{"id":"shri-rudram","code":"54","title":{"dev":"श्रीरुद्रम्","rom":"Shri Rudram (Namakam & Chamakam)"},"type":"suktam","typeLabel":"Suktam","language":"sa","languageName":"Sanskrit","deity":["shiva"],"aliases":["Rudram Namakam","Rudradhyaya","Shatarudriya"],"verses":22,"sections":[{"kind":"heading","dev":"श्री रुद्रप्रश्नः – नमकप्रश्नः","rom":"Shree rudraprashnah – namakaprashnah"},{"kind":"heading","dev":"ओं नमो भगवते॑ रुद्रा॒य ॥","rom":"Om namo bhagavate rudraaya ||"},{"kind":"verse","n":1,"dev":"नम॑स्ते रुद्र म॒न्यव॑ उ॒तोत॒ इष॑वे॒ नमः॑ ।\nनम॑स्ते अस्तु॒ धन्व॑ने बा॒हुभ्या॑मु॒त ते॒ नमः॑ ।\nया त॒ इषुः॑ शि॒वत॑मा शि॒वं ब॒भूव॑ ते॒ धनुः॑ ।\nशि॒वा श॑र॒व्या॑ या तव॒ तया॑ नो रुद्र मृडय ।\nया ते॑ रुद्र शि॒वा त॒नूरघो॒राऽपा॑पकाशिनी ।\nतया॑ नस्त॒नुवा॒ शंत॑मया॒ गिरि॑शन्ता॒भिचा॑कशीहि ।\nयामिषुं॑ गिरिशन्त॒ हस्ते॒ बिभ॒र्ष्यस्त॑वे ।\nशि॒वां गि॑रित्र॒ तां कु॑रु॒ मा हिग्ं॑सीः॒ पुरु॑षं॒ जग॑त् ।\nशि॒वेन॒ वच॑सा त्वा॒ गिरि॒शाच्छा॑वदामसि ।\nयथा॑ नः॒ सर्व॒मिज्जग॑दय॒क्ष्मग्ं सु॒मना॒ अस॑त् ।\nअध्य॑वोचदधिव॒क्ता प्र॑थ॒मो दैव्यो॑ भि॒षक् ।\nअहीग्॑श्च॒ सर्वा᳚ञ्ज॒म्भय॒न्त्सर्वा᳚श्च यातुधा॒न्यः॑ ।\nअ॒सौ यस्ता॒म्रो अ॑रु॒ण उ॒त ब॒भ्रुः सु॑म॒ङ्गलः॑ ।\nये चे॒माग्ं रु॒द्रा अ॒भितो॑ दि॒क्षु श्रि॒ताः\nस॑हस्र॒शोऽवै॑षा॒ग्ं॒ हेड॑ ईमहे ।\nअ॒सौ यो॑ऽव॒सर्प॑ति॒ नील॑ग्रीवो॒ विलो॑हितः ।\nउ॒तैनं॑ गो॒पा अ॑दृश॒न्नदृ॑शन्नुदहा॒र्यः॑ ।\nउ॒तैनं॒ विश्वा॑ भू॒तानि॒ स दृ॒ष्टो मृ॑डयाति नः ।\nनमो॑ अस्तु॒ नील॑ग्रीवाय सहस्रा॒क्षाय॑ मी॒ढुषे᳚ ।\nअथो॒ ये अ॑स्य॒ सत्वा॑नो॒ऽहं तेभ्यो॑ऽकर॒न्नमः॑ ।\nप्रमु॑ञ्च॒ धन्व॑न॒स्त्वमु॒भयो॒रार्त्नि॑यो॒र्ज्याम् ।\nयाश्च॑ ते॒ हस्त॒ इष॑वः॒ परा॒ ता भ॑गवो वप ।\nअ॒व॒तत्य॒ धनु॒स्त्वग्ं सह॑स्राक्ष॒ शते॑षुधे ।\nनि॒शीर्य॑ श॒ल्यानां॒ मुखा॑ शि॒वो नः॑ सु॒मना॑ भव ।\nविज्यं॒ धनुः॑ कप॒र्दिनो॒ विश॑ल्यो॒ बाण॑वाग्ं उ॒त ।\nअने॑शन्न॒स्येष॑व आ॒भुर॑स्य निष॒ङ्गथिः॑ ।\nया ते॑ हे॒तिर्मी॑ढुष्टम॒ हस्ते॑ ब॒भूव॑ ते॒ धनुः॑ ।\nतया॒ऽस्मान् वि॒श्वत॒स्त्वम॑य॒क्ष्मया॒ परि॑ब्भुज ।\nनम॑स्ते अ॒स्त्वायु॑धा॒याना॑तताय धृ॒ष्णवे᳚ ।\nउ॒भाभ्या॑मु॒त ते॒ नमो॑ बा॒हुभ्यां॒ तव॒ धन्व॑ने ।\nपरि॑ते॒ धन्व॑नो हे॒तिर॒स्मान्वृ॑णक्तु वि॒श्वतः॑ ।\nअथो॒ य इ॑षु॒धिस्तवा॒रे अ॒स्मन्निधे॑हि॒ तम् ॥\nनम॑स्ते अस्तु भगवन्विश्वेश्व॒राय॑ महादे॒वाय॑\nत्र्यम्ब॒काय॑ त्रिपुरान्त॒काय॑ त्रिकाग्निका॒लाय॑\nकालाग्निरु॒द्राय॑ नीलक॒ण्ठाय॑ मृत्युञ्ज॒याय॑\nसर्वेश्व॒राय॑ सदाशि॒वाय॑ श्रीमन्महादे॒वाय॒ नमः॑ ॥ १ ॥","rom":"Namaste rudra manyava utota ishave namah |\nNamaste astu dhanvane baahubhyaamuta te namah |\nYaa ta ishuh shivatamaa shivam babhoova te dhanuh |\nShivaa sharavyaa yaa tava tayaa no rudra mrudaya |\nYaa te rudra shivaa tanooraghoraa'paapakaashinee |\nTayaa nastanuvaa shantamayaa girishantaabhichaakasheehi |\nYaamishum girishanta haste bibharshyastave |\nShivaam giritra taam kuru maa hignseeh purusham jagat |\nShivena vachasaa tvaa girishaachchhaavadaamasi |\nYathaa nah sarvamijjagadayakshmagm sumanaa asat |\nAdhyavochadadhivaktaa prathamo daivyo bhishak |\nAheegshcha sarvaanjambhayantsarvaashcha yaatudhaanyah |\nAsau yastaamro aruna uta babhruh sumangalah |\nYe chemaagm rudraa abhito dikshu shritaah\nSahasrasho'vaishaagm heda eemahe |\nAsau yo'vasarpati neelagreevo vilohitah |\nUtainam gopaa adrushannadrushannudahaaryah |\nUtainam vishvaa bhootaani sa drushto mrudayaati nah |\nNamo astu neelagreevaaya sahasraakshaaya meedhushe |\nAtho ye asya satvaano'ham tebhyo'karannamah |\nPramuncha dhanvanastvamubhayoraartniyorjyaam |\nYaashcha te hasta ishavah paraa taa bhagavo vapa |\nAvatatya dhanustvagm sahasraaksha shateshudhe |\nNisheerya shalyaanaam mukhaa shivo nah sumanaa bhava |\nVijyam dhanuh kapardino vishalyo baanavaagm uta |\nAneshannasyeshava aabhurasya nishangathih |\nYaa te hetirmeedhushtama haste babhoova te dhanuh |\nTayaa'smaan vishvatastvamayakshmayaa paribbhuja |\nNamaste astvaayudhaayaanaatataaya dhrushnave |\nUbhaabhyaamuta te namo baahubhyaam tava dhanvane |\nParite dhanvano hetirasmaanvrunaktu vishvatah |\nAtho ya ishudhistavaare asmannidhehi tam ||\nNamaste astu bhagavanvishveshvaraaya mahaadevaaya\nTryambakaaya tripuraantakaaya trikaagnikaalaaya\nKaalaagnirudraaya neelakanthaaya mrutyunjayaaya\nSarveshvaraaya sadaashivaaya shreemanmahaadevaaya namah || 1 ||"},{"kind":"verse","n":2,"dev":"नमो॒ हिर॑ण्यबाहवे सेना॒न्ये॑ दि॒शां च॒ पत॑ये॒ नमो॒\nनमो॑ वृ॒क्षेभ्यो॒ हरि॑केशेभ्यः पशू॒नां पत॑ये॒ नमो॒\nनमः॑ स॒स्पिञ्ज॑राय॒ त्विषी॑मते पथी॒नां पत॑ये॒ नमो॒\nनमो॑ बभ्लु॒शाय॑ विव्या॒धिनेऽन्ना॑नां॒ पत॑ये॒ नमो॒\nनमो॒ हरि॑केशायोपवी॒तिने॑ पु॒ष्टानां॒ पत॑ये॒ नमो॒\nनमो॑ भ॒वस्य॑ हे॒त्यै जग॑तां॒ पत॑ये॒ नमो॒\nनमो॑ रु॒द्राया॑तता॒विने॒ क्षेत्रा॑णां॒ पत॑ये॒ नमो॒\nनमः॑ सू॒तायाह॑न्त्याय॒ वना॑नां॒ पत॑ये॒ नमो॒\nनमो॒ रोहि॑ताय स्थ॒पत॑ये वृ॒क्षाणां॒ पत॑ये॒ नमो॒\nनमो॑ म॒न्त्रिणे॑ वाणि॒जाय॒ कक्षा॑णां॒ पत॑ये॒ नमो॒\nनमो॑ भुव॒न्तये॑ वारिवस्कृ॒तायौष॑धीनां॒ पत॑ये॒ नमो॒\nनम॑ उ॒च्चैर्घो॑षायाक्र॒न्दय॑ते पत्ती॒नां पत॑ये॒ नमो॒\nनमः॑ कृत्स्नवी॒ताय॒ धाव॑ते॒ सत्त्व॑नां॒ पत॑ये॒ नमः॑ ॥ २ ॥","rom":"Namo hiranyabaahave senaanye dishaam cha pataye namo\nNamo vrukshebhyo harikeshebhyah pashoonaam pataye namo\nNamah saspinjaraaya tvisheemate patheenaam pataye namo\nNamo babhlushaaya vivyaadhine'nnaanaam pataye namo\nNamo harikeshaayopaveetine pushtaanaam pataye namo\nNamo bhavasya hetyai jagataam pataye namo\nNamo rudraayaatataavine kshetraanaam pataye namo\nNamah sootaayaahantyaaya vanaanaam pataye namo\nNamo rohitaaya sthapataye vrukshaanaam pataye namo\nNamo mantrine vaanijaaya kakshaanaam pataye namo\nNamo bhuvantaye vaarivaskrutaayaushadheenaam pataye namo\nNama uchchairghoshaayaakrandayate patteenaam pataye namo\nNamah krutsnaveetaaya dhaavate sattvanaam pataye namah || 2 ||"},{"kind":"heading","dev":"॥   ॥","rom":"||   ||"},{"kind":"verse","n":3,"dev":"नमः॒ सह॑मानाय निव्या॒धिन॑ आव्या॒धिनी॑नां॒ पत॑ये॒ नमो॒\nनमः॑ ककु॒भाय॑ निष॒ङ्गिणे᳚ स्ते॒नानां॒ पत॑ये॒ नमो॒\nनमो॑ निष॒ङ्गिण॑ इषुधि॒मते॒ तस्क॑राणां॒ पत॑ये॒ नमो॒\nनमो॒ वञ्च॑ते परि॒वञ्च॑ते स्तायू॒नां पत॑ये॒ नमो॒\nनमो॑ निचे॒रवे॑ परिच॒रायार॑ण्यानां॒ पत॑ये॒ नमो॒\nनमः॑ सृका॒विभ्यो॒ जिघाग्ं॑सद्भ्यो मुष्ण॒तां पत॑ये॒ नमो॒\nनमो॑ऽसि॒मद्भ्यो॒ नक्तं॒चर॑द्भ्यः प्रकृ॒न्तानां॒ पत॑ये॒ नमो॒\nनम॑ उष्णी॒षिणे॑ गिरिच॒राय॑ कुलु॒ञ्चानां॒ पत॑ये॒ नमो॒\nनम॒ इषु॑मद्भ्यो धन्वा॒विभ्य॑श्च वो॒ नमो॒\nनम॑ आतन्वा॒नेभ्यः॑ प्रति॒दधा॑नेभ्यश्च वो॒ नमो॒\nनम॑ आ॒यच्छ॑द्भ्यो विसृ॒जद्भ्य॑श्च वो॒ नमो॒\nनमो ऽस्य॑द्भ्यो॒ विध्य॑द्भ्यश्च वो॒ नमो॒\nनम॒ आसी॑नेभ्यः॒ शया॑नेभ्यश्च वो॒ नमो॒\nनमः॑ स्व॒पद्भ्यो॒ जाग्र॑द्भ्यश्च वो॒ नमो॒\nनम॒स्तिष्ठ॑द्भ्यो॒ धाव॑द्भ्यश्च वो॒ नमो॒\nनमः॑ स॒भाभ्यः॑ स॒भाप॑तिभ्यश्च वो॒ नमो॒\nनमो॒ अश्वे॒भ्योऽश्व॑पतिभ्यश्च वो॒ नमः॑ ॥ ३ ॥","rom":"Namah sahamaanaaya nivyaadhina aavyaadhineenaam pataye namo\nNamah kakubhaaya nishangine stenaanaam pataye namo\nNamo nishangina ishudhimate taskaraanaam pataye namo\nNamo vanchate parivanchate staayoonaam pataye namo\nNamo nicherave paricharaayaaranyaanaam pataye namo\nNamah srukaavibhyo jighaagnsadbhyo mushnataam pataye namo\nNamo'simadbhyo naktancharadbhyah prakruntaanaam pataye namo\nNama ushneeshine giricharaaya kulunchaanaam pataye namo\nNama ishumadbhyo dhanvaavibhyashcha vo namo\nNama aatanvaanebhyah pratidadhaanebhyashcha vo namo\nNama aayachchhadbhyo visrujadbhyashcha vo namo\nNamo 'syadbhyo vidhyadbhyashcha vo namo\nNama aaseenebhyah shayaanebhyashcha vo namo\nNamah svapadbhyo jaagradbhyashcha vo namo\nNamastishthadbhyo dhaavadbhyashcha vo namo\nNamah sabhaabhyah sabhaapatibhyashcha vo namo\nNamo ashvebhyo'shvapatibhyashcha vo namah || 3 ||"},{"kind":"heading","dev":"॥   ॥","rom":"||   ||"},{"kind":"verse","n":4,"dev":"नम॑ आव्या॒धिनी᳚भ्यो वि॒विध्य॑न्तीभ्यश्च वो॒ नमो॒\nनम॒ उग॑णाभ्यस्तृग्ंह॒तीभ्य॑श्च वो॒ नमो॒\nनमो॑ गृ॒त्सेभ्यो॑ गृ॒त्सप॑तिभ्यश्च वो॒ नमो॒\nनमो॒ व्राते᳚भ्यो॒ व्रात॑पतिभ्यश्च वो॒ नमो॒\nनमो॑ ग॒णेभ्यो॑ ग॒णप॑तिभ्यश्च वो॒ नमो॒\nनमो॒ विरू॑पेभ्यो वि॒श्वरू॑पेभ्यश्च वो॒ नमो॒\nनमो॑ म॒हद्भ्यः॑, क्षुल्ल॒केभ्य॑श्च वो॒ नमो॒\nनमो॑ र॒थिभ्यो॑ऽर॒थेभ्य॑श्च वो॒ नमो॒\nनमो॒ रथे᳚भ्यो॒ रथ॑पतिभ्यश्च वो॒ नमो॒\nनमः॒ सेना᳚भ्यः सेना॒निभ्य॑श्च वो॒ नमो॒\nनमः॑, क्ष॒त्तृभ्यः॑ संग्रही॒तृभ्य॑श्च वो॒ नमो॒\nनम॒स्तक्ष॑भ्यो रथका॒रेभ्य॑श्च वो॒ नमो॒\nनमः॒ कुला॑लेभ्यः क॒र्मारे᳚भ्यश्च वो॒ नमो॒\nनमः॑ पु॒ञ्जिष्टे᳚भ्यो निषा॒देभ्य॑श्च वो॒ नमो॒\nनम॑ इषु॒कृद्भ्यो॑ धन्व॒कृद्भ्य॑श्च वो॒ नमो॒\nनमो॑ मृग॒युभ्यः॑ श्व॒निभ्य॑श्च वो॒ नमो॒\nनमः॒ श्वभ्यः॒ श्वप॑तिभ्यश्च वो॒ नमः॑ ॥ ४ ॥","rom":"Nama aavyaadhineebhyo vividhyanteebhyashcha vo namo\nNama uganaabhyastrugnhateebhyashcha vo namo\nNamo grutsebhyo grutsapatibhyashcha vo namo\nNamo vraatebhyo vraatapatibhyashcha vo namo\nNamo ganebhyo ganapatibhyashcha vo namo\nNamo viroopebhyo vishvaroopebhyashcha vo namo\nNamo mahadbhyah, kshullakebhyashcha vo namo\nNamo rathibhyo'rathebhyashcha vo namo\nNamo rathebhyo rathapatibhyashcha vo namo\nNamah senaabhyah senaanibhyashcha vo namo\nNamah, kshattrubhyah sangraheetrubhyashcha vo namo\nNamastakshabhyo rathakaarebhyashcha vo namo\nNamah kulaalebhyah karmaarebhyashcha vo namo\nNamah punjishtebhyo nishaadebhyashcha vo namo\nNama ishukrudbhyo dhanvakrudbhyashcha vo namo\nNamo mrugayubhyah shvanibhyashcha vo namo\nNamah shvabhyah shvapatibhyashcha vo namah || 4 ||"},{"kind":"heading","dev":"॥   ॥","rom":"||   ||"},{"kind":"verse","n":5,"dev":"नमो॑ भ॒वाय॑ च रु॒द्राय॑ च॒ नमः॑ श॒र्वाय॑ च\nपशु॒पत॑ये च॒ नमो॒ नील॑ग्रीवाय च शिति॒कण्ठा॑य च॒\nनमः॑ कप॒र्दिने॑ च॒ व्यु॑प्तकेशाय च॒\nनमः॑ सहस्रा॒क्षाय॑ च श॒तध॑न्वने च॒\nनमो॑ गिरि॒शाय॑ च शिपिवि॒ष्टाय॑ च॒\nनमो॑ मी॒ढुष्ट॑माय॒ चेषु॑मते च॒\nनमो᳚ ह्र॒स्वाय॑ च वाम॒नाय॑ च॒\nनमो॑ बृह॒ते च॒ वर्षी॑यसे च॒\nनमो॑ वृ॒द्धाय॑ च सं॒वृध्व॑ने च॒\nनमो॒ अग्रि॑याय च प्रथ॒माय॑ च॒\nनम॑ आ॒शवे॑ चाजि॒राय॑ च॒\nनमः॒ शीघ्रि॑याय च॒ शीभ्या॑य च॒\nनम॑ ऊ॒र्म्या॑य चावस्व॒न्या॑य च॒\nनमः॑ स्रोत॒स्या॑य च॒ द्वीप्या॑य च ॥ ५ ॥","rom":"Namo bhavaaya cha rudraaya cha namah sharvaaya cha\nPashupataye cha namo neelagreevaaya cha shitikanthaaya cha\nNamah kapardine cha vyuptakeshaaya cha\nNamah sahasraakshaaya cha shatadhanvane cha\nNamo girishaaya cha shipivishtaaya cha\nNamo meedhushtamaaya cheshumate cha\nNamo hrasvaaya cha vaamanaaya cha\nNamo bruhate cha varsheeyase cha\nNamo vruddhaaya cha sanvrudhvane cha\nNamo agriyaaya cha prathamaaya cha\nNama aashave chaajiraaya cha\nNamah sheeghriyaaya cha sheebhyaaya cha\nNama oormyaaya chaavasvanyaaya cha\nNamah srotasyaaya cha dveepyaaya cha || 5 ||"},{"kind":"heading","dev":"॥   ॥","rom":"||   ||"},{"kind":"verse","n":6,"dev":"नमो᳚ ज्ये॒ष्ठाय॑ च कनि॒ष्ठाय॑ च॒\nनमः॑ पूर्व॒जाय॑ चापर॒जाय॑ च॒\nनमो॑ मध्य॒माय॑ चापग॒ल्भाय॑ च॒\nनमो॑ जघ॒न्या॑य च॒ बुध्नि॑याय च॒\nनमः॑ सो॒भ्या॑य च प्रतिस॒र्या॑य च॒\nनमो॒ याम्या॑य च॒ क्षेम्या॑य च॒\nनम॑ उर्व॒र्या॑य च॒ खल्या॑य च॒\nनमः॒ श्लोक्या॑य चाऽवसा॒न्या॑य च॒\nनमो॒ वन्या॑य च॒ कक्ष्या॑य च॒\nनमः॑ श्र॒वाय॑ च प्रतिश्र॒वाय॑ च॒\nनम॑ आ॒शुषे॑णाय चा॒शुर॑थाय च॒\nनमः॒ शूरा॑य चावभिन्द॒ते च॒\nनमो॑ व॒र्मिणे॑ च वरू॒थिने॑ च॒\nनमो॑ बि॒ल्मिने॑ च कव॒चिने॑ च॒\nनमः॑ श्रु॒ताय॑ च श्रुतसे॒नाय॑ च ॥ ६ ॥","rom":"Namo jyeshthaaya cha kanishthaaya cha\nNamah poorvajaaya chaaparajaaya cha\nNamo madhyamaaya chaapagalbhaaya cha\nNamo jaghanyaaya cha budhniyaaya cha\nNamah sobhyaaya cha pratisaryaaya cha\nNamo yaamyaaya cha kshemyaaya cha\nNama urvaryaaya cha khalyaaya cha\nNamah shlokyaaya chaa'vasaanyaaya cha\nNamo vanyaaya cha kakshyaaya cha\nNamah shravaaya cha pratishravaaya cha\nNama aashushenaaya chaashurathaaya cha\nNamah shooraaya chaavabhindate cha\nNamo varmine cha varoothine cha\nNamo bilmine cha kavachine cha\nNamah shrutaaya cha shrutasenaaya cha || 6 ||"},{"kind":"heading","dev":"॥   ॥","rom":"||   ||"},{"kind":"verse","n":7,"dev":"नमो॑ दुन्दु॒भ्या॑य चाहन॒न्या॑य च॒\nनमो॑ धृ॒ष्णवे॑ च प्रमृ॒शाय॑ च॒\nनमो॑ दू॒ताय॑ च॒ प्रहि॑ताय च॒\nनमो॑ निष॒ङ्गिणे॑ चेषुधि॒मते॑ च॒\nनम॑स्ती॒क्ष्णेष॑वे चायु॒धिने॑ च॒\nनमः॑ स्वायु॒धाय॑ च सु॒धन्व॑ने च॒\nनमः॒ स्रुत्या॑य च॒ पथ्या॑य च॒\nनमः॑ का॒ट्या॑य च नी॒प्या॑य च॒\nनमः॒ सूद्या॑य च सर॒स्या॑य च॒\nनमो॑ ना॒द्याय॑ च वैश॒न्ताय॑ च॒\nनमः॒ कूप्या॑य चाव॒ट्या॑य च॒\nनमो॒ वर्ष्या॑य चाव॒र्ष्याय॑ च॒\nनमो॑ मे॒घ्या॑य च विद्यु॒त्या॑य च॒\nनम॑ ई॒ध्रिया॑य चात॒प्या॑य च॒\nनमो॒ वात्या॑य च॒ रेष्मि॑याय च॒\nनमो॑ वास्त॒व्या॑य च वास्तु॒ पाय॑ च ॥ ७ ॥","rom":"Namo dundubhyaaya chaahananyaaya cha\nNamo dhrushnave cha pramrushaaya cha\nNamo dootaaya cha prahitaaya cha\nNamo nishangine cheshudhimate cha\nNamasteekshneshave chaayudhine cha\nNamah svaayudhaaya cha sudhanvane cha\nNamah srutyaaya cha pathyaaya cha\nNamah kaatyaaya cha neepyaaya cha\nNamah soodyaaya cha sarasyaaya cha\nNamo naadyaaya cha vaishantaaya cha\nNamah koopyaaya chaavatyaaya cha\nNamo varshyaaya chaavarshyaaya cha\nNamo meghyaaya cha vidyutyaaya cha\nNama eedhriyaaya chaatapyaaya cha\nNamo vaatyaaya cha reshmiyaaya cha\nNamo vaastavyaaya cha vaastu paaya cha || 7 ||"},{"kind":"heading","dev":"॥   ॥","rom":"||   ||"},{"kind":"verse","n":8,"dev":"नमः॒ सोमा॑य च रु॒द्राय॑ च॒\nनम॑स्ता॒म्राय॑ चारु॒णाय॑ च॒\nनमः॑ शं॒गाय॑ च पशु॒पत॑ये च॒\nनम॑ उ॒ग्राय॑ च भी॒माय॑ च॒\nनमो॑ अग्रेव॒धाय॑ च दूरेव॒धाय॑ च॒\nनमो॑ ह॒न्त्रे च॒ हनी॑यसे च॒\nनमो॑ वृ॒क्षेभ्यो॒ हरि॑केशेभ्यो॒\nनम॑स्ता॒राय॒ नम॑श्श॒म्भवे॑ च मयो॒भवे॑ च॒\nनमः॑ शंक॒राय॑ च मयस्क॒राय॑ च॒\nनमः॑ शि॒वाय॑ च शि॒वत॑राय च॒\nनम॒स्तीर्थ्या॑य च॒ कूल्या॑य च॒\nनमः॑ पा॒र्या॑य चावा॒र्या॑य च॒\nनमः॑ प्र॒तर॑णाय चो॒त्तर॑णाय च॒\nनम॑ आता॒र्या॑य चाला॒द्या॑य च॒\nनमः॒ शष्प्या॑य च॒ फेन्या॑य च॒\nनमः॑ सिक॒त्या॑य च प्रवा॒ह्या॑य च ॥ ८ ॥","rom":"Namah somaaya cha rudraaya cha\nNamastaamraaya chaarunaaya cha\nNamah shangaaya cha pashupataye cha\nNama ugraaya cha bheemaaya cha\nNamo agrevadhaaya cha doorevadhaaya cha\nNamo hantre cha haneeyase cha\nNamo vrukshebhyo harikeshebhyo\nNamastaaraaya namashshambhave cha mayobhave cha\nNamah shankaraaya cha mayaskaraaya cha\nNamah shivaaya cha shivataraaya cha\nNamasteerthyaaya cha koolyaaya cha\nNamah paaryaaya chaavaaryaaya cha\nNamah prataranaaya chottaranaaya cha\nNama aataaryaaya chaalaadyaaya cha\nNamah shashpyaaya cha phenyaaya cha\nNamah sikatyaaya cha pravaahyaaya cha || 8 ||"},{"kind":"heading","dev":"॥   ॥","rom":"||   ||"},{"kind":"verse","n":9,"dev":"नम॑ इरि॒ण्या॑य च प्रप॒थ्या॑य च॒\nनमः॑ किग्ंशि॒लाय॑ च॒ क्षय॑णाय च॒\nनमः॑ कप॒र्दिने॑ च पुल॒स्तये॑ च॒\nनमो॒ गोष्ठ्या॑य च॒ गृह्या॑य च॒\nनम॒स्तल्प्या॑य च॒ गेह्या॑य च॒\nनमः॑ का॒ट्या॑य च गह्वरे॒ष्ठाय॑ च॒\nनमो᳚ ह्रद॒य्या॑य च निवे॒ष्प्या॑य च॒\nनमः॑ पाग्ं स॒व्या॑य च रज॒स्या॑य च॒\nनमः॒ शुष्क्या॑य च हरि॒त्या॑य च॒\nनमो॒ लोप्या॑य चोल॒प्या॑य च॒\nनम॑ ऊ॒र्व्या॑य च सू॒र्म्या॑य च॒\nनमः॑ प॒र्ण्या॑य च पर्णश॒द्या॑य च॒\nनमो॑ऽपगु॒रमा॑णाय चाभिघ्न॒ते च॒\nनम॑ आक्खिद॒ते च॑ प्रक्खिद॒ते च॒\nनमो॑ वः किरि॒केभ्यो॑ दे॒वाना॒ग्ं॒ हृद॑येभ्यो॒\nनमो॑ विक्षीण॒केभ्यो॒ नमो॑ विचिन्व॒त्केभ्यो॒\nनम॑ आनिर्_ह॒तेभ्यो॒ नम॑ आमीव॒त्केभ्यः॑ ॥ ९ ॥","rom":"Nama irinyaaya cha prapathyaaya cha\nNamah kignshilaaya cha kshayanaaya cha\nNamah kapardine cha pulastaye cha\nNamo goshthyaaya cha gruhyaaya cha\nNamastalpyaaya cha gehyaaya cha\nNamah kaatyaaya cha gahvareshthaaya cha\nNamo hradayyaaya cha niveshpyaaya cha\nNamah paagm savyaaya cha rajasyaaya cha\nNamah shushkyaaya cha harityaaya cha\nNamo lopyaaya cholapyaaya cha\nNama oorvyaaya cha soormyaaya cha\nNamah parnyaaya cha parnashadyaaya cha\nNamo'paguramaanaaya chaabhighnate cha\nNama aakkhidate cha prakkhidate cha\nNamo vah kirikebhyo devaanaagm hrudayebhyo\nNamo viksheenakebhyo namo vichinvatkebhyo\nNama aanir_hatebhyo nama aameevatkebhyah || 9 ||"},{"kind":"heading","dev":"॥   ॥","rom":"||   ||"},{"kind":"verse","n":10,"dev":"द्रापे॒ अन्ध॑सस्पते॒ दरि॑द्र॒न्नील॑लोहित ।\nए॒षां पुरु॑षाणामे॒षां प॑शू॒नां मा भेर्माऽरो॒\nमो ए॑षां॒ किंच॒नाम॑मत् ।\nया ते॑ रुद्र शि॒वा त॒नूः शि॒वा वि॒श्वाह॑भेषजी ।\nशि॒वा रु॒द्रस्य॑ भेष॒जी तया॑ नो मृड जी॒वसे᳚ ।\nइ॒माग्ं रु॒द्राय॑ त॒वसे॑ कप॒र्दिने᳚\nक्ष॒यद्वी॑राय॒ प्रभ॑रामहे म॒तिम् ।\nयथा॑ नः॒ शमस॑द्द्वि॒पदे॒ चतु॑ष्पदे॒\nविश्वं॑ पु॒ष्टं ग्रामे॑ अ॒स्मिन्नना॑तुरम् ।\nमृ॒डा नो॑ रुद्रो॒त नो॒ मय॑स्कृधि\nक्ष॒यद्वी॑राय॒ नम॑सा विधेम ते ।\nयच्छं च॒ योश्च॒ मनु॑राय॒जे\nपि॒ता तद॑श्याम॒ तव॑ रुद्र॒ प्रणी॑तौ ।\nमा नो॑ म॒हान्त॑मु॒त मा नो॑ अर्भ॒कं\nमा न॒ उक्ष॑न्तमु॒त मा न॑ उक्षि॒तम् ।\nमा नो॑ऽवधीः पि॒तरं॒ मोत मा॒तरं॑\nप्रि॒या मा न॑स्त॒नुवो॑ रुद्र रीरिषः ।\nमा न॑स्तो॒के तन॑ये॒ मा न॒ आयु॑षि॒\nमा नो॒ गोषु॒ मा नो॒ अश्वे॑षु रीरिषः ।\nवी॒रान्मा नो॑ रुद्र भामि॒तोऽव॑धीर्ह॒विष्म॑न्तो॒\nनम॑सा विधेम ते ।\nआ॒रात्ते॑ गो॒घ्न उ॒त पू॑रुष॒घ्ने क्ष॒यद्वी॑राय\nसु॒म्नम॒स्मे ते॑ अस्तु ।\nरक्षा॑ च नो॒ अधि॑ च देव ब्रू॒ह्यधा॑ च नः॒\nशर्म॑ यच्छ द्वि॒बर्हाः᳚ ।\nस्तु॒हि श्रु॒तं ग॑र्त॒सदं॒ युवा॑नं मृ॒गन्न\nभी॒ममु॑पह॒त्नुमु॒ग्रम् ।\nमृ॒डा ज॑रि॒त्रे रु॑द्र॒ स्तवा॑नो अ॒न्यंते॑\nअ॒स्मन्निव॑पन्तु॒ सेनाः᳚ ।\nपरि॑णो रु॒द्रस्य॑ हे॒तिर्वृ॑णक्तु॒ परि॑ त्वे॒षस्य॑\nदुर्म॒ति र॑घा॒योः ।\nअव॑ स्थि॒रा म॒घव॑द्भ्यस्तनुष्व॒ मीढ्व॑स्तो॒काय॒\nतन॑याय मृडय ।\nमीढु॑ष्टम॒ शिव॑तम शि॒वो नः॑ सु॒मना॑ भव ।\nप॒र॒मे वृ॒क्ष आयु॑धन्नि॒धाय॒ कृत्तिं॒ वसा॑न॒\nआच॑र॒ पिना॑कं॒ बिभ्र॒दाग॑हि ।\nविकि॑रिद॒ विलो॑हित॒ नम॑स्ते अस्तु भगवः ।\nयास्ते॑ स॒हस्रग्ं॑ हे॒तयो॒न्यम॒स्मन्निव॑पन्तु॒ ताः ।\nस॒हस्रा॑णि सहस्र॒धा बा॑हु॒वोस्तव॑ हे॒तयः॑ ।\nतासा॒मीशा॑नो भगवः परा॒चीना॒ मुखा॑ कृधि ॥ १० ॥","rom":"Draape andhasaspate daridranneelalohita |\nEshaam purushaanaameshaam pashoonaam maa bhermaa'ro\nMo eshaam kinchanaamamat |\nYaa te rudra shivaa tanooh shivaa vishvaahabheshajee |\nShivaa rudrasya bheshajee tayaa no mruda jeevase |\nImaagm rudraaya tavase kapardine\nKshayadveeraaya prabharaamahe matim |\nYathaa nah shamasaddvipade chatushpade\nVishvam pushtam graame asminnanaaturam |\nMrudaa no rudrota no mayaskrudhi\nKshayadveeraaya namasaa vidhema te |\nYachchham cha yoshcha manuraayaje\nPitaa tadashyaama tava rudra praneetau |\nMaa no mahaantamuta maa no arbhakam\nMaa na ukshantamuta maa na ukshitam |\nMaa no'vadheeh pitaram mota maataram\nPriyaa maa nastanuvo rudra reerishah |\nMaa nastoke tanaye maa na aayushi\nMaa no goshu maa no ashveshu reerishah |\nVeeraanmaa no rudra bhaamito'vadheerhavishmanto\nNamasaa vidhema te |\nAaraatte goghna uta poorushaghne kshayadveeraaya\nSumnamasme te astu |\nRakshaa cha no adhi cha deva broohyadhaa cha nah\nSharma yachchha dvibarhaah |\nStuhi shrutam gartasadam yuvaanam mruganna\nBheemamupahatnumugram |\nMrudaa jaritre rudra stavaano anyante\nAsmannivapantu senaah |\nParino rudrasya hetirvrunaktu pari tveshasya\nDurmati raghaayoh |\nAva sthiraa maghavadbhyastanushva meedhvastokaaya\nTanayaaya mrudaya |\nMeedhushtama shivatama shivo nah sumanaa bhava |\nParame vruksha aayudhannidhaaya kruttim vasaana\nAachara pinaakam bibhradaagahi |\nVikirida vilohita namaste astu bhagavah |\nYaaste sahasragm hetayonyamasmannivapantu taah |\nSahasraani sahasradhaa baahuvostava hetayah |\nTaasaameeshaano bhagavah paraacheenaa mukhaa krudhi || 10 ||"},{"kind":"heading","dev":"॥   ॥","rom":"||   ||"},{"kind":"verse","n":11,"dev":"स॒हस्रा॑णि सहस्र॒शो ये रु॒द्रा अधि॒ भूम्या᳚म् ।\nतेषाग्ं॑ सहस्रयोज॒नेऽव॒धन्वा॑नि तन्मसि ।\nअ॒स्मिन्म॑ह॒त्य॑र्ण॒वे᳚ऽन्तरि॑क्षे भ॒वा अधि॑ ।\nनील॑ग्रीवाः शिति॒कण्ठाः᳚ श॒र्वा अ॒धः क्ष॑माच॒राः ।\nनील॑ग्रीवाः शिति॒कण्ठा॒ दिवग्ं॑ रु॒द्रा उप॑श्रिताः ।\nये वृ॒क्षेषु॑ स॒स्पिञ्ज॑रा॒ नील॑ग्रीवा॒ विलो॑हिताः ।\nये भू॒ताना॒मधि॑पतयो विशि॒खासः॑ कप॒र्दिनः॑ ।\nये अन्ने॑षु वि॒विध्य॑न्ति॒ पात्रे॑षु॒ पिब॑तो॒ जनान्॑ ।\nये प॒थां प॑थि॒रक्ष॑य ऐलबृ॒दा य॒व्युधः॑ ।\nये ती॒र्थानि॑ प्र॒चर॑न्ति सृ॒काव॑न्तो निष॒ङ्गिणः॑ ।\nय ए॒ताव॑न्तश्च॒ भूयाग्ं॑सश्च॒ दिशो॑ रु॒द्रा वि॑तस्थि॒रे ।\nतेषाग्ं॑ सहस्रयोज॒नेऽव॒धन्वा॑नि तन्मसि ।\nनमो॑ रु॒द्रेभ्यो॒ ये पृ॑थि॒व्यां ये᳚ऽन्तरि॑क्षे॒ ये दि॒वि\nयेषा॒मन्नं॒ वातो॑ व॒र्षमिष॑व॒स्तेभ्यो॒ दश॒ प्राची॒र्दश॑\nदक्षि॒णा दश॑ प्र॒तीची॒र्दशोदी॑ची॒र्दशो॒र्ध्वास्तेभ्यो॒ नम॒स्ते नो॑\nमृडयन्तु॒ ते यं द्वि॒ष्मो यश्च॑ नो॒ द्वेष्टि॒ तं\nवो॒ जम्भे॑ दधामि ॥ ११ ॥","rom":"Sahasraani sahasrasho ye rudraa adhi bhoomyaam |\nTeshaagm sahasrayojane'vadhanvaani tanmasi |\nAsminmahatyarnave'ntarikshe bhavaa adhi |\nNeelagreevaah shitikanthaah sharvaa adhah kshamaacharaah |\nNeelagreevaah shitikanthaa divagm rudraa upashritaah |\nYe vruksheshu saspinjaraa neelagreevaa vilohitaah |\nYe bhootaanaamadhipatayo vishikhaasah kapardinah |\nYe anneshu vividhyanti paatreshu pibato janaan |\nYe pathaam pathirakshaya ailabrudaa yavyudhah |\nYe teerthaani pracharanti srukaavanto nishanginah |\nYa etaavantashcha bhooyaagnsashcha disho rudraa vitasthire |\nTeshaagm sahasrayojane'vadhanvaani tanmasi |\nNamo rudrebhyo ye pruthivyaam ye'ntarikshe ye divi\nYeshaamannam vaato varshamishavastebhyo dasha praacheerdasha\nDakshinaa dasha prateecheerdashodeecheerdashordhvaastebhyo namaste no\nMrudayantu te yam dvishmo yashcha no dveshti tam\nVo jambhe dadhaami || 11 ||"},{"kind":"prose","dev":"त्र्य॑म्बकं यजामहे सुग॒न्धिं पु॑ष्टि॒वर्ध॑नम् ।\nउ॒र्वा॒रु॒कमि॑व॒ बन्ध॑नान्मृ॒त्योर्मु॑क्षीय॒ माऽमृता᳚त् ।\nयो रु॒द्रो अ॒ग्नौ यो अ॒प्सु य ओष॑धीषु॒ यो रु॒द्रो\nविश्वा॒ भुव॑ना वि॒वेश॒ तस्मै॑ रु॒द्राय॒ नमो॑ अस्तु ।\nतमु॑ ष्टु॒हि॒ यः स्वि॒षुः सु॒धन्वा॒\nयो विश्व॑स्य॒ क्षय॑ति भेष॒जस्य॑ ।\nयक्ष्वा᳚म॒हे सौ᳚मन॒साय॑ रु॒द्रं\nनमो᳚भिर्दे॒वमसु॑रं दुवस्य ।\nअ॒यं मे॒ हस्तो॒ भग॑वान॒यं मे॒ भग॑वत्तरः ।\nअ॒यं मे᳚ वि॒श्वभे᳚षजो॒ऽयग्ं शि॒वाभि॑मर्शनः ।\nये ते॑ स॒हस्र॑म॒युतं॒ पाशा॒ मृत्यो॒ मर्त्या॑य॒ हन्त॑वे ।\nतान् य॒ज्ञस्य॑ मा॒यया॒ सर्वा॒नव॑यजामहे ।\nमृ॒त्यवे॒ स्वाहा॑ मृ॒त्यवे॒ स्वाहा᳚ ।\nओं नमो भगवते रुद्राय विष्णवे मृत्यु॑र्मे पा॒हि ॥\nप्राणानां ग्रन्थिरसि रुद्रो मा॑ विशा॒न्तकः ।\nतेनान्नेना᳚प्याय॒स्व । सदाशि॒वोम् ॥","rom":"Tryambakam yajaamahe sugandhim pushtivardhanam |\nUrvaarukamiva bandhanaanmrutyormuksheeya maa'mrutaat |\nYo rudro agnau yo apsu ya oshadheeshu yo rudro\nVishvaa bhuvanaa vivesha tasmai rudraaya namo astu |\nTamu shtuhi yah svishuh sudhanvaa\nYo vishvasya kshayati bheshajasya |\nYakshvaamahe saumanasaaya rudram\nNamobhirdevamasuram duvasya |\nAyam me hasto bhagavaanayam me bhagavattarah |\nAyam me vishvabheshajo'yagm shivaabhimarshanah |\nYe te sahasramayutam paashaa mrutyo martyaaya hantave |\nTaan yajnasya maayayaa sarvaanavayajaamahe |\nMrutyave svaahaa mrutyave svaahaa |\nOm namo bhagavate rudraaya vishnave mrutyurme paahi ||\nPraanaanaam granthirasi rudro maa vishaantakah |\nTenaannenaapyaayasva | sadaashivom ||"},{"kind":"heading","dev":"ओं शान्तिः॒ शान्तिः॒ शान्तिः॑ ॥","rom":"Om shaantih shaantih shaantih ||"},{"kind":"heading","dev":"श्री रुद्रप्रश्नः – चमकप्रश्नः","rom":"Shree rudraprashnah – chamakaprashnah"},{"kind":"verse","n":1,"dev":"ओं अग्ना॑विष्णू स॒जोष॑से॒मा व॑र्धन्तु वां॒ गिरः॑ ।\nद्यु॒म्नैर्वाजे॑भि॒राग॑तम् ।\nवाज॑श्च मे प्रस॒वश्च॑ मे॒ प्रय॑तिश्च मे॒ प्रसि॑तिश्च मे\nधी॒तिश्च॑ मे॒ क्रतु॑श्च मे॒ स्वर॑श्च मे॒ श्लोक॑श्च मे\nश्रा॒वश्च॑ मे॒ श्रुति॑श्च मे॒ ज्योति॑श्च मे॒ सुव॑श्च मे\nप्रा॒णश्च॑ मेऽपा॒नश्च॑ मे व्या॒नश्च॒ मेऽसु॑श्च मे\nचि॒त्तं च॑ म॒ आधी॑तं च मे॒ वाक्च॑ मे॒ मन॑श्च मे॒\nचक्षु॑श्च मे॒ श्रोत्रं॑ च मे॒ दक्ष॑श्च मे॒ बलं॑ च म॒\nओज॑श्च मे॒ सह॑श्च म॒ आयु॑श्च मे ज॒रा च॑ म\nआ॒त्मा च॑ मे त॒नूश्च॑ मे॒ शर्म॑ च मे॒ वर्म॑ च॒\nमेऽङ्गा॑नि च मे॒ऽस्थानि॑ च मे॒ परूग्ं॑षि च मे॒\nशरी॑राणि च मे ॥ १ ॥","rom":"Om agnaavishnoo sajoshasemaa vardhantu vaam girah |\nDyumnairvaajebhiraagatam |\nVaajashcha me prasavashcha me prayatishcha me prasitishcha me\nDheetishcha me kratushcha me svarashcha me shlokashcha me\nShraavashcha me shrutishcha me jyotishcha me suvashcha me\nPraanashcha me'paanashcha me vyaanashcha me'sushcha me\nChittam cha ma aadheetam cha me vaakcha me manashcha me\nChakshushcha me shrotram cha me dakshashcha me balam cha ma\nOjashcha me sahashcha ma aayushcha me jaraa cha ma\nAatmaa cha me tanooshcha me sharma cha me varma cha\nMe'ngaani cha me'sthaani cha me paroognshi cha me\nShareeraani cha me || 1 ||"},{"kind":"heading","dev":"॥   ॥","rom":"||   ||"},{"kind":"verse","n":2,"dev":"ज्यैष्ठ्यं॑ च म॒ आधि॑पत्यं च मे म॒न्युश्च॑ मे॒\nभाम॑श्च॒ मेऽम॑श्च॒ मेऽम्भ॑श्च मे जे॒मा च॑ मे\nमहि॒मा च॑ मे वरि॒मा च॑ मे प्रथि॒मा च॑ मे\nव॒र्ष्मा च॑ मे द्राघु॒या च॑ मे वृ॒द्धं च॑ मे॒\nवृद्धि॑श्च मे स॒त्यं च॑ मे श्र॒द्धा च॑ मे॒ जग॑च्च मे॒\nधनं॑ च मे॒ वश॑श्च मे॒ त्विषि॑श्च मे क्री॒डा च॑ मे॒\nमोद॑श्च मे जा॒तं च॑ मे जनि॒ष्यमा॑णं च मे\nसू॒क्तं च॑ मे सुकृ॒तं च॑ मे वि॒त्तं च॑ मे॒\nवेद्यं॑ च मे भू॒तं च॑ मे भवि॒ष्यच्च॑ मे\nसु॒गं च॑ मे सु॒पथं॑ च म ऋ॒द्धं च॑ म॒\nऋद्धि॑श्च मे कॢ॒प्तं च॑ मे॒ कॢप्ति॑श्च मे\nम॒तिश्च॑ मे सुम॒तिश्च॑ मे ॥ २ ॥","rom":"Jyaishthyam cha ma aadhipatyam cha me manyushcha me\nBhaamashcha me'mashcha me'mbhashcha me jemaa cha me\nMahimaa cha me varimaa cha me prathimaa cha me\nVarshmaa cha me draaghuyaa cha me vruddham cha me\nVruddhishcha me satyam cha me shraddhaa cha me jagachcha me\nDhanam cha me vashashcha me tvishishcha me kreedaa cha me\nModashcha me jaatam cha me janishyamaanam cha me\nSooktam cha me sukrutam cha me vittam cha me\nVedyam cha me bhootam cha me bhavishyachcha me\nSugam cha me supatham cha ma ruddham cha ma\nRuddhishcha me klruptam cha me klruptishcha me\nMatishcha me sumatishcha me || 2 ||"},{"kind":"heading","dev":"॥   ॥","rom":"||   ||"},{"kind":"verse","n":3,"dev":"शं च॑ मे॒ मय॑श्च मे प्रि॒यं च॑ मेऽनुका॒मश्च॑ मे॒\nकाम॑श्च मे सौमन॒सश्च॑ मे भ॒द्रं च॑ मे॒ श्रेय॑श्च मे॒\nवस्य॑श्च मे॒ यश॑श्च मे॒ भग॑श्च मे॒ द्रवि॑णं च मे\nय॒न्ता च॑ मे ध॒र्ता च॑ मे॒ क्षेम॑श्च मे॒ धृति॑श्च मे॒\nविश्वं॑ च मे॒ मह॑श्च मे सं॒विच्च॑ मे॒ ज्ञात्रं॑ च मे॒\nसूश्च॑ मे प्र॒सूश्च॑ मे॒ सीरं॑ च मे ल॒यश्च॑ म\nऋ॒तं च॑ मे॒ऽमृतं॑ च मेऽय॒क्ष्मं च॒\nमेऽना॑मयच्च मे जी॒वातु॑श्च मे दीर्घायु॒त्वं च॑\nमेऽनमि॒त्रं च॒ मेऽभ॑यं च मे सु॒गं च॑ मे॒\nशय॑नं च मे सू॒षा च॑ मे सु॒दिनं॑ च मे ॥ ३ ॥","rom":"Sham cha me mayashcha me priyam cha me'nukaamashcha me\nKaamashcha me saumanasashcha me bhadram cha me shreyashcha me\nVasyashcha me yashashcha me bhagashcha me dravinam cha me\nYantaa cha me dhartaa cha me kshemashcha me dhrutishcha me\nVishvam cha me mahashcha me sanvichcha me jnaatram cha me\nSooshcha me prasooshcha me seeram cha me layashcha ma\nRutam cha me'mrutam cha me'yakshmam cha\nMe'naamayachcha me jeevaatushcha me deerghaayutvam cha\nMe'namitram cha me'bhayam cha me sugam cha me\nShayanam cha me sooshaa cha me sudinam cha me || 3 ||"},{"kind":"heading","dev":"॥   ॥","rom":"||   ||"},{"kind":"verse","n":4,"dev":"ऊर्क्च॑ मे सू॒नृता॑ च मे॒ पय॑श्च मे॒ रस॑श्च मे\nघृ॒तं च॑ मे॒ मधु॑ च मे॒ सग्धि॑श्च मे॒ सपी॑तिश्च मे\nकृ॒षिश्च॑ मे॒ वृष्टि॑श्च मे॒ जैत्रं॑ च म॒ औद्भि॑द्यं च मे\nर॒यिश्च॑ मे॒ राय॑श्च मे पु॒ष्टं च॑ मे॒ पुष्टि॑श्च मे\nवि॒भु च॑ मे प्र॒भु च॑ मे ब॒हु च॑ मे॒ भूय॑श्च मे\nपू॒र्णं च॑ मे पू॒र्णत॑रं च॒ मेऽक्षि॑तिश्च मे॒\nकूय॑वाश्च॒ मेऽन्नं॑ च॒ मेऽक्षु॑च्च मे व्री॒हय॑श्च मे॒\nयवा᳚श्च मे॒ माषा᳚श्च मे॒ तिला᳚श्च मे मु॒द्गाश्च॑ मे\nख॒ल्वा᳚श्च मे गो॒धूमा᳚श्च मे म॒सुरा᳚श्च मे\nप्रि॒यंग॑वश्च॒ मेऽण॑वश्च मे श्या॒माका᳚श्च मे\nनी॒वारा᳚श्च मे ॥ ४ ॥","rom":"Oorkcha me soonrutaa cha me payashcha me rasashcha me\nGhrutam cha me madhu cha me sagdhishcha me sapeetishcha me\nKrushishcha me vrushtishcha me jaitram cha ma audbhidyam cha me\nRayishcha me raayashcha me pushtam cha me pushtishcha me\nVibhu cha me prabhu cha me bahu cha me bhooyashcha me\nPoornam cha me poornataram cha me'kshitishcha me\nKooyavaashcha me'nnam cha me'kshuchcha me vreehayashcha me\nYavaashcha me maashaashcha me tilaashcha me mudgaashcha me\nKhalvaashcha me godhoomaashcha me masuraashcha me\nPriyangavashcha me'navashcha me shyaamaakaashcha me\nNeevaaraashcha me || 4 ||"},{"kind":"heading","dev":"॥   ॥","rom":"||   ||"},{"kind":"verse","n":5,"dev":"अश्मा॑ च मे॒ मृत्ति॑का च मे गि॒रय॑श्च मे॒ पर्व॑ताश्च मे॒\nसिक॑ताश्च मे॒ वन॒स्पत॑यश्च मे॒ हिर॑ण्यं च॒\nमेऽय॑श्च मे॒ सीसं॑ च मे॒ त्रपु॑श्च मे श्या॒मं च॑ मे\nलो॒हं च॑ मे॒ऽग्निश्च॑ म॒ आप॑श्च मे वी॒रुध॑श्च म॒\nओष॑धयश्च मे कृष्टप॒च्यं च॑ मेऽकृष्टप॒च्यं च॑ मे\nग्रा॒म्याश्च॑ मे प॒शव॑ आर॒ण्याश्च॑ य॒ज्ञेन॑ कल्पन्तां\nवि॒त्तं च॑ मे॒ वित्ति॑श्च मे भू॒तं च॑ मे॒ भूति॑श्च मे॒\nवसु॑ च मे वस॒तिश्च॑ मे॒ कर्म॑ च मे॒ शक्ति॑श्च॒\nमेऽर्थ॑श्च म॒ एम॑श्च म॒ इति॑श्च मे॒ गति॑श्च मे ॥ ५ ॥","rom":"Ashmaa cha me mruttikaa cha me girayashcha me parvataashcha me\nSikataashcha me vanaspatayashcha me hiranyam cha\nMe'yashcha me seesam cha me trapushcha me shyaamam cha me\nLoham cha me'gnishcha ma aapashcha me veerudhashcha ma\nOshadhayashcha me krushtapachyam cha me'krushtapachyam cha me\nGraamyaashcha me pashava aaranyaashcha yajnena kalpantaam\nVittam cha me vittishcha me bhootam cha me bhootishcha me\nVasu cha me vasatishcha me karma cha me shaktishcha\nMe'rthashcha ma emashcha ma itishcha me gatishcha me || 5 ||"},{"kind":"heading","dev":"॥   ॥","rom":"||   ||"},{"kind":"verse","n":6,"dev":"अ॒ग्निश्च॑ म॒ इन्द्र॑श्च मे॒ सोम॑श्च म॒ इन्द्र॑श्च मे\nसवि॒ता च॑ म॒ इन्द्र॑श्च मे॒ सर॑स्वती च म॒ इन्द्र॑श्च मे\nपू॒षा च॑ म॒ इन्द्र॑श्च मे॒ बृह॒स्पति॑श्च म॒ इन्द्र॑श्च मे\nमि॒त्रश्च॑ म॒ इन्द्र॑श्च मे॒ वरु॑णश्च म॒ इन्द्र॑श्च मे॒\nत्वष्टा॑ च म॒ इन्द्र॑श्च मे धा॒ता च॑ म॒ इन्द्र॑श्च मे॒\nविष्णु॑श्च म॒ इन्द्र॑श्च मे॒ऽश्विनौ॑ च म॒ इन्द्र॑श्च मे\nम॒रुत॑श्च म॒ इन्द्र॑श्च मे॒ विश्वे॑ च मे दे॒वा इन्द्र॑श्च मे\nपृथि॒वी च॑ म॒ इन्द्र॑श्च मे॒ऽन्तरि॑क्षं च म॒ इन्द्र॑श्च मे॒\nद्यौश्च॑ म॒ इन्द्र॑श्च मे॒ दिश॑श्च म॒ इन्द्र॑श्च मे\nमू॒र्धा च॑ म॒ इन्द्र॑श्च मे प्र॒जाप॑तिश्च म॒ इन्द्र॑श्च मे ॥ ६ ॥","rom":"Agnishcha ma indrashcha me somashcha ma indrashcha me\nSavitaa cha ma indrashcha me sarasvatee cha ma indrashcha me\nPooshaa cha ma indrashcha me bruhaspatishcha ma indrashcha me\nMitrashcha ma indrashcha me varunashcha ma indrashcha me\nTvashtaa cha ma indrashcha me dhaataa cha ma indrashcha me\nVishnushcha ma indrashcha me'shvinau cha ma indrashcha me\nMarutashcha ma indrashcha me vishve cha me devaa indrashcha me\nPruthivee cha ma indrashcha me'ntariksham cha ma indrashcha me\nDyaushcha ma indrashcha me dishashcha ma indrashcha me\nMoordhaa cha ma indrashcha me prajaapatishcha ma indrashcha me || 6 ||"},{"kind":"verse","n":7,"dev":"अ॒ग्ं॒शुश्च॑ मे र॒श्मिश्च॒ मेऽदा᳚भ्यश्च॒ मेऽधि॑पतिश्च म\nउपा॒ग्ं॒शुश्च॑ मेऽन्तर्या॒मश्च॑ म ऐन्द्रवाय॒वश्च॑ मे\nमैत्रावरु॒णश्च॑ म आश्वि॒नश्च॑ मे प्रतिप्र॒स्थान॑श्च मे\nशु॒क्रश्च॑ मे म॒न्थी च॑ म आग्रय॒णश्च॑ मे वैश्वदे॒वश्च॑ मे\nध्रु॒वश्च॑ मे वैश्वान॒रश्च॑ म ऋतुग्र॒हाश्च॑\nमेऽतिग्रा॒ह्या᳚श्च म ऐन्द्रा॒ग्नश्च॑ मे वैश्वदे॒वश्च॑ मे\nमरुत्व॒तीया᳚श्च मे माहे॒न्द्रश्च॑ म आदि॒त्यश्च॑ मे\nसावि॒त्रश्च॑ मे सारस्व॒तश्च॑ मे पौ॒ष्णश्च॑ मे\nपात्नीव॒तश्च॑ मे हारियोज॒नश्च॑ मे ॥ ७ ॥","rom":"Agnshushcha me rashmishcha me'daabhyashcha me'dhipatishcha ma\nUpaagnshushcha me'ntaryaamashcha ma aindravaayavashcha me\nMaitraavarunashcha ma aashvinashcha me pratiprasthaanashcha me\nShukrashcha me manthee cha ma aagrayanashcha me vaishvadevashcha me\nDhruvashcha me vaishvaanarashcha ma rutugrahaashcha\nMe'tigraahyaashcha ma aindraagnashcha me vaishvadevashcha me\nMarutvateeyaashcha me maahendrashcha ma aadityashcha me\nSaavitrashcha me saarasvatashcha me paushnashcha me\nPaatneevatashcha me haariyojanashcha me || 7 ||"},{"kind":"heading","dev":"॥   ॥","rom":"||   ||"},{"kind":"verse","n":8,"dev":"इ॒ध्मश्च॑ मे ब॒र्हिश्च॑ मे॒ वेदि॑श्च मे॒ धिष्णि॑याश्च मे॒\nस्रुच॑श्च मे चम॒साश्च॑ मे॒ ग्रावा॑णश्च मे॒ स्वर॑वश्च म\nउपर॒वाश्च॑ मेऽधि॒षव॑णे च मे द्रोणकल॒शश्च॑ मे\nवाय॒व्या॑नि च मे पूत॒भृच्च॑ म आधव॒नीय॑श्च म॒\nआग्नी᳚ध्रं च मे हवि॒र्धानं॑ च मे गृ॒हाश्च॑ मे॒\nसद॑श्च मे पुरो॒डाशा᳚श्च मे पच॒ताश्च॑\nमेऽवभृ॒थश्च॑ मे स्वगाका॒रश्च॑ मे ॥ ८ ॥","rom":"Idhmashcha me barhishcha me vedishcha me dhishniyaashcha me\nSruchashcha me chamasaashcha me graavaanashcha me svaravashcha ma\nUparavaashcha me'dhishavane cha me dronakalashashcha me\nVaayavyaani cha me pootabhruchcha ma aadhavaneeyashcha ma\nAagneedhram cha me havirdhaanam cha me gruhaashcha me\nSadashcha me purodaashaashcha me pachataashcha\nMe'vabhruthashcha me svagaakaarashcha me || 8 ||"},{"kind":"heading","dev":"॥   ॥","rom":"||   ||"},{"kind":"verse","n":9,"dev":"अ॒ग्निश्च॑ मे घ॒र्मश्च॑ मे॒ऽर्कश्च॑ मे॒ सूर्य॑श्च मे\nप्रा॒णश्च॑ मेऽश्वमे॒धश्च॑ मे पृथि॒वी च॒ मेऽदि॑तिश्च मे॒\nदिति॑श्च मे॒ द्यौश्च॑ मे॒ शक्व॑रीर॒ङ्गुल॑यो॒ दिश॑श्च मे\nय॒ज्ञेन॑ कल्पन्ता॒मृक्च॑ मे॒ साम॑ च मे॒ स्तोम॑श्च मे॒\nयजु॑श्च मे दी॒क्षा च॑ मे॒ तप॑श्च म ऋ॒तुश्च॑ मे\nव्र॒तं च॑ मेऽहोरा॒त्रयो᳚र्वृ॒ष्ट्या बृ॑हद्रथन्त॒रे च॑ मे\nय॒ज्ञेन॑ कल्पेताम् ॥ ९ ॥","rom":"Agnishcha me gharmashcha me'rkashcha me sooryashcha me\nPraanashcha me'shvamedhashcha me pruthivee cha me'ditishcha me\nDitishcha me dyaushcha me shakvareerangulayo dishashcha me\nYajnena kalpantaamrukcha me saama cha me stomashcha me\nYajushcha me deekshaa cha me tapashcha ma rutushcha me\nVratam cha me'horaatrayorvrushtyaa bruhadrathantare cha me\nYajnena kalpetaam || 9 ||"},{"kind":"heading","dev":"॥   ॥","rom":"||   ||"},{"kind":"verse","n":10,"dev":"गर्भा᳚श्च मे व॒त्साश्च॑ मे॒ त्र्यवि॑श्च मे त्र्य॒वी च॑ मे\nदित्य॒वाट् च॑ मे दित्यौ॒ही च॑ मे॒ पञ्चा॑विश्च मे\nपञ्चा॒वी च॑ मे त्रिव॒त्सश्च॑ मे त्रिव॒त्सा च॑ मे\nतुर्य॒वाट् च॑ मे तुर्यौ॒ही च॑ मे पष्ठ॒वाट् च॑ मे\nपष्ठौ॒ही च॑ म उ॒क्षा च॑ मे व॒शा च॑ म ऋष॒भश्च॑ मे\nवे॒हच्च॑ मेऽन॒ड्वाञ्च॑ मे धे॒नुश्च॑ म॒\nआयु॑र्य॒ज्ञेन॑ कल्पतां प्रा॒णो य॒ज्ञेन॑ कल्पतामपा॒नो\nय॒ज्ञेन॑ कल्पतां व्या॒नो य॒ज्ञेन॑ कल्पतां॒\nचक्षु॑र्य॒ज्ञेन॑ कल्पता॒ग्॒ श्रोत्रं॑ य॒ज्ञेन॑ कल्पतां॒\nमनो॑ य॒ज्ञेन॑ कल्पतां॒ वाग्य॒ज्ञेन॑ कल्पतामा॒त्मा\nय॒ज्ञेन॑ कल्पतां य॒ज्ञो य॒ज्ञेन॑ कल्पताम् ॥ १० ॥","rom":"Garbhaashcha me vatsaashcha me tryavishcha me tryavee cha me\nDityavaat cha me dityauhee cha me panchaavishcha me\nPanchaavee cha me trivatsashcha me trivatsaa cha me\nTuryavaat cha me turyauhee cha me pashthavaat cha me\nPashthauhee cha ma ukshaa cha me vashaa cha ma rushabhashcha me\nVehachcha me'nadvaancha me dhenushcha ma\nAayuryajnena kalpataam praano yajnena kalpataamapaano\nYajnena kalpataam vyaano yajnena kalpataam\nChakshuryajnena kalpataag shrotram yajnena kalpataam\nMano yajnena kalpataam vaagyajnena kalpataamaatmaa\nYajnena kalpataam yajno yajnena kalpataam || 10 ||"},{"kind":"verse","n":11,"dev":"एका॑ च मे ति॒स्रश्च॑ मे॒ पञ्च॑ च मे स॒प्त च॑ मे॒\nनव॑ च म॒ एका॑दश च मे॒ त्रयो॑दश च मे॒\nपञ्च॑दश च मे स॒प्तद॑श च मे॒ नव॑दश च म॒\nएक॑विग्ंशतिश्च मे॒ त्रयो॑विग्ंशतिश्च मे॒\nपञ्च॑विग्ंशतिश्च मे स॒प्तविग्ं॑शतिश्च मे॒ नव॑विग्ंशतिश्च म॒\nएक॑त्रिग्ंशच्च मे॒ त्रय॑स्त्रिग्ंशच्च मे॒ चत॑स्रश्च\nमे॒ऽष्टौ च॑ मे॒ द्वाद॑श च मे॒ षोड॑श च मे\nविग्ंश॒तिश्च॑ मे॒ चतु॑र्विग्ंशतिश्च मे॒ऽष्टाविग्ं॑शतिश्च मे॒\nद्वात्रिग्ं॑शच्च मे॒ षट्त्रिग्ं॑शच्च मे चत्वारि॒ग्ं॒शच्च॑ मे॒\nचतु॑श्चत्वारिग्ंशच्च मे॒ऽष्टाच॑त्वारिग्ंशच्च मे॒ वाज॑श्च\nप्रस॒वश्चा॑पि॒जश्च॒ क्रतु॑श्च॒ सुव॑श्च मू॒र्धा च॒\nव्यश्नि॑यश्चान्त्याय॒नश्चान्त्य॑श्च भौव॒नश्च॒\nभुव॑न॒श्चाधि॑पतिश्च ॥ ११ ॥","rom":"Ekaa cha me tisrashcha me pancha cha me sapta cha me\nNava cha ma ekaadasha cha me trayodasha cha me\nPanchadasha cha me saptadasha cha me navadasha cha ma\nEkavignshatishcha me trayovignshatishcha me\nPanchavignshatishcha me saptavignshatishcha me navavignshatishcha ma\nEkatrignshachcha me trayastrignshachcha me chatasrashcha\nMe'shtau cha me dvaadasha cha me shodasha cha me\nVignshatishcha me chaturvignshatishcha me'shtaavignshatishcha me\nDvaatrignshachcha me shattrignshachcha me chatvaarignshachcha me\nChatushchatvaarignshachcha me'shtaachatvaarignshachcha me vaajashcha\nPrasavashchaapijashcha kratushcha suvashcha moordhaa cha\nVyashniyashchaantyaayanashchaantyashcha bhauvanashcha\nBhuvanashchaadhipatishcha || 11 ||"},{"kind":"prose","dev":"ओं इडा॑ देव॒हूर्मनु॑र्यज्ञ॒नीर्बृह॒स्पति॑रुक्थाम॒दानि॑\nशग्ंसिष॒द्विश्वे॑दे॒वाः सू᳚क्त॒वाचः॒ पृथि॑वीमात॒र्मा मा॑\nहिग्ंसी॒र्मधु॑ मनिष्ये॒ मधु॑ जनिष्ये॒ मधु॑ वक्ष्यामि॒\nमधु॑ वदिष्यामि॒ मधु॑मतीं दे॒वेभ्यो॒ वाच॑मुद्यासग्ं\nशुश्रू॒षेण्यां᳚ मनु॒ष्ये᳚भ्य॒स्तं मा॑ दे॒वा अ॑वन्तु\nशो॒भायै॑ पि॒तरोऽनु॑मदन्तु ॥","rom":"Om idaa devahoormanuryajnaneerbruhaspatirukthaamadaani\nShagnsishadvishvedevaah sooktavaachah pruthiveemaatarmaa maa\nHignseermadhu manishye madhu janishye madhu vakshyaami\nMadhu vadishyaami madhumateem devebhyo vaachamudyaasagm\nShushrooshenyaam manushyebhyastam maa devaa avantu\nShobhaayai pitaro'numadantu ||"},{"kind":"heading","dev":"ओं शान्तिः॒ शान्तिः॒ शान्तिः॑ ॥","rom":"Om shaantih shaantih shaantih ||"}],"verified":false,"url":"https://pocketpothi.com/texts/shri-rudram","appUrl":"https://pocketpothi.com/read?t=shri-rudram","shareUrl":"https://pocketpothi.com/p/54"}