{"id":"madhurashtakam","code":"5j","title":{"dev":"मधुराष्टकम्","rom":"Madhurashtakam"},"type":"ashtakam","typeLabel":"Ashtakam","language":"sa","languageName":"Sanskrit","deity":["krishna"],"aliases":["Adharam Madhuram"],"verses":8,"sections":[{"kind":"verse","n":1,"dev":"अधरं मधुरं वदनं मधुरं नयनं मधुरं हसितं मधुरम् ।\nहृदयं मधुरं गमनं मधुरं मधुराधिपतेरखिलं मधुरम् ॥ १ ॥","rom":"Adharam madhuram vadanam madhuram nayanam madhuram hasitam madhuram |\nHrudayam madhuram gamanam madhuram madhuraadhipaterakhilam madhuram || 1 ||"},{"kind":"verse","n":2,"dev":"वचनं मधुरं चरितं मधुरं वसनं मधुरं वलितं मधुरम् ।\nचलितं मधुरं भ्रमितं मधुरं मधुराधिपतेरखिलं मधुरम् ॥ २ ॥","rom":"Vachanam madhuram charitam madhuram vasanam madhuram valitam madhuram |\nChalitam madhuram bhramitam madhuram madhuraadhipaterakhilam madhuram || 2 ||"},{"kind":"verse","n":3,"dev":"वेणुर्मधुरो रेणुर्मधुरः पाणिर्मधुरः पादौ मधुरौ ।\nनृत्यं मधुरं सख्यं मधुरं मधुराधिपतेरखिलं मधुरम् ॥ ३ ॥","rom":"Venurmadhuro renurmadhurah paanirmadhurah paadau madhurau |\nNrutyam madhuram sakhyam madhuram madhuraadhipaterakhilam madhuram || 3 ||"},{"kind":"verse","n":4,"dev":"गीतं मधुरं पीतं मधुरं भुक्तं मधुरं सुप्तं मधुरम् ।\nरूपं मधुरं तिलकं मधुरं मधुराधिपतेरखिलं मधुरम् ॥ ४ ॥","rom":"Geetam madhuram peetam madhuram bhuktam madhuram suptam madhuram |\nRoopam madhuram tilakam madhuram madhuraadhipaterakhilam madhuram || 4 ||"},{"kind":"verse","n":5,"dev":"करणं मधुरं तरणं मधुरं हरणं मधुरं रमणं मधुरम् ।\nवमितं मधुरं शमितं मधुरं मधुराधिपतेरखिलं मधुरम् ॥ ५ ॥","rom":"Karanam madhuram taranam madhuram haranam madhuram ramanam madhuram |\nVamitam madhuram shamitam madhuram madhuraadhipaterakhilam madhuram || 5 ||"},{"kind":"verse","n":6,"dev":"गुञ्जा मधुरा माला मधुरा यमुना मधुरा वीची मधुरा ।\nसलिलं मधुरं कमलं मधुरं मधुराधिपतेरखिलं मधुरम् ॥ ६ ॥","rom":"Gunjaa madhuraa maalaa madhuraa yamunaa madhuraa veechee madhuraa |\nSalilam madhuram kamalam madhuram madhuraadhipaterakhilam madhuram || 6 ||"},{"kind":"verse","n":7,"dev":"गोपी मधुरा लीला मधुरा युक्तं मधुरं मुक्तं मधुरम् ।\nदृष्टं मधुरं शिष्टं मधुरं मधुराधिपतेरखिलं मधुरम् ॥ ७ ॥","rom":"Gopee madhuraa leelaa madhuraa yuktam madhuram muktam madhuram |\nDrushtam madhuram shishtam madhuram madhuraadhipaterakhilam madhuram || 7 ||"},{"kind":"verse","n":8,"dev":"गोपा मधुरा गावो मधुरा यष्टिर्मधुरा सृष्टिर्मधुरा ।\nदलितं मधुरं फलितं मधुरं मधुराधिपतेरखिलं मधुरम् ॥ ८ ॥","rom":"Gopaa madhuraa gaavo madhuraa yashtirmadhuraa srushtirmadhuraa |\nDalitam madhuram phalitam madhuram madhuraadhipaterakhilam madhuram || 8 ||"},{"kind":"heading","dev":"॥ इति श्रीमद्वल्लभाचार्यविरचितं मधुराष्टकं सम्पूर्णम् ॥","rom":"|| Iti shreemadvallabhaachaaryavirachitam madhuraashtakam sampoornam ||"}],"verified":true,"url":"https://pocketpothi.com/texts/madhurashtakam","appUrl":"https://pocketpothi.com/read?t=madhurashtakam","shareUrl":"https://pocketpothi.com/p/5j"}