# Shri Rudram (Namakam & Chamakam) · श्रीरुद्रम्

- Type: Suktam
- Language: Sanskrit
- Verses: 22
- Verified: under review
- Read in the app: https://pocketpothi.com/read?t=shri-rudram
- Share link: https://pocketpothi.com/p/54
- Page: https://pocketpothi.com/texts/shri-rudram

## Text (Devanagari, with simple Roman spelling below each verse)

### श्री रुद्रप्रश्नः – नमकप्रश्नः
_Shree rudraprashnah – namakaprashnah_

### ओं नमो भगवते॑ रुद्रा॒य ॥
_Om namo bhagavate rudraaya ||_

नम॑स्ते रुद्र म॒न्यव॑ उ॒तोत॒ इष॑वे॒ नमः॑ ।  
नम॑स्ते अस्तु॒ धन्व॑ने बा॒हुभ्या॑मु॒त ते॒ नमः॑ ।  
या त॒ इषुः॑ शि॒वत॑मा शि॒वं ब॒भूव॑ ते॒ धनुः॑ ।  
शि॒वा श॑र॒व्या॑ या तव॒ तया॑ नो रुद्र मृडय ।  
या ते॑ रुद्र शि॒वा त॒नूरघो॒राऽपा॑पकाशिनी ।  
तया॑ नस्त॒नुवा॒ शंत॑मया॒ गिरि॑शन्ता॒भिचा॑कशीहि ।  
यामिषुं॑ गिरिशन्त॒ हस्ते॒ बिभ॒र्ष्यस्त॑वे ।  
शि॒वां गि॑रित्र॒ तां कु॑रु॒ मा हिग्ं॑सीः॒ पुरु॑षं॒ जग॑त् ।  
शि॒वेन॒ वच॑सा त्वा॒ गिरि॒शाच्छा॑वदामसि ।  
यथा॑ नः॒ सर्व॒मिज्जग॑दय॒क्ष्मग्ं सु॒मना॒ अस॑त् ।  
अध्य॑वोचदधिव॒क्ता प्र॑थ॒मो दैव्यो॑ भि॒षक् ।  
अहीग्॑श्च॒ सर्वा᳚ञ्ज॒म्भय॒न्त्सर्वा᳚श्च यातुधा॒न्यः॑ ।  
अ॒सौ यस्ता॒म्रो अ॑रु॒ण उ॒त ब॒भ्रुः सु॑म॒ङ्गलः॑ ।  
ये चे॒माग्ं रु॒द्रा अ॒भितो॑ दि॒क्षु श्रि॒ताः  
स॑हस्र॒शोऽवै॑षा॒ग्ं॒ हेड॑ ईमहे ।  
अ॒सौ यो॑ऽव॒सर्प॑ति॒ नील॑ग्रीवो॒ विलो॑हितः ।  
उ॒तैनं॑ गो॒पा अ॑दृश॒न्नदृ॑शन्नुदहा॒र्यः॑ ।  
उ॒तैनं॒ विश्वा॑ भू॒तानि॒ स दृ॒ष्टो मृ॑डयाति नः ।  
नमो॑ अस्तु॒ नील॑ग्रीवाय सहस्रा॒क्षाय॑ मी॒ढुषे᳚ ।  
अथो॒ ये अ॑स्य॒ सत्वा॑नो॒ऽहं तेभ्यो॑ऽकर॒न्नमः॑ ।  
प्रमु॑ञ्च॒ धन्व॑न॒स्त्वमु॒भयो॒रार्त्नि॑यो॒र्ज्याम् ।  
याश्च॑ ते॒ हस्त॒ इष॑वः॒ परा॒ ता भ॑गवो वप ।  
अ॒व॒तत्य॒ धनु॒स्त्वग्ं सह॑स्राक्ष॒ शते॑षुधे ।  
नि॒शीर्य॑ श॒ल्यानां॒ मुखा॑ शि॒वो नः॑ सु॒मना॑ भव ।  
विज्यं॒ धनुः॑ कप॒र्दिनो॒ विश॑ल्यो॒ बाण॑वाग्ं उ॒त ।  
अने॑शन्न॒स्येष॑व आ॒भुर॑स्य निष॒ङ्गथिः॑ ।  
या ते॑ हे॒तिर्मी॑ढुष्टम॒ हस्ते॑ ब॒भूव॑ ते॒ धनुः॑ ।  
तया॒ऽस्मान् वि॒श्वत॒स्त्वम॑य॒क्ष्मया॒ परि॑ब्भुज ।  
नम॑स्ते अ॒स्त्वायु॑धा॒याना॑तताय धृ॒ष्णवे᳚ ।  
उ॒भाभ्या॑मु॒त ते॒ नमो॑ बा॒हुभ्यां॒ तव॒ धन्व॑ने ।  
परि॑ते॒ धन्व॑नो हे॒तिर॒स्मान्वृ॑णक्तु वि॒श्वतः॑ ।  
अथो॒ य इ॑षु॒धिस्तवा॒रे अ॒स्मन्निधे॑हि॒ तम् ॥  
नम॑स्ते अस्तु भगवन्विश्वेश्व॒राय॑ महादे॒वाय॑  
त्र्यम्ब॒काय॑ त्रिपुरान्त॒काय॑ त्रिकाग्निका॒लाय॑  
कालाग्निरु॒द्राय॑ नीलक॒ण्ठाय॑ मृत्युञ्ज॒याय॑  
सर्वेश्व॒राय॑ सदाशि॒वाय॑ श्रीमन्महादे॒वाय॒ नमः॑ ॥ १ ॥  

_Namaste rudra manyava utota ishave namah | / Namaste astu dhanvane baahubhyaamuta te namah | / Yaa ta ishuh shivatamaa shivam babhoova te dhanuh | / Shivaa sharavyaa yaa tava tayaa no rudra mrudaya | / Yaa te rudra shivaa tanooraghoraa'paapakaashinee | / Tayaa nastanuvaa shantamayaa girishantaabhichaakasheehi | / Yaamishum girishanta haste bibharshyastave | / Shivaam giritra taam kuru maa hignseeh purusham jagat | / Shivena vachasaa tvaa girishaachchhaavadaamasi | / Yathaa nah sarvamijjagadayakshmagm sumanaa asat | / Adhyavochadadhivaktaa prathamo daivyo bhishak | / Aheegshcha sarvaanjambhayantsarvaashcha yaatudhaanyah | / Asau yastaamro aruna uta babhruh sumangalah | / Ye chemaagm rudraa abhito dikshu shritaah / Sahasrasho'vaishaagm heda eemahe | / Asau yo'vasarpati neelagreevo vilohitah | / Utainam gopaa adrushannadrushannudahaaryah | / Utainam vishvaa bhootaani sa drushto mrudayaati nah | / Namo astu neelagreevaaya sahasraakshaaya meedhushe | / Atho ye asya satvaano'ham tebhyo'karannamah | / Pramuncha dhanvanastvamubhayoraartniyorjyaam | / Yaashcha te hasta ishavah paraa taa bhagavo vapa | / Avatatya dhanustvagm sahasraaksha shateshudhe | / Nisheerya shalyaanaam mukhaa shivo nah sumanaa bhava | / Vijyam dhanuh kapardino vishalyo baanavaagm uta | / Aneshannasyeshava aabhurasya nishangathih | / Yaa te hetirmeedhushtama haste babhoova te dhanuh | / Tayaa'smaan vishvatastvamayakshmayaa paribbhuja | / Namaste astvaayudhaayaanaatataaya dhrushnave | / Ubhaabhyaamuta te namo baahubhyaam tava dhanvane | / Parite dhanvano hetirasmaanvrunaktu vishvatah | / Atho ya ishudhistavaare asmannidhehi tam || / Namaste astu bhagavanvishveshvaraaya mahaadevaaya / Tryambakaaya tripuraantakaaya trikaagnikaalaaya / Kaalaagnirudraaya neelakanthaaya mrutyunjayaaya / Sarveshvaraaya sadaashivaaya shreemanmahaadevaaya namah || 1 ||_

नमो॒ हिर॑ण्यबाहवे सेना॒न्ये॑ दि॒शां च॒ पत॑ये॒ नमो॒  
नमो॑ वृ॒क्षेभ्यो॒ हरि॑केशेभ्यः पशू॒नां पत॑ये॒ नमो॒  
नमः॑ स॒स्पिञ्ज॑राय॒ त्विषी॑मते पथी॒नां पत॑ये॒ नमो॒  
नमो॑ बभ्लु॒शाय॑ विव्या॒धिनेऽन्ना॑नां॒ पत॑ये॒ नमो॒  
नमो॒ हरि॑केशायोपवी॒तिने॑ पु॒ष्टानां॒ पत॑ये॒ नमो॒  
नमो॑ भ॒वस्य॑ हे॒त्यै जग॑तां॒ पत॑ये॒ नमो॒  
नमो॑ रु॒द्राया॑तता॒विने॒ क्षेत्रा॑णां॒ पत॑ये॒ नमो॒  
नमः॑ सू॒तायाह॑न्त्याय॒ वना॑नां॒ पत॑ये॒ नमो॒  
नमो॒ रोहि॑ताय स्थ॒पत॑ये वृ॒क्षाणां॒ पत॑ये॒ नमो॒  
नमो॑ म॒न्त्रिणे॑ वाणि॒जाय॒ कक्षा॑णां॒ पत॑ये॒ नमो॒  
नमो॑ भुव॒न्तये॑ वारिवस्कृ॒तायौष॑धीनां॒ पत॑ये॒ नमो॒  
नम॑ उ॒च्चैर्घो॑षायाक्र॒न्दय॑ते पत्ती॒नां पत॑ये॒ नमो॒  
नमः॑ कृत्स्नवी॒ताय॒ धाव॑ते॒ सत्त्व॑नां॒ पत॑ये॒ नमः॑ ॥ २ ॥  

_Namo hiranyabaahave senaanye dishaam cha pataye namo / Namo vrukshebhyo harikeshebhyah pashoonaam pataye namo / Namah saspinjaraaya tvisheemate patheenaam pataye namo / Namo babhlushaaya vivyaadhine'nnaanaam pataye namo / Namo harikeshaayopaveetine pushtaanaam pataye namo / Namo bhavasya hetyai jagataam pataye namo / Namo rudraayaatataavine kshetraanaam pataye namo / Namah sootaayaahantyaaya vanaanaam pataye namo / Namo rohitaaya sthapataye vrukshaanaam pataye namo / Namo mantrine vaanijaaya kakshaanaam pataye namo / Namo bhuvantaye vaarivaskrutaayaushadheenaam pataye namo / Nama uchchairghoshaayaakrandayate patteenaam pataye namo / Namah krutsnaveetaaya dhaavate sattvanaam pataye namah || 2 ||_

### ॥   ॥
_||   ||_

नमः॒ सह॑मानाय निव्या॒धिन॑ आव्या॒धिनी॑नां॒ पत॑ये॒ नमो॒  
नमः॑ ककु॒भाय॑ निष॒ङ्गिणे᳚ स्ते॒नानां॒ पत॑ये॒ नमो॒  
नमो॑ निष॒ङ्गिण॑ इषुधि॒मते॒ तस्क॑राणां॒ पत॑ये॒ नमो॒  
नमो॒ वञ्च॑ते परि॒वञ्च॑ते स्तायू॒नां पत॑ये॒ नमो॒  
नमो॑ निचे॒रवे॑ परिच॒रायार॑ण्यानां॒ पत॑ये॒ नमो॒  
नमः॑ सृका॒विभ्यो॒ जिघाग्ं॑सद्भ्यो मुष्ण॒तां पत॑ये॒ नमो॒  
नमो॑ऽसि॒मद्भ्यो॒ नक्तं॒चर॑द्भ्यः प्रकृ॒न्तानां॒ पत॑ये॒ नमो॒  
नम॑ उष्णी॒षिणे॑ गिरिच॒राय॑ कुलु॒ञ्चानां॒ पत॑ये॒ नमो॒  
नम॒ इषु॑मद्भ्यो धन्वा॒विभ्य॑श्च वो॒ नमो॒  
नम॑ आतन्वा॒नेभ्यः॑ प्रति॒दधा॑नेभ्यश्च वो॒ नमो॒  
नम॑ आ॒यच्छ॑द्भ्यो विसृ॒जद्भ्य॑श्च वो॒ नमो॒  
नमो ऽस्य॑द्भ्यो॒ विध्य॑द्भ्यश्च वो॒ नमो॒  
नम॒ आसी॑नेभ्यः॒ शया॑नेभ्यश्च वो॒ नमो॒  
नमः॑ स्व॒पद्भ्यो॒ जाग्र॑द्भ्यश्च वो॒ नमो॒  
नम॒स्तिष्ठ॑द्भ्यो॒ धाव॑द्भ्यश्च वो॒ नमो॒  
नमः॑ स॒भाभ्यः॑ स॒भाप॑तिभ्यश्च वो॒ नमो॒  
नमो॒ अश्वे॒भ्योऽश्व॑पतिभ्यश्च वो॒ नमः॑ ॥ ३ ॥  

_Namah sahamaanaaya nivyaadhina aavyaadhineenaam pataye namo / Namah kakubhaaya nishangine stenaanaam pataye namo / Namo nishangina ishudhimate taskaraanaam pataye namo / Namo vanchate parivanchate staayoonaam pataye namo / Namo nicherave paricharaayaaranyaanaam pataye namo / Namah srukaavibhyo jighaagnsadbhyo mushnataam pataye namo / Namo'simadbhyo naktancharadbhyah prakruntaanaam pataye namo / Nama ushneeshine giricharaaya kulunchaanaam pataye namo / Nama ishumadbhyo dhanvaavibhyashcha vo namo / Nama aatanvaanebhyah pratidadhaanebhyashcha vo namo / Nama aayachchhadbhyo visrujadbhyashcha vo namo / Namo 'syadbhyo vidhyadbhyashcha vo namo / Nama aaseenebhyah shayaanebhyashcha vo namo / Namah svapadbhyo jaagradbhyashcha vo namo / Namastishthadbhyo dhaavadbhyashcha vo namo / Namah sabhaabhyah sabhaapatibhyashcha vo namo / Namo ashvebhyo'shvapatibhyashcha vo namah || 3 ||_

### ॥   ॥
_||   ||_

नम॑ आव्या॒धिनी᳚भ्यो वि॒विध्य॑न्तीभ्यश्च वो॒ नमो॒  
नम॒ उग॑णाभ्यस्तृग्ंह॒तीभ्य॑श्च वो॒ नमो॒  
नमो॑ गृ॒त्सेभ्यो॑ गृ॒त्सप॑तिभ्यश्च वो॒ नमो॒  
नमो॒ व्राते᳚भ्यो॒ व्रात॑पतिभ्यश्च वो॒ नमो॒  
नमो॑ ग॒णेभ्यो॑ ग॒णप॑तिभ्यश्च वो॒ नमो॒  
नमो॒ विरू॑पेभ्यो वि॒श्वरू॑पेभ्यश्च वो॒ नमो॒  
नमो॑ म॒हद्भ्यः॑, क्षुल्ल॒केभ्य॑श्च वो॒ नमो॒  
नमो॑ र॒थिभ्यो॑ऽर॒थेभ्य॑श्च वो॒ नमो॒  
नमो॒ रथे᳚भ्यो॒ रथ॑पतिभ्यश्च वो॒ नमो॒  
नमः॒ सेना᳚भ्यः सेना॒निभ्य॑श्च वो॒ नमो॒  
नमः॑, क्ष॒त्तृभ्यः॑ संग्रही॒तृभ्य॑श्च वो॒ नमो॒  
नम॒स्तक्ष॑भ्यो रथका॒रेभ्य॑श्च वो॒ नमो॒  
नमः॒ कुला॑लेभ्यः क॒र्मारे᳚भ्यश्च वो॒ नमो॒  
नमः॑ पु॒ञ्जिष्टे᳚भ्यो निषा॒देभ्य॑श्च वो॒ नमो॒  
नम॑ इषु॒कृद्भ्यो॑ धन्व॒कृद्भ्य॑श्च वो॒ नमो॒  
नमो॑ मृग॒युभ्यः॑ श्व॒निभ्य॑श्च वो॒ नमो॒  
नमः॒ श्वभ्यः॒ श्वप॑तिभ्यश्च वो॒ नमः॑ ॥ ४ ॥  

_Nama aavyaadhineebhyo vividhyanteebhyashcha vo namo / Nama uganaabhyastrugnhateebhyashcha vo namo / Namo grutsebhyo grutsapatibhyashcha vo namo / Namo vraatebhyo vraatapatibhyashcha vo namo / Namo ganebhyo ganapatibhyashcha vo namo / Namo viroopebhyo vishvaroopebhyashcha vo namo / Namo mahadbhyah, kshullakebhyashcha vo namo / Namo rathibhyo'rathebhyashcha vo namo / Namo rathebhyo rathapatibhyashcha vo namo / Namah senaabhyah senaanibhyashcha vo namo / Namah, kshattrubhyah sangraheetrubhyashcha vo namo / Namastakshabhyo rathakaarebhyashcha vo namo / Namah kulaalebhyah karmaarebhyashcha vo namo / Namah punjishtebhyo nishaadebhyashcha vo namo / Nama ishukrudbhyo dhanvakrudbhyashcha vo namo / Namo mrugayubhyah shvanibhyashcha vo namo / Namah shvabhyah shvapatibhyashcha vo namah || 4 ||_

### ॥   ॥
_||   ||_

नमो॑ भ॒वाय॑ च रु॒द्राय॑ च॒ नमः॑ श॒र्वाय॑ च  
पशु॒पत॑ये च॒ नमो॒ नील॑ग्रीवाय च शिति॒कण्ठा॑य च॒  
नमः॑ कप॒र्दिने॑ च॒ व्यु॑प्तकेशाय च॒  
नमः॑ सहस्रा॒क्षाय॑ च श॒तध॑न्वने च॒  
नमो॑ गिरि॒शाय॑ च शिपिवि॒ष्टाय॑ च॒  
नमो॑ मी॒ढुष्ट॑माय॒ चेषु॑मते च॒  
नमो᳚ ह्र॒स्वाय॑ च वाम॒नाय॑ च॒  
नमो॑ बृह॒ते च॒ वर्षी॑यसे च॒  
नमो॑ वृ॒द्धाय॑ च सं॒वृध्व॑ने च॒  
नमो॒ अग्रि॑याय च प्रथ॒माय॑ च॒  
नम॑ आ॒शवे॑ चाजि॒राय॑ च॒  
नमः॒ शीघ्रि॑याय च॒ शीभ्या॑य च॒  
नम॑ ऊ॒र्म्या॑य चावस्व॒न्या॑य च॒  
नमः॑ स्रोत॒स्या॑य च॒ द्वीप्या॑य च ॥ ५ ॥  

_Namo bhavaaya cha rudraaya cha namah sharvaaya cha / Pashupataye cha namo neelagreevaaya cha shitikanthaaya cha / Namah kapardine cha vyuptakeshaaya cha / Namah sahasraakshaaya cha shatadhanvane cha / Namo girishaaya cha shipivishtaaya cha / Namo meedhushtamaaya cheshumate cha / Namo hrasvaaya cha vaamanaaya cha / Namo bruhate cha varsheeyase cha / Namo vruddhaaya cha sanvrudhvane cha / Namo agriyaaya cha prathamaaya cha / Nama aashave chaajiraaya cha / Namah sheeghriyaaya cha sheebhyaaya cha / Nama oormyaaya chaavasvanyaaya cha / Namah srotasyaaya cha dveepyaaya cha || 5 ||_

### ॥   ॥
_||   ||_

नमो᳚ ज्ये॒ष्ठाय॑ च कनि॒ष्ठाय॑ च॒  
नमः॑ पूर्व॒जाय॑ चापर॒जाय॑ च॒  
नमो॑ मध्य॒माय॑ चापग॒ल्भाय॑ च॒  
नमो॑ जघ॒न्या॑य च॒ बुध्नि॑याय च॒  
नमः॑ सो॒भ्या॑य च प्रतिस॒र्या॑य च॒  
नमो॒ याम्या॑य च॒ क्षेम्या॑य च॒  
नम॑ उर्व॒र्या॑य च॒ खल्या॑य च॒  
नमः॒ श्लोक्या॑य चाऽवसा॒न्या॑य च॒  
नमो॒ वन्या॑य च॒ कक्ष्या॑य च॒  
नमः॑ श्र॒वाय॑ च प्रतिश्र॒वाय॑ च॒  
नम॑ आ॒शुषे॑णाय चा॒शुर॑थाय च॒  
नमः॒ शूरा॑य चावभिन्द॒ते च॒  
नमो॑ व॒र्मिणे॑ च वरू॒थिने॑ च॒  
नमो॑ बि॒ल्मिने॑ च कव॒चिने॑ च॒  
नमः॑ श्रु॒ताय॑ च श्रुतसे॒नाय॑ च ॥ ६ ॥  

_Namo jyeshthaaya cha kanishthaaya cha / Namah poorvajaaya chaaparajaaya cha / Namo madhyamaaya chaapagalbhaaya cha / Namo jaghanyaaya cha budhniyaaya cha / Namah sobhyaaya cha pratisaryaaya cha / Namo yaamyaaya cha kshemyaaya cha / Nama urvaryaaya cha khalyaaya cha / Namah shlokyaaya chaa'vasaanyaaya cha / Namo vanyaaya cha kakshyaaya cha / Namah shravaaya cha pratishravaaya cha / Nama aashushenaaya chaashurathaaya cha / Namah shooraaya chaavabhindate cha / Namo varmine cha varoothine cha / Namo bilmine cha kavachine cha / Namah shrutaaya cha shrutasenaaya cha || 6 ||_

### ॥   ॥
_||   ||_

नमो॑ दुन्दु॒भ्या॑य चाहन॒न्या॑य च॒  
नमो॑ धृ॒ष्णवे॑ च प्रमृ॒शाय॑ च॒  
नमो॑ दू॒ताय॑ च॒ प्रहि॑ताय च॒  
नमो॑ निष॒ङ्गिणे॑ चेषुधि॒मते॑ च॒  
नम॑स्ती॒क्ष्णेष॑वे चायु॒धिने॑ च॒  
नमः॑ स्वायु॒धाय॑ च सु॒धन्व॑ने च॒  
नमः॒ स्रुत्या॑य च॒ पथ्या॑य च॒  
नमः॑ का॒ट्या॑य च नी॒प्या॑य च॒  
नमः॒ सूद्या॑य च सर॒स्या॑य च॒  
नमो॑ ना॒द्याय॑ च वैश॒न्ताय॑ च॒  
नमः॒ कूप्या॑य चाव॒ट्या॑य च॒  
नमो॒ वर्ष्या॑य चाव॒र्ष्याय॑ च॒  
नमो॑ मे॒घ्या॑य च विद्यु॒त्या॑य च॒  
नम॑ ई॒ध्रिया॑य चात॒प्या॑य च॒  
नमो॒ वात्या॑य च॒ रेष्मि॑याय च॒  
नमो॑ वास्त॒व्या॑य च वास्तु॒ पाय॑ च ॥ ७ ॥  

_Namo dundubhyaaya chaahananyaaya cha / Namo dhrushnave cha pramrushaaya cha / Namo dootaaya cha prahitaaya cha / Namo nishangine cheshudhimate cha / Namasteekshneshave chaayudhine cha / Namah svaayudhaaya cha sudhanvane cha / Namah srutyaaya cha pathyaaya cha / Namah kaatyaaya cha neepyaaya cha / Namah soodyaaya cha sarasyaaya cha / Namo naadyaaya cha vaishantaaya cha / Namah koopyaaya chaavatyaaya cha / Namo varshyaaya chaavarshyaaya cha / Namo meghyaaya cha vidyutyaaya cha / Nama eedhriyaaya chaatapyaaya cha / Namo vaatyaaya cha reshmiyaaya cha / Namo vaastavyaaya cha vaastu paaya cha || 7 ||_

### ॥   ॥
_||   ||_

नमः॒ सोमा॑य च रु॒द्राय॑ च॒  
नम॑स्ता॒म्राय॑ चारु॒णाय॑ च॒  
नमः॑ शं॒गाय॑ च पशु॒पत॑ये च॒  
नम॑ उ॒ग्राय॑ च भी॒माय॑ च॒  
नमो॑ अग्रेव॒धाय॑ च दूरेव॒धाय॑ च॒  
नमो॑ ह॒न्त्रे च॒ हनी॑यसे च॒  
नमो॑ वृ॒क्षेभ्यो॒ हरि॑केशेभ्यो॒  
नम॑स्ता॒राय॒ नम॑श्श॒म्भवे॑ च मयो॒भवे॑ च॒  
नमः॑ शंक॒राय॑ च मयस्क॒राय॑ च॒  
नमः॑ शि॒वाय॑ च शि॒वत॑राय च॒  
नम॒स्तीर्थ्या॑य च॒ कूल्या॑य च॒  
नमः॑ पा॒र्या॑य चावा॒र्या॑य च॒  
नमः॑ प्र॒तर॑णाय चो॒त्तर॑णाय च॒  
नम॑ आता॒र्या॑य चाला॒द्या॑य च॒  
नमः॒ शष्प्या॑य च॒ फेन्या॑य च॒  
नमः॑ सिक॒त्या॑य च प्रवा॒ह्या॑य च ॥ ८ ॥  

_Namah somaaya cha rudraaya cha / Namastaamraaya chaarunaaya cha / Namah shangaaya cha pashupataye cha / Nama ugraaya cha bheemaaya cha / Namo agrevadhaaya cha doorevadhaaya cha / Namo hantre cha haneeyase cha / Namo vrukshebhyo harikeshebhyo / Namastaaraaya namashshambhave cha mayobhave cha / Namah shankaraaya cha mayaskaraaya cha / Namah shivaaya cha shivataraaya cha / Namasteerthyaaya cha koolyaaya cha / Namah paaryaaya chaavaaryaaya cha / Namah prataranaaya chottaranaaya cha / Nama aataaryaaya chaalaadyaaya cha / Namah shashpyaaya cha phenyaaya cha / Namah sikatyaaya cha pravaahyaaya cha || 8 ||_

### ॥   ॥
_||   ||_

नम॑ इरि॒ण्या॑य च प्रप॒थ्या॑य च॒  
नमः॑ किग्ंशि॒लाय॑ च॒ क्षय॑णाय च॒  
नमः॑ कप॒र्दिने॑ च पुल॒स्तये॑ च॒  
नमो॒ गोष्ठ्या॑य च॒ गृह्या॑य च॒  
नम॒स्तल्प्या॑य च॒ गेह्या॑य च॒  
नमः॑ का॒ट्या॑य च गह्वरे॒ष्ठाय॑ च॒  
नमो᳚ ह्रद॒य्या॑य च निवे॒ष्प्या॑य च॒  
नमः॑ पाग्ं स॒व्या॑य च रज॒स्या॑य च॒  
नमः॒ शुष्क्या॑य च हरि॒त्या॑य च॒  
नमो॒ लोप्या॑य चोल॒प्या॑य च॒  
नम॑ ऊ॒र्व्या॑य च सू॒र्म्या॑य च॒  
नमः॑ प॒र्ण्या॑य च पर्णश॒द्या॑य च॒  
नमो॑ऽपगु॒रमा॑णाय चाभिघ्न॒ते च॒  
नम॑ आक्खिद॒ते च॑ प्रक्खिद॒ते च॒  
नमो॑ वः किरि॒केभ्यो॑ दे॒वाना॒ग्ं॒ हृद॑येभ्यो॒  
नमो॑ विक्षीण॒केभ्यो॒ नमो॑ विचिन्व॒त्केभ्यो॒  
नम॑ आनिर्_ह॒तेभ्यो॒ नम॑ आमीव॒त्केभ्यः॑ ॥ ९ ॥  

_Nama irinyaaya cha prapathyaaya cha / Namah kignshilaaya cha kshayanaaya cha / Namah kapardine cha pulastaye cha / Namo goshthyaaya cha gruhyaaya cha / Namastalpyaaya cha gehyaaya cha / Namah kaatyaaya cha gahvareshthaaya cha / Namo hradayyaaya cha niveshpyaaya cha / Namah paagm savyaaya cha rajasyaaya cha / Namah shushkyaaya cha harityaaya cha / Namo lopyaaya cholapyaaya cha / Nama oorvyaaya cha soormyaaya cha / Namah parnyaaya cha parnashadyaaya cha / Namo'paguramaanaaya chaabhighnate cha / Nama aakkhidate cha prakkhidate cha / Namo vah kirikebhyo devaanaagm hrudayebhyo / Namo viksheenakebhyo namo vichinvatkebhyo / Nama aanir_hatebhyo nama aameevatkebhyah || 9 ||_

### ॥   ॥
_||   ||_

द्रापे॒ अन्ध॑सस्पते॒ दरि॑द्र॒न्नील॑लोहित ।  
ए॒षां पुरु॑षाणामे॒षां प॑शू॒नां मा भेर्माऽरो॒  
मो ए॑षां॒ किंच॒नाम॑मत् ।  
या ते॑ रुद्र शि॒वा त॒नूः शि॒वा वि॒श्वाह॑भेषजी ।  
शि॒वा रु॒द्रस्य॑ भेष॒जी तया॑ नो मृड जी॒वसे᳚ ।  
इ॒माग्ं रु॒द्राय॑ त॒वसे॑ कप॒र्दिने᳚  
क्ष॒यद्वी॑राय॒ प्रभ॑रामहे म॒तिम् ।  
यथा॑ नः॒ शमस॑द्द्वि॒पदे॒ चतु॑ष्पदे॒  
विश्वं॑ पु॒ष्टं ग्रामे॑ अ॒स्मिन्नना॑तुरम् ।  
मृ॒डा नो॑ रुद्रो॒त नो॒ मय॑स्कृधि  
क्ष॒यद्वी॑राय॒ नम॑सा विधेम ते ।  
यच्छं च॒ योश्च॒ मनु॑राय॒जे  
पि॒ता तद॑श्याम॒ तव॑ रुद्र॒ प्रणी॑तौ ।  
मा नो॑ म॒हान्त॑मु॒त मा नो॑ अर्भ॒कं  
मा न॒ उक्ष॑न्तमु॒त मा न॑ उक्षि॒तम् ।  
मा नो॑ऽवधीः पि॒तरं॒ मोत मा॒तरं॑  
प्रि॒या मा न॑स्त॒नुवो॑ रुद्र रीरिषः ।  
मा न॑स्तो॒के तन॑ये॒ मा न॒ आयु॑षि॒  
मा नो॒ गोषु॒ मा नो॒ अश्वे॑षु रीरिषः ।  
वी॒रान्मा नो॑ रुद्र भामि॒तोऽव॑धीर्ह॒विष्म॑न्तो॒  
नम॑सा विधेम ते ।  
आ॒रात्ते॑ गो॒घ्न उ॒त पू॑रुष॒घ्ने क्ष॒यद्वी॑राय  
सु॒म्नम॒स्मे ते॑ अस्तु ।  
रक्षा॑ च नो॒ अधि॑ च देव ब्रू॒ह्यधा॑ च नः॒  
शर्म॑ यच्छ द्वि॒बर्हाः᳚ ।  
स्तु॒हि श्रु॒तं ग॑र्त॒सदं॒ युवा॑नं मृ॒गन्न  
भी॒ममु॑पह॒त्नुमु॒ग्रम् ।  
मृ॒डा ज॑रि॒त्रे रु॑द्र॒ स्तवा॑नो अ॒न्यंते॑  
अ॒स्मन्निव॑पन्तु॒ सेनाः᳚ ।  
परि॑णो रु॒द्रस्य॑ हे॒तिर्वृ॑णक्तु॒ परि॑ त्वे॒षस्य॑  
दुर्म॒ति र॑घा॒योः ।  
अव॑ स्थि॒रा म॒घव॑द्भ्यस्तनुष्व॒ मीढ्व॑स्तो॒काय॒  
तन॑याय मृडय ।  
मीढु॑ष्टम॒ शिव॑तम शि॒वो नः॑ सु॒मना॑ भव ।  
प॒र॒मे वृ॒क्ष आयु॑धन्नि॒धाय॒ कृत्तिं॒ वसा॑न॒  
आच॑र॒ पिना॑कं॒ बिभ्र॒दाग॑हि ।  
विकि॑रिद॒ विलो॑हित॒ नम॑स्ते अस्तु भगवः ।  
यास्ते॑ स॒हस्रग्ं॑ हे॒तयो॒न्यम॒स्मन्निव॑पन्तु॒ ताः ।  
स॒हस्रा॑णि सहस्र॒धा बा॑हु॒वोस्तव॑ हे॒तयः॑ ।  
तासा॒मीशा॑नो भगवः परा॒चीना॒ मुखा॑ कृधि ॥ १० ॥  

_Draape andhasaspate daridranneelalohita | / Eshaam purushaanaameshaam pashoonaam maa bhermaa'ro / Mo eshaam kinchanaamamat | / Yaa te rudra shivaa tanooh shivaa vishvaahabheshajee | / Shivaa rudrasya bheshajee tayaa no mruda jeevase | / Imaagm rudraaya tavase kapardine / Kshayadveeraaya prabharaamahe matim | / Yathaa nah shamasaddvipade chatushpade / Vishvam pushtam graame asminnanaaturam | / Mrudaa no rudrota no mayaskrudhi / Kshayadveeraaya namasaa vidhema te | / Yachchham cha yoshcha manuraayaje / Pitaa tadashyaama tava rudra praneetau | / Maa no mahaantamuta maa no arbhakam / Maa na ukshantamuta maa na ukshitam | / Maa no'vadheeh pitaram mota maataram / Priyaa maa nastanuvo rudra reerishah | / Maa nastoke tanaye maa na aayushi / Maa no goshu maa no ashveshu reerishah | / Veeraanmaa no rudra bhaamito'vadheerhavishmanto / Namasaa vidhema te | / Aaraatte goghna uta poorushaghne kshayadveeraaya / Sumnamasme te astu | / Rakshaa cha no adhi cha deva broohyadhaa cha nah / Sharma yachchha dvibarhaah | / Stuhi shrutam gartasadam yuvaanam mruganna / Bheemamupahatnumugram | / Mrudaa jaritre rudra stavaano anyante / Asmannivapantu senaah | / Parino rudrasya hetirvrunaktu pari tveshasya / Durmati raghaayoh | / Ava sthiraa maghavadbhyastanushva meedhvastokaaya / Tanayaaya mrudaya | / Meedhushtama shivatama shivo nah sumanaa bhava | / Parame vruksha aayudhannidhaaya kruttim vasaana / Aachara pinaakam bibhradaagahi | / Vikirida vilohita namaste astu bhagavah | / Yaaste sahasragm hetayonyamasmannivapantu taah | / Sahasraani sahasradhaa baahuvostava hetayah | / Taasaameeshaano bhagavah paraacheenaa mukhaa krudhi || 10 ||_

### ॥   ॥
_||   ||_

स॒हस्रा॑णि सहस्र॒शो ये रु॒द्रा अधि॒ भूम्या᳚म् ।  
तेषाग्ं॑ सहस्रयोज॒नेऽव॒धन्वा॑नि तन्मसि ।  
अ॒स्मिन्म॑ह॒त्य॑र्ण॒वे᳚ऽन्तरि॑क्षे भ॒वा अधि॑ ।  
नील॑ग्रीवाः शिति॒कण्ठाः᳚ श॒र्वा अ॒धः क्ष॑माच॒राः ।  
नील॑ग्रीवाः शिति॒कण्ठा॒ दिवग्ं॑ रु॒द्रा उप॑श्रिताः ।  
ये वृ॒क्षेषु॑ स॒स्पिञ्ज॑रा॒ नील॑ग्रीवा॒ विलो॑हिताः ।  
ये भू॒ताना॒मधि॑पतयो विशि॒खासः॑ कप॒र्दिनः॑ ।  
ये अन्ने॑षु वि॒विध्य॑न्ति॒ पात्रे॑षु॒ पिब॑तो॒ जनान्॑ ।  
ये प॒थां प॑थि॒रक्ष॑य ऐलबृ॒दा य॒व्युधः॑ ।  
ये ती॒र्थानि॑ प्र॒चर॑न्ति सृ॒काव॑न्तो निष॒ङ्गिणः॑ ।  
य ए॒ताव॑न्तश्च॒ भूयाग्ं॑सश्च॒ दिशो॑ रु॒द्रा वि॑तस्थि॒रे ।  
तेषाग्ं॑ सहस्रयोज॒नेऽव॒धन्वा॑नि तन्मसि ।  
नमो॑ रु॒द्रेभ्यो॒ ये पृ॑थि॒व्यां ये᳚ऽन्तरि॑क्षे॒ ये दि॒वि  
येषा॒मन्नं॒ वातो॑ व॒र्षमिष॑व॒स्तेभ्यो॒ दश॒ प्राची॒र्दश॑  
दक्षि॒णा दश॑ प्र॒तीची॒र्दशोदी॑ची॒र्दशो॒र्ध्वास्तेभ्यो॒ नम॒स्ते नो॑  
मृडयन्तु॒ ते यं द्वि॒ष्मो यश्च॑ नो॒ द्वेष्टि॒ तं  
वो॒ जम्भे॑ दधामि ॥ ११ ॥  

_Sahasraani sahasrasho ye rudraa adhi bhoomyaam | / Teshaagm sahasrayojane'vadhanvaani tanmasi | / Asminmahatyarnave'ntarikshe bhavaa adhi | / Neelagreevaah shitikanthaah sharvaa adhah kshamaacharaah | / Neelagreevaah shitikanthaa divagm rudraa upashritaah | / Ye vruksheshu saspinjaraa neelagreevaa vilohitaah | / Ye bhootaanaamadhipatayo vishikhaasah kapardinah | / Ye anneshu vividhyanti paatreshu pibato janaan | / Ye pathaam pathirakshaya ailabrudaa yavyudhah | / Ye teerthaani pracharanti srukaavanto nishanginah | / Ya etaavantashcha bhooyaagnsashcha disho rudraa vitasthire | / Teshaagm sahasrayojane'vadhanvaani tanmasi | / Namo rudrebhyo ye pruthivyaam ye'ntarikshe ye divi / Yeshaamannam vaato varshamishavastebhyo dasha praacheerdasha / Dakshinaa dasha prateecheerdashodeecheerdashordhvaastebhyo namaste no / Mrudayantu te yam dvishmo yashcha no dveshti tam / Vo jambhe dadhaami || 11 ||_

त्र्य॑म्बकं यजामहे सुग॒न्धिं पु॑ष्टि॒वर्ध॑नम् ।  
उ॒र्वा॒रु॒कमि॑व॒ बन्ध॑नान्मृ॒त्योर्मु॑क्षीय॒ माऽमृता᳚त् ।  
यो रु॒द्रो अ॒ग्नौ यो अ॒प्सु य ओष॑धीषु॒ यो रु॒द्रो  
विश्वा॒ भुव॑ना वि॒वेश॒ तस्मै॑ रु॒द्राय॒ नमो॑ अस्तु ।  
तमु॑ ष्टु॒हि॒ यः स्वि॒षुः सु॒धन्वा॒  
यो विश्व॑स्य॒ क्षय॑ति भेष॒जस्य॑ ।  
यक्ष्वा᳚म॒हे सौ᳚मन॒साय॑ रु॒द्रं  
नमो᳚भिर्दे॒वमसु॑रं दुवस्य ।  
अ॒यं मे॒ हस्तो॒ भग॑वान॒यं मे॒ भग॑वत्तरः ।  
अ॒यं मे᳚ वि॒श्वभे᳚षजो॒ऽयग्ं शि॒वाभि॑मर्शनः ।  
ये ते॑ स॒हस्र॑म॒युतं॒ पाशा॒ मृत्यो॒ मर्त्या॑य॒ हन्त॑वे ।  
तान् य॒ज्ञस्य॑ मा॒यया॒ सर्वा॒नव॑यजामहे ।  
मृ॒त्यवे॒ स्वाहा॑ मृ॒त्यवे॒ स्वाहा᳚ ।  
ओं नमो भगवते रुद्राय विष्णवे मृत्यु॑र्मे पा॒हि ॥  
प्राणानां ग्रन्थिरसि रुद्रो मा॑ विशा॒न्तकः ।  
तेनान्नेना᳚प्याय॒स्व । सदाशि॒वोम् ॥  

_Tryambakam yajaamahe sugandhim pushtivardhanam | / Urvaarukamiva bandhanaanmrutyormuksheeya maa'mrutaat | / Yo rudro agnau yo apsu ya oshadheeshu yo rudro / Vishvaa bhuvanaa vivesha tasmai rudraaya namo astu | / Tamu shtuhi yah svishuh sudhanvaa / Yo vishvasya kshayati bheshajasya | / Yakshvaamahe saumanasaaya rudram / Namobhirdevamasuram duvasya | / Ayam me hasto bhagavaanayam me bhagavattarah | / Ayam me vishvabheshajo'yagm shivaabhimarshanah | / Ye te sahasramayutam paashaa mrutyo martyaaya hantave | / Taan yajnasya maayayaa sarvaanavayajaamahe | / Mrutyave svaahaa mrutyave svaahaa | / Om namo bhagavate rudraaya vishnave mrutyurme paahi || / Praanaanaam granthirasi rudro maa vishaantakah | / Tenaannenaapyaayasva | sadaashivom ||_

### ओं शान्तिः॒ शान्तिः॒ शान्तिः॑ ॥
_Om shaantih shaantih shaantih ||_

### श्री रुद्रप्रश्नः – चमकप्रश्नः
_Shree rudraprashnah – chamakaprashnah_

ओं अग्ना॑विष्णू स॒जोष॑से॒मा व॑र्धन्तु वां॒ गिरः॑ ।  
द्यु॒म्नैर्वाजे॑भि॒राग॑तम् ।  
वाज॑श्च मे प्रस॒वश्च॑ मे॒ प्रय॑तिश्च मे॒ प्रसि॑तिश्च मे  
धी॒तिश्च॑ मे॒ क्रतु॑श्च मे॒ स्वर॑श्च मे॒ श्लोक॑श्च मे  
श्रा॒वश्च॑ मे॒ श्रुति॑श्च मे॒ ज्योति॑श्च मे॒ सुव॑श्च मे  
प्रा॒णश्च॑ मेऽपा॒नश्च॑ मे व्या॒नश्च॒ मेऽसु॑श्च मे  
चि॒त्तं च॑ म॒ आधी॑तं च मे॒ वाक्च॑ मे॒ मन॑श्च मे॒  
चक्षु॑श्च मे॒ श्रोत्रं॑ च मे॒ दक्ष॑श्च मे॒ बलं॑ च म॒  
ओज॑श्च मे॒ सह॑श्च म॒ आयु॑श्च मे ज॒रा च॑ म  
आ॒त्मा च॑ मे त॒नूश्च॑ मे॒ शर्म॑ च मे॒ वर्म॑ च॒  
मेऽङ्गा॑नि च मे॒ऽस्थानि॑ च मे॒ परूग्ं॑षि च मे॒  
शरी॑राणि च मे ॥ १ ॥  

_Om agnaavishnoo sajoshasemaa vardhantu vaam girah | / Dyumnairvaajebhiraagatam | / Vaajashcha me prasavashcha me prayatishcha me prasitishcha me / Dheetishcha me kratushcha me svarashcha me shlokashcha me / Shraavashcha me shrutishcha me jyotishcha me suvashcha me / Praanashcha me'paanashcha me vyaanashcha me'sushcha me / Chittam cha ma aadheetam cha me vaakcha me manashcha me / Chakshushcha me shrotram cha me dakshashcha me balam cha ma / Ojashcha me sahashcha ma aayushcha me jaraa cha ma / Aatmaa cha me tanooshcha me sharma cha me varma cha / Me'ngaani cha me'sthaani cha me paroognshi cha me / Shareeraani cha me || 1 ||_

### ॥   ॥
_||   ||_

ज्यैष्ठ्यं॑ च म॒ आधि॑पत्यं च मे म॒न्युश्च॑ मे॒  
भाम॑श्च॒ मेऽम॑श्च॒ मेऽम्भ॑श्च मे जे॒मा च॑ मे  
महि॒मा च॑ मे वरि॒मा च॑ मे प्रथि॒मा च॑ मे  
व॒र्ष्मा च॑ मे द्राघु॒या च॑ मे वृ॒द्धं च॑ मे॒  
वृद्धि॑श्च मे स॒त्यं च॑ मे श्र॒द्धा च॑ मे॒ जग॑च्च मे॒  
धनं॑ च मे॒ वश॑श्च मे॒ त्विषि॑श्च मे क्री॒डा च॑ मे॒  
मोद॑श्च मे जा॒तं च॑ मे जनि॒ष्यमा॑णं च मे  
सू॒क्तं च॑ मे सुकृ॒तं च॑ मे वि॒त्तं च॑ मे॒  
वेद्यं॑ च मे भू॒तं च॑ मे भवि॒ष्यच्च॑ मे  
सु॒गं च॑ मे सु॒पथं॑ च म ऋ॒द्धं च॑ म॒  
ऋद्धि॑श्च मे कॢ॒प्तं च॑ मे॒ कॢप्ति॑श्च मे  
म॒तिश्च॑ मे सुम॒तिश्च॑ मे ॥ २ ॥  

_Jyaishthyam cha ma aadhipatyam cha me manyushcha me / Bhaamashcha me'mashcha me'mbhashcha me jemaa cha me / Mahimaa cha me varimaa cha me prathimaa cha me / Varshmaa cha me draaghuyaa cha me vruddham cha me / Vruddhishcha me satyam cha me shraddhaa cha me jagachcha me / Dhanam cha me vashashcha me tvishishcha me kreedaa cha me / Modashcha me jaatam cha me janishyamaanam cha me / Sooktam cha me sukrutam cha me vittam cha me / Vedyam cha me bhootam cha me bhavishyachcha me / Sugam cha me supatham cha ma ruddham cha ma / Ruddhishcha me klruptam cha me klruptishcha me / Matishcha me sumatishcha me || 2 ||_

### ॥   ॥
_||   ||_

शं च॑ मे॒ मय॑श्च मे प्रि॒यं च॑ मेऽनुका॒मश्च॑ मे॒  
काम॑श्च मे सौमन॒सश्च॑ मे भ॒द्रं च॑ मे॒ श्रेय॑श्च मे॒  
वस्य॑श्च मे॒ यश॑श्च मे॒ भग॑श्च मे॒ द्रवि॑णं च मे  
य॒न्ता च॑ मे ध॒र्ता च॑ मे॒ क्षेम॑श्च मे॒ धृति॑श्च मे॒  
विश्वं॑ च मे॒ मह॑श्च मे सं॒विच्च॑ मे॒ ज्ञात्रं॑ च मे॒  
सूश्च॑ मे प्र॒सूश्च॑ मे॒ सीरं॑ च मे ल॒यश्च॑ म  
ऋ॒तं च॑ मे॒ऽमृतं॑ च मेऽय॒क्ष्मं च॒  
मेऽना॑मयच्च मे जी॒वातु॑श्च मे दीर्घायु॒त्वं च॑  
मेऽनमि॒त्रं च॒ मेऽभ॑यं च मे सु॒गं च॑ मे॒  
शय॑नं च मे सू॒षा च॑ मे सु॒दिनं॑ च मे ॥ ३ ॥  

_Sham cha me mayashcha me priyam cha me'nukaamashcha me / Kaamashcha me saumanasashcha me bhadram cha me shreyashcha me / Vasyashcha me yashashcha me bhagashcha me dravinam cha me / Yantaa cha me dhartaa cha me kshemashcha me dhrutishcha me / Vishvam cha me mahashcha me sanvichcha me jnaatram cha me / Sooshcha me prasooshcha me seeram cha me layashcha ma / Rutam cha me'mrutam cha me'yakshmam cha / Me'naamayachcha me jeevaatushcha me deerghaayutvam cha / Me'namitram cha me'bhayam cha me sugam cha me / Shayanam cha me sooshaa cha me sudinam cha me || 3 ||_

### ॥   ॥
_||   ||_

ऊर्क्च॑ मे सू॒नृता॑ च मे॒ पय॑श्च मे॒ रस॑श्च मे  
घृ॒तं च॑ मे॒ मधु॑ च मे॒ सग्धि॑श्च मे॒ सपी॑तिश्च मे  
कृ॒षिश्च॑ मे॒ वृष्टि॑श्च मे॒ जैत्रं॑ च म॒ औद्भि॑द्यं च मे  
र॒यिश्च॑ मे॒ राय॑श्च मे पु॒ष्टं च॑ मे॒ पुष्टि॑श्च मे  
वि॒भु च॑ मे प्र॒भु च॑ मे ब॒हु च॑ मे॒ भूय॑श्च मे  
पू॒र्णं च॑ मे पू॒र्णत॑रं च॒ मेऽक्षि॑तिश्च मे॒  
कूय॑वाश्च॒ मेऽन्नं॑ च॒ मेऽक्षु॑च्च मे व्री॒हय॑श्च मे॒  
यवा᳚श्च मे॒ माषा᳚श्च मे॒ तिला᳚श्च मे मु॒द्गाश्च॑ मे  
ख॒ल्वा᳚श्च मे गो॒धूमा᳚श्च मे म॒सुरा᳚श्च मे  
प्रि॒यंग॑वश्च॒ मेऽण॑वश्च मे श्या॒माका᳚श्च मे  
नी॒वारा᳚श्च मे ॥ ४ ॥  

_Oorkcha me soonrutaa cha me payashcha me rasashcha me / Ghrutam cha me madhu cha me sagdhishcha me sapeetishcha me / Krushishcha me vrushtishcha me jaitram cha ma audbhidyam cha me / Rayishcha me raayashcha me pushtam cha me pushtishcha me / Vibhu cha me prabhu cha me bahu cha me bhooyashcha me / Poornam cha me poornataram cha me'kshitishcha me / Kooyavaashcha me'nnam cha me'kshuchcha me vreehayashcha me / Yavaashcha me maashaashcha me tilaashcha me mudgaashcha me / Khalvaashcha me godhoomaashcha me masuraashcha me / Priyangavashcha me'navashcha me shyaamaakaashcha me / Neevaaraashcha me || 4 ||_

### ॥   ॥
_||   ||_

अश्मा॑ च मे॒ मृत्ति॑का च मे गि॒रय॑श्च मे॒ पर्व॑ताश्च मे॒  
सिक॑ताश्च मे॒ वन॒स्पत॑यश्च मे॒ हिर॑ण्यं च॒  
मेऽय॑श्च मे॒ सीसं॑ च मे॒ त्रपु॑श्च मे श्या॒मं च॑ मे  
लो॒हं च॑ मे॒ऽग्निश्च॑ म॒ आप॑श्च मे वी॒रुध॑श्च म॒  
ओष॑धयश्च मे कृष्टप॒च्यं च॑ मेऽकृष्टप॒च्यं च॑ मे  
ग्रा॒म्याश्च॑ मे प॒शव॑ आर॒ण्याश्च॑ य॒ज्ञेन॑ कल्पन्तां  
वि॒त्तं च॑ मे॒ वित्ति॑श्च मे भू॒तं च॑ मे॒ भूति॑श्च मे॒  
वसु॑ च मे वस॒तिश्च॑ मे॒ कर्म॑ च मे॒ शक्ति॑श्च॒  
मेऽर्थ॑श्च म॒ एम॑श्च म॒ इति॑श्च मे॒ गति॑श्च मे ॥ ५ ॥  

_Ashmaa cha me mruttikaa cha me girayashcha me parvataashcha me / Sikataashcha me vanaspatayashcha me hiranyam cha / Me'yashcha me seesam cha me trapushcha me shyaamam cha me / Loham cha me'gnishcha ma aapashcha me veerudhashcha ma / Oshadhayashcha me krushtapachyam cha me'krushtapachyam cha me / Graamyaashcha me pashava aaranyaashcha yajnena kalpantaam / Vittam cha me vittishcha me bhootam cha me bhootishcha me / Vasu cha me vasatishcha me karma cha me shaktishcha / Me'rthashcha ma emashcha ma itishcha me gatishcha me || 5 ||_

### ॥   ॥
_||   ||_

अ॒ग्निश्च॑ म॒ इन्द्र॑श्च मे॒ सोम॑श्च म॒ इन्द्र॑श्च मे  
सवि॒ता च॑ म॒ इन्द्र॑श्च मे॒ सर॑स्वती च म॒ इन्द्र॑श्च मे  
पू॒षा च॑ म॒ इन्द्र॑श्च मे॒ बृह॒स्पति॑श्च म॒ इन्द्र॑श्च मे  
मि॒त्रश्च॑ म॒ इन्द्र॑श्च मे॒ वरु॑णश्च म॒ इन्द्र॑श्च मे॒  
त्वष्टा॑ च म॒ इन्द्र॑श्च मे धा॒ता च॑ म॒ इन्द्र॑श्च मे॒  
विष्णु॑श्च म॒ इन्द्र॑श्च मे॒ऽश्विनौ॑ च म॒ इन्द्र॑श्च मे  
म॒रुत॑श्च म॒ इन्द्र॑श्च मे॒ विश्वे॑ च मे दे॒वा इन्द्र॑श्च मे  
पृथि॒वी च॑ म॒ इन्द्र॑श्च मे॒ऽन्तरि॑क्षं च म॒ इन्द्र॑श्च मे॒  
द्यौश्च॑ म॒ इन्द्र॑श्च मे॒ दिश॑श्च म॒ इन्द्र॑श्च मे  
मू॒र्धा च॑ म॒ इन्द्र॑श्च मे प्र॒जाप॑तिश्च म॒ इन्द्र॑श्च मे ॥ ६ ॥  

_Agnishcha ma indrashcha me somashcha ma indrashcha me / Savitaa cha ma indrashcha me sarasvatee cha ma indrashcha me / Pooshaa cha ma indrashcha me bruhaspatishcha ma indrashcha me / Mitrashcha ma indrashcha me varunashcha ma indrashcha me / Tvashtaa cha ma indrashcha me dhaataa cha ma indrashcha me / Vishnushcha ma indrashcha me'shvinau cha ma indrashcha me / Marutashcha ma indrashcha me vishve cha me devaa indrashcha me / Pruthivee cha ma indrashcha me'ntariksham cha ma indrashcha me / Dyaushcha ma indrashcha me dishashcha ma indrashcha me / Moordhaa cha ma indrashcha me prajaapatishcha ma indrashcha me || 6 ||_

अ॒ग्ं॒शुश्च॑ मे र॒श्मिश्च॒ मेऽदा᳚भ्यश्च॒ मेऽधि॑पतिश्च म  
उपा॒ग्ं॒शुश्च॑ मेऽन्तर्या॒मश्च॑ म ऐन्द्रवाय॒वश्च॑ मे  
मैत्रावरु॒णश्च॑ म आश्वि॒नश्च॑ मे प्रतिप्र॒स्थान॑श्च मे  
शु॒क्रश्च॑ मे म॒न्थी च॑ म आग्रय॒णश्च॑ मे वैश्वदे॒वश्च॑ मे  
ध्रु॒वश्च॑ मे वैश्वान॒रश्च॑ म ऋतुग्र॒हाश्च॑  
मेऽतिग्रा॒ह्या᳚श्च म ऐन्द्रा॒ग्नश्च॑ मे वैश्वदे॒वश्च॑ मे  
मरुत्व॒तीया᳚श्च मे माहे॒न्द्रश्च॑ म आदि॒त्यश्च॑ मे  
सावि॒त्रश्च॑ मे सारस्व॒तश्च॑ मे पौ॒ष्णश्च॑ मे  
पात्नीव॒तश्च॑ मे हारियोज॒नश्च॑ मे ॥ ७ ॥  

_Agnshushcha me rashmishcha me'daabhyashcha me'dhipatishcha ma / Upaagnshushcha me'ntaryaamashcha ma aindravaayavashcha me / Maitraavarunashcha ma aashvinashcha me pratiprasthaanashcha me / Shukrashcha me manthee cha ma aagrayanashcha me vaishvadevashcha me / Dhruvashcha me vaishvaanarashcha ma rutugrahaashcha / Me'tigraahyaashcha ma aindraagnashcha me vaishvadevashcha me / Marutvateeyaashcha me maahendrashcha ma aadityashcha me / Saavitrashcha me saarasvatashcha me paushnashcha me / Paatneevatashcha me haariyojanashcha me || 7 ||_

### ॥   ॥
_||   ||_

इ॒ध्मश्च॑ मे ब॒र्हिश्च॑ मे॒ वेदि॑श्च मे॒ धिष्णि॑याश्च मे॒  
स्रुच॑श्च मे चम॒साश्च॑ मे॒ ग्रावा॑णश्च मे॒ स्वर॑वश्च म  
उपर॒वाश्च॑ मेऽधि॒षव॑णे च मे द्रोणकल॒शश्च॑ मे  
वाय॒व्या॑नि च मे पूत॒भृच्च॑ म आधव॒नीय॑श्च म॒  
आग्नी᳚ध्रं च मे हवि॒र्धानं॑ च मे गृ॒हाश्च॑ मे॒  
सद॑श्च मे पुरो॒डाशा᳚श्च मे पच॒ताश्च॑  
मेऽवभृ॒थश्च॑ मे स्वगाका॒रश्च॑ मे ॥ ८ ॥  

_Idhmashcha me barhishcha me vedishcha me dhishniyaashcha me / Sruchashcha me chamasaashcha me graavaanashcha me svaravashcha ma / Uparavaashcha me'dhishavane cha me dronakalashashcha me / Vaayavyaani cha me pootabhruchcha ma aadhavaneeyashcha ma / Aagneedhram cha me havirdhaanam cha me gruhaashcha me / Sadashcha me purodaashaashcha me pachataashcha / Me'vabhruthashcha me svagaakaarashcha me || 8 ||_

### ॥   ॥
_||   ||_

अ॒ग्निश्च॑ मे घ॒र्मश्च॑ मे॒ऽर्कश्च॑ मे॒ सूर्य॑श्च मे  
प्रा॒णश्च॑ मेऽश्वमे॒धश्च॑ मे पृथि॒वी च॒ मेऽदि॑तिश्च मे॒  
दिति॑श्च मे॒ द्यौश्च॑ मे॒ शक्व॑रीर॒ङ्गुल॑यो॒ दिश॑श्च मे  
य॒ज्ञेन॑ कल्पन्ता॒मृक्च॑ मे॒ साम॑ च मे॒ स्तोम॑श्च मे॒  
यजु॑श्च मे दी॒क्षा च॑ मे॒ तप॑श्च म ऋ॒तुश्च॑ मे  
व्र॒तं च॑ मेऽहोरा॒त्रयो᳚र्वृ॒ष्ट्या बृ॑हद्रथन्त॒रे च॑ मे  
य॒ज्ञेन॑ कल्पेताम् ॥ ९ ॥  

_Agnishcha me gharmashcha me'rkashcha me sooryashcha me / Praanashcha me'shvamedhashcha me pruthivee cha me'ditishcha me / Ditishcha me dyaushcha me shakvareerangulayo dishashcha me / Yajnena kalpantaamrukcha me saama cha me stomashcha me / Yajushcha me deekshaa cha me tapashcha ma rutushcha me / Vratam cha me'horaatrayorvrushtyaa bruhadrathantare cha me / Yajnena kalpetaam || 9 ||_

### ॥   ॥
_||   ||_

गर्भा᳚श्च मे व॒त्साश्च॑ मे॒ त्र्यवि॑श्च मे त्र्य॒वी च॑ मे  
दित्य॒वाट् च॑ मे दित्यौ॒ही च॑ मे॒ पञ्चा॑विश्च मे  
पञ्चा॒वी च॑ मे त्रिव॒त्सश्च॑ मे त्रिव॒त्सा च॑ मे  
तुर्य॒वाट् च॑ मे तुर्यौ॒ही च॑ मे पष्ठ॒वाट् च॑ मे  
पष्ठौ॒ही च॑ म उ॒क्षा च॑ मे व॒शा च॑ म ऋष॒भश्च॑ मे  
वे॒हच्च॑ मेऽन॒ड्वाञ्च॑ मे धे॒नुश्च॑ म॒  
आयु॑र्य॒ज्ञेन॑ कल्पतां प्रा॒णो य॒ज्ञेन॑ कल्पतामपा॒नो  
य॒ज्ञेन॑ कल्पतां व्या॒नो य॒ज्ञेन॑ कल्पतां॒  
चक्षु॑र्य॒ज्ञेन॑ कल्पता॒ग्॒ श्रोत्रं॑ य॒ज्ञेन॑ कल्पतां॒  
मनो॑ य॒ज्ञेन॑ कल्पतां॒ वाग्य॒ज्ञेन॑ कल्पतामा॒त्मा  
य॒ज्ञेन॑ कल्पतां य॒ज्ञो य॒ज्ञेन॑ कल्पताम् ॥ १० ॥  

_Garbhaashcha me vatsaashcha me tryavishcha me tryavee cha me / Dityavaat cha me dityauhee cha me panchaavishcha me / Panchaavee cha me trivatsashcha me trivatsaa cha me / Turyavaat cha me turyauhee cha me pashthavaat cha me / Pashthauhee cha ma ukshaa cha me vashaa cha ma rushabhashcha me / Vehachcha me'nadvaancha me dhenushcha ma / Aayuryajnena kalpataam praano yajnena kalpataamapaano / Yajnena kalpataam vyaano yajnena kalpataam / Chakshuryajnena kalpataag shrotram yajnena kalpataam / Mano yajnena kalpataam vaagyajnena kalpataamaatmaa / Yajnena kalpataam yajno yajnena kalpataam || 10 ||_

एका॑ च मे ति॒स्रश्च॑ मे॒ पञ्च॑ च मे स॒प्त च॑ मे॒  
नव॑ च म॒ एका॑दश च मे॒ त्रयो॑दश च मे॒  
पञ्च॑दश च मे स॒प्तद॑श च मे॒ नव॑दश च म॒  
एक॑विग्ंशतिश्च मे॒ त्रयो॑विग्ंशतिश्च मे॒  
पञ्च॑विग्ंशतिश्च मे स॒प्तविग्ं॑शतिश्च मे॒ नव॑विग्ंशतिश्च म॒  
एक॑त्रिग्ंशच्च मे॒ त्रय॑स्त्रिग्ंशच्च मे॒ चत॑स्रश्च  
मे॒ऽष्टौ च॑ मे॒ द्वाद॑श च मे॒ षोड॑श च मे  
विग्ंश॒तिश्च॑ मे॒ चतु॑र्विग्ंशतिश्च मे॒ऽष्टाविग्ं॑शतिश्च मे॒  
द्वात्रिग्ं॑शच्च मे॒ षट्त्रिग्ं॑शच्च मे चत्वारि॒ग्ं॒शच्च॑ मे॒  
चतु॑श्चत्वारिग्ंशच्च मे॒ऽष्टाच॑त्वारिग्ंशच्च मे॒ वाज॑श्च  
प्रस॒वश्चा॑पि॒जश्च॒ क्रतु॑श्च॒ सुव॑श्च मू॒र्धा च॒  
व्यश्नि॑यश्चान्त्याय॒नश्चान्त्य॑श्च भौव॒नश्च॒  
भुव॑न॒श्चाधि॑पतिश्च ॥ ११ ॥  

_Ekaa cha me tisrashcha me pancha cha me sapta cha me / Nava cha ma ekaadasha cha me trayodasha cha me / Panchadasha cha me saptadasha cha me navadasha cha ma / Ekavignshatishcha me trayovignshatishcha me / Panchavignshatishcha me saptavignshatishcha me navavignshatishcha ma / Ekatrignshachcha me trayastrignshachcha me chatasrashcha / Me'shtau cha me dvaadasha cha me shodasha cha me / Vignshatishcha me chaturvignshatishcha me'shtaavignshatishcha me / Dvaatrignshachcha me shattrignshachcha me chatvaarignshachcha me / Chatushchatvaarignshachcha me'shtaachatvaarignshachcha me vaajashcha / Prasavashchaapijashcha kratushcha suvashcha moordhaa cha / Vyashniyashchaantyaayanashchaantyashcha bhauvanashcha / Bhuvanashchaadhipatishcha || 11 ||_

ओं इडा॑ देव॒हूर्मनु॑र्यज्ञ॒नीर्बृह॒स्पति॑रुक्थाम॒दानि॑  
शग्ंसिष॒द्विश्वे॑दे॒वाः सू᳚क्त॒वाचः॒ पृथि॑वीमात॒र्मा मा॑  
हिग्ंसी॒र्मधु॑ मनिष्ये॒ मधु॑ जनिष्ये॒ मधु॑ वक्ष्यामि॒  
मधु॑ वदिष्यामि॒ मधु॑मतीं दे॒वेभ्यो॒ वाच॑मुद्यासग्ं  
शुश्रू॒षेण्यां᳚ मनु॒ष्ये᳚भ्य॒स्तं मा॑ दे॒वा अ॑वन्तु  
शो॒भायै॑ पि॒तरोऽनु॑मदन्तु ॥  

_Om idaa devahoormanuryajnaneerbruhaspatirukthaamadaani / Shagnsishadvishvedevaah sooktavaachah pruthiveemaatarmaa maa / Hignseermadhu manishye madhu janishye madhu vakshyaami / Madhu vadishyaami madhumateem devebhyo vaachamudyaasagm / Shushrooshenyaam manushyebhyastam maa devaa avantu / Shobhaayai pitaro'numadantu ||_

### ओं शान्तिः॒ शान्तिः॒ शान्तिः॑ ॥
_Om shaantih shaantih shaantih ||_