{"id":"mahishasura-mardini-stotra","code":"89","title":{"dev":"महिषासुरमर्दिनिस्तोत्रम्","rom":"Mahishasura Mardini Stotra"},"type":"stotra","typeLabel":"Stotra","language":"sa","languageName":"Sanskrit","deity":["durga"],"aliases":["Ayi Giri Nandini"],"verses":21,"sections":[{"kind":"verse","n":1,"dev":"अयि गिरिनन्दिनि नन्दितमेदिनि विश्वविनोदिनि नन्दिनुते\nगिरिवरविन्ध्यशिरोऽधिनिवासिनि विष्णुविलासिनि जिष्णुनुते ।\nभगवति हे शितिकण्ठकुटुम्बिनि भूरिकुटुम्बिनि भूरिकृते\nजय जय हे महिषासुरमर्दिनि रम्यकपर्दिनि शैलसुते ॥ १ ॥","rom":"Ayi girinandini nanditamedini vishvavinodini nandinute\nGirivaravindhyashiro'dhinivaasini vishnuvilaasini jishnunute |\nBhagavati he shitikanthakutumbini bhoorikutumbini bhoorikrute\nJaya jaya he mahishaasuramardini ramyakapardini shailasute || 1 ||"},{"kind":"verse","n":2,"dev":"सुरवरवर्षिणि दुर्धरधर्षिणि दुर्मुखमर्षिणि हर्षरते\nत्रिभुवनपोषिणि शङ्करतोषिणि किल्बिषमोषिणि घोषरते\nदनुजनिरोषिणि दितिसुतरोषिणि दुर्मदशोषिणि सिन्धुसुते\nजय जय हे महिषासुरमर्दिनि रम्यकपर्दिनि शैलसुते ॥ २ ॥","rom":"Suravaravarshini durdharadharshini durmukhamarshini harsharate\nTribhuvanaposhini shankaratoshini kilbishamoshini ghosharate\nDanujaniroshini ditisutaroshini durmadashoshini sindhusute\nJaya jaya he mahishaasuramardini ramyakapardini shailasute || 2 ||"},{"kind":"verse","n":3,"dev":"अयि जगदम्ब मदम्ब कदम्ब वनप्रियवासिनि हासरते\nशिखरि शिरोमणि तुङ्गहिमालय शृङ्गनिजालय मध्यगते ।\nमधुमधुरे मधुकैटभगञ्जिनि कैटभभञ्जिनि रासरते\nजय जय हे महिषासुरमर्दिनि रम्यकपर्दिनि शैलसुते ॥ ३ ॥","rom":"Ayi jagadamba madamba kadamba vanapriyavaasini haasarate\nShikhari shiromani tungahimaalaya shrunganijaalaya madhyagate |\nMadhumadhure madhukaitabhaganjini kaitabhabhanjini raasarate\nJaya jaya he mahishaasuramardini ramyakapardini shailasute || 3 ||"},{"kind":"verse","n":4,"dev":"अयि शतखण्ड विखण्डितरुण्ड वितुण्डितशुण्ड गजाधिपते\nरिपुगजगण्ड विदारणचण्ड पराक्रमशुण्ड मृगाधिपते ।\nनिजभुजदण्ड निपातितखण्ड विपातितमुण्ड भटाधिपते\nजय जय हे महिषासुरमर्दिनि रम्यकपर्दिनि शैलसुते ॥ ४ ॥","rom":"Ayi shatakhanda vikhanditarunda vitunditashunda gajaadhipate\nRipugajaganda vidaaranachanda paraakramashunda mrugaadhipate |\nNijabhujadanda nipaatitakhanda vipaatitamunda bhataadhipate\nJaya jaya he mahishaasuramardini ramyakapardini shailasute || 4 ||"},{"kind":"verse","n":5,"dev":"अयि रणदुर्मद शत्रुवधोदित दुर्धरनिर्जर शक्तिभृते\nचतुरविचार धुरीणमहाशिव दूतकृत प्रमथाधिपते ।\nदुरितदुरीह दुराशयदुर्मति दानवदूत कृतान्तमते\nजय जय हे महिषासुरमर्दिनि रम्यकपर्दिनि शैलसुते ॥ ५ ॥","rom":"Ayi ranadurmada shatruvadhodita durdharanirjara shaktibhrute\nChaturavichaara dhureenamahaashiva dootakruta pramathaadhipate |\nDuritadureeha duraashayadurmati daanavadoota krutaantamate\nJaya jaya he mahishaasuramardini ramyakapardini shailasute || 5 ||"},{"kind":"verse","n":6,"dev":"अयि शरणागत वैरिवधूवर वीरवराभय दायकरे\nत्रिभुवनमस्तक शूलविरोधि शिरोऽधिकृतामल शूलकरे ।\nदुमिदुमितामर दुन्दुभिनादमहोमुखरीकृत तिग्मकरे\nजय जय हे महिषासुरमर्दिनि रम्यकपर्दिनि शैलसुते ॥ ६ ॥","rom":"Ayi sharanaagata vairivadhoovara veeravaraabhaya daayakare\nTribhuvanamastaka shoolavirodhi shiro'dhikrutaamala shoolakare |\nDumidumitaamara dundubhinaadamahomukhareekruta tigmakare\nJaya jaya he mahishaasuramardini ramyakapardini shailasute || 6 ||"},{"kind":"verse","n":7,"dev":"अयि निजहुङ्कृति मात्रनिराकृत धूम्रविलोचन धूम्रशते\nसमरविशोषित शोणितबीज समुद्भवशोणित बीजलते ।\nशिवशिवशुम्भ निशुम्भमहाहव तर्पितभूत पिशाचरते\nजय जय हे महिषासुरमर्दिनि रम्यकपर्दिनि शैलसुते ॥ ७ ॥","rom":"Ayi nijahunkruti maatraniraakruta dhoomravilochana dhoomrashate\nSamaravishoshita shonitabeeja samudbhavashonita beejalate |\nShivashivashumbha nishumbhamahaahava tarpitabhoota pishaacharate\nJaya jaya he mahishaasuramardini ramyakapardini shailasute || 7 ||"},{"kind":"verse","n":8,"dev":"धनुरनुषङ्ग रणक्षणसङ्ग परिस्फुरदङ्ग नटत्कटके\nकनकपिशङ्ग पृषत्कनिषङ्ग रसद्भटशृङ्ग हताबटुके ।\nकृतचतुरङ्ग बलक्षितिरङ्ग घटद्बहुरङ्ग रटद्बटुके\nजय जय हे महिषासुरमर्दिनि रम्यकपर्दिनि शैलसुते ॥ ८ ॥","rom":"Dhanuranushanga ranakshanasanga parisphuradanga natatkatake\nKanakapishanga prushatkanishanga rasadbhatashrunga hataabatuke |\nKrutachaturanga balakshitiranga ghatadbahuranga ratadbatuke\nJaya jaya he mahishaasuramardini ramyakapardini shailasute || 8 ||"},{"kind":"verse","n":9,"dev":"सुरललना ततथेयि तथेयि कृताभिनयोदर नृत्यरते\nकृत कुकुथः कुकुथो गडदादिकताल कुतूहल गानरते ।\nधुधुकुट धुक्कुट धिंधिमित ध्वनि धीर मृदंग निनादरते\nजय जय हे महिषासुरमर्दिनि रम्यकपर्दिनि शैलसुते ॥ ९ ॥","rom":"Suralalanaa tatatheyi tatheyi krutaabhinayodara nrutyarate\nKruta kukuthah kukutho gadadaadikataala kutoohala gaanarate |\nDhudhukuta dhukkuta dhindhimita dhvani dheera mrudanga ninaadarate\nJaya jaya he mahishaasuramardini ramyakapardini shailasute || 9 ||"},{"kind":"verse","n":10,"dev":"जय जय जप्य जयेजयशब्द परस्तुति तत्परविश्वनुते\nझणझणझिञ्झिमि झिङ्कृत नूपुरसिञ्जितमोहित भूतपते ।\nनटित नटार्ध नटी नट नायक नाटितनाट्य सुगानरते\nजय जय हे महिषासुरमर्दिनि रम्यकपर्दिनि शैलसुते ॥ १० ॥","rom":"Jaya jaya japya jayejayashabda parastuti tatparavishvanute\nJhanajhanajhinjhimi jhinkruta noopurasinjitamohita bhootapate |\nNatita nataardha natee nata naayaka naatitanaatya sugaanarate\nJaya jaya he mahishaasuramardini ramyakapardini shailasute || 10 ||"},{"kind":"verse","n":11,"dev":"अयि सुमनःसुमनःसुमनः सुमनःसुमनोहरकान्तियुते\nश्रितरजनी रजनीरजनी रजनीरजनी करवक्त्रवृते ।\nसुनयनविभ्रमर भ्रमरभ्रमर भ्रमरभ्रमराधिपते\nजय जय हे महिषासुरमर्दिनि रम्यकपर्दिनि शैलसुते ॥ ११ ॥","rom":"Ayi sumanahsumanahsumanah sumanahsumanoharakaantiyute\nShritarajanee rajaneerajanee rajaneerajanee karavaktravrute |\nSunayanavibhramara bhramarabhramara bhramarabhramaraadhipate\nJaya jaya he mahishaasuramardini ramyakapardini shailasute || 11 ||"},{"kind":"verse","n":12,"dev":"सहितमहाहव मल्लमतल्लिक मल्लितरल्लक मल्लरते\nविरचितवल्लिक पल्लिकमल्लिक झिल्लिकभिल्लिक वर्गवृते ।\nसितकृतफुल्ल समुल्लसितारुण तल्लजपल्लव सल्ललिते\nजय जय हे महिषासुरमर्दिनि रम्यकपर्दिनि शैलसुते ॥ १२ ॥","rom":"Sahitamahaahava mallamatallika mallitarallaka mallarate\nVirachitavallika pallikamallika jhillikabhillika vargavrute |\nSitakrutaphulla samullasitaaruna tallajapallava sallalite\nJaya jaya he mahishaasuramardini ramyakapardini shailasute || 12 ||"},{"kind":"verse","n":13,"dev":"अविरलगण्ड गलन्मदमेदुर मत्तमतङ्ग जराजपते\nत्रिभुवनभूषण भूतकलानिधि रूपपयोनिधि राजसुते ।\nअयि सुदतीजन लालसमानस मोहन मन्मथराजसुते\nजय जय हे महिषासुरमर्दिनि रम्यकपर्दिनि शैलसुते ॥ १३ ॥","rom":"Aviralaganda galanmadamedura mattamatanga jaraajapate\nTribhuvanabhooshana bhootakalaanidhi roopapayonidhi raajasute |\nAyi sudateejana laalasamaanasa mohana manmatharaajasute\nJaya jaya he mahishaasuramardini ramyakapardini shailasute || 13 ||"},{"kind":"verse","n":14,"dev":"कमलदलामल कोमलकान्ति कलाकलितामल भाललते\nसकलविलास कलानिलयक्रम केलिचलत्कल हंसकुले ।\nअलिकुलसङ्कुल कुवलयमण्डल मौलिमिलद्बकुलालिकुले\nजय जय हे महिषासुरमर्दिनि रम्यकपर्दिनि शैलसुते ॥ १४ ॥","rom":"Kamaladalaamala komalakaanti kalaakalitaamala bhaalalate\nSakalavilaasa kalaanilayakrama kelichalatkala hansakule |\nAlikulasankula kuvalayamandala maulimiladbakulaalikule\nJaya jaya he mahishaasuramardini ramyakapardini shailasute || 14 ||"},{"kind":"verse","n":15,"dev":"करमुरलीरव वीजितकूजित लज्जितकोकिल मञ्जुमते\nमिलितपुलिन्द मनोहरगुञ्जित रञ्जितशैल निकुञ्जगते ।\nनिजगुणभूत महाशबरीगण सद्गुणसम्भृत केलितले\nजय जय हे महिषासुरमर्दिनि रम्यकपर्दिनि शैलसुते ॥ १५ ॥","rom":"Karamuraleerava veejitakoojita lajjitakokila manjumate\nMilitapulinda manoharagunjita ranjitashaila nikunjagate |\nNijagunabhoota mahaashabareegana sadgunasambhruta kelitale\nJaya jaya he mahishaasuramardini ramyakapardini shailasute || 15 ||"},{"kind":"verse","n":16,"dev":"कटितटपीत दुकूलविचित्र मयूखतिरस्कृत चन्द्ररुचे\nप्रणतसुरासुर मौलिमणिस्फुर दंशुलसन्नख चन्द्ररुचे\nजितकनकाचल मौलिपदोर्जित निर्भरकुञ्जर कुम्भकुचे\nजय जय हे महिषासुरमर्दिनि रम्यकपर्दिनि शैलसुते ॥ १६ ॥","rom":"Katitatapeeta dukoolavichitra mayookhatiraskruta chandraruche\nPranatasuraasura maulimanisphura danshulasannakha chandraruche\nJitakanakaachala maulipadorjita nirbharakunjara kumbhakuche\nJaya jaya he mahishaasuramardini ramyakapardini shailasute || 16 ||"},{"kind":"verse","n":17,"dev":"विजितसहस्रकरैक सहस्रकरैक सहस्रकरैकनुते\nकृतसुरतारक सङ्गरतारक सङ्गरतारक सूनुसुते ।\nसुरथसमाधि समानसमाधि समाधिसमाधि सुजातरते ।\nजय जय हे महिषासुरमर्दिनि रम्यकपर्दिनि शैलसुते ॥ १७ ॥","rom":"Vijitasahasrakaraika sahasrakaraika sahasrakaraikanute\nKrutasurataaraka sangarataaraka sangarataaraka soonusute |\nSurathasamaadhi samaanasamaadhi samaadhisamaadhi sujaatarate |\nJaya jaya he mahishaasuramardini ramyakapardini shailasute || 17 ||"},{"kind":"verse","n":18,"dev":"पदकमलं करुणानिलये वरिवस्यति योऽनुदिनं सुशिवे\nअयि कमले कमलानिलये कमलानिलयः स कथं न भवेत् ।\nतव पदमेव परम्पदमित्यनुशीलयतो मम किं न शिवे\nजय जय हे महिषासुरमर्दिनि रम्यकपर्दिनि शैलसुते ॥ १८ ॥","rom":"Padakamalam karunaanilaye varivasyati yo'nudinam sushive\nAyi kamale kamalaanilaye kamalaanilayah sa katham na bhavet |\nTava padameva parampadamityanusheelayato mama kim na shive\nJaya jaya he mahishaasuramardini ramyakapardini shailasute || 18 ||"},{"kind":"verse","n":19,"dev":"कनकलसत्कलसिन्धुजलैरनुसिञ्चिनुते गुणरङ्गभुवम्\nभजति स किं न शचीकुचकुम्भतटीपरिरम्भसुखानुभवम् ।\nतव चरणं शरणं करवाणि नतामरवाणि निवासि शिवम्\nजय जय हे महिषासुरमर्दिनि रम्यकपर्दिनि शैलसुते ॥ १९ ॥","rom":"Kanakalasatkalasindhujalairanusinchinute gunarangabhuvam\nBhajati sa kim na shacheekuchakumbhatateeparirambhasukhaanubhavam |\nTava charanam sharanam karavaani nataamaravaani nivaasi shivam\nJaya jaya he mahishaasuramardini ramyakapardini shailasute || 19 ||"},{"kind":"verse","n":20,"dev":"तव विमलेन्दुकुलं वदनेन्दुमलं सकलं ननु कूलयते\nकिमु पुरुहूतपुरीन्दु मुखी सुमुखीभिरसौ विमुखीक्रियते ।\nमम तु मतं शिवनामधने भवती कृपया किमुत क्रियते\nजय जय हे महिषासुरमर्दिनि रम्यकपर्दिनि शैलसुते ॥ २० ॥","rom":"Tava vimalendukulam vadanendumalam sakalam nanu koolayate\nKimu puruhootapureendu mukhee sumukheebhirasau vimukheekriyate |\nMama tu matam shivanaamadhane bhavatee krupayaa kimuta kriyate\nJaya jaya he mahishaasuramardini ramyakapardini shailasute || 20 ||"},{"kind":"verse","n":21,"dev":"अयि मयि दीन दयालुतया कृपयैव त्वया भवितव्यमुमे\nअयि जगतो जननी कृपयासि यथासि तथानुमितासिरते ।\nयदुचितमत्र भवत्युररीकुरुतादुरुतापमपाकुरुते\nजय जय हे महिषासुरमर्दिनि रम्यकपर्दिनि शैलसुते ॥ २१ ॥","rom":"Ayi mayi deena dayaalutayaa krupayaiva tvayaa bhavitavyamume\nAyi jagato jananee krupayaasi yathaasi tathaanumitaasirate |\nYaduchitamatra bhavatyurareekurutaadurutaapamapaakurute\nJaya jaya he mahishaasuramardini ramyakapardini shailasute || 21 ||"}],"verified":false,"url":"https://pocketpothi.com/texts/mahishasura-mardini-stotra","appUrl":"https://pocketpothi.com/read?t=mahishasura-mardini-stotra","shareUrl":"https://pocketpothi.com/p/89"}