# Mahishasura Mardini Stotra · महिषासुरमर्दिनिस्तोत्रम्

- Type: Stotra
- Language: Sanskrit
- Verses: 21
- Verified: under review
- Read in the app: https://pocketpothi.com/read?t=mahishasura-mardini-stotra
- Share link: https://pocketpothi.com/p/89
- Page: https://pocketpothi.com/texts/mahishasura-mardini-stotra

## Text (Devanagari, with simple Roman spelling below each verse)

अयि गिरिनन्दिनि नन्दितमेदिनि विश्वविनोदिनि नन्दिनुते  
गिरिवरविन्ध्यशिरोऽधिनिवासिनि विष्णुविलासिनि जिष्णुनुते ।  
भगवति हे शितिकण्ठकुटुम्बिनि भूरिकुटुम्बिनि भूरिकृते  
जय जय हे महिषासुरमर्दिनि रम्यकपर्दिनि शैलसुते ॥ १ ॥  

_Ayi girinandini nanditamedini vishvavinodini nandinute / Girivaravindhyashiro'dhinivaasini vishnuvilaasini jishnunute | / Bhagavati he shitikanthakutumbini bhoorikutumbini bhoorikrute / Jaya jaya he mahishaasuramardini ramyakapardini shailasute || 1 ||_

सुरवरवर्षिणि दुर्धरधर्षिणि दुर्मुखमर्षिणि हर्षरते  
त्रिभुवनपोषिणि शङ्करतोषिणि किल्बिषमोषिणि घोषरते  
दनुजनिरोषिणि दितिसुतरोषिणि दुर्मदशोषिणि सिन्धुसुते  
जय जय हे महिषासुरमर्दिनि रम्यकपर्दिनि शैलसुते ॥ २ ॥  

_Suravaravarshini durdharadharshini durmukhamarshini harsharate / Tribhuvanaposhini shankaratoshini kilbishamoshini ghosharate / Danujaniroshini ditisutaroshini durmadashoshini sindhusute / Jaya jaya he mahishaasuramardini ramyakapardini shailasute || 2 ||_

अयि जगदम्ब मदम्ब कदम्ब वनप्रियवासिनि हासरते  
शिखरि शिरोमणि तुङ्गहिमालय शृङ्गनिजालय मध्यगते ।  
मधुमधुरे मधुकैटभगञ्जिनि कैटभभञ्जिनि रासरते  
जय जय हे महिषासुरमर्दिनि रम्यकपर्दिनि शैलसुते ॥ ३ ॥  

_Ayi jagadamba madamba kadamba vanapriyavaasini haasarate / Shikhari shiromani tungahimaalaya shrunganijaalaya madhyagate | / Madhumadhure madhukaitabhaganjini kaitabhabhanjini raasarate / Jaya jaya he mahishaasuramardini ramyakapardini shailasute || 3 ||_

अयि शतखण्ड विखण्डितरुण्ड वितुण्डितशुण्ड गजाधिपते  
रिपुगजगण्ड विदारणचण्ड पराक्रमशुण्ड मृगाधिपते ।  
निजभुजदण्ड निपातितखण्ड विपातितमुण्ड भटाधिपते  
जय जय हे महिषासुरमर्दिनि रम्यकपर्दिनि शैलसुते ॥ ४ ॥  

_Ayi shatakhanda vikhanditarunda vitunditashunda gajaadhipate / Ripugajaganda vidaaranachanda paraakramashunda mrugaadhipate | / Nijabhujadanda nipaatitakhanda vipaatitamunda bhataadhipate / Jaya jaya he mahishaasuramardini ramyakapardini shailasute || 4 ||_

अयि रणदुर्मद शत्रुवधोदित दुर्धरनिर्जर शक्तिभृते  
चतुरविचार धुरीणमहाशिव दूतकृत प्रमथाधिपते ।  
दुरितदुरीह दुराशयदुर्मति दानवदूत कृतान्तमते  
जय जय हे महिषासुरमर्दिनि रम्यकपर्दिनि शैलसुते ॥ ५ ॥  

_Ayi ranadurmada shatruvadhodita durdharanirjara shaktibhrute / Chaturavichaara dhureenamahaashiva dootakruta pramathaadhipate | / Duritadureeha duraashayadurmati daanavadoota krutaantamate / Jaya jaya he mahishaasuramardini ramyakapardini shailasute || 5 ||_

अयि शरणागत वैरिवधूवर वीरवराभय दायकरे  
त्रिभुवनमस्तक शूलविरोधि शिरोऽधिकृतामल शूलकरे ।  
दुमिदुमितामर दुन्दुभिनादमहोमुखरीकृत तिग्मकरे  
जय जय हे महिषासुरमर्दिनि रम्यकपर्दिनि शैलसुते ॥ ६ ॥  

_Ayi sharanaagata vairivadhoovara veeravaraabhaya daayakare / Tribhuvanamastaka shoolavirodhi shiro'dhikrutaamala shoolakare | / Dumidumitaamara dundubhinaadamahomukhareekruta tigmakare / Jaya jaya he mahishaasuramardini ramyakapardini shailasute || 6 ||_

अयि निजहुङ्कृति मात्रनिराकृत धूम्रविलोचन धूम्रशते  
समरविशोषित शोणितबीज समुद्भवशोणित बीजलते ।  
शिवशिवशुम्भ निशुम्भमहाहव तर्पितभूत पिशाचरते  
जय जय हे महिषासुरमर्दिनि रम्यकपर्दिनि शैलसुते ॥ ७ ॥  

_Ayi nijahunkruti maatraniraakruta dhoomravilochana dhoomrashate / Samaravishoshita shonitabeeja samudbhavashonita beejalate | / Shivashivashumbha nishumbhamahaahava tarpitabhoota pishaacharate / Jaya jaya he mahishaasuramardini ramyakapardini shailasute || 7 ||_

धनुरनुषङ्ग रणक्षणसङ्ग परिस्फुरदङ्ग नटत्कटके  
कनकपिशङ्ग पृषत्कनिषङ्ग रसद्भटशृङ्ग हताबटुके ।  
कृतचतुरङ्ग बलक्षितिरङ्ग घटद्बहुरङ्ग रटद्बटुके  
जय जय हे महिषासुरमर्दिनि रम्यकपर्दिनि शैलसुते ॥ ८ ॥  

_Dhanuranushanga ranakshanasanga parisphuradanga natatkatake / Kanakapishanga prushatkanishanga rasadbhatashrunga hataabatuke | / Krutachaturanga balakshitiranga ghatadbahuranga ratadbatuke / Jaya jaya he mahishaasuramardini ramyakapardini shailasute || 8 ||_

सुरललना ततथेयि तथेयि कृताभिनयोदर नृत्यरते  
कृत कुकुथः कुकुथो गडदादिकताल कुतूहल गानरते ।  
धुधुकुट धुक्कुट धिंधिमित ध्वनि धीर मृदंग निनादरते  
जय जय हे महिषासुरमर्दिनि रम्यकपर्दिनि शैलसुते ॥ ९ ॥  

_Suralalanaa tatatheyi tatheyi krutaabhinayodara nrutyarate / Kruta kukuthah kukutho gadadaadikataala kutoohala gaanarate | / Dhudhukuta dhukkuta dhindhimita dhvani dheera mrudanga ninaadarate / Jaya jaya he mahishaasuramardini ramyakapardini shailasute || 9 ||_

जय जय जप्य जयेजयशब्द परस्तुति तत्परविश्वनुते  
झणझणझिञ्झिमि झिङ्कृत नूपुरसिञ्जितमोहित भूतपते ।  
नटित नटार्ध नटी नट नायक नाटितनाट्य सुगानरते  
जय जय हे महिषासुरमर्दिनि रम्यकपर्दिनि शैलसुते ॥ १० ॥  

_Jaya jaya japya jayejayashabda parastuti tatparavishvanute / Jhanajhanajhinjhimi jhinkruta noopurasinjitamohita bhootapate | / Natita nataardha natee nata naayaka naatitanaatya sugaanarate / Jaya jaya he mahishaasuramardini ramyakapardini shailasute || 10 ||_

अयि सुमनःसुमनःसुमनः सुमनःसुमनोहरकान्तियुते  
श्रितरजनी रजनीरजनी रजनीरजनी करवक्त्रवृते ।  
सुनयनविभ्रमर भ्रमरभ्रमर भ्रमरभ्रमराधिपते  
जय जय हे महिषासुरमर्दिनि रम्यकपर्दिनि शैलसुते ॥ ११ ॥  

_Ayi sumanahsumanahsumanah sumanahsumanoharakaantiyute / Shritarajanee rajaneerajanee rajaneerajanee karavaktravrute | / Sunayanavibhramara bhramarabhramara bhramarabhramaraadhipate / Jaya jaya he mahishaasuramardini ramyakapardini shailasute || 11 ||_

सहितमहाहव मल्लमतल्लिक मल्लितरल्लक मल्लरते  
विरचितवल्लिक पल्लिकमल्लिक झिल्लिकभिल्लिक वर्गवृते ।  
सितकृतफुल्ल समुल्लसितारुण तल्लजपल्लव सल्ललिते  
जय जय हे महिषासुरमर्दिनि रम्यकपर्दिनि शैलसुते ॥ १२ ॥  

_Sahitamahaahava mallamatallika mallitarallaka mallarate / Virachitavallika pallikamallika jhillikabhillika vargavrute | / Sitakrutaphulla samullasitaaruna tallajapallava sallalite / Jaya jaya he mahishaasuramardini ramyakapardini shailasute || 12 ||_

अविरलगण्ड गलन्मदमेदुर मत्तमतङ्ग जराजपते  
त्रिभुवनभूषण भूतकलानिधि रूपपयोनिधि राजसुते ।  
अयि सुदतीजन लालसमानस मोहन मन्मथराजसुते  
जय जय हे महिषासुरमर्दिनि रम्यकपर्दिनि शैलसुते ॥ १३ ॥  

_Aviralaganda galanmadamedura mattamatanga jaraajapate / Tribhuvanabhooshana bhootakalaanidhi roopapayonidhi raajasute | / Ayi sudateejana laalasamaanasa mohana manmatharaajasute / Jaya jaya he mahishaasuramardini ramyakapardini shailasute || 13 ||_

कमलदलामल कोमलकान्ति कलाकलितामल भाललते  
सकलविलास कलानिलयक्रम केलिचलत्कल हंसकुले ।  
अलिकुलसङ्कुल कुवलयमण्डल मौलिमिलद्बकुलालिकुले  
जय जय हे महिषासुरमर्दिनि रम्यकपर्दिनि शैलसुते ॥ १४ ॥  

_Kamaladalaamala komalakaanti kalaakalitaamala bhaalalate / Sakalavilaasa kalaanilayakrama kelichalatkala hansakule | / Alikulasankula kuvalayamandala maulimiladbakulaalikule / Jaya jaya he mahishaasuramardini ramyakapardini shailasute || 14 ||_

करमुरलीरव वीजितकूजित लज्जितकोकिल मञ्जुमते  
मिलितपुलिन्द मनोहरगुञ्जित रञ्जितशैल निकुञ्जगते ।  
निजगुणभूत महाशबरीगण सद्गुणसम्भृत केलितले  
जय जय हे महिषासुरमर्दिनि रम्यकपर्दिनि शैलसुते ॥ १५ ॥  

_Karamuraleerava veejitakoojita lajjitakokila manjumate / Militapulinda manoharagunjita ranjitashaila nikunjagate | / Nijagunabhoota mahaashabareegana sadgunasambhruta kelitale / Jaya jaya he mahishaasuramardini ramyakapardini shailasute || 15 ||_

कटितटपीत दुकूलविचित्र मयूखतिरस्कृत चन्द्ररुचे  
प्रणतसुरासुर मौलिमणिस्फुर दंशुलसन्नख चन्द्ररुचे  
जितकनकाचल मौलिपदोर्जित निर्भरकुञ्जर कुम्भकुचे  
जय जय हे महिषासुरमर्दिनि रम्यकपर्दिनि शैलसुते ॥ १६ ॥  

_Katitatapeeta dukoolavichitra mayookhatiraskruta chandraruche / Pranatasuraasura maulimanisphura danshulasannakha chandraruche / Jitakanakaachala maulipadorjita nirbharakunjara kumbhakuche / Jaya jaya he mahishaasuramardini ramyakapardini shailasute || 16 ||_

विजितसहस्रकरैक सहस्रकरैक सहस्रकरैकनुते  
कृतसुरतारक सङ्गरतारक सङ्गरतारक सूनुसुते ।  
सुरथसमाधि समानसमाधि समाधिसमाधि सुजातरते ।  
जय जय हे महिषासुरमर्दिनि रम्यकपर्दिनि शैलसुते ॥ १७ ॥  

_Vijitasahasrakaraika sahasrakaraika sahasrakaraikanute / Krutasurataaraka sangarataaraka sangarataaraka soonusute | / Surathasamaadhi samaanasamaadhi samaadhisamaadhi sujaatarate | / Jaya jaya he mahishaasuramardini ramyakapardini shailasute || 17 ||_

पदकमलं करुणानिलये वरिवस्यति योऽनुदिनं सुशिवे  
अयि कमले कमलानिलये कमलानिलयः स कथं न भवेत् ।  
तव पदमेव परम्पदमित्यनुशीलयतो मम किं न शिवे  
जय जय हे महिषासुरमर्दिनि रम्यकपर्दिनि शैलसुते ॥ १८ ॥  

_Padakamalam karunaanilaye varivasyati yo'nudinam sushive / Ayi kamale kamalaanilaye kamalaanilayah sa katham na bhavet | / Tava padameva parampadamityanusheelayato mama kim na shive / Jaya jaya he mahishaasuramardini ramyakapardini shailasute || 18 ||_

कनकलसत्कलसिन्धुजलैरनुसिञ्चिनुते गुणरङ्गभुवम्  
भजति स किं न शचीकुचकुम्भतटीपरिरम्भसुखानुभवम् ।  
तव चरणं शरणं करवाणि नतामरवाणि निवासि शिवम्  
जय जय हे महिषासुरमर्दिनि रम्यकपर्दिनि शैलसुते ॥ १९ ॥  

_Kanakalasatkalasindhujalairanusinchinute gunarangabhuvam / Bhajati sa kim na shacheekuchakumbhatateeparirambhasukhaanubhavam | / Tava charanam sharanam karavaani nataamaravaani nivaasi shivam / Jaya jaya he mahishaasuramardini ramyakapardini shailasute || 19 ||_

तव विमलेन्दुकुलं वदनेन्दुमलं सकलं ननु कूलयते  
किमु पुरुहूतपुरीन्दु मुखी सुमुखीभिरसौ विमुखीक्रियते ।  
मम तु मतं शिवनामधने भवती कृपया किमुत क्रियते  
जय जय हे महिषासुरमर्दिनि रम्यकपर्दिनि शैलसुते ॥ २० ॥  

_Tava vimalendukulam vadanendumalam sakalam nanu koolayate / Kimu puruhootapureendu mukhee sumukheebhirasau vimukheekriyate | / Mama tu matam shivanaamadhane bhavatee krupayaa kimuta kriyate / Jaya jaya he mahishaasuramardini ramyakapardini shailasute || 20 ||_

अयि मयि दीन दयालुतया कृपयैव त्वया भवितव्यमुमे  
अयि जगतो जननी कृपयासि यथासि तथानुमितासिरते ।  
यदुचितमत्र भवत्युररीकुरुतादुरुतापमपाकुरुते  
जय जय हे महिषासुरमर्दिनि रम्यकपर्दिनि शैलसुते ॥ २१ ॥  

_Ayi mayi deena dayaalutayaa krupayaiva tvayaa bhavitavyamume / Ayi jagato jananee krupayaasi yathaasi tathaanumitaasirate | / Yaduchitamatra bhavatyurareekurutaadurutaapamapaakurute / Jaya jaya he mahishaasuramardini ramyakapardini shailasute || 21 ||_