# Madhurashtakam · मधुराष्टकम्

- Type: Ashtakam
- Language: Sanskrit
- Verses: 8
- Verified: yes
- Read in the app: https://pocketpothi.com/read?t=madhurashtakam
- Share link: https://pocketpothi.com/p/5j
- Page: https://pocketpothi.com/texts/madhurashtakam

## Text (Devanagari, with simple Roman spelling below each verse)

अधरं मधुरं वदनं मधुरं नयनं मधुरं हसितं मधुरम् ।  
हृदयं मधुरं गमनं मधुरं मधुराधिपतेरखिलं मधुरम् ॥ १ ॥  

_Adharam madhuram vadanam madhuram nayanam madhuram hasitam madhuram | / Hrudayam madhuram gamanam madhuram madhuraadhipaterakhilam madhuram || 1 ||_

वचनं मधुरं चरितं मधुरं वसनं मधुरं वलितं मधुरम् ।  
चलितं मधुरं भ्रमितं मधुरं मधुराधिपतेरखिलं मधुरम् ॥ २ ॥  

_Vachanam madhuram charitam madhuram vasanam madhuram valitam madhuram | / Chalitam madhuram bhramitam madhuram madhuraadhipaterakhilam madhuram || 2 ||_

वेणुर्मधुरो रेणुर्मधुरः पाणिर्मधुरः पादौ मधुरौ ।  
नृत्यं मधुरं सख्यं मधुरं मधुराधिपतेरखिलं मधुरम् ॥ ३ ॥  

_Venurmadhuro renurmadhurah paanirmadhurah paadau madhurau | / Nrutyam madhuram sakhyam madhuram madhuraadhipaterakhilam madhuram || 3 ||_

गीतं मधुरं पीतं मधुरं भुक्तं मधुरं सुप्तं मधुरम् ।  
रूपं मधुरं तिलकं मधुरं मधुराधिपतेरखिलं मधुरम् ॥ ४ ॥  

_Geetam madhuram peetam madhuram bhuktam madhuram suptam madhuram | / Roopam madhuram tilakam madhuram madhuraadhipaterakhilam madhuram || 4 ||_

करणं मधुरं तरणं मधुरं हरणं मधुरं रमणं मधुरम् ।  
वमितं मधुरं शमितं मधुरं मधुराधिपतेरखिलं मधुरम् ॥ ५ ॥  

_Karanam madhuram taranam madhuram haranam madhuram ramanam madhuram | / Vamitam madhuram shamitam madhuram madhuraadhipaterakhilam madhuram || 5 ||_

गुञ्जा मधुरा माला मधुरा यमुना मधुरा वीची मधुरा ।  
सलिलं मधुरं कमलं मधुरं मधुराधिपतेरखिलं मधुरम् ॥ ६ ॥  

_Gunjaa madhuraa maalaa madhuraa yamunaa madhuraa veechee madhuraa | / Salilam madhuram kamalam madhuram madhuraadhipaterakhilam madhuram || 6 ||_

गोपी मधुरा लीला मधुरा युक्तं मधुरं मुक्तं मधुरम् ।  
दृष्टं मधुरं शिष्टं मधुरं मधुराधिपतेरखिलं मधुरम् ॥ ७ ॥  

_Gopee madhuraa leelaa madhuraa yuktam madhuram muktam madhuram | / Drushtam madhuram shishtam madhuram madhuraadhipaterakhilam madhuram || 7 ||_

गोपा मधुरा गावो मधुरा यष्टिर्मधुरा सृष्टिर्मधुरा ।  
दलितं मधुरं फलितं मधुरं मधुराधिपतेरखिलं मधुरम् ॥ ८ ॥  

_Gopaa madhuraa gaavo madhuraa yashtirmadhuraa srushtirmadhuraa | / Dalitam madhuram phalitam madhuram madhuraadhipaterakhilam madhuram || 8 ||_

### ॥ इति श्रीमद्वल्लभाचार्यविरचितं मधुराष्टकं सम्पूर्णम् ॥
_|| Iti shreemadvallabhaachaaryavirachitam madhuraashtakam sampoornam ||_