{"id":"sankat-mochan-hanuman-ashtak","code":"7q","title":{"dev":"संकटमोचन हनुमानाष्टक","rom":"Sankat Mochan Hanuman Ashtak"},"type":"ashtakam","typeLabel":"Ashtakam","language":"awa","languageName":"Awadhi","deity":["hanuman"],"aliases":["Hanumanashtak","Baal Samay Ravi Bhakshi Liyo"],"verses":8,"sections":[{"kind":"verse","n":1,"dev":"बाल समय रबि भक्षि लियो तब तीनहुँ लोक भयो अँधियारो ।\nताहि सों त्रास भयो जग को यह संकट काहु सों जात न टारो ।\nदेवन आनि करी बिनती तब छाँड़ि दियो रबि कष्ट निवारो ।\nको नहिं जानत है जगमें कपि संकटमोचन नाम तिहारो ॥ १ ॥","rom":"Baal samay rabi bhakshi liyo tab teenahu lok bhayo andhiyaaro |\nTaahi so traas bhayo jag ko yah sankat kaahu so jaat na taaro |\nDevan aani karee binatee tab chhaanri diyo rabi kashta nivaaro |\nKo nahi jaanat hai jagame kapi sankatamochan naam tihaaro || 1 ||"},{"kind":"verse","n":2,"dev":"बालि की त्रास कपीस बसै गिरि जात महाप्रभु पंथ निहारो ।\nचौंकि महा मुनि साप दियो तब चाहिय कौन बिचार बिचारो ।\nकै द्विज रूप लिवाय महाप्रभु सो तुम दास के सोक निवारो ।\nको नहिं जानत है जगमें कपि संकटमोचन नाम तिहारो ॥ २ ॥","rom":"Baali kee traas kapees basai giri jaat mahaaprabhu panth nihaaro |\nChaunki mahaa muni saap diyo tab chaahiy kaun bichaar bichaaro |\nKai dvij roop livaay mahaaprabhu so tum daas ke sok nivaaro |\nKo nahi jaanat hai jagame kapi sankatamochan naam tihaaro || 2 ||"},{"kind":"verse","n":3,"dev":"अंगद के सँग लेन गये सिय खोज कपीस यह बैन उचारो ।\nजीवत ना बचिहौ हम सो जु बिना सुधि लाए इहाँ पगु धारो ।\nहेरि थके तट सिंधु सबै तब लाय सिया सुधि प्रान उबारो ।\nको नहिं जानत है जगमें कपि संकटमोचन नाम तिहारो ॥ ३ ॥","rom":"Angad ke sang len gaye siy khoj kapees yah bain uchaaro |\nJeevat naa bachihau ham so ju binaa sudhi laae ihaa pagu dhaaro |\nHeri thake tat sindhu sabai tab laay siyaa sudhi praan ubaaro |\nKo nahi jaanat hai jagame kapi sankatamochan naam tihaaro || 3 ||"},{"kind":"verse","n":4,"dev":"रावन त्रास दई सिय को सब राक्षसि सों कहि सोक निवारो ।\nताहि समय हनुमान महाप्रभु जाय महा रजनीचर मारो ।\nचाहत सीय असोक सों आगि सु दै प्रभु मुद्रिका सोक निवारो ।\nको नहिं जानत है जगमें कपि संकटमोचन नाम तिहारो ॥ ४ ॥","rom":"Raavan traas daee siy ko sab raakshasi so kahi sok nivaaro |\nTaahi samay hanumaan mahaaprabhu jaay mahaa rajaneechar maaro |\nChaahat seey asok so aagi su dai prabhu mudrikaa sok nivaaro |\nKo nahi jaanat hai jagame kapi sankatamochan naam tihaaro || 4 ||"},{"kind":"verse","n":5,"dev":"बान लग्यो उर लछिमन के तब प्रान तजे सुत रावन मारो ।\nलै गृह बैद्य सुषेन समेत तबै गिरि द्रोन सु बीर उपारो ।\nआनि सजीवन हाथ दई तब लछिमन के तुम प्रान उबारो ।\nको नहिं जानत है जगमें कपि संकटमोचन नाम तिहारो ॥ ५ ॥","rom":"Baan lagyo ur lachhiman ke tab praan taje sut raavan maaro |\nLai gruh baidya sushen samet tabai giri dron su beer upaaro |\nAani sajeevan haath daee tab lachhiman ke tum praan ubaaro |\nKo nahi jaanat hai jagame kapi sankatamochan naam tihaaro || 5 ||"},{"kind":"verse","n":6,"dev":"रावन जुद्ध अजान कियो तब नाग कि फाँस सबै सिर डारो ।\nश्रीरघुनाथ समेत सबै दल मोह भयो यह संकट भारो ।\nआनि खगेस तबै हनुमान जु बंधन काटि सुत्रास निवारो ।\nको नहिं जानत है जगमें कपि संकटमोचन नाम तिहारो ॥ ६ ॥","rom":"Raavan juddha ajaan kiyo tab naag ki phaans sabai sir daaro |\nShreeraghunaath samet sabai dal moh bhayo yah sankat bhaaro |\nAani khages tabai hanumaan ju bandhan kaati sutraas nivaaro |\nKo nahi jaanat hai jagame kapi sankatamochan naam tihaaro || 6 ||"},{"kind":"verse","n":7,"dev":"बंधु समेत जबै अहिरावन लै रघुनाथ पताल सिधारो ।\nदेबिहिं पूजि भली बिधि सों बलि देउ सबै मिलि मंत्र बिचारो ।\nजाय सहाय भयो तब ही अहिरावन सैन्य समेत सँहारो ।\nको नहिं जानत है जगमें कपि संकटमोचन नाम तिहारो ॥ ७ ॥","rom":"Bandhu samet jabai ahiraavan lai raghunaath pataal sidhaaro |\nDebihi pooji bhalee bidhi so bali deu sabai mili mantra bichaaro |\nJaay sahaay bhayo tab hee ahiraavan sainya samet sanhaaro |\nKo nahi jaanat hai jagame kapi sankatamochan naam tihaaro || 7 ||"},{"kind":"verse","n":8,"dev":"काज किये बड़ देवन के तुम बीर महाप्रभु देखि बिचारो ।\nकौन सो संकट मोर गरीब को जो तुमसों नहिं जात है टारो ।\nबेगि हरो हनुमान महाप्रभु जो कछु संकट होय हमारो ।\nको नहिं जानत है जगमें कपि संकटमोचन नाम तिहारो ॥ ८ ॥","rom":"Kaaj kiye bar devan ke tum beer mahaaprabhu dekhi bichaaro |\nKaun so sankat mor gareeb ko jo tumaso nahi jaat hai taaro |\nBegi haro hanumaan mahaaprabhu jo kachhu sankat hoy hamaaro |\nKo nahi jaanat hai jagame kapi sankatamochan naam tihaaro || 8 ||"},{"kind":"heading","dev":"दोहा","rom":"Dohaa"},{"kind":"prose","dev":"लाल देह लाली लसे अरु धरि लाल लँगूर ।\nबज्र देह दानव दलन जय जय जय कपि सूर ॥","rom":"Laal deh laalee lase aru dhari laal langoor |\nBajra deh daanav dalan jay jay jay kapi soor ||"}],"verified":true,"url":"https://pocketpothi.com/texts/sankat-mochan-hanuman-ashtak","appUrl":"https://pocketpothi.com/read?t=sankat-mochan-hanuman-ashtak","shareUrl":"https://pocketpothi.com/p/7q"}