishnum shashivarnam chaturbhujam |\nPrasannavadanam dhyaayet sarvavighnopashaantaye ||"},{"kind":"prose","dev":"यस्य द्विरदवक्त्राद्याः पारिषद्याः परः शतम् ।\nविघ्नं निघ्नन्ति सततं विष्वक्सेनं तमाश्रये ॥","rom":"Yasya dviradavaktraadyaah paarishadyaah parah shatam |\nVighnam nighnanti satatam vishvaksenam tamaashraye ||"},{"kind":"prose","dev":"व्यासं वसिष्ठ नप्तारं शक्तेः पौत्रमकल्मषम् ।\nपराशरात्मजं वन्दे शुकतातं तपोनिधिम् ॥","rom":"Vyaasam vasishtha naptaaram shakteh pautramakalmasham |\nParaasharaatmajam vande shukataatam taponidhim ||"},{"kind":"prose","dev":"व्यासाय विष्णु रूपाय व्यासरूपाय विष्णवे ।\nनमो वै ब्रह्मनिधये वासिष्ठाय नमो नमः ॥","rom":"Vyaasaaya vishnu roopaaya vyaasaroopaaya vishnave |\nNamo vai brahmanidhaye vaasishthaaya namo namah ||"},{"kind":"prose","dev":"अविकाराय शुद्धाय नित्याय परमात्मने ।\nसदैक रूप रूपाय विष्णवे सर्वजिष्णवे ॥","rom":"Avikaaraaya shuddhaaya nityaaya paramaatmane |\nSadaika roopa roopaaya vishnave sarvajishnave ||"},{"kind":"prose","dev":"यस्य स्मरणमात्रेण जन्मसंसारबन्धनात् ।\nविमुच्यते नमस्तस्मै विष्णवे प्रभविष्णवे ॥","rom":"Yasya smaranamaatrena janmasansaarabandhanaat |\nVimuchyate namastasmai vishnave prabhavishnave ||"},{"kind":"prose","dev":"ॐ नमो विष्णवे प्रभविष्णवे ।\nश्री वैशम्पायन उवाच\nश्रुत्वा धर्मानशेषेण पावनानि च सर्वशः ।\nयुधिष्ठिरः शान्तनवं पुनरेवाभ्यभाषत ॥","rom":"Om namo vishnave prabhavishnave |\nShree vaishampaayana uvaacha\nShrutvaa dharmaanasheshena paavanaani cha sarvashah |\nYudhishthirah shaantanavam punarevaabhyabhaashata ||"},{"kind":"prose","dev":"युधिष्ठिर उवाच\nकिमेकं दैवतं लोके किं वाऽप्येकं परायणं\nस्तुवन्तः कं कमर्चन्तः प्राप्नुयुर्मानवाः शुभम् ॥","rom":"Yudhishthira uvaacha\nKimekam daivatam loke kim vaa'pyekam paraayanam\nStuvantah kam kamarchantah praapnuyurmaanavaah shubham ||"},{"kind":"prose","dev":"को धर्मः सर्वधर्माणां भवतः परमो मतः ।\nकिं जपन्मुच्यते जन्तुर्जन्मसंसार बन्धनात् ॥","rom":"Ko dharmah sarvadharmaanaam bhavatah paramo matah |\nKim japanmuchyate janturjanmasansaara bandhanaat ||"},{"kind":"prose","dev":"श्री भीष्म उवाच\nजगत्प्रभुं देवदेवमनन्तं पुरुषोत्तमम् ।\nस्तुवन्नाम सहस्रेण पुरुषः सततोत्थितः ॥","rom":"Shree bheeshma uvaacha\nJagatprabhum devadevamanantam purushottamam |\nStuvannaama sahasrena purushah satatotthitah ||"},{"kind":"prose","dev":"तमेव चार्चयन्नित्यं भक्त्या पुरुषमव्ययम् ।\nध्यायन् स्तुवन्नमस्यंश्च यजमानस्तमेव च ॥","rom":"Tameva chaarchayannityam bhaktyaa purushamavyayam |\nDhyaayan stuvannamasyanshcha yajamaanastameva cha ||"},{"kind":"prose","dev":"अनादि निधनं विष्णुं सर्वलोक महेश्वरम् ।\nलोकाध्यक्षं स्तुवन्नित्यं सर्व दुःखातिगो भवेत् ॥","rom":"Anaadi nidhanam vishnum sarvaloka maheshvaram |\nLokaadhyaksham stuvannityam sarva duhkhaatigo bhavet ||"},{"kind":"prose","dev":"ब्रह्मण्यं सर्व धर्मज्ञं लोकानां कीर्ति वर्धनम् ।\nलोकनाथं महद्भूतं सर्वभूत भवोद्भवम् ॥","rom":"Brahmanyam sarva dharmajnam lokaanaam keerti vardhanam |\nLokanaatham mahadbhootam sarvabhoota bhavodbhavam ||"},{"kind":"prose","dev":"एष मे सर्व धर्माणां धर्मोऽधिकतमो मतः ।\nयद्भक्त्या पुण्डरीकाक्षं स्तवैरर्चेन्नरः सदा ॥","rom":"Esha me sarva dharmaanaam dharmo'dhikatamo matah |\nYadbhaktyaa pundareekaaksham stavairarchennarah sadaa ||"},{"kind":"prose","dev":"परमं यो महत्तेजः परमं यो महत्तपः ।\nपरमं यो महद्ब्रह्म परमं यः परायणम् ॥","rom":"Paramam yo mahattejah paramam yo mahattapah |\nParamam yo mahadbrahma paramam yah paraayanam ||"},{"kind":"prose","dev":"पवित्राणां पवित्रं यो मङ्गलानां च मङ्गलम् ।\nदैवतं देवतानां च भूतानां योऽव्ययः पिता ॥","rom":"Pavitraanaam pavitram yo mangalaanaam cha mangalam |\nDaivatam devataanaam cha bhootaanaam yo'vyayah pitaa ||"},{"kind":"prose","dev":"यतः सर्वाणि भूतानि भवन्त्यादि युगागमे ।\nयस्मिंश्च प्रलयं यान्ति पुनरेव युगक्षये ॥","rom":"Yatah sarvaani bhootaani bhavantyaadi yugaagame |\nYasminshcha pralayam yaanti punareva yugakshaye ||"},{"kind":"prose","dev":"तस्य लोक प्रधानस्य जगन्नाथस्य भूपते ।\nविष्णोर्नाम सहस्रं मे शृणु पाप भयापहम् ॥","rom":"Tasya loka pradhaanasya jagannaathasya bhoopate |\nVishnornaama sahasram me shrunu paapa bhayaapaham ||"},{"kind":"prose","dev":"यानि नामानि गौणानि विख्यातानि महात्मनः ।\nऋषिभिः परिगीतानि तानि वक्ष्यामि भूतये ॥","rom":"Yaani naamaani gaunaani vikhyaataani mahaatmanah |\nRushibhih parigeetaani taani vakshyaami bhootaye ||"},{"kind":"prose","dev":"ऋषिर्नाम्नां सहस्रस्य वेदव्यासो महामुनिः ।\nछन्दोऽनुष्टुप् तथा देवो भगवान् देवकीसुतः ॥","rom":"Rushirnaamnaam sahasrasya vedavyaaso mahaamunih |\nChhando'nushtup tathaa devo bhagavaan devakeesutah ||"},{"kind":"prose","dev":"अमृतांशूद्भवो बीजं शक्तिर्देवकिनन्दनः ।\nत्रिसामा हृदयं तस्य शान्त्यर्थे विनियुज्यते ॥","rom":"Amrutaanshoodbhavo beejam shaktirdevakinandanah |\nTrisaamaa hrudayam tasya shaantyarthe viniyujyate ||"},{"kind":"prose","dev":"विष्णुं जिष्णुं महाविष्णुं प्रभविष्णुं महेश्वरम् ।\nअनेकरूप दैत्यान्तं नमामि पुरुषोत्तमम् ॥","rom":"Vishnum jishnum mahaavishnum prabhavishnum maheshvaram |\nAnekaroopa daityaantam namaami purushottamam ||"},{"kind":"prose","dev":"अस्य श्री विष्णोर्दिव्य सहस्रनाम स्तोत्र महामन्त्रस्य ॥\nश्री वेदव्यासो भगवान् ऋषिः ।\nअनुष्टुप् छन्दः ।\nश्रीमहाविष्णुः परमात्मा श्रीमन्नारायणो देवता ।\nअमृतांशूद्भवो भानुरिति बीजम् ।\nदेवकीनन्दनः स्रष्टेति शक्तिः ।\nउद्भवः, क्षोभणो देव इति परमो मन्त्रः ।\nशङ्खभृन्नन्दकी चक्रीति कीलकम् ।\nशार्ङ्गधन्वा गदाधर इत्यस्त्रम् ।\nरथाङ्गपाणिरक्षोभ्य इति नेत्रम् ।\nत्रिसामा सामगः सामेति कवचम् ।\nआनन्दं परब्रह्मेति योनिः ।\nऋतुस्सुदर्शनः काल इति दिग्बन्धः॥\nश्रीविश्वरूप इति ध्यानम् ।\nश्री महाविष्णु प्रीत्यर्थे सहस्रनाम जपे विनियोगः ।","rom":"Asya shree vishnordivya sahasranaama stotra mahaamantrasya ||\nShree vedavyaaso bhagavaan rushih |\nAnushtup chhandah |\nShreemahaavishnuh paramaatmaa shreemannaaraayano devataa |\nAmrutaanshoodbhavo bhaanuriti beejam |\nDevakeenandanah srashteti shaktih |\nUdbhavah, kshobhano deva iti paramo mantrah |\nShankhabhrunnandakee chakreeti keelakam |\nShaarngadhanvaa gadaadhara ityastram |\nRathaangapaanirakshobhya iti netram |\nTrisaamaa saamagah saameti kavacham |\nAanandam parabrahmeti yonih |\nRutussudarshanah kaala iti digbandhah||\nShreevishvaroopa iti dhyaanam |\nShree mahaavishnu preetyarthe sahasranaama jape viniyogah |"},{"kind":"heading","dev":"॥ ध्यानम् ॥","rom":"|| Dhyaanam ||"},{"kind":"prose","dev":"क्षीरोदन्वत्प्रदेशे शुचिमणिविलसत्सैकतेमौक्तिकानां\nमालाकॢप्तासनस्थः स्फटिकमणिनिभैर्मौक्तिकैर्मण्डिताङ्गः ।\nशुभ्रैरभ्रैरदभ्रैरुपरिविरचितैर्मुक्त पीयूष वर्षै-\nरानन्दी नः पुनीयादरिनलिनगदा शङ्खपाणिर्मुकुन्दः ॥","rom":"Ksheerodanvatpradeshe shuchimanivilasatsaikatemauktikaanaam\nMaalaaklruptaasanasthah sphatikamaninibhairmauktikairmanditaangah |\nShubhrairabhrairadabhrairuparivirachitairmukta peeyoosha varshai-\nRaanandee nah puneeyaadarinalinagadaa shankhapaanirmukundah ||"},{"kind":"prose","dev":"भूः पादौ यस्य नाभिर्वियदसुरनिलश्चन्द्रसूर्यौ च नेत्रे\nकर्णावाशाः शिरोद्यौर्मुखमपि दहनो यस्य वास्तेयमब्धिः ।\nअन्तःस्थं यस्य विश्वं सुर नरखगगोभोगि गन्धर्वदैत्यैः\nचित्रं रंरम्यते तं त्रिभुवन वपुषं विष्णुमीशं नमामि ॥","rom":"Bhooh paadau yasya naabhirviyadasuranilashchandrasooryau cha netre\nKarnaavaashaah shirodyaurmukhamapi dahano yasya vaasteyamabdhih |\nAntahstham yasya vishvam sura narakhagagobhogi gandharvadaityaih\nChitram ranramyate tam tribhuvana vapusham vishnumeesham namaami ||"},{"kind":"prose","dev":"शान्ताकारं भुजगशयनं पद्मनाभं सुरेशं\nविश्वाधारं गगनसदृशं मेघवर्णं शुभाङ्गम् ।\nलक्ष्मीकान्तं कमलनयनं योगिहृद्ध्यानगम्यम्\nवन्दे विष्णुं भवभयहरं सर्वलोकैकनाथम् ॥","rom":"Shaantaakaaram bhujagashayanam padmanaabham suresham\nVishvaadhaaram gaganasadrusham meghavarnam shubhaangam |\nLakshmeekaantam kamalanayanam yogihruddhyaanagamyam\nVande vishnum bhavabhayaharam sarvalokaikanaatham ||"},{"kind":"prose","dev":"मेघश्यामं पीतकौशेयवासं\nश्रीवत्साङ्कं कौस्तुभोद्भासिताङ्गम् ।\nपुण्योपेतं पुण्डरीकायताक्षं\nविष्णुं वन्दे सर्वलोकैकनाथम् ॥","rom":"Meghashyaamam peetakausheyavaasam\nShreevatsaankam kaustubhodbhaasitaangam |\nPunyopetam pundareekaayataaksham\nVishnum vande sarvalokaikanaatham ||"},{"kind":"prose","dev":"नमः समस्तभूतानामादिभूताय भूभृते ।\nअनेकरूपरूपाय विष्णवे प्रभविष्णवे ॥","rom":"Namah samastabhootaanaamaadibhootaaya bhoobhrute |\nAnekarooparoopaaya vishnave prabhavishnave ||"},{"kind":"prose","dev":"सशङ्खचक्रं सकिरीटकुण्डलं\nसपीतवस्त्रं सरसीरुहेक्षणम् ।\nसहार वक्षःस्थल शोभि कौस्तुभं\nनमामि विष्णुं शिरसा चतुर्भुजम् ॥","rom":"Sashankhachakram sakireetakundalam\nSapeetavastram saraseeruhekshanam |\nSahaara vakshahsthala shobhi kaustubham\nNamaami vishnum shirasaa chaturbhujam ||"},{"kind":"prose","dev":"छायायां पारिजातस्य हेमसिंहासनोपरि\nआसीनमम्बुदश्याममायताक्षमलङ्कृतम् ।\nचन्द्राननं चतुर्बाहुं श्रीवत्साङ्कित वक्षसम्\nरुक्मिणी सत्यभामाभ्यां सहितं कृष्णमाश्रये ॥","rom":"Chhaayaayaam paarijaatasya hemasinhaasanopari\nAaseenamambudashyaamamaayataakshamalankrutam |\nChandraananam chaturbaahum shreevatsaankita vakshasam\nRukminee satyabhaamaabhyaam sahitam krushnamaashraye ||"},{"kind":"heading","dev":"॥ हरिः ॐ ॥","rom":"|| Harih Om ||"},{"kind":"verse","n":1,"dev":"विश्वं विष्णुर्वषट्कारो भूतभव्यभवत्प्रभुः ।\nभूतकृद्भूतभृद्भावो भूतात्मा भूतभावनः ॥ १ ॥","rom":"Vishvam vishnurvashatkaaro bhootabhavyabhavatprabhuh |\nBhootakrudbhootabhrudbhaavo bhootaatmaa bhootabhaavanah || 1 ||"},{"kind":"verse","n":2,"dev":"पूतात्मा परमात्मा च मुक्तानां परमागतिः ।\nअव्ययः पुरुषः साक्षी क्षेत्रज्ञोऽक्षर एव च ॥ २ ॥","rom":"Pootaatmaa paramaatmaa cha muktaanaam paramaagatih |\nAvyayah purushah saakshee kshetrajno'kshara eva cha || 2 ||"},{"kind":"verse","n":3,"dev":"योगो योगविदां नेता प्रधानपुरुषेश्वरः ।\nनारसिंहवपुः श्रीमान् केशवः पुरुषोत्तमः ॥ ३ ॥","rom":"Yogo yogavidaam netaa pradhaanapurusheshvarah |\nNaarasinhavapuh shreemaan keshavah purushottamah || 3 ||"},{"kind":"verse","n":4,"dev":"सर्वः शर्वः शिवः स्थाणुर्भूतादिर्निधिरव्ययः ।\nसम्भवो भावनो भर्ता प्रभवः प्रभुरीश्वरः ॥ ४ ॥","rom":"Sarvah sharvah shivah sthaanurbhootaadirnidhiravyayah |\nSambhavo bhaavano bhartaa prabhavah prabhureeshvarah || 4 ||"},{"kind":"verse","n":5,"dev":"स्वयम्भूः शम्भुरादित्यः पुष्कराक्षो महास्वनः ।\nअनादिनिधनो धाता विधाता धातुरुत्तमः ॥ ५ ॥","rom":"Svayambhooh shambhuraadityah pushkaraaksho mahaasvanah |\nAnaadinidhano dhaataa vidhaataa dhaaturuttamah || 5 ||"},{"kind":"verse","n":6,"dev":"अप्रमेयो हृषीकेशः पद्मनाभोऽमरप्रभुः ।\nविश्वकर्मा मनुस्त्वष्टा स्थविष्ठः स्थविरो ध्रुवः ॥ ६ ॥","rom":"Aprameyo hrusheekeshah padmanaabho'maraprabhuh |\nVishvakarmaa manustvashtaa sthavishthah sthaviro dhruvah || 6 ||"},{"kind":"verse","n":7,"dev":"अग्राह्यः शाश्वतः कृष्णो लोहिताक्षः प्रतर्दनः ।\nप्रभूतस्त्रिककुब्धाम पवित्रं मङ्गलं परम् ॥ ७ ॥","rom":"Agraahyah shaashvatah krushno lohitaakshah pratardanah |\nPrabhootastrikakubdhaama pavitram mangalam param || 7 ||"},{"kind":"verse","n":8,"dev":"ईशानः प्राणदः प्राणो ज्येष्ठः श्रेष्ठः प्रजापतिः ।\nहिरण्यगर्भो भूगर्भो माधवो मधुसूदनः ॥ ८ ॥","rom":"Eeshaanah praanadah praano jyeshthah shreshthah prajaapatih |\nHiranyagarbho bhoogarbho maadhavo madhusoodanah || 8 ||"},{"kind":"verse","n":9,"dev":"ईश्वरो विक्रमीधन्वी मेधावी विक्रमः क्रमः ।\nअनुत्तमो दुराधर्षः कृतज्ञः कृतिरात्मवान् ॥ ९ ॥","rom":"Eeshvaro vikrameedhanvee medhaavee vikramah kramah |\nAnuttamo duraadharshah krutajnah krutiraatmavaan || 9 ||"},{"kind":"verse","n":10,"dev":"सुरेशः शरणं शर्म विश्वरेताः प्रजाभवः ।\nअहस्संवत्सरो व्यालः प्रत्ययः सर्वदर्शनः ॥ १० ॥","rom":"Sureshah sharanam sharma vishvaretaah prajaabhavah |\nAhassanvatsaro vyaalah pratyayah sarvadarshanah || 10 ||"},{"kind":"verse","n":11,"dev":"अजस्सर्वेश्वरः सिद्धः सिद्धिः सर्वादिरच्युतः ।\nवृषाकपिरमेयात्मा सर्वयोगविनिस्सृतः ॥ ११ ॥","rom":"Ajassarveshvarah siddhah siddhih sarvaadirachyutah |\nVrushaakapirameyaatmaa sarvayogavinissrutah || 11 ||"},{"kind":"verse","n":12,"dev":"वसुर्वसुमनाः सत्यः समात्मा सम्मितस्समः ।\nअमोघः पुण्डरीकाक्षो वृषकर्मा वृषाकृतिः ॥ १२ ॥","rom":"Vasurvasumanaah satyah samaatmaa sammitassamah |\nAmoghah pundareekaaksho vrushakarmaa vrushaakrutih || 12 ||"},{"kind":"verse","n":13,"dev":"रुद्रो बहुशिरा बभ्रुर्विश्वयोनिः शुचिश्रवाः ।\nअमृतः शाश्वतस्थाणुर्वरारोहो महातपाः ॥ १३ ॥","rom":"Rudro bahushiraa babhrurvishvayonih shuchishravaah |\nAmrutah shaashvatasthaanurvaraaroho mahaatapaah || 13 ||"},{"kind":"verse","n":14,"dev":"सर्वगः सर्वविद्भानुर्विष्वक्सेनो जनार्दनः ।\nवेदो वेदविदव्यङ्गो वेदाङ्गो वेदवित्कविः ॥ १४ ॥","rom":"Sarvagah sarvavidbhaanurvishvakseno janaardanah |\nVedo vedavidavyango vedaango vedavitkavih || 14 ||"},{"kind":"verse","n":15,"dev":"लोकाध्यक्षः सुराध्यक्षो धर्माध्यक्षः कृताकृतः ।\nचतुरात्मा चतुर्व्यूहश्चतुर्दंष्ट्रश्चतुर्भुजः ॥ १५ ॥","rom":"Lokaadhyakshah suraadhyaksho dharmaadhyakshah krutaakrutah |\nChaturaatmaa chaturvyoohashchaturdanshtrashchaturbhujah || 15 ||"},{"kind":"verse","n":16,"dev":"भ्राजिष्णुर्भोजनं भोक्ता सहिष्णुर्जगदादिजः ।\nअनघो विजयो जेता विश्वयोनिः पुनर्वसुः ॥ १६ ॥","rom":"Bhraajishnurbhojanam bhoktaa sahishnurjagadaadijah |\nAnagho vijayo jetaa vishvayonih punarvasuh || 16 ||"},{"kind":"verse","n":17,"dev":"उपेन्द्रो वामनः प्रांशुरमोघः शुचिरूर्जितः ।\nअतीन्द्रः सङ्ग्रहः सर्गो धृतात्मा नियमो यमः ॥ १७ ॥","rom":"Upendro vaamanah praanshuramoghah shuchiroorjitah |\nAteendrah sangrahah sargo dhrutaatmaa niyamo yamah || 17 ||"},{"kind":"verse","n":18,"dev":"वेद्यो वैद्यः सदायोगी वीरहा माधवो मधुः ।\nअतीन्द्रियो महामायो महोत्साहो महाबलः ॥ १८ ॥","rom":"Vedyo vaidyah sadaayogee veerahaa maadhavo madhuh |\nAteendriyo mahaamaayo mahotsaaho mahaabalah || 18 ||"},{"kind":"verse","n":19,"dev":"महाबुद्धिर्महावीर्यो महाशक्तिर्महाद्युतिः ।\nअनिर्देश्यवपुः श्रीमानमेयात्मा महाद्रिधृक् ॥ १९ ॥","rom":"Mahaabuddhirmahaaveeryo mahaashaktirmahaadyutih |\nAnirdeshyavapuh shreemaanameyaatmaa mahaadridhruk || 19 ||"},{"kind":"verse","n":20,"dev":"महेष्वासो महीभर्ता श्रीनिवासः सताङ्गतिः ।\nअनिरुद्धः सुरानन्दो गोविन्दो गोविदां पतिः ॥ २० ॥","rom":"Maheshvaaso maheebhartaa shreenivaasah sataangatih |\nAniruddhah suraanando govindo govidaam patih || 20 ||"},{"kind":"verse","n":21,"dev":"मरीचिर्दमनो हंसः सुपर्णो भुजगोत्तमः ।\nहिरण्यनाभः सुतपाः पद्मनाभः प्रजापतिः ॥ २१ ॥","rom":"Mareechirdamano hansah suparno bhujagottamah |\nHiranyanaabhah sutapaah padmanaabhah prajaapatih || 21 ||"},{"kind":"verse","n":22,"dev":"अमृत्युः सर्वदृक् सिंहः सन्धाता सन्धिमान् स्थिरः ।\nअजो दुर्मर्षणः शास्ता विश्रुतात्मा सुरारिहा ॥ २२ ॥","rom":"Amrutyuh sarvadruk sinhah sandhaataa sandhimaan sthirah |\nAjo durmarshanah shaastaa vishrutaatmaa suraarihaa || 22 ||"},{"kind":"verse","n":23,"dev":"गुरुर्गुरुतमो धाम सत्यः सत्यपराक्रमः ।\nनिमिषोऽनिमिषः स्रग्वी वाचस्पतिरुदारधीः ॥ २३ ॥","rom":"Gururgurutamo dhaama satyah satyaparaakramah |\nNimisho'nimishah sragvee vaachaspatirudaaradheeh || 23 ||"},{"kind":"verse","n":24,"dev":"अग्रणीर्ग्रामणीः श्रीमान् न्यायो नेता समीरणः\nसहस्रमूर्धा विश्वात्मा सहस्राक्षः सहस्रपात् ॥ २४ ॥","rom":"Agraneergraamaneeh shreemaan nyaayo netaa sameeranah\nSahasramoordhaa vishvaatmaa sahasraakshah sahasrapaat || 24 ||"},{"kind":"verse","n":25,"dev":"आवर्तनो निवृत्तात्मा संवृतः सम्प्रमर्दनः ।\nअहः संवर्तको वह्निरनिलो धरणीधरः ॥ २५ ॥","rom":"Aavartano nivruttaatmaa sanvrutah sampramardanah |\nAhah sanvartako vahniranilo dharaneedharah || 25 ||"},{"kind":"verse","n":26,"dev":"सुप्रसादः प्रसन्नात्मा विश्वधृग्विश्वभुग्विभुः ।\nसत्कर्ता सत्कृतः साधुर्जह्नुर्नारायणो नरः ॥ २६ ॥","rom":"Suprasaadah prasannaatmaa vishvadhrugvishvabhugvibhuh |\nSatkartaa satkrutah saadhurjahnurnaaraayano narah || 26 ||"},{"kind":"verse","n":27,"dev":"असङ्ख्येयोऽप्रमेयात्मा विशिष्टः शिष्टकृच्छुचिः ।\nसिद्धार्थः सिद्धसङ्कल्पः सिद्धिदः सिद्धिसाधनः ॥ २७ ॥","rom":"Asankhyeyo'prameyaatmaa vishishtah shishtakruchchhuchih |\nSiddhaarthah siddhasankalpah siddhidah siddhisaadhanah || 27 ||"},{"kind":"verse","n":28,"dev":"वृषाही वृषभो विष्णुर्वृषपर्वा वृषोदरः ।\nवर्धनो वर्धमानश्च विविक्तः श्रुतिसागरः ॥ २८ ॥","rom":"Vrushaahee vrushabho vishnurvrushaparvaa vrushodarah |\nVardhano vardhamaanashcha viviktah shrutisaagarah || 28 ||"},{"kind":"verse","n":29,"dev":"सुभुजो दुर्धरो वाग्मी महेन्द्रो वसुदो वसुः ।\nनैकरूपो बृहद्रूपः शिपिविष्टः प्रकाशनः ॥ २९ ॥","rom":"Subhujo durdharo vaagmee mahendro vasudo vasuh |\nNaikaroopo bruhadroopah shipivishtah prakaashanah || 29 ||"},{"kind":"verse","n":30,"dev":"ओजस्तेजोद्युतिधरः प्रकाशात्मा प्रतापनः ।\nऋद्धः स्पष्टाक्षरो मन्त्रश्चन्द्रांशुर्भास्करद्युतिः ॥ ३० ॥","rom":"Ojastejodyutidharah prakaashaatmaa prataapanah |\nRuddhah spashtaaksharo mantrashchandraanshurbhaaskaradyutih || 30 ||"},{"kind":"verse","n":31,"dev":"अमृतांशूद्भवो भानुः शशबिन्दुः सुरेश्वरः ।\nऔषधं जगतः सेतुः सत्यधर्मपराक्रमः ॥ ३१ ॥","rom":"Amrutaanshoodbhavo bhaanuh shashabinduh sureshvarah |\nAushadham jagatah setuh satyadharmaparaakramah || 31 ||"},{"kind":"verse","n":32,"dev":"भूतभव्यभवन्नाथः पवनः पावनोऽनलः ।\nकामहा कामकृत्कान्तः कामः कामप्रदः प्रभुः ॥ ३२ ॥","rom":"Bhootabhavyabhavannaathah pavanah paavano'nalah |\nKaamahaa kaamakrutkaantah kaamah kaamapradah prabhuh || 32 ||"},{"kind":"verse","n":33,"dev":"युगादिकृद्युगावर्तो नैकमायो महाशनः ।\nअदृश्यो व्यक्तरूपश्च सहस्रजिदनन्तजित् ॥ ३३ ॥","rom":"Yugaadikrudyugaavarto naikamaayo mahaashanah |\nAdrushyo vyaktaroopashcha sahasrajidanantajit || 33 ||"},{"kind":"verse","n":34,"dev":"इष्टोऽविशिष्टः शिष्टेष्टः शिखण्डी नहुषो वृषः ।\nक्रोधहा क्रोधकृत्कर्ता विश्वबाहुर्महीधरः ॥ ३४ ॥","rom":"Ishto'vishishtah shishteshtah shikhandee nahusho vrushah |\nKrodhahaa krodhakrutkartaa vishvabaahurmaheedharah || 34 ||"},{"kind":"verse","n":35,"dev":"अच्युतः प्रथितः प्राणः प्राणदो वासवानुजः ।\nअपान्निधिरधिष्ठानमप्रमत्तः प्रतिष्ठितः ॥ ३५ ॥","rom":"Achyutah prathitah praanah praanado vaasavaanujah |\nApaannidhiradhishthaanamapramattah pratishthitah || 35 ||"},{"kind":"verse","n":36,"dev":"स्कन्दः स्कन्दधरो धुर्यो वरदो वायुवाहनः ।\nवासुदेवो बृहद्भानुरादिदेवः पुरन्दरः ॥ ३६ ॥","rom":"Skandah skandadharo dhuryo varado vaayuvaahanah |\nVaasudevo bruhadbhaanuraadidevah purandarah || 36 ||"},{"kind":"verse","n":37,"dev":"अशोकस्तारणस्तारः शूरः शौरिर्जनेश्वरः ।\nअनुकूलः शतावर्तः पद्मी पद्मनिभेक्षणः ॥ ३७ ॥","rom":"Ashokastaaranastaarah shoorah shaurirjaneshvarah |\nAnukoolah shataavartah padmee padmanibhekshanah || 37 ||"},{"kind":"verse","n":38,"dev":"पद्मनाभोऽरविन्दाक्षः पद्मगर्भः शरीरभृत् ।\nमहर्धिरृद्धो वृद्धात्मा महाक्षो गरुडध्वजः ॥ ३८ ॥","rom":"Padmanaabho'ravindaakshah padmagarbhah shareerabhrut |\nMahardhirruddho vruddhaatmaa mahaaksho garudadhvajah || 38 ||"},{"kind":"verse","n":39,"dev":"अतुलः शरभो भीमः समयज्ञो हविर्हरिः ।\nसर्वलक्षणलक्षण्यो लक्ष्मीवान् समितिञ्जयः ॥ ३९ ॥","rom":"Atulah sharabho bheemah samayajno havirharih |\nSarvalakshanalakshanyo lakshmeevaan samitinjayah || 39 ||"},{"kind":"verse","n":40,"dev":"विक्षरो रोहितो मार्गो हेतुर्दामोदरः सहः ।\nमहीधरो महाभागो वेगवानमिताशनः ॥ ४० ॥","rom":"Viksharo rohito maargo heturdaamodarah sahah |\nMaheedharo mahaabhaago vegavaanamitaashanah || 40 ||"},{"kind":"verse","n":41,"dev":"उद्भवः, क्षोभणो देवः श्रीगर्भः परमेश्वरः ।\nकरणं कारणं कर्ता विकर्ता गहनो गुहः ॥ ४१ ॥","rom":"Udbhavah, kshobhano devah shreegarbhah parameshvarah |\nKaranam kaaranam kartaa vikartaa gahano guhah || 41 ||"},{"kind":"verse","n":42,"dev":"व्यवसायो व्यवस्थानः संस्थानः स्थानदो ध्रुवः ।\nपरर्धिः परमस्पष्टस्तुष्टः पुष्टः शुभेक्षणः ॥ ४२ ॥","rom":"Vyavasaayo vyavasthaanah sansthaanah sthaanado dhruvah |\nParardhih paramaspashtastushtah pushtah shubhekshanah || 42 ||"},{"kind":"verse","n":43,"dev":"रामो विरामो विरजो मार्गो नेयो नयोऽनयः ।\nवीरः शक्तिमतां श्रेष्ठो धर्मो धर्मविदुत्तमः ॥ ४३ ॥","rom":"Raamo viraamo virajo maargo neyo nayo'nayah |\nVeerah shaktimataam shreshtho dharmo dharmaviduttamah || 43 ||"},{"kind":"verse","n":44,"dev":"वैकुण्ठः पुरुषः प्राणः प्राणदः प्रणवः पृथुः ।\nहिरण्यगर्भः शत्रुघ्नो व्याप्तो वायुरधोक्षजः ॥ ४४ ॥","rom":"Vaikunthah purushah praanah praanadah pranavah pruthuh |\nHiranyagarbhah shatrughno vyaapto vaayuradhokshajah || 44 ||"},{"kind":"verse","n":45,"dev":"ऋतुः सुदर्शनः कालः परमेष्ठी परिग्रहः ।\nउग्रः संवत्सरो दक्षो विश्रामो विश्वदक्षिणः ॥ ४५ ॥","rom":"Rutuh sudarshanah kaalah parameshthee parigrahah |\nUgrah sanvatsaro daksho vishraamo vishvadakshinah || 45 ||"},{"kind":"verse","n":46,"dev":"विस्तारः स्थावरस्थाणुः प्रमाणं बीजमव्ययम् ।\nअर्थोऽनर्थो महाकोशो महाभोगो महाधनः ॥ ४६ ॥","rom":"Vistaarah sthaavarasthaanuh pramaanam beejamavyayam |\nArtho'nartho mahaakosho mahaabhogo mahaadhanah || 46 ||"},{"kind":"verse","n":47,"dev":"अनिर्विण्णः स्थविष्ठोऽभूर्धर्मयूपो महामखः ।\nनक्षत्रनेमिर्नक्षत्री क्षमः, क्षामः समीहनः ॥ ४७ ॥","rom":"Anirvinnah sthavishtho'bhoordharmayoopo mahaamakhah |\nNakshatranemirnakshatree kshamah, kshaamah sameehanah || 47 ||"},{"kind":"verse","n":48,"dev":"यज्ञ इज्यो महेज्यश्च क्रतुः सत्रं सताङ्गतिः ।\nसर्वदर्शी विमुक्तात्मा सर्वज्ञो ज्ञानमुत्तमम् ॥ ४८ ॥","rom":"Yajna ijyo mahejyashcha kratuh satram sataangatih |\nSarvadarshee vimuktaatmaa sarvajno jnaanamuttamam || 48 ||"},{"kind":"verse","n":49,"dev":"सुव्रतः सुमुखः सूक्ष्मः सुघोषः सुखदः सुहृत् ।\nमनोहरो जितक्रोधो वीरबाहुर्विदारणः ॥ ४९ ॥","rom":"Suvratah sumukhah sookshmah sughoshah sukhadah suhrut |\nManoharo jitakrodho veerabaahurvidaaranah || 49 ||"},{"kind":"verse","n":50,"dev":"स्वापनः स्ववशो व्यापी नैकात्मा नैककर्मकृत् ।\nवत्सरो वत्सलो वत्सी रत्नगर्भो धनेश्वरः ॥ ५० ॥","rom":"Svaapanah svavasho vyaapee naikaatmaa naikakarmakrut |\nVatsaro vatsalo vatsee ratnagarbho dhaneshvarah || 50 ||"},{"kind":"verse","n":51,"dev":"धर्मगुब्धर्मकृद्धर्मी सदसत्क्षरमक्षरम्॥\nअविज्ञाता सहस्रांशुर्विधाता कृतलक्षणः ॥ ५१ ॥","rom":"Dharmagubdharmakruddharmee sadasatksharamaksharam||\nAvijnaataa sahasraanshurvidhaataa krutalakshanah || 51 ||"},{"kind":"verse","n":52,"dev":"गभस्तिनेमिः सत्त्वस्थः सिंहो भूतमहेश्वरः ।\nआदिदेवो महादेवो देवेशो देवभृद्गुरुः ॥ ५२ ॥","rom":"Gabhastinemih sattvasthah sinho bhootamaheshvarah |\nAadidevo mahaadevo devesho devabhrudguruh || 52 ||"},{"kind":"verse","n":53,"dev":"उत्तरो गोपतिर्गोप्ता ज्ञानगम्यः पुरातनः ।\nशरीरभूतभृद् भोक्ता कपीन्द्रो भूरिदक्षिणः ॥ ५३ ॥","rom":"Uttaro gopatirgoptaa jnaanagamyah puraatanah |\nShareerabhootabhrud bhoktaa kapeendro bhooridakshinah || 53 ||"},{"kind":"verse","n":54,"dev":"सोमपोऽमृतपः सोमः पुरुजित् पुरुसत्तमः ।\nविनयो जयः सत्यसन्धो दाशार्हः सात्वतां पतिः ॥ ५४ ॥","rom":"Somapo'mrutapah somah purujit purusattamah |\nVinayo jayah satyasandho daashaarhah saatvataam patih || 54 ||"},{"kind":"verse","n":55,"dev":"जीवो विनयिता साक्षी मुकुन्दोऽमितविक्रमः ।\nअम्भोनिधिरनन्तात्मा महोदधिशयोऽन्तकः ॥ ५५ ॥","rom":"Jeevo vinayitaa saakshee mukundo'mitavikramah |\nAmbhonidhiranantaatmaa mahodadhishayo'ntakah || 55 ||"},{"kind":"verse","n":56,"dev":"अजो महार्हः स्वाभाव्यो जितामित्रः प्रमोदनः ।\nआनन्दो नन्दनो नन्दः सत्यधर्मा त्रिविक्रमः ॥ ५६ ॥","rom":"Ajo mahaarhah svaabhaavyo jitaamitrah pramodanah |\nAanando nandano nandah satyadharmaa trivikramah || 56 ||"},{"kind":"verse","n":57,"dev":"महर्षिः कपिलाचार्यः कृतज्ञो मेदिनीपतिः ।\nत्रिपदस्त्रिदशाध्यक्षो महाशृङ्गः कृतान्तकृत् ॥ ५७ ॥","rom":"Maharshih kapilaachaaryah krutajno medineepatih |\nTripadastridashaadhyaksho mahaashrungah krutaantakrut || 57 ||"},{"kind":"verse","n":58,"dev":"महावराहो गोविन्दः सुषेणः कनकाङ्गदी ।\nगुह्यो गभीरो गहनो गुप्तश्चक्रगदाधरः ॥ ५८ ॥","rom":"Mahaavaraaho govindah sushenah kanakaangadee |\nGuhyo gabheero gahano guptashchakragadaadharah || 58 ||"},{"kind":"verse","n":59,"dev":"वेधाः स्वाङ्गोऽजितः कृष्णो दृढः सङ्कर्षणोऽच्युतः ।\nवरुणो वारुणो वृक्षः पुष्कराक्षो महामनाः ॥ ५९ ॥","rom":"Vedhaah svaango'jitah krushno drudhah sankarshano'chyutah |\nVaruno vaaruno vrukshah pushkaraaksho mahaamanaah || 59 ||"},{"kind":"verse","n":60,"dev":"भगवान् भगहाऽऽनन्दी वनमाली हलायुधः ।\nआदित्यो ज्योतिरादित्यः सहिष्णुर्गतिसत्तमः ॥ ६० ॥","rom":"Bhagavaan bhagahaa''nandee vanamaalee halaayudhah |\nAadityo jyotiraadityah sahishnurgatisattamah || 60 ||"},{"kind":"verse","n":61,"dev":"सुधन्वा खण्डपरशुर्दारुणो द्रविणप्रदः ।\nदिवःस्पृक् सर्वदृग्व्यासो वाचस्पतिरयोनिजः ॥ ६१ ॥","rom":"Sudhanvaa khandaparashurdaaruno dravinapradah |\nDivahspruk sarvadrugvyaaso vaachaspatirayonijah || 61 ||"},{"kind":"verse","n":62,"dev":"त्रिसामा सामगः साम निर्वाणं भेषजं भिषक् ।\nसंन्यासकृच्छमः शान्तो निष्ठा शान्तिः परायणम् ॥ ६२ ॥","rom":"Trisaamaa saamagah saama nirvaanam bheshajam bhishak |\nSannyaasakruchchhamah shaanto nishthaa shaantih paraayanam || 62 ||"},{"kind":"verse","n":63,"dev":"शुभाङ्गः शान्तिदः स्रष्टा कुमुदः कुवलेशयः ।\nगोहितो गोपतिर्गोप्ता वृषभाक्षो वृषप्रियः ॥ ६३ ॥","rom":"Shubhaangah shaantidah srashtaa kumudah kuvaleshayah |\nGohito gopatirgoptaa vrushabhaaksho vrushapriyah || 63 ||"},{"kind":"verse","n":64,"dev":"अनिवर्ती निवृत्तात्मा सङ्क्षेप्ता क्षेमकृच्छिवः ।\nश्रीवत्सवक्षाः श्रीवासः श्रीपतिः श्रीमतांवरः ॥ ६४ ॥","rom":"Anivartee nivruttaatmaa sanksheptaa kshemakruchchhivah |\nShreevatsavakshaah shreevaasah shreepatih shreemataanvarah || 64 ||"},{"kind":"verse","n":65,"dev":"श्रीदः श्रीशः श्रीनिवासः श्रीनिधिः श्रीविभावनः ।\nश्रीधरः श्रीकरः श्रेयः श्रीमाँल्लोकत्रयाश्रयः ॥ ६५ ॥","rom":"Shreedah shreeshah shreenivaasah shreenidhih shreevibhaavanah |\nShreedharah shreekarah shreyah shreemaanllokatrayaashrayah || 65 ||"},{"kind":"verse","n":66,"dev":"स्वक्षः स्वङ्गः शतानन्दो नन्दिर्ज्योतिर्गणेश्वरः ।\nविजितात्माऽविधेयात्मा सत्कीर्तिश्छिन्नसंशयः ॥ ६६ ॥","rom":"Svakshah svangah shataanando nandirjyotirganeshvarah |\nVijitaatmaa'vidheyaatmaa satkeertishchhinnasanshayah || 66 ||"},{"kind":"verse","n":67,"dev":"उदीर्णः सर्वतश्चक्षुरनीशः शाश्वतस्थिरः ।\nभूशयो भूषणो भूतिर्विशोकः शोकनाशनः ॥ ६७ ॥","rom":"Udeernah sarvatashchakshuraneeshah shaashvatasthirah |\nBhooshayo bhooshano bhootirvishokah shokanaashanah || 67 ||"},{"kind":"verse","n":68,"dev":"अर्चिष्मानर्चितः कुम्भो विशुद्धात्मा विशोधनः ।\nअनिरुद्धोऽप्रतिरथः प्रद्युम्नोऽमितविक्रमः ॥ ६८ ॥","rom":"Archishmaanarchitah kumbho vishuddhaatmaa vishodhanah |\nAniruddho'pratirathah pradyumno'mitavikramah || 68 ||"},{"kind":"verse","n":69,"dev":"कालनेमिनिहा वीरः शौरिः शूरजनेश्वरः ।\nत्रिलोकात्मा त्रिलोकेशः केशवः केशिहा हरिः ॥ ६९ ॥","rom":"Kaalaneminihaa veerah shaurih shoorajaneshvarah |\nTrilokaatmaa trilokeshah keshavah keshihaa harih || 69 ||"},{"kind":"verse","n":70,"dev":"कामदेवः कामपालः कामी कान्तः कृतागमः ।\nअनिर्देश्यवपुर्विष्णुर्वीरोऽनन्तो धनञ्जयः ॥ ७० ॥","rom":"Kaamadevah kaamapaalah kaamee kaantah krutaagamah |\nAnirdeshyavapurvishnurveero'nanto dhananjayah || 70 ||"},{"kind":"verse","n":71,"dev":"ब्रह्मण्यो ब्रह्मकृद् ब्रह्मा ब्रह्म ब्रह्मविवर्धनः ।\nब्रह्मविद् ब्राह्मणो ब्रह्मी ब्रह्मज्ञो ब्राह्मणप्रियः ॥ ७१ ॥","rom":"Brahmanyo brahmakrud brahmaa brahma brahmavivardhanah |\nBrahmavid braahmano brahmee brahmajno braahmanapriyah || 71 ||"},{"kind":"verse","n":72,"dev":"महाक्रमो महाकर्मा महातेजा महोरगः ।\nमहाक्रतुर्महायज्वा महायज्ञो महाहविः ॥ ७२ ॥","rom":"Mahaakramo mahaakarmaa mahaatejaa mahoragah |\nMahaakraturmahaayajvaa mahaayajno mahaahavih || 72 ||"},{"kind":"verse","n":73,"dev":"स्तव्यः स्तवप्रियः स्तोत्रं स्तुतिः स्तोता रणप्रियः ।\nपूर्णः पूरयिता पुण्यः पुण्यकीर्तिरनामयः ॥ ७३ ॥","rom":"Stavyah stavapriyah stotram stutih stotaa ranapriyah |\nPoornah poorayitaa punyah punyakeertiranaamayah || 73 ||"},{"kind":"verse","n":74,"dev":"मनोजवस्तीर्थकरो वसुरेता वसुप्रदः ।\nवसुप्रदो वासुदेवो वसुर्वसुमना हविः ॥ ७४ ॥","rom":"Manojavasteerthakaro vasuretaa vasupradah |\nVasuprado vaasudevo vasurvasumanaa havih || 74 ||"},{"kind":"verse","n":75,"dev":"सद्गतिः सत्कृतिः सत्ता सद्भूतिः सत्परायणः ।\nशूरसेनो यदुश्रेष्ठः सन्निवासः सुयामुनः ॥ ७५ ॥","rom":"Sadgatih satkrutih sattaa sadbhootih satparaayanah |\nShooraseno yadushreshthah sannivaasah suyaamunah || 75 ||"},{"kind":"verse","n":76,"dev":"भूतावासो वासुदेवः सर्वासुनिलयोऽनलः ।\nदर्पहा दर्पदो दृप्तो दुर्धरोऽथापराजितः ॥ ७६ ॥","rom":"Bhootaavaaso vaasudevah sarvaasunilayo'nalah |\nDarpahaa darpado drupto durdharo'thaaparaajitah || 76 ||"},{"kind":"verse","n":77,"dev":"विश्वमूर्तिर्महामूर्तिर्दीप्तमूर्तिरमूर्तिमान् ।\nअनेकमूर्तिरव्यक्तः शतमूर्तिः शताननः ॥ ७७ ॥","rom":"Vishvamoortirmahaamoortirdeeptamoortiramoortimaan |\nAnekamoortiravyaktah shatamoortih shataananah || 77 ||"},{"kind":"verse","n":78,"dev":"एको नैकः सवः कः किं यत्तत् पदमनुत्तमम् ।\nलोकबन्धुर्लोकनाथो माधवो भक्तवत्सलः ॥ ७८ ॥","rom":"Eko naikah savah kah kim yattat padamanuttamam |\nLokabandhurlokanaatho maadhavo bhaktavatsalah || 78 ||"},{"kind":"verse","n":79,"dev":"सुवर्णवर्णो हेमाङ्गो वराङ्गश्चन्दनाङ्गदी ।\nवीरहा विषमः शून्यो घृताशीरचलश्चलः ॥ ७९ ॥","rom":"Suvarnavarno hemaango varaangashchandanaangadee |\nVeerahaa vishamah shoonyo ghrutaasheerachalashchalah || 79 ||"},{"kind":"verse","n":80,"dev":"अमानी मानदो मान्यो लोकस्वामी त्रिलोकधृक् ।\nसुमेधा मेधजो धन्यः सत्यमेधा धराधरः ॥ ८० ॥","rom":"Amaanee maanado maanyo lokasvaamee trilokadhruk |\nSumedhaa medhajo dhanyah satyamedhaa dharaadharah || 80 ||"},{"kind":"verse","n":81,"dev":"तेजोवृषो द्युतिधरः सर्वशस्त्रभृतांवरः ।\nप्रग्रहो निग्रहो व्यग्रो नैकशृङ्गो गदाग्रजः ॥ ८१ ॥","rom":"Tejovrusho dyutidharah sarvashastrabhrutaanvarah |\nPragraho nigraho vyagro naikashrungo gadaagrajah || 81 ||"},{"kind":"verse","n":82,"dev":"चतुर्मूर्तिश्चतुर्बाहुश्चतुर्व्यूहश्चतुर्गतिः ।\nचतुरात्मा चतुर्भावश्चतुर्वेदविदेकपात् ॥ ८२ ॥","rom":"Chaturmoortishchaturbaahushchaturvyoohashchaturgatih |\nChaturaatmaa chaturbhaavashchaturvedavidekapaat || 82 ||"},{"kind":"verse","n":83,"dev":"समावर्तोऽनिवृत्तात्मा दुर्जयो दुरतिक्रमः ।\nदुर्लभो दुर्गमो दुर्गो दुरावासो दुरारिहा ॥ ८३ ॥","rom":"Samaavarto'nivruttaatmaa durjayo duratikramah |\nDurlabho durgamo durgo duraavaaso duraarihaa || 83 ||"},{"kind":"verse","n":84,"dev":"शुभाङ्गो लोकसारङ्गः सुतन्तुस्तन्तुवर्धनः ।\nइन्द्रकर्मा महाकर्मा कृतकर्मा कृतागमः ॥ ८४ ॥","rom":"Shubhaango lokasaarangah sutantustantuvardhanah |\nIndrakarmaa mahaakarmaa krutakarmaa krutaagamah || 84 ||"},{"kind":"verse","n":85,"dev":"उद्भवः सुन्दरः सुन्दो रत्ननाभः सुलोचनः ।\nअर्को वाजसनः शृङ्गी जयन्तः सर्वविज्जयी ॥ ८५ ॥","rom":"Udbhavah sundarah sundo ratnanaabhah sulochanah |\nArko vaajasanah shrungee jayantah sarvavijjayee || 85 ||"},{"kind":"verse","n":86,"dev":"सुवर्णबिन्दुरक्षोभ्यः सर्ववागीश्वरेश्वरः ।\nमहाह्रदो महागर्तो महाभूतो महानिधिः ॥ ८६ ॥","rom":"Suvarnabindurakshobhyah sarvavaageeshvareshvarah |\nMahaahrado mahaagarto mahaabhooto mahaanidhih || 86 ||"},{"kind":"verse","n":87,"dev":"कुमुदः कुन्दरः कुन्दः पर्जन्यः पावनोऽनिलः ।\nअमृताशोऽमृतवपुः सर्वज्ञः सर्वतोमुखः ॥ ८७ ॥","rom":"Kumudah kundarah kundah parjanyah paavano'nilah |\nAmrutaasho'mrutavapuh sarvajnah sarvatomukhah || 87 ||"},{"kind":"verse","n":88,"dev":"सुलभः सुव्रतः सिद्धः शत्रुजिच्छत्रुतापनः ।\nन्यग्रोधोऽदुम्बरोऽश्वत्थश्चाणूरान्ध्रनिषूदनः ॥ ८८ ॥","rom":"Sulabhah suvratah siddhah shatrujichchhatrutaapanah |\nNyagrodho'dumbaro'shvatthashchaanooraandhranishoodanah || 88 ||"},{"kind":"verse","n":89,"dev":"सहस्रार्चिः सप्तजिह्वः सप्तैधाः सप्तवाहनः ।\nअमूर्तिरनघोऽचिन्त्यो भयकृद्भयनाशनः ॥ ८९ ॥","rom":"Sahasraarchih saptajihvah saptaidhaah saptavaahanah |\nAmoortiranagho'chintyo bhayakrudbhayanaashanah || 89 ||"},{"kind":"verse","n":90,"dev":"अणुर्बृहत्कृशः स्थूलो गुणभृन्निर्गुणो महान् ।\nअधृतः स्वधृतः स्वास्यः प्राग्वंशो वंशवर्धनः ॥ ९० ॥","rom":"Anurbruhatkrushah sthoolo gunabhrunnirguno mahaan |\nAdhrutah svadhrutah svaasyah praagvansho vanshavardhanah || 90 ||"},{"kind":"verse","n":91,"dev":"भारभृत् कथितो योगी योगीशः सर्वकामदः ।\nआश्रमः श्रमणः, क्षामः सुपर्णो वायुवाहनः ॥ ९१ ॥","rom":"Bhaarabhrut kathito yogee yogeeshah sarvakaamadah |\nAashramah shramanah, kshaamah suparno vaayuvaahanah || 91 ||"},{"kind":"verse","n":92,"dev":"धनुर्धरो धनुर्वेदो दण्डो दमयिता दमः ।\nअपराजितः सर्वसहो नियन्ताऽनियमोऽयमः ॥ ९२ ॥","rom":"Dhanurdharo dhanurvedo dando damayitaa damah |\nAparaajitah sarvasaho niyantaa'niyamo'yamah || 92 ||"},{"kind":"verse","n":93,"dev":"सत्त्ववान् सात्त्विकः सत्यः सत्यधर्मपरायणः ।\nअभिप्रायः प्रियार्होऽर्हः प्रियकृत् प्रीतिवर्धनः ॥ ९३ ॥","rom":"Sattvavaan saattvikah satyah satyadharmaparaayanah |\nAbhipraayah priyaarho'rhah priyakrut preetivardhanah || 93 ||"},{"kind":"verse","n":94,"dev":"विहायसगतिर्ज्योतिः सुरुचिर्हुतभुग्विभुः ।\nरविर्विरोचनः सूर्यः सविता रविलोचनः ॥ ९४ ॥","rom":"Vihaayasagatirjyotih suruchirhutabhugvibhuh |\nRavirvirochanah sooryah savitaa ravilochanah || 94 ||"},{"kind":"verse","n":95,"dev":"अनन्तो हुतभुग्भोक्ता सुखदो नैकजोऽग्रजः ।\nअनिर्विण्णः सदामर्षी लोकाधिष्ठानमद्भुतः ॥ ९५ ॥","rom":"Ananto hutabhugbhoktaa sukhado naikajo'grajah |\nAnirvinnah sadaamarshee lokaadhishthaanamadbhutah || 95 ||"},{"kind":"verse","n":96,"dev":"सनात्सनातनतमः कपिलः कपिरव्ययः ।\nस्वस्तिदः स्वस्तिकृत्स्वस्तिः स्वस्तिभुक् स्वस्तिदक्षिणः ॥ ९६ ॥","rom":"Sanaatsanaatanatamah kapilah kapiravyayah |\nSvastidah svastikrutsvastih svastibhuk svastidakshinah || 96 ||"},{"kind":"verse","n":97,"dev":"अरौद्रः कुण्डली चक्री विक्रम्यूर्जितशासनः ।\nशब्दातिगः शब्दसहः शिशिरः शर्वरीकरः ॥ ९७ ॥","rom":"Araudrah kundalee chakree vikramyoorjitashaasanah |\nShabdaatigah shabdasahah shishirah sharvareekarah || 97 ||"},{"kind":"verse","n":98,"dev":"अक्रूरः पेशलो दक्षो दक्षिणः, क्षमिणांवरः ।\nविद्वत्तमो वीतभयः पुण्यश्रवणकीर्तनः ॥ ९८ ॥","rom":"Akroorah peshalo daksho dakshinah, kshaminaanvarah |\nVidvattamo veetabhayah punyashravanakeertanah || 98 ||"},{"kind":"verse","n":99,"dev":"उत्तारणो दुष्कृतिहा पुण्यो दुःस्वप्ननाशनः ।\nवीरहा रक्षणः सन्तो जीवनः पर्यवस्थितः ॥ ९९ ॥","rom":"Uttaarano dushkrutihaa punyo duhsvapnanaashanah |\nVeerahaa rakshanah santo jeevanah paryavasthitah || 99 ||"},{"kind":"verse","n":100,"dev":"अनन्तरूपोऽनन्तश्रीर्जितमन्युर्भयापहः ।\nचतुरश्रो गभीरात्मा विदिशो व्यादिशो दिशः ॥ १०० ॥","rom":"Anantaroopo'nantashreerjitamanyurbhayaapahah |\nChaturashro gabheeraatmaa vidisho vyaadisho dishah || 100 ||"},{"kind":"verse","n":101,"dev":"अनादिर्भूर्भुवो लक्ष्मीः सुवीरो रुचिराङ्गदः ।\nजननो जनजन्मादिर्भीमो भीमपराक्रमः ॥ १०१ ॥","rom":"Anaadirbhoorbhuvo lakshmeeh suveero ruchiraangadah |\nJanano janajanmaadirbheemo bheemaparaakramah || 101 ||"},{"kind":"verse","n":102,"dev":"आधारनिलयोऽधाता पुष्पहासः प्रजागरः ।\nऊर्ध्वगः सत्पथाचारः प्राणदः प्रणवः पणः ॥ १०२ ॥","rom":"Aadhaaranilayo'dhaataa pushpahaasah prajaagarah |\nOordhvagah satpathaachaarah praanadah pranavah panah || 102 ||"},{"kind":"verse","n":103,"dev":"प्रमाणं प्राणनिलयः प्राणभृत् प्राणजीवनः ।\nतत्त्वं तत्त्वविदेकात्मा जन्ममृत्युजरातिगः ॥ १०३ ॥","rom":"Pramaanam praananilayah praanabhrut praanajeevanah |\nTattvam tattvavidekaatmaa janmamrutyujaraatigah || 103 ||"},{"kind":"verse","n":104,"dev":"भूर्भुवः स्वस्तरुस्तारः सविता प्रपितामहः ।\nयज्ञो यज्ञपतिर्यज्वा यज्ञाङ्गो यज्ञवाहनः ॥ १०४ ॥","rom":"Bhoorbhuvah svastarustaarah savitaa prapitaamahah |\nYajno yajnapatiryajvaa yajnaango yajnavaahanah || 104 ||"},{"kind":"verse","n":105,"dev":"यज्ञभृद् यज्ञकृद् यज्ञी यज्ञभुक् यज्ञसाधनः ।\nयज्ञान्तकृद् यज्ञगुह्यमन्नमन्नाद एव च ॥ १०५ ॥","rom":"Yajnabhrud yajnakrud yajnee yajnabhuk yajnasaadhanah |\nYajnaantakrud yajnaguhyamannamannaada eva cha || 105 ||"},{"kind":"verse","n":106,"dev":"आत्मयोनिः स्वयञ्जातो वैखानः सामगायनः ।\nदेवकीनन्दनः स्रष्टा क्षितीशः पापनाशनः ॥ १०६ ॥","rom":"Aatmayonih svayanjaato vaikhaanah saamagaayanah |\nDevakeenandanah srashtaa kshiteeshah paapanaashanah || 106 ||"},{"kind":"verse","n":107,"dev":"शङ्खभृन्नन्दकी चक्री शार्ङ्गधन्वा गदाधरः ।\nरथाङ्गपाणिरक्षोभ्यः सर्वप्रहरणायुधः ॥ १०७ ॥","rom":"Shankhabhrunnandakee chakree shaarngadhanvaa gadaadharah |\nRathaangapaanirakshobhyah sarvapraharanaayudhah || 107 ||"},{"kind":"verse","n":108,"dev":"श्री सर्वप्रहरणायुध ॐ नम इति ।\nवनमाली गदी शार्ङ्गी शङ्खी चक्री च नन्दकी ।\nश्रीमान्नारायणो विष्णुर्वासुदेवोऽभिरक्षतु ॥ १०८ ॥","rom":"Shree sarvapraharanaayudha Om nama iti |\nVanamaalee gadee shaarngee shankhee chakree cha nandakee |\nShreemaannaaraayano vishnurvaasudevo'bhirakshatu || 108 ||"},{"kind":"heading","dev":"॥ उत्तरपीठिका ॥","rom":"|| Uttarapeethikaa ||"},{"kind":"prose","dev":"श्रीवासुदेवोऽभिरक्षतु ॐ नम इति ।\nइतीदं कीर्तनीयस्य केशवस्य महात्मनः ।\nनाम्नां सहस्रं दिव्यानामशेषेण प्रकीर्तितम् ॥","rom":"Shreevaasudevo'bhirakshatu Om nama iti |\nIteedam keertaneeyasya keshavasya mahaatmanah |\nNaamnaam sahasram divyaanaamasheshena prakeertitam ||"},{"kind":"prose","dev":"य इदं शृणुयान्नित्यं यश्चापि परिकीर्तयेत् ।\nनाशुभं प्राप्नुयात् किञ्चित्सोऽमुत्रेह च मानवः ॥","rom":"Ya idam shrunuyaannityam yashchaapi parikeertayet |\nNaashubham praapnuyaat kinchitso'mutreha cha maanavah ||"},{"kind":"prose","dev":"वेदान्तगो ब्राह्मणः स्यात् क्षत्रियो विजयी भवेत् ।\nवैश्यो धनसमृद्धः स्याच्छूद्रः सुखमवाप्नुयात् ॥","rom":"Vedaantago braahmanah syaat kshatriyo vijayee bhavet |\nVaishyo dhanasamruddhah syaachchhoodrah sukhamavaapnuyaat ||"},{"kind":"prose","dev":"धर्मार्थी प्राप्नुयाद्धर्ममर्थार्थी चार्थमाप्नुयात् ।\nकामानवाप्नुयात् कामी प्रजार्थी चाप्नुयात्प्रजाम् ॥","rom":"Dharmaarthee praapnuyaaddharmamarthaarthee chaarthamaapnuyaat |\nKaamaanavaapnuyaat kaamee prajaarthee chaapnuyaatprajaam ||"},{"kind":"prose","dev":"भक्तिमान् यः सदोत्थाय शुचिस्तद्गतमानसः ।\nसहस्रं वासुदेवस्य नाम्नामेतत् प्रकीर्तयेत् ॥","rom":"Bhaktimaan yah sadotthaaya shuchistadgatamaanasah |\nSahasram vaasudevasya naamnaametat prakeertayet ||"},{"kind":"prose","dev":"यशः प्राप्नोति विपुलं यातिप्राधान्यमेव च ।\nअचलां श्रियमाप्नोति श्रेयः प्राप्नोत्यनुत्तमम् ॥","rom":"Yashah praapnoti vipulam yaatipraadhaanyameva cha |\nAchalaam shriyamaapnoti shreyah praapnotyanuttamam ||"},{"kind":"prose","dev":"न भयं क्वचिदाप्नोति वीर्यं तेजश्च विन्दति ।\nभवत्यरोगो द्युतिमान् बलरूप गुणान्वितः ॥","rom":"Na bhayam kvachidaapnoti veeryam tejashcha vindati |\nBhavatyarogo dyutimaan balaroopa gunaanvitah ||"},{"kind":"prose","dev":"रोगार्तो मुच्यते रोगाद्बद्धो मुच्येत बन्धनात् ।\nभयान्मुच्येत भीतस्तु मुच्येतापन्न आपदः ॥","rom":"Rogaarto muchyate rogaadbaddho muchyeta bandhanaat |\nBhayaanmuchyeta bheetastu muchyetaapanna aapadah ||"},{"kind":"prose","dev":"दुर्गाण्यतितरत्याशु पुरुषः पुरुषोत्तमम् ।\nस्तुवन्नामसहस्रेण नित्यं भक्तिसमन्वितः ॥","rom":"Durgaanyatitaratyaashu purushah purushottamam |\nStuvannaamasahasrena nityam bhaktisamanvitah ||"},{"kind":"prose","dev":"वासुदेवाश्रयो मर्त्यो वासुदेवपरायणः ।\nसर्वपापविशुद्धात्मा याति ब्रह्म सनातनम् ॥","rom":"Vaasudevaashrayo martyo vaasudevaparaayanah |\nSarvapaapavishuddhaatmaa yaati brahma sanaatanam ||"},{"kind":"prose","dev":"न वासुदेव भक्तानामशुभं विद्यते क्वचित् ।\nजन्ममृत्युजराव्याधिभयं नैवोपजायते ॥","rom":"Na vaasudeva bhaktaanaamashubham vidyate kvachit |\nJanmamrutyujaraavyaadhibhayam naivopajaayate ||"},{"kind":"prose","dev":"इमं स्तवमधीयानः श्रद्धाभक्तिसमन्वितः ।\nयुज्येतात्म सुखक्षान्ति श्रीधृति स्मृति कीर्तिभिः ॥","rom":"Imam stavamadheeyaanah shraddhaabhaktisamanvitah |\nYujyetaatma sukhakshaanti shreedhruti smruti keertibhih ||"},{"kind":"prose","dev":"न क्रोधो न च मात्सर्यं न लोभो नाशुभामतिः ।\nभवन्ति कृतपुण्यानां भक्तानां पुरुषोत्तमे ॥","rom":"Na krodho na cha maatsaryam na lobho naashubhaamatih |\nBhavanti krutapunyaanaam bhaktaanaam purushottame ||"},{"kind":"prose","dev":"द्यौः स-चन्द्रार्क नक्षत्रा खं दिशो भूर्महोदधिः ।\nवासुदेवस्य वीर्येण विधृतानि महात्मनः ॥","rom":"Dyauh sa-chandraarka nakshatraa kham disho bhoormahodadhih |\nVaasudevasya veeryena vidhrutaani mahaatmanah ||"},{"kind":"prose","dev":"ससुरासुरगन्धर्वं सयक्षोरगराक्षसम् ।\nजगद्वशे वर्ततेदं कृष्णस्य स चराचरम् ॥","rom":"Sasuraasuragandharvam sayakshoragaraakshasam |\nJagadvashe vartatedam krushnasya sa charaacharam ||"},{"kind":"prose","dev":"इन्द्रियाणि मनोबुद्धिः सत्त्वं तेजो बलं धृतिः ।\nवासुदेवात्मकान्याहुः, क्षेत्रं क्षेत्रज्ञ एव च ॥","rom":"Indriyaani manobuddhih sattvam tejo balam dhrutih |\nVaasudevaatmakaanyaahuh, kshetram kshetrajna eva cha ||"},{"kind":"prose","dev":"सर्वागमानामाचारः प्रथमं परिकल्पते ।\nआचारप्रभवो धर्मो धर्मस्य प्रभुरच्युतः ॥","rom":"Sarvaagamaanaamaachaarah prathamam parikalpate |\nAachaaraprabhavo dharmo dharmasya prabhurachyutah ||"},{"kind":"prose","dev":"ऋषयः पितरो देवा महाभूतानि धातवः ।\nजङ्गमाजङ्गमं चेदं जगन्नारायणोद्भवम् ॥","rom":"Rushayah pitaro devaa mahaabhootaani dhaatavah |\nJangamaajangamam chedam jagannaaraayanodbhavam ||"},{"kind":"prose","dev":"योगोज्ञानं तथा साङ्ख्यं विद्याः शिल्पादिकर्म च ।\nवेदाः शास्त्राणि विज्ञानमेतत्सर्वं जनार्दनात् ॥","rom":"Yogojnaanam tathaa saankhyam vidyaah shilpaadikarma cha |\nVedaah shaastraani vijnaanametatsarvam janaardanaat ||"},{"kind":"prose","dev":"एको विष्णुर्महद्भूतं पृथग्भूतान्यनेकशः ।\nत्रींलोकान्व्याप्य भूतात्मा भुङ्क्ते विश्वभुगव्ययः ॥","rom":"Eko vishnurmahadbhootam pruthagbhootaanyanekashah |\nTreenlokaanvyaapya bhootaatmaa bhunkte vishvabhugavyayah ||"},{"kind":"prose","dev":"इमं स्तवं भगवतो विष्णोर्व्यासेन कीर्तितम् ।\nपठेद्य इच्छेत्पुरुषः श्रेयः प्राप्तुं सुखानि च ॥","rom":"Imam stavam bhagavato vishnorvyaasena keertitam |\nPathedya ichchhetpurushah shreyah praaptum sukhaani cha ||"},{"kind":"prose","dev":"विश्वेश्वरमजं देवं जगतः प्रभुमव्ययम्।\nभजन्ति ये पुष्कराक्षं न ते यान्ति पराभवम् ॥\nन ते यान्ति पराभवं ॐ नम इति ।","rom":"Vishveshvaramajam devam jagatah prabhumavyayam|\nBhajanti ye pushkaraaksham na te yaanti paraabhavam ||\nNa te yaanti paraabhavam Om nama iti |"},{"kind":"prose","dev":"अर्जुन उवाच\nपद्मपत्र विशालाक्ष पद्मनाभ सुरोत्तम ।\nभक्तानामनुरक्तानां त्राता भव जनार्दन ॥","rom":"Arjuna uvaacha\nPadmapatra vishaalaaksha padmanaabha surottama |\nBhaktaanaamanuraktaanaam traataa bhava janaardana ||"},{"kind":"prose","dev":"श्रीभगवानुवाच\nयो मां नामसहस्रेण स्तोतुमिच्छति पाण्डव ।\nसोऽहमेकेन श्लोकेन स्तुत एव न संशयः ॥\nस्तुत एव न संशय ॐ नम इति ।","rom":"Shreebhagavaanuvaacha\nYo maam naamasahasrena stotumichchhati paandava |\nSo'hamekena shlokena stuta eva na sanshayah ||\nStuta eva na sanshaya Om nama iti |"},{"kind":"prose","dev":"व्यास उवाच\nवासनाद्वासुदेवस्य वासितं भुवनत्रयम् ।\nसर्वभूतनिवासोऽसि वासुदेव नमोऽस्तु ते ॥\nश्रीवासुदेव नमोस्तुत ॐ नम इति ।","rom":"Vyaasa uvaacha\nVaasanaadvaasudevasya vaasitam bhuvanatrayam |\nSarvabhootanivaaso'si vaasudeva namo'stu te ||\nShreevaasudeva namostuta Om nama iti |"},{"kind":"prose","dev":"पार्वत्युवाच\nकेनोपायेन लघुना विष्णोर्नामसहस्रकम् ।\nपठ्यते पण्डितैर्नित्यं श्रोतुमिच्छाम्यहं प्रभो ॥","rom":"Paarvatyuvaacha\nKenopaayena laghunaa vishnornaamasahasrakam |\nPathyate panditairnityam shrotumichchhaamyaham prabho ||"},{"kind":"prose","dev":"ईश्वर उवाच\nश्रीराम राम रामेति रमे रामे मनोरमे ।\nसहस्रनाम तत्तुल्यं रामनाम वरानने ॥\nश्रीराम नाम वरानन ॐ नम इति ।","rom":"Eeshvara uvaacha\nShreeraama raama raameti rame raame manorame |\nSahasranaama tattulyam raamanaama varaanane ||\nShreeraama naama varaanana Om nama iti |"},{"kind":"prose","dev":"ब्रह्मोवाच\nनमोऽस्त्वनन्ताय सहस्रमूर्तये सहस्रपादाक्षिशिरोरुबाहवे ।\nसहस्रनाम्ने पुरुषाय शाश्वते सहस्रकोटी युगधारिणे नमः ॥\nसहस्रकोटी युगधारिणे नम ॐ नम इति ।","rom":"Brahmovaacha\nNamo'stvanantaaya sahasramoortaye sahasrapaadaakshishirorubaahave |\nSahasranaamne purushaaya shaashvate sahasrakotee yugadhaarine namah ||\nSahasrakotee yugadhaarine nama Om nama iti |"},{"kind":"prose","dev":"सञ्जय उवाच\nयत्र योगेश्वरः कृष्णो यत्र पार्थो धनुर्धरः ।\nतत्र श्रीर्विजयो भूतिर्ध्रुवा नीतिर्मतिर्मम ॥","rom":"Sanjaya uvaacha\nYatra yogeshvarah krushno yatra paartho dhanurdharah |\nTatra shreervijayo bhootirdhruvaa neetirmatirmama ||"},{"kind":"prose","dev":"श्री भगवान् उवाच\nअनन्याश्चिन्तयन्तो मां ये जनाः पर्युपासते ।\nतेषां नित्याभियुक्तानां योगक्षेमं वहाम्यहम् ॥","rom":"Shree bhagavaan uvaacha\nAnanyaashchintayanto maam ye janaah paryupaasate |\nTeshaam nityaabhiyuktaanaam yogakshemam vahaamyaham ||"},{"kind":"prose","dev":"परित्राणाय साधूनां विनाशाय च दुष्कृताम् ।\nधर्मसंस्थापनार्थाय सम्भवामि युगे युगे ॥","rom":"Paritraanaaya saadhoonaam vinaashaaya cha dushkrutaam |\nDharmasansthaapanaarthaaya sambhavaami yuge yuge ||"},{"kind":"prose","dev":"आर्ता विषण्णाः शिथिलाश्च भीता घोरेषु च व्याधिषु वर्तमानाः ।\nसङ्कीर्त्य नारायणशब्दमात्रं विमुक्तदुःखाः सुखिनो भवन्ति ॥","rom":"Aartaa vishannaah shithilaashcha bheetaa ghoreshu cha vyaadhishu vartamaanaah |\nSankeertya naaraayanashabdamaatram vimuktaduhkhaah sukhino bhavanti ||"},{"kind":"prose","dev":"कायेन वाचा मनसेन्द्रियैर्वा बुद्ध्यात्मना वा प्रकृतेः स्वभावात् ।\nकरोमि यद्यत्सकलं परस्मै नारायणायेति समर्पयामि ॥","rom":"Kaayena vaachaa manasendriyairvaa buddhyaatmanaa vaa prakruteh svabhaavaat |\nKaromi yadyatsakalam parasmai naaraayanaayeti samarpayaami ||"},{"kind":"heading","dev":"इति श्रीमहाभारते शतसहस्रिकायां संहितायां वैयासिक्यां अनुशासनपर्वान्तर्गत अनुशासनिकपर्वणि मोक्षधर्मे भीष्म युधिष्ठिर संवादे श्री विष्णोर्दिव्यसहस्रनामस्तोत्रम् नाम एकोनपञ्चाशदधिकशततमोऽध्यायः ।","rom":"Iti shreemahaabhaarate shatasahasrikaayaam sanhitaayaam vaiyaasikyaam anushaasanaparvaantargata anushaasanikaparvani mokshadharme bheeshma yudhishthira sanvaade shree vishnordivyasahasranaamastotram naama ekonapanchaashadadhikashatatamo'dhyaayah |"}],"verified":false,"url":"https://pocketpothi.com/texts/vishnu-sahasranama","appUrl":"https://pocketpothi.com/read?t=vishnu-sahasranama","shareUrl":"https://pocketpothi.com/p/5g"}