{"id":"ramraksha-stotra","code":"75","title":{"dev":"श्रीरामरक्षास्तोत्रम्","rom":"Shri Ram Raksha Stotra"},"type":"stotra","typeLabel":"Stotra","language":"sa","languageName":"Sanskrit","deity":["rama"],"aliases":["Ramraksha","Ram Raksha","Rama Raksha Stotram","रामरक्षा"],"verses":38,"sections":[{"kind":"heading","dev":"॥ श्री गणेशाय नमः ॥","rom":"|| Shree ganeshaaya namah ||"},{"kind":"prose","dev":"अस्य श्रीरामरक्षास्तोत्रमन्त्रस्य ।\nबुधकौशिकऋषिः ।\nश्रीसीतारामचन्द्रो देवता ।\nअनुष्टुप् छन्दः । सीता शक्तिः ।\nश्रीमद् हनुमान् कीलकम् ।\nश्रीरामचन्द्रप्रीत्यर्थे जपे विनियोगः ।","rom":"Asya shreeraamarakshaastotramantrasya |\nBudhakaushikarushih |\nShreeseetaaraamachandro devataa |\nAnushtup chhandah | seetaa shaktih |\nShreemad hanumaan keelakam |\nShreeraamachandrapreetyarthe jape viniyogah |"},{"kind":"prose","dev":"अथ ध्यानम् ।\nध्यायेदाजानुबाहुं धृतशरधनुषं बद्धपद्मासनस्थम् ।\nपीतं वासो वसानं नवकमलदलस्पर्धिनेत्रं प्रसन्नम् ।\nवामाङ्कारूढसीतामुखकमलमिलल्लोचनं नीरदाभम् ।\nनानालङ्कारदीप्तं दधतमुरुजटामण्डलं रामचन्द्रम् ॥\nइति ध्यानम् ।","rom":"Atha dhyaanam |\nDhyaayedaajaanubaahum dhrutasharadhanusham baddhapadmaasanastham |\nPeetam vaaso vasaanam navakamaladalaspardhinetram prasannam |\nVaamaankaaroodhaseetaamukhakamalamilallochanam neeradaabham |\nNaanaalankaaradeeptam dadhatamurujataamandalam raamachandram ||\nIti dhyaanam |"},{"kind":"verse","n":1,"dev":"चरितं रघुनाथस्य शतकोटिप्रविस्तरम् ।\nएकैकमक्षरं पुंसां महापातकनाशनम् ॥ १ ॥","rom":"Charitam raghunaathasya shatakotipravistaram |\nEkaikamaksharam punsaam mahaapaatakanaashanam || 1 ||"},{"kind":"verse","n":2,"dev":"ध्यात्वा नीलोत्पलश्यामं रामं राजीवलोचनम् ।\nजानकीलक्ष्मणोपेतं जटामुकुटमण्डितम् ॥ २ ॥","rom":"Dhyaatvaa neelotpalashyaamam raamam raajeevalochanam |\nJaanakeelakshmanopetam jataamukutamanditam || 2 ||"},{"kind":"verse","n":3,"dev":"सासितूणधनुर्बाणपाणिं नक्तंचरान्तकम् ।\nस्वलीलया जगत्त्रातुमाविर्भूतमजं विभुम् ॥ ३॥","rom":"Saasitoonadhanurbaanapaanim naktancharaantakam |\nSvaleelayaa jagattraatumaavirbhootamajam vibhum || 3||"},{"kind":"verse","n":4,"dev":"रामरक्षां पठेत् प्राज्ञः पापघ्नीं सर्वकामदाम् ।\nशिरो मे राघवः पातु भालं दशरथात्मजः ॥ ४ ॥","rom":"Raamarakshaam pathet praajnah paapaghneem sarvakaamadaam |\nShiro me raaghavah paatu bhaalam dasharathaatmajah || 4 ||"},{"kind":"verse","n":5,"dev":"कौसल्येयो दृशौ पातु विश्वामित्रप्रियः श्रुती ।\nघ्राणं पातु मखत्राता मुखं सौमित्रिवत्सलः ॥ ५ ॥","rom":"Kausalyeyo drushau paatu vishvaamitrapriyah shrutee |\nGhraanam paatu makhatraataa mukham saumitrivatsalah || 5 ||"},{"kind":"verse","n":6,"dev":"जिह्वां विद्यानिधिः पातु कण्ठं भरतवन्दितः ।\nस्कन्धौ दिव्यायुधः पातु भुजौ भग्नेशकार्मुकः ॥ ६ ॥","rom":"Jihvaam vidyaanidhih paatu kantham bharatavanditah |\nSkandhau divyaayudhah paatu bhujau bhagneshakaarmukah || 6 ||"},{"kind":"verse","n":7,"dev":"करौ सीतापतिः पातु हृदयं जामदग्न्यजित् ।\nमध्यं पातु खरध्वंसी नाभिं जाम्बवदाश्रयः ॥ ७ ॥","rom":"Karau seetaapatih paatu hrudayam jaamadagnyajit |\nMadhyam paatu kharadhvansee naabhim jaambavadaashrayah || 7 ||"},{"kind":"verse","n":8,"dev":"सुग्रीवेशः कटी पातु सक्थिनी हनुमत्प्रभुः ।\nऊरू रघूत्तमः पातु रक्षःकुलविनाशकृत् ॥ ८ ॥","rom":"Sugreeveshah katee paatu sakthinee hanumatprabhuh |\nOoroo raghoottamah paatu rakshahkulavinaashakrut || 8 ||"},{"kind":"verse","n":9,"dev":"जानुनी सेतुकृत् पातु जङ्घे दशमुखान्तकः ।\nपादौ विभीषणश्रीदः पातु रामोऽखिलं वपुः ॥ ९ ॥","rom":"Jaanunee setukrut paatu janghe dashamukhaantakah |\nPaadau vibheeshanashreedah paatu raamo'khilam vapuh || 9 ||"},{"kind":"verse","n":10,"dev":"एतां रामबलोपेतां रक्षां यः सुकृती पठेत् ।\nस चिरायुः सुखी पुत्री विजयी विनयी भवेत् ॥ १० ॥","rom":"Etaam raamabalopetaam rakshaam yah sukrutee pathet |\nSa chiraayuh sukhee putree vijayee vinayee bhavet || 10 ||"},{"kind":"verse","n":11,"dev":"पातालभूतलव्योम चारिणश्छद्मचारिणः ।\nन द्रष्टुमपि शक्तास्ते रक्षितं रामनामभिः ॥ ११ ॥","rom":"Paataalabhootalavyoma chaarinashchhadmachaarinah |\nNa drashtumapi shaktaaste rakshitam raamanaamabhih || 11 ||"},{"kind":"verse","n":12,"dev":"रामेति रामभद्रेति रामचन्द्रेति वा स्मरन् ।\nनरो न लिप्यते पापैर्भुक्तिं मुक्तिं च विन्दति ॥ १२ ॥","rom":"Raameti raamabhadreti raamachandreti vaa smaran |\nNaro na lipyate paapairbhuktim muktim cha vindati || 12 ||"},{"kind":"verse","n":13,"dev":"जगज्जैत्रैकमन्त्रेण रामनाम्नाभिरक्षितम् ।\nयः कण्ठे धारयेत्तस्य करस्थाः सर्वसिद्धयः ॥ १३ ॥","rom":"Jagajjaitraikamantrena raamanaamnaabhirakshitam |\nYah kanthe dhaarayettasya karasthaah sarvasiddhayah || 13 ||"},{"kind":"verse","n":14,"dev":"वज्रपञ्जरनामेदं यो रामकवचं स्मरेत् ।\nअव्याहताज्ञः सर्वत्र लभते जयमङ्गलम् ॥ १४ ॥","rom":"Vajrapanjaranaamedam yo raamakavacham smaret |\nAvyaahataajnah sarvatra labhate jayamangalam || 14 ||"},{"kind":"verse","n":15,"dev":"आदिष्टवान् यथा स्वप्ने रामरक्षामिमां हरः ।\nतथा लिखितवान् प्रातः प्रबुद्धो बुधकौशिकः ॥ १५ ॥","rom":"Aadishtavaan yathaa svapne raamarakshaamimaam harah |\nTathaa likhitavaan praatah prabuddho budhakaushikah || 15 ||"},{"kind":"verse","n":16,"dev":"आरामः कल्पवृक्षाणां विरामः सकलापदाम् ।\nअभिरामस्त्रिलोकानां रामः श्रीमान् स नः प्रभुः ॥ १६ ॥","rom":"Aaraamah kalpavrukshaanaam viraamah sakalaapadaam |\nAbhiraamastrilokaanaam raamah shreemaan sa nah prabhuh || 16 ||"},{"kind":"verse","n":17,"dev":"तरुणौ रूपसंपन्नौ सुकुमारौ महाबलौ ।\nपुण्डरीक विशालाक्षौ चीरकृष्णाजिनाम्बरौ ॥ १७ ॥","rom":"Tarunau roopasampannau sukumaarau mahaabalau |\nPundareeka vishaalaakshau cheerakrushnaajinaambarau || 17 ||"},{"kind":"verse","n":18,"dev":"फलमूलाशिनौ दान्तौ तापसौ ब्रह्मचारिणौ ।\nपुत्रौ दशरथस्यैतौ भ्रातरौ रामलक्ष्मणौ ॥ १८ ॥","rom":"Phalamoolaashinau daantau taapasau brahmachaarinau |\nPutrau dasharathasyaitau bhraatarau raamalakshmanau || 18 ||"},{"kind":"verse","n":19,"dev":"शरण्यौ सर्वसत्वानां श्रेष्ठौ सर्वधनुष्मताम् ।\nरक्षः कुलनिहन्तारौ त्रायेतां नो रघूत्तमौ ॥ १९ ॥","rom":"Sharanyau sarvasatvaanaam shreshthau sarvadhanushmataam |\nRakshah kulanihantaarau traayetaam no raghoottamau || 19 ||"},{"kind":"verse","n":20,"dev":"आत्तसज्जधनुषाविषुस्पृशावक्षयाशुगनिषङ्गसङ्गिनौ ।\nरक्षणाय मम रामलक्ष्मणावग्रतः पथि सदैव गच्छताम् ॥ २० ॥","rom":"Aattasajjadhanushaavishusprushaavakshayaashuganishangasanginau |\nRakshanaaya mama raamalakshmanaavagratah pathi sadaiva gachchhataam || 20 ||"},{"kind":"verse","n":21,"dev":"संनद्धः कवची खड्गी चापबाणधरो युवा ।\nगच्छन् मनोरथोऽस्माकं रामः पातु सलक्ष्मणः ॥ २१ ॥","rom":"Sannaddhah kavachee khadgee chaapabaanadharo yuvaa |\nGachchhan manoratho'smaakam raamah paatu salakshmanah || 21 ||"},{"kind":"verse","n":22,"dev":"रामो दाशरथिः शूरो लक्ष्मणानुचरो बली ।\nकाकुत्स्थः पुरुषः पूर्णः कौसल्येयो रघूत्तमः ॥ २२ ॥","rom":"Raamo daasharathih shooro lakshmanaanucharo balee |\nKaakutsthah purushah poornah kausalyeyo raghoottamah || 22 ||"},{"kind":"verse","n":23,"dev":"वेदान्तवेद्यो यज्ञेशः पुराणपुरुषोत्तमः ।\nजानकीवल्लभः श्रीमानप्रमेयपराक्रमः ॥ २३ ॥","rom":"Vedaantavedyo yajneshah puraanapurushottamah |\nJaanakeevallabhah shreemaanaprameyaparaakramah || 23 ||"},{"kind":"verse","n":24,"dev":"इत्येतानि जपेन्नित्यं मद्भक्तः श्रद्धयान्वितः ।\nअश्वमेधाधिकं पुण्यं सम्प्राप्नोति न संशयः ॥ २४ ॥","rom":"Ityetaani japennityam madbhaktah shraddhayaanvitah |\nAshvamedhaadhikam punyam sampraapnoti na sanshayah || 24 ||"},{"kind":"verse","n":25,"dev":"रामं दूर्वादलश्यामं पद्माक्षं पीतवाससम् ।\nस्तुवन्ति नामभिर्दिव्यैर्न ते संसारिणो नरः ॥ २५ ॥","rom":"Raamam doorvaadalashyaamam padmaaksham peetavaasasam |\nStuvanti naamabhirdivyairna te sansaarino narah || 25 ||"},{"kind":"verse","n":26,"dev":"रामं लक्ष्मणपूर्वजम् रघुवरं सीतापतिं सुन्दरम् ।\nकाकुत्स्थं करुणार्णवं गुणनिधिं विप्रप्रियं धार्मिकम् ॥\nराजेन्द्रं सत्यसन्धं दशरथतनयं श्यामलं शान्तमूर्तिम् ।\nवन्दे लोकाभिरामं रघुकुलतिलकम् राघवं रावणारिम् ॥ २६ ॥","rom":"Raamam lakshmanapoorvajam raghuvaram seetaapatim sundaram |\nKaakutstham karunaarnavam gunanidhim viprapriyam dhaarmikam ||\nRaajendram satyasandham dasharathatanayam shyaamalam shaantamoortim |\nVande lokaabhiraamam raghukulatilakam raaghavam raavanaarim || 26 ||"},{"kind":"verse","n":27,"dev":"रामाय रामभद्राय रामचन्द्राय वेधसे ।\nरघुनाथाय नाथाय सीतायाः पतये नमः ॥ २७ ॥","rom":"Raamaaya raamabhadraaya raamachandraaya vedhase |\nRaghunaathaaya naathaaya seetaayaah pataye namah || 27 ||"},{"kind":"verse","n":28,"dev":"श्रीराम राम रघुनन्दन राम राम ।\nश्रीराम राम भरताग्रज राम राम ॥\nश्रीराम राम रणकर्कश राम राम ।\nश्रीराम राम शरणं भव राम राम ॥ २८ ॥","rom":"Shreeraama raama raghunandana raama raama |\nShreeraama raama bharataagraja raama raama ||\nShreeraama raama ranakarkasha raama raama |\nShreeraama raama sharanam bhava raama raama || 28 ||"},{"kind":"verse","n":29,"dev":"श्रीरामचन्द्रचरणौ मनसा स्मरामि ।\nश्रीरामचन्द्रचरणौ वचसा गृणामि ॥\nश्रीरामचन्द्रचरणौ शिरसा नमामि ।\nश्रीरामचन्द्रचरणौ शरणं प्रपद्ये ॥ २९ ॥","rom":"Shreeraamachandracharanau manasaa smaraami |\nShreeraamachandracharanau vachasaa grunaami ||\nShreeraamachandracharanau shirasaa namaami |\nShreeraamachandracharanau sharanam prapadye || 29 ||"},{"kind":"verse","n":30,"dev":"माता रामो मत्पिता रामचन्द्रः ।\nस्वामी रामो मत्सखा रामचन्द्रः ॥\nसर्वस्वं मे रामचन्द्रो दयालुः ।\nनान्यं जाने नैव जाने न जाने ॥ ३० ॥","rom":"Maataa raamo matpitaa raamachandrah |\nSvaamee raamo matsakhaa raamachandrah ||\nSarvasvam me raamachandro dayaaluh |\nNaanyam jaane naiva jaane na jaane || 30 ||"},{"kind":"verse","n":31,"dev":"दक्षिणे लक्ष्मणो यस्य वामे तु जनकात्मजा ।\nपुरतो मारुतिर्यस्य तं वन्दे रघुनन्दनम् ॥ ३१ ॥","rom":"Dakshine lakshmano yasya vaame tu janakaatmajaa |\nPurato maarutiryasya tam vande raghunandanam || 31 ||"},{"kind":"verse","n":32,"dev":"लोकाभिरामं रणरङ्गधीरं राजीवनेत्रं रघुवंशनाथम् ।\nकारुण्यरूपं करुणाकरं तं श्रीरामचन्द्रं शरणं प्रपद्ये ॥ ३२ ॥","rom":"Lokaabhiraamam ranarangadheeram raajeevanetram raghuvanshanaatham |\nKaarunyaroopam karunaakaram tam shreeraamachandram sharanam prapadye || 32 ||"},{"kind":"verse","n":33,"dev":"मनोजवं मारुततुल्यवेगं जितेन्द्रियं बुद्धिमतां वरिष्ठम् ।\nवातात्मजं वानरयूथमुख्यं श्रीरामदूतं शरणं प्रपद्ये ॥ ३३ ॥","rom":"Manojavam maarutatulyavegam jitendriyam buddhimataam varishtham |\nVaataatmajam vaanarayoothamukhyam shreeraamadootam sharanam prapadye || 33 ||"},{"kind":"verse","n":34,"dev":"कूजन्तं रामरामेति मधुरं मधुराक्षरम् ।\nआरुह्य कविताशाखां वन्दे वाल्मीकिकोकिलम् ॥ ३४ ॥","rom":"Koojantam raamaraameti madhuram madhuraaksharam |\nAaruhya kavitaashaakhaam vande vaalmeekikokilam || 34 ||"},{"kind":"verse","n":35,"dev":"आपदामपहर्तारं दातारं सर्वसंपदाम् ।\nलोकाभिरामं श्रीरामं भूयो भूयो नमाम्यहम् ॥ ३५ ॥","rom":"Aapadaamapahartaaram daataaram sarvasampadaam |\nLokaabhiraamam shreeraamam bhooyo bhooyo namaamyaham || 35 ||"},{"kind":"verse","n":36,"dev":"भर्जनं भवबीजानामर्जनं सुखसंपदाम् ।\nतर्जनं यमदूतानां रामरामेति गर्जनम् ॥ ३६ ॥","rom":"Bharjanam bhavabeejaanaamarjanam sukhasampadaam |\nTarjanam yamadootaanaam raamaraameti garjanam || 36 ||"},{"kind":"verse","n":37,"dev":"रामो राजमणिः सदा विजयते रामं रमेशं भजे ।\nरामेणाभिहता निशाचरचमू रामाय तस्मै नमः ॥\nरामान्नास्ति परायणं परतरं रामस्य दासोऽस्म्यहम् ।\nरामे चित्तलयः सदा भवतु मे भो राम मामुद्धर ॥ ३७ ॥","rom":"Raamo raajamanih sadaa vijayate raamam ramesham bhaje |\nRaamenaabhihataa nishaacharachamoo raamaaya tasmai namah ||\nRaamaannaasti paraayanam parataram raamasya daaso'smyaham |\nRaame chittalayah sadaa bhavatu me bho raama maamuddhara || 37 ||"},{"kind":"verse","n":38,"dev":"रामरामेति रामेति रमे रामे मनोरमे ।\nसहस्रनामतत्तुल्यं रामनाम वरानने ॥ ३८ ॥","rom":"Raamaraameti raameti rame raame manorame |\nSahasranaamatattulyam raamanaama varaanane || 38 ||"},{"kind":"heading","dev":"इति श्रीबुधकौशिकविरचितं श्रीरामरक्षास्तोत्रं सम्पूर्णम् ।","rom":"Iti shreebudhakaushikavirachitam shreeraamarakshaastotram sampoornam |"},{"kind":"heading","dev":"॥ श्रीसीतारामचन्द्रार्पणमस्तु ॥","rom":"|| Shreeseetaaraamachandraarpanamastu ||"},{"kind":"heading","dev":"॥ शुभं भवतु ॥","rom":"|| Shubham bhavatu ||"}],"verified":false,"url":"https://pocketpothi.com/texts/ramraksha-stotra","appUrl":"https://pocketpothi.com/read?t=ramraksha-stotra","shareUrl":"https://pocketpothi.com/p/75"}