{"id":"nirvana-shatkam","code":"52","title":{"dev":"निर्वाणषट्कम्","rom":"Nirvana Shatkam"},"type":"stotra","typeLabel":"Stotra","language":"sa","languageName":"Sanskrit","deity":["shiva"],"aliases":["Atma Shatkam","Manobuddhyahankara","Chidananda Rupah Shivoham"],"verses":6,"sections":[{"kind":"verse","n":1,"dev":"मनोबुद्ध्यहङ्कारचित्तानि नाहं\nन च श्रोत्रजिह्वे न च घ्राणनेत्रे ।\nन च व्योम भूमिर्न तेजो न वायुः\nचिदानन्दरूपः शिवोऽहं शिवोऽहम् ॥ १ ॥","rom":"Manobuddhyahankaarachittaani naaham\nNa cha shrotrajihve na cha ghraananetre |\nNa cha vyoma bhoomirna tejo na vaayuh\nChidaanandaroopah shivo'ham shivo'ham || 1 ||"},{"kind":"verse","n":2,"dev":"न च प्राणसंज्ञो न वै पञ्चवायुः\nन वा सप्तधातुर्न वा पञ्चकोशः ।\nन वाक्पाणिपादं न चोपस्थपायू\nचिदानन्दरूपः शिवोऽहं शिवोऽहम् ॥ २ ॥","rom":"Na cha praanasanjno na vai panchavaayuh\nNa vaa saptadhaaturna vaa panchakoshah |\nNa vaakpaanipaadam na chopasthapaayoo\nChidaanandaroopah shivo'ham shivo'ham || 2 ||"},{"kind":"verse","n":3,"dev":"न मे द्वेषरागौ न मे लोभमोहौ\nमदो नैव मे नैव मात्सर्यभावः ।\nन धर्मो न चार्थो न कामो न मोक्षः\nचिदानन्दरूपः शिवोऽहं शिवोऽहम् ॥ ३ ॥","rom":"Na me dvesharaagau na me lobhamohau\nMado naiva me naiva maatsaryabhaavah |\nNa dharmo na chaartho na kaamo na mokshah\nChidaanandaroopah shivo'ham shivo'ham || 3 ||"},{"kind":"verse","n":4,"dev":"न पुण्यं न पापं न सौख्यं न दुःखं\nन मन्त्रो न तीर्थं न वेदा न यज्ञाः ।\nअहं भोजनं नैव भोज्यं न भोक्ता\nचिदानन्दरूपः शिवोऽहं शिवोऽहम् ॥ ४ ॥","rom":"Na punyam na paapam na saukhyam na duhkham\nNa mantro na teertham na vedaa na yajnaah |\nAham bhojanam naiva bhojyam na bhoktaa\nChidaanandaroopah shivo'ham shivo'ham || 4 ||"},{"kind":"verse","n":5,"dev":"न मृत्युर्न शङ्का न मे जातिभेदः\nपिता नैव मे नैव माता न जन्म ।\nन बन्धुर्न मित्रं गुरुर्नैव शिष्यः\nचिदानन्दरूपः शिवोऽहं शिवोऽहम् ॥ ५ ॥","rom":"Na mrutyurna shankaa na me jaatibhedah\nPitaa naiva me naiva maataa na janma |\nNa bandhurna mitram gururnaiva shishyah\nChidaanandaroopah shivo'ham shivo'ham || 5 ||"},{"kind":"verse","n":6,"dev":"अहं निर्विकल्पो निराकाररूपो\nविभुत्वाच्च सर्वत्र सर्वेन्द्रियाणाम् ।\nन चासङ्गतं नैव मुक्तिर्न मेयः\nचिदानन्दरूपः शिवोऽहं शिवोऽहम् ॥ ६ ॥","rom":"Aham nirvikalpo niraakaararoopo\nVibhutvaachcha sarvatra sarvendriyaanaam |\nNa chaasangatam naiva muktirna meyah\nChidaanandaroopah shivo'ham shivo'ham || 6 ||"}],"verified":false,"url":"https://pocketpothi.com/texts/nirvana-shatkam","appUrl":"https://pocketpothi.com/read?t=nirvana-shatkam","shareUrl":"https://pocketpothi.com/p/52"}