{"id":"venkateshwara-suprabhatam","code":"62","title":{"dev":"श्रीवेङ्कटेश्वरसुप्रभातम्","rom":"Shri Venkateshwara Suprabhatam"},"type":"stotra","typeLabel":"Stotra","language":"sa","languageName":"Sanskrit","deity":["venkateshwara"],"aliases":["Kausalya Supraja Rama","Tirupati Suprabhatam"],"verses":29,"sections":[{"kind":"heading","dev":"अथ श्रीवेङ्कटेशसुप्रभातम् ।","rom":"Atha shreevenkateshasuprabhaatam |"},{"kind":"verse","n":1,"dev":"कौसल्या सुप्रजा राम पूर्वा सन्ध्या प्रवर्तते ।\nउत्तिष्ठ नरशार्दूल कर्तव्यं दैवमाह्निकम् ॥ १ ॥","rom":"Kausalyaa suprajaa raama poorvaa sandhyaa pravartate |\nUttishtha narashaardoola kartavyam daivamaahnikam || 1 ||"},{"kind":"verse","n":2,"dev":"उत्तिष्ठोत्तिष्ठ गोविन्द उत्तिष्ठ गरुडध्वज ।\nउत्तिष्ठ कमलाकान्त त्रैलोक्यं मङ्गलं कुरु ॥ २ ॥","rom":"Uttishthottishtha govinda uttishtha garudadhvaja |\nUttishtha kamalaakaanta trailokyam mangalam kuru || 2 ||"},{"kind":"verse","n":3,"dev":"मातस्समस्तजगतां मधुकैटभारेः\nवक्षोविहारिणि मनोहरदिव्यमूर्ते ।\nश्रीस्वामिनि श्रितजन प्रियदानशीले\nश्रीवेङ्कटेशदयिते तव सुप्रभातम् ॥ ३ ॥","rom":"Maatassamastajagataam madhukaitabhaareh\nVakshovihaarini manoharadivyamoorte |\nShreesvaamini shritajana priyadaanasheele\nShreevenkateshadayite tava suprabhaatam || 3 ||"},{"kind":"verse","n":4,"dev":"तव सुप्रभातमरविन्दलोचने\nभवतु प्रसन्नमुखचन्द्रमण्डले ।\nविधिशङ्करेन्द्रवनिताभिरर्चिते\nवृषशैलनाथदयिते दयानिधे ॥ ४ ॥","rom":"Tava suprabhaatamaravindalochane\nBhavatu prasannamukhachandramandale |\nVidhishankarendravanitaabhirarchite\nVrushashailanaathadayite dayaanidhe || 4 ||"},{"kind":"verse","n":5,"dev":"अत्र्यादि सप्तऋषयस्समुपास्य सन्ध्यां\nआकाशसिन्धुकमलानि मनोहराणि ।\nआदाय पादयुगमर्चयितुं प्रपन्नाः\nशेषाद्रिशेखरविभो तव सुप्रभातम् ॥ ५ ॥","rom":"Atryaadi saptarushayassamupaasya sandhyaam\nAakaashasindhukamalaani manoharaani |\nAadaaya paadayugamarchayitum prapannaah\nSheshaadrishekharavibho tava suprabhaatam || 5 ||"},{"kind":"verse","n":6,"dev":"पञ्चाननाब्जभवषण्मुखवासवाद्याः\nत्रैविक्रमादिचरितं विबुधाः स्तुवन्ति ।\nभाषापतिः पठति वासरशुद्धिमारात्\nशेषाद्रिशेखरविभो तव सुप्रभातम् ॥ ६ ॥","rom":"Panchaananaabjabhavashanmukhavaasavaadyaah\nTraivikramaadicharitam vibudhaah stuvanti |\nBhaashaapatih pathati vaasarashuddhimaaraat\nSheshaadrishekharavibho tava suprabhaatam || 6 ||"},{"kind":"verse","n":7,"dev":"ईषत्प्रफुल्लसरसीरुहनारिकेल-\nपूगद्रुमादि सुमनोहरपालिकानाम् ।\nआवाति मन्दमनिलस्सह दिव्यगन्धैः\nशेषाद्रिशेखरविभो तव सुप्रभातम् ॥ ७ ॥","rom":"Eeshatpraphullasaraseeruhanaarikela-\nPoogadrumaadi sumanoharapaalikaanaam |\nAavaati mandamanilassaha divyagandhaih\nSheshaadrishekharavibho tava suprabhaatam || 7 ||"},{"kind":"verse","n":8,"dev":"उन्मील्य नेत्रयुगमुत्तमपञ्जरस्थाः\nपात्रावशिष्टकदलीफलपायसानि ।\nभुक्त्वा सलीलमथ केलिशुकाः पठन्ति\nशेषाद्रिशेखरविभो तव सुप्रभातम् ॥ ८ ॥","rom":"Unmeelya netrayugamuttamapanjarasthaah\nPaatraavashishtakadaleephalapaayasaani |\nBhuktvaa saleelamatha kelishukaah pathanti\nSheshaadrishekharavibho tava suprabhaatam || 8 ||"},{"kind":"verse","n":9,"dev":"तन्त्रीप्रकर्षमधुरस्वनया विपञ्च्या\nगायत्यनन्तचरितं तव नारदोऽपि ।\nभाषासमग्रमसकृत्करचाररम्यं\nशेषाद्रिशेखरविभो तव सुप्रभातम् ॥ ९ ॥","rom":"Tantreeprakarshamadhurasvanayaa vipanchyaa\nGaayatyanantacharitam tava naarado'pi |\nBhaashaasamagramasakrutkarachaararamyam\nSheshaadrishekharavibho tava suprabhaatam || 9 ||"},{"kind":"verse","n":10,"dev":"भृङ्गावली च मकरन्दरसानुविद्ध-\nझङ्कारगीतनिनदैः सह सेवनाय ।\nनिर्यात्युपान्तसरसीकमलोदरेभ्यः\nशेषाद्रिशेखरविभो तव सुप्रभातम् ॥ १० ॥","rom":"Bhrungaavalee cha makarandarasaanuviddha-\nJhankaarageetaninadaih saha sevanaaya |\nNiryaatyupaantasaraseekamalodarebhyah\nSheshaadrishekharavibho tava suprabhaatam || 10 ||"},{"kind":"verse","n":11,"dev":"योषागणेन वरदध्नि विमथ्यमाने\nघोषालयेषु दधिमन्थनतीव्रघोषाः ।\nरोषात्कलिं विदधते ककुभश्च कुम्भाः\nशेषाद्रिशेखरविभो तव सुप्रभातम् ॥ ११ ॥","rom":"Yoshaaganena varadadhni vimathyamaane\nGhoshaalayeshu dadhimanthanateevraghoshaah |\nRoshaatkalim vidadhate kakubhashcha kumbhaah\nSheshaadrishekharavibho tava suprabhaatam || 11 ||"},{"kind":"verse","n":12,"dev":"पद्मेशमित्रशतपत्रगतालिवर्गाः\nहर्तुं श्रियं कुवलयस्य निजाङ्गलक्ष्म्या ।\nभेरीनिनादमिव बिभ्रति तीव्रनादं\nशेषाद्रिशेखरविभो तव सुप्रभातम् ॥ १२ ॥","rom":"Padmeshamitrashatapatragataalivargaah\nHartum shriyam kuvalayasya nijaangalakshmyaa |\nBhereeninaadamiva bibhrati teevranaadam\nSheshaadrishekharavibho tava suprabhaatam || 12 ||"},{"kind":"verse","n":13,"dev":"श्रीमन्नभीष्टवरदाखिललोकबन्धो\nश्रीश्रीनिवास जगदेकदयैकसिन्धो ।\nश्रीदेवतागृहभुजान्तर दिव्यमूर्ते\nश्रीवेङ्कटाचलपते तव सुप्रभातम् ॥ १३ ॥","rom":"Shreemannabheeshtavaradaakhilalokabandho\nShreeshreenivaasa jagadekadayaikasindho |\nShreedevataagruhabhujaantara divyamoorte\nShreevenkataachalapate tava suprabhaatam || 13 ||"},{"kind":"verse","n":14,"dev":"श्रीस्वामिपुष्करिणिकाऽऽप्लवनिर्मलाङ्गाः\nश्रेयोऽर्थिनो हरविरिञ्चिसनन्दनाद्याः ।\nद्वारे वसन्ति वरवेत्रहतोत्तमाङ्गाः\nश्रीवेङ्कटाचलपते तव सुप्रभातम् ॥ १४ ॥","rom":"Shreesvaamipushkarinikaa''plavanirmalaangaah\nShreyo'rthino haravirinchisanandanaadyaah |\nDvaare vasanti varavetrahatottamaangaah\nShreevenkataachalapate tava suprabhaatam || 14 ||"},{"kind":"verse","n":15,"dev":"श्रीशेषशैलगरुडाचलवेङ्कटाद्रि\nनारायणाद्रिवृषभाद्रिवृषाद्रिमुख्याम् ।\nआख्यां त्वदीयवसतेरनिशं वदन्ति\nश्रीवेङ्कटाचलपते तव सुप्रभातम् ॥ १५ ॥","rom":"Shreesheshashailagarudaachalavenkataadri\nNaaraayanaadrivrushabhaadrivrushaadrimukhyaam |\nAakhyaam tvadeeyavasateranisham vadanti\nShreevenkataachalapate tava suprabhaatam || 15 ||"},{"kind":"verse","n":16,"dev":"सेवापराः शिवसुरेशकृशानुधर्म-\nरक्षोऽम्बुनाथपवमानधनाधिनाथाः ।\nबद्धाञ्जलिप्रविलसन्निजशीर्षदेशाः\nश्रीवेङ्कटाचलपते तव सुप्रभातम् ॥ १६ ॥","rom":"Sevaaparaah shivasureshakrushaanudharma-\nRaksho'mbunaathapavamaanadhanaadhinaathaah |\nBaddhaanjalipravilasannijasheershadeshaah\nShreevenkataachalapate tava suprabhaatam || 16 ||"},{"kind":"verse","n":17,"dev":"धाटीषु ते विहगराजमृगाधिराज-\nनागाधिराजगजराजहयाधिराजाः ।\nस्वस्वाधिकारमहिमाधिकमर्थयन्ते\nश्रीवेङ्कटाचलपते तव सुप्रभातम् ॥ १७ ॥","rom":"Dhaateeshu te vihagaraajamrugaadhiraaja-\nNaagaadhiraajagajaraajahayaadhiraajaah |\nSvasvaadhikaaramahimaadhikamarthayante\nShreevenkataachalapate tava suprabhaatam || 17 ||"},{"kind":"verse","n":18,"dev":"सूर्येन्दुभौमबुधवाक्पतिकाव्यसौरि-\nस्वर्भानुकेतुदिविषत्परिषत्प्रधानाः ।\nत्वद्दासदासचरमावधिदासदासाः\nश्रीवेङ्कटाचलपते तव सुप्रभातम् ॥ १८ ॥","rom":"Sooryendubhaumabudhavaakpatikaavyasauri-\nSvarbhaanuketudivishatparishatpradhaanaah |\nTvaddaasadaasacharamaavadhidaasadaasaah\nShreevenkataachalapate tava suprabhaatam || 18 ||"},{"kind":"verse","n":19,"dev":"त्वत्पादधूलिभरितस्फुरितोत्तमाङ्गाः\nस्वर्गापवर्गनिरपेक्षनिजान्तरङ्गाः ।\nकल्पागमाकलनयाऽऽकुलतां लभन्ते\nश्रीवेङ्कटाचलपते तव सुप्रभातम् ॥ १९ ॥","rom":"Tvatpaadadhoolibharitasphuritottamaangaah\nSvargaapavarganirapekshanijaantarangaah |\nKalpaagamaakalanayaa''kulataam labhante\nShreevenkataachalapate tava suprabhaatam || 19 ||"},{"kind":"verse","n":20,"dev":"त्वद्गोपुराग्रशिखराणि निरीक्षमाणाः\nस्वर्गापवर्गपदवीं परमां श्रयन्तः ।\nमर्त्या मनुष्यभुवने मतिमाश्रयन्ते\nश्रीवेङ्कटाचलपते तव सुप्रभातम् ॥ २० ॥","rom":"Tvadgopuraagrashikharaani nireekshamaanaah\nSvargaapavargapadaveem paramaam shrayantah |\nMartyaa manushyabhuvane matimaashrayante\nShreevenkataachalapate tava suprabhaatam || 20 ||"},{"kind":"verse","n":21,"dev":"श्रीभूमिनायक दयादिगुणामृताब्धे\nदेवाधिदेव जगदेकशरण्यमूर्ते ।\nश्रीमन्ननन्तगरुडादिभिरर्चिताङ्घ्रे\nश्रीवेङ्कटाचलपते तव सुप्रभातम् ॥ २१ ॥","rom":"Shreebhoominaayaka dayaadigunaamrutaabdhe\nDevaadhideva jagadekasharanyamoorte |\nShreemannanantagarudaadibhirarchitaanghre\nShreevenkataachalapate tava suprabhaatam || 21 ||"},{"kind":"verse","n":22,"dev":"श्रीपद्मनाभ पुरुषोत्तम वासुदेव\nवैकुण्ठ माधव जनार्दन चक्रपाणे ।\nश्रीवत्सचिह्न शरणागतपारिजात\nश्रीवेङ्कटाचलपते तव सुप्रभातम् ॥ २२ ॥","rom":"Shreepadmanaabha purushottama vaasudeva\nVaikuntha maadhava janaardana chakrapaane |\nShreevatsachihna sharanaagatapaarijaata\nShreevenkataachalapate tava suprabhaatam || 22 ||"},{"kind":"verse","n":23,"dev":"कन्दर्पदर्पहरसुन्दरदिव्यमूर्ते\nकान्ताकुचाम्बुरुहकुड्मललोलदृष्टे ।\nकल्याणनिर्मलगुणाकरदिव्यकीर्ते\nश्रीवेङ्कटाचलपते तव सुप्रभातम् ॥ २३ ॥","rom":"Kandarpadarpaharasundaradivyamoorte\nKaantaakuchaamburuhakudmalaloladrushte |\nKalyaananirmalagunaakaradivyakeerte\nShreevenkataachalapate tava suprabhaatam || 23 ||"},{"kind":"verse","n":24,"dev":"मीनाकृते कमठकोलनृसिंहवर्णिन्\nस्वामिन् परश्वथतपोधन रामचन्द्र ।\nशेषांशराम यदुनन्दन कल्किरूप\nश्रीवेङ्कटाचलपते तव सुप्रभातम् ॥ २४ ॥","rom":"Meenaakrute kamathakolanrusinhavarnin\nSvaamin parashvathatapodhana raamachandra |\nSheshaansharaama yadunandana kalkiroopa\nShreevenkataachalapate tava suprabhaatam || 24 ||"},{"kind":"verse","n":25,"dev":"एलालवङ्गघनसारसुगन्धितीर्थं\nदिव्यं वियत्सरिति हेमघटेषु पूर्णम् ।\nधृत्वाऽऽद्य वैदिकशिखामणयः प्रहृष्टाः\nतिष्ठन्ति वेङ्कटपते तव सुप्रभातम् ॥ २५ ॥","rom":"Elaalavangaghanasaarasugandhiteertham\nDivyam viyatsariti hemaghateshu poornam |\nDhrutvaa''dya vaidikashikhaamanayah prahrushtaah\nTishthanti venkatapate tava suprabhaatam || 25 ||"},{"kind":"verse","n":26,"dev":"भास्वानुदेति विकचानि सरोरुहाणि\nसम्पूरयन्ति निनदैः ककुभो विहङ्गाः ।\nश्रीवैष्णवास्सततमर्थितमङ्गलास्ते\nधामाश्रयन्ति तव वेङ्कट सुप्रभातम् ॥ २६ ॥","rom":"Bhaasvaanudeti vikachaani saroruhaani\nSampoorayanti ninadaih kakubho vihangaah |\nShreevaishnavaassatatamarthitamangalaaste\nDhaamaashrayanti tava venkata suprabhaatam || 26 ||"},{"kind":"verse","n":27,"dev":"ब्रह्मादयस्सुरवरास्समहर्षयस्ते\nसन्तस्सनन्दनमुखास्त्वथ योगिवर्याः ।\nधामान्तिके तव हि मङ्गलवस्तुहस्ताः\nश्रीवेङ्कटाचलपते तव सुप्रभातम् ॥ २७ ॥","rom":"Brahmaadayassuravaraassamaharshayaste\nSantassanandanamukhaastvatha yogivaryaah |\nDhaamaantike tava hi mangalavastuhastaah\nShreevenkataachalapate tava suprabhaatam || 27 ||"},{"kind":"verse","n":28,"dev":"लक्ष्मीनिवास निरवद्यगुणैकसिन्धो\nसंसारसागरसमुत्तरणैकसेतो ।\nवेदान्तवेद्य निजवैभव भक्तभोग्य\nश्रीवेङ्कटाचलपते तव सुप्रभातम् ॥ २८ ॥","rom":"Lakshmeenivaasa niravadyagunaikasindho\nSansaarasaagarasamuttaranaikaseto |\nVedaantavedya nijavaibhava bhaktabhogya\nShreevenkataachalapate tava suprabhaatam || 28 ||"},{"kind":"verse","n":29,"dev":"इत्थं वृषाचलपतेरिह सुप्रभातम्\nये मानवाः प्रतिदिनं पठितुं प्रवृत्ताः ।\nतेषां प्रभातसमये स्मृतिरङ्गभाजां\nप्रज्ञां परार्थसुलभां परमां प्रसूते ॥ २९ ॥","rom":"Ittham vrushaachalapateriha suprabhaatam\nYe maanavaah pratidinam pathitum pravruttaah |\nTeshaam prabhaatasamaye smrutirangabhaajaam\nPrajnaam paraarthasulabhaam paramaam prasoote || 29 ||"},{"kind":"heading","dev":"॥ इति श्रीवेङ्कटेशसुप्रभातम् ॥","rom":"|| Iti shreevenkateshasuprabhaatam ||"}],"verified":false,"url":"https://pocketpothi.com/texts/venkateshwara-suprabhatam","appUrl":"https://pocketpothi.com/read?t=venkateshwara-suprabhatam","shareUrl":"https://pocketpothi.com/p/62"}