# Sankat Mochan Hanuman Ashtak · संकटमोचन हनुमानाष्टक

- Type: Ashtakam
- Language: Awadhi
- Verses: 8
- Verified: yes
- Read in the app: https://pocketpothi.com/read?t=sankat-mochan-hanuman-ashtak
- Share link: https://pocketpothi.com/p/7q
- Page: https://pocketpothi.com/texts/sankat-mochan-hanuman-ashtak

## Text (Devanagari, with simple Roman spelling below each verse)

बाल समय रबि भक्षि लियो तब तीनहुँ लोक भयो अँधियारो ।  
ताहि सों त्रास भयो जग को यह संकट काहु सों जात न टारो ।  
देवन आनि करी बिनती तब छाँड़ि दियो रबि कष्ट निवारो ।  
को नहिं जानत है जगमें कपि संकटमोचन नाम तिहारो ॥ १ ॥  

_Baal samay rabi bhakshi liyo tab teenahu lok bhayo andhiyaaro | / Taahi so traas bhayo jag ko yah sankat kaahu so jaat na taaro | / Devan aani karee binatee tab chhaanri diyo rabi kashta nivaaro | / Ko nahi jaanat hai jagame kapi sankatamochan naam tihaaro || 1 ||_

बालि की त्रास कपीस बसै गिरि जात महाप्रभु पंथ निहारो ।  
चौंकि महा मुनि साप दियो तब चाहिय कौन बिचार बिचारो ।  
कै द्विज रूप लिवाय महाप्रभु सो तुम दास के सोक निवारो ।  
को नहिं जानत है जगमें कपि संकटमोचन नाम तिहारो ॥ २ ॥  

_Baali kee traas kapees basai giri jaat mahaaprabhu panth nihaaro | / Chaunki mahaa muni saap diyo tab chaahiy kaun bichaar bichaaro | / Kai dvij roop livaay mahaaprabhu so tum daas ke sok nivaaro | / Ko nahi jaanat hai jagame kapi sankatamochan naam tihaaro || 2 ||_

अंगद के सँग लेन गये सिय खोज कपीस यह बैन उचारो ।  
जीवत ना बचिहौ हम सो जु बिना सुधि लाए इहाँ पगु धारो ।  
हेरि थके तट सिंधु सबै तब लाय सिया सुधि प्रान उबारो ।  
को नहिं जानत है जगमें कपि संकटमोचन नाम तिहारो ॥ ३ ॥  

_Angad ke sang len gaye siy khoj kapees yah bain uchaaro | / Jeevat naa bachihau ham so ju binaa sudhi laae ihaa pagu dhaaro | / Heri thake tat sindhu sabai tab laay siyaa sudhi praan ubaaro | / Ko nahi jaanat hai jagame kapi sankatamochan naam tihaaro || 3 ||_

रावन त्रास दई सिय को सब राक्षसि सों कहि सोक निवारो ।  
ताहि समय हनुमान महाप्रभु जाय महा रजनीचर मारो ।  
चाहत सीय असोक सों आगि सु दै प्रभु मुद्रिका सोक निवारो ।  
को नहिं जानत है जगमें कपि संकटमोचन नाम तिहारो ॥ ४ ॥  

_Raavan traas daee siy ko sab raakshasi so kahi sok nivaaro | / Taahi samay hanumaan mahaaprabhu jaay mahaa rajaneechar maaro | / Chaahat seey asok so aagi su dai prabhu mudrikaa sok nivaaro | / Ko nahi jaanat hai jagame kapi sankatamochan naam tihaaro || 4 ||_

बान लग्यो उर लछिमन के तब प्रान तजे सुत रावन मारो ।  
लै गृह बैद्य सुषेन समेत तबै गिरि द्रोन सु बीर उपारो ।  
आनि सजीवन हाथ दई तब लछिमन के तुम प्रान उबारो ।  
को नहिं जानत है जगमें कपि संकटमोचन नाम तिहारो ॥ ५ ॥  

_Baan lagyo ur lachhiman ke tab praan taje sut raavan maaro | / Lai gruh baidya sushen samet tabai giri dron su beer upaaro | / Aani sajeevan haath daee tab lachhiman ke tum praan ubaaro | / Ko nahi jaanat hai jagame kapi sankatamochan naam tihaaro || 5 ||_

रावन जुद्ध अजान कियो तब नाग कि फाँस सबै सिर डारो ।  
श्रीरघुनाथ समेत सबै दल मोह भयो यह संकट भारो ।  
आनि खगेस तबै हनुमान जु बंधन काटि सुत्रास निवारो ।  
को नहिं जानत है जगमें कपि संकटमोचन नाम तिहारो ॥ ६ ॥  

_Raavan juddha ajaan kiyo tab naag ki phaans sabai sir daaro | / Shreeraghunaath samet sabai dal moh bhayo yah sankat bhaaro | / Aani khages tabai hanumaan ju bandhan kaati sutraas nivaaro | / Ko nahi jaanat hai jagame kapi sankatamochan naam tihaaro || 6 ||_

बंधु समेत जबै अहिरावन लै रघुनाथ पताल सिधारो ।  
देबिहिं पूजि भली बिधि सों बलि देउ सबै मिलि मंत्र बिचारो ।  
जाय सहाय भयो तब ही अहिरावन सैन्य समेत सँहारो ।  
को नहिं जानत है जगमें कपि संकटमोचन नाम तिहारो ॥ ७ ॥  

_Bandhu samet jabai ahiraavan lai raghunaath pataal sidhaaro | / Debihi pooji bhalee bidhi so bali deu sabai mili mantra bichaaro | / Jaay sahaay bhayo tab hee ahiraavan sainya samet sanhaaro | / Ko nahi jaanat hai jagame kapi sankatamochan naam tihaaro || 7 ||_

काज किये बड़ देवन के तुम बीर महाप्रभु देखि बिचारो ।  
कौन सो संकट मोर गरीब को जो तुमसों नहिं जात है टारो ।  
बेगि हरो हनुमान महाप्रभु जो कछु संकट होय हमारो ।  
को नहिं जानत है जगमें कपि संकटमोचन नाम तिहारो ॥ ८ ॥  

_Kaaj kiye bar devan ke tum beer mahaaprabhu dekhi bichaaro | / Kaun so sankat mor gareeb ko jo tumaso nahi jaat hai taaro | / Begi haro hanumaan mahaaprabhu jo kachhu sankat hoy hamaaro | / Ko nahi jaanat hai jagame kapi sankatamochan naam tihaaro || 8 ||_

### दोहा
_Dohaa_

लाल देह लाली लसे अरु धरि लाल लँगूर ।  
बज्र देह दानव दलन जय जय जय कपि सूर ॥  

_Laal deh laalee lase aru dhari laal langoor | / Bajra deh daanav dalan jay jay jay kapi soor ||_