{"id":"shiva-tandava-stotra","code":"4g","title":{"dev":"शिवताण्डवस्तोत्रम्","rom":"Shiva Tandava Stotra"},"type":"stotra","typeLabel":"Stotra","language":"sa","languageName":"Sanskrit","deity":["shiva"],"aliases":["Jatatavigalajjala","Ravana's Shiva Stotram"],"verses":17,"sections":[{"kind":"heading","dev":"॥ श्रीगणेशाय नमः ॥","rom":"|| Shreeganeshaaya namah ||"},{"kind":"verse","n":1,"dev":"जटाटवीगलज्जलप्रवाहपावितस्थले\nगलेऽवलम्ब्य लम्बितां भुजङ्गतुङ्गमालिकाम् ।\nडमड्डमड्डमड्डमन्निनादवड्डमर्वयं\nचकार चण्डताण्डवं तनोतु नः शिवः शिवम् ॥ १ ॥","rom":"Jataataveegalajjalapravaahapaavitasthale\nGale'valambya lambitaam bhujangatungamaalikaam |\nDamaddamaddamaddamanninaadavaddamarvayam\nChakaara chandataandavam tanotu nah shivah shivam || 1 ||"},{"kind":"verse","n":2,"dev":"जटाकटाहसम्भ्रमभ्रमन्निलिम्पनिर्झरी-\nविलोलवीचिवल्लरीविराजमानमूर्द्धनि ।\nधगद्धगद्धगज्ज्वलल्ललाटपट्टपावके\nकिशोरचन्द्रशेखरे रतिः प्रतिक्षणं मम ॥ २ ॥","rom":"Jataakataahasambhramabhramannilimpanirjharee-\nVilolaveechivallareeviraajamaanamoorddhani |\nDhagaddhagaddhagajjvalallalaatapattapaavake\nKishorachandrashekhare ratih pratikshanam mama || 2 ||"},{"kind":"verse","n":3,"dev":"धराधरेन्द्रनन्दिनीविलासबन्धुबन्धुर-\nस्फुरद्दिगन्तसन्ततिप्रमोदमानमानसे ।\nकृपाकटाक्षधोरणीनिरुद्धदुर्धरापदि\nक्वचिद्दिगम्बरे मनो विनोदमेतु वस्तुनि ॥ ३ ॥","rom":"Dharaadharendranandineevilaasabandhubandhura-\nSphuraddigantasantatipramodamaanamaanase |\nKrupaakataakshadhoraneeniruddhadurdharaapadi\nKvachiddigambare mano vinodametu vastuni || 3 ||"},{"kind":"verse","n":4,"dev":"जटाभुजङ्गपिङ्गलस्फुरत्फणामणिप्रभा-\nकदम्बकुङ्कुमद्रवप्रलिप्तदिग्वधूमुखे ।\nमदान्धसिन्धुरस्फुरत्त्वगुत्तरीयमेदुरे\nमनो विनोदमद्भुतं बिभर्तु भूतभर्तरि ॥ ४ ॥","rom":"Jataabhujangapingalasphuratphanaamaniprabhaa-\nKadambakunkumadravapraliptadigvadhoomukhe |\nMadaandhasindhurasphurattvaguttareeyamedure\nMano vinodamadbhutam bibhartu bhootabhartari || 4 ||"},{"kind":"verse","n":5,"dev":"सहस्रलोचनप्रभृत्यशेषलेखशेखर-\nप्रसूनधूलिधोरणीविधूसराङ्घ्रिपीठभूः ।\nभुजङ्गराजमालया निबद्धजाटजूटकः\nश्रियै चिराय जायतां चकोरबन्धुशेखरः ॥ ५ ॥","rom":"Sahasralochanaprabhrutyasheshalekhashekhara-\nPrasoonadhoolidhoraneevidhoosaraanghripeethabhooh |\nBhujangaraajamaalayaa nibaddhajaatajootakah\nShriyai chiraaya jaayataam chakorabandhushekharah || 5 ||"},{"kind":"verse","n":6,"dev":"ललाटचत्वरज्वलद्धनञ्जयस्फुलिङ्गभा-\nनिपीतपञ्चसायकं नमन्निलिम्पनायकम् ।\nसुधामयूखलेखया विराजमानशेखरं\nमहाकपालि सम्पदे शिरो जटालमस्तु नः ॥ ६ ॥","rom":"Lalaatachatvarajvaladdhananjayasphulingabhaa-\nNipeetapanchasaayakam namannilimpanaayakam |\nSudhaamayookhalekhayaa viraajamaanashekharam\nMahaakapaali sampade shiro jataalamastu nah || 6 ||"},{"kind":"verse","n":7,"dev":"करालभालपट्टिकाधगद्धगद्धगज्ज्वल-\nद्धनञ्जयाहुतीकृतप्रचण्डपञ्चसायके ।\nधराधरेन्द्रनन्दिनीकुचाग्रचित्रपत्रक-\nप्रकल्पनैकशिल्पिनि त्रिलोचने रतिर्मम ॥ ७ ॥","rom":"Karaalabhaalapattikaadhagaddhagaddhagajjvala-\nDdhananjayaahuteekrutaprachandapanchasaayake |\nDharaadharendranandineekuchaagrachitrapatraka-\nPrakalpanaikashilpini trilochane ratirmama || 7 ||"},{"kind":"verse","n":8,"dev":"नवीनमेघमण्डलीनिरुद्धदुर्धरस्फुरत्-\nकुहूनिशीथिनीतमःप्रबन्धबद्धकन्धरः ।\nनिलिम्पनिर्झरीधरस्तनोतु कृत्तिसिन्धुरः\nकलानिधानबन्धुरः श्रियं जगद्धुरन्धरः ॥ ८ ॥","rom":"Naveenameghamandaleeniruddhadurdharasphurat-\nKuhoonisheethineetamahprabandhabaddhakandharah |\nNilimpanirjhareedharastanotu kruttisindhurah\nKalaanidhaanabandhurah shriyam jagaddhurandharah || 8 ||"},{"kind":"verse","n":9,"dev":"प्रफुल्लनीलपङ्कजप्रपञ्चकालिमप्रभा-\nऽवलम्बिकण्ठकन्दलीरुचिप्रबद्धकन्धरम् ।\nस्मरच्छिदं पुरच्छिदं भवच्छिदं मखच्छिदं\nगजच्छिदान्धकच्छिदं तमन्तकच्छिदं भजे ॥ ९ ॥","rom":"Praphullaneelapankajaprapanchakaalimaprabhaa-\n'valambikanthakandaleeruchiprabaddhakandharam |\nSmarachchhidam purachchhidam bhavachchhidam makhachchhidam\nGajachchhidaandhakachchhidam tamantakachchhidam bhaje || 9 ||"},{"kind":"verse","n":10,"dev":"अखर्वसर्वमङ्गलाकलाकदम्बमञ्जरी-\nरसप्रवाहमाधुरीविजृम्भणामधुव्रतम् ।\nस्मरान्तकं पुरान्तकं भवान्तकं मखान्तकं\nगजान्तकान्धकान्तकं तमन्तकान्तकं भजे ॥ १० ॥","rom":"Akharvasarvamangalaakalaakadambamanjaree-\nRasapravaahamaadhureevijrumbhanaamadhuvratam |\nSmaraantakam puraantakam bhavaantakam makhaantakam\nGajaantakaandhakaantakam tamantakaantakam bhaje || 10 ||"},{"kind":"verse","n":11,"dev":"जयत्वदभ्रविभ्रमभ्रमद्भुजङ्गमश्वस-\nद्विनिर्गमत्क्रमस्फुरत्करालभालहव्यवाट् ।\nधिमिद्धिमिद्धिमिद्ध्वनन्मृदङ्गतुङ्गमङ्गल-\nध्वनिक्रमप्रवर्तितप्रचण्डताण्डवः शिवः ॥ ११ ॥","rom":"Jayatvadabhravibhramabhramadbhujangamashvasa-\nDvinirgamatkramasphuratkaraalabhaalahavyavaat |\nDhimiddhimiddhimiddhvananmrudangatungamangala-\nDhvanikramapravartitaprachandataandavah shivah || 11 ||"},{"kind":"verse","n":12,"dev":"दृषद्विचित्रतल्पयोर्भुजङ्गमौक्तिकस्रजोर्-\nगरिष्ठरत्नलोष्ठयोः सुहृद्विपक्षपक्षयोः ।\nतृणारविन्दचक्षुषोः प्रजामहीमहेन्द्रयोः\nसमप्रवृत्तिकः कदा सदाशिवं भजाम्यहम् ॥ १२ ॥","rom":"Drushadvichitratalpayorbhujangamauktikasrajor-\nGarishtharatnaloshthayoh suhrudvipakshapakshayoh |\nTrunaaravindachakshushoh prajaamaheemahendrayoh\nSamapravruttikah kadaa sadaashivam bhajaamyaham || 12 ||"},{"kind":"verse","n":13,"dev":"कदा निलिम्पनिर्झरीनिकुञ्जकोटरे वसन्\nविमुक्तदुर्मतिः सदा शिरःस्थमञ्जलिं वहन् ।\nविलोललोललोचनो ललामभाललग्नकः\nशिवेति मन्त्रमुच्चरन् कदा सुखी भवाम्यहम् ॥ १३ ॥","rom":"Kadaa nilimpanirjhareenikunjakotare vasan\nVimuktadurmatih sadaa shirahsthamanjalim vahan |\nVilolalolalochano lalaamabhaalalagnakah\nShiveti mantramuchcharan kadaa sukhee bhavaamyaham || 13 ||"},{"kind":"verse","n":14,"dev":"निलिम्पनाथनागरीकदम्बमौलमल्लिका-\nनिगुम्फनिर्भरक्षरन्मधूष्णिकामनोहरः ।\nतनोतु नो मनोमुदं विनोदिनीमहर्निशं\nपरश्रियः परं पदं तदङ्गजत्विषां चयः ॥ १४ ॥","rom":"Nilimpanaathanaagareekadambamaulamallikaa-\nNigumphanirbharaksharanmadhooshnikaamanoharah |\nTanotu no manomudam vinodineemaharnisham\nParashriyah param padam tadangajatvishaam chayah || 14 ||"},{"kind":"verse","n":15,"dev":"प्रचण्डवाडवानलप्रभाशुभप्रचारणी\nमहाष्टसिद्धिकामिनीजनाऽवहूतजल्पना ।\nविमुक्तवामलोचनाविवाहकालिकध्वनिः\nशिवेति मन्त्रभूषणा जगज्जयाय जायताम् ॥ १५ ॥","rom":"Prachandavaadavaanalaprabhaashubhaprachaaranee\nMahaashtasiddhikaamineejanaa'vahootajalpanaa |\nVimuktavaamalochanaavivaahakaalikadhvanih\nShiveti mantrabhooshanaa jagajjayaaya jaayataam || 15 ||"},{"kind":"verse","n":16,"dev":"इमं हि नित्यमेवमुक्तमुत्तमोत्तमं स्तवं\nपठन्स्मरन्ब्रुवन्नरो विशुद्धिमेतिसन्ततम् ।\nहरे गुरौ सुभक्तिमाशु याति नाऽन्यथा गतिं\nविमोहनं हि देहिनां सुशङ्करस्य चिन्तनम् ॥ १६ ॥","rom":"Imam hi nityamevamuktamuttamottamam stavam\nPathansmaranbruvannaro vishuddhimetisantatam |\nHare gurau subhaktimaashu yaati naa'nyathaa gatim\nVimohanam hi dehinaam sushankarasya chintanam || 16 ||"},{"kind":"verse","n":17,"dev":"पूजावसानसमये दशवक्त्रगीतं\nयः शम्भुपूजनपरं पठति प्रदोषे ।\nतस्य स्थिरां रथगजेन्द्रतुरङ्गयुक्तां\nलक्ष्मीं सदैव सुमुखीं प्रददाति शम्भुः ॥ १७ ॥","rom":"Poojaavasaanasamaye dashavaktrageetam\nYah shambhupoojanaparam pathati pradoshe |\nTasya sthiraam rathagajendraturangayuktaam\nLakshmeem sadaiva sumukheem pradadaati shambhuh || 17 ||"},{"kind":"heading","dev":"॥ इति श्रीरावणकृतं शिवताण्डवस्तोत्रं सम्पूर्णम् ॥","rom":"|| Iti shreeraavanakrutam shivataandavastotram sampoornam ||"}],"verified":true,"url":"https://pocketpothi.com/texts/shiva-tandava-stotra","appUrl":"https://pocketpothi.com/read?t=shiva-tandava-stotra","shareUrl":"https://pocketpothi.com/p/4g"}