{"id":"lalita-sahasranama","code":"86","title":{"dev":"श्रीललितासहस्रनामस्तोत्रम्","rom":"Shri Lalita Sahasranama"},"type":"sahasranama","typeLabel":"Sahasranama","language":"sa","languageName":"Sanskrit","deity":["lalita"],"aliases":["Lalita Sahasranamam"],"verses":183,"sections":[{"kind":"prose","dev":"ध्यानम् ।\nसिन्दूरारुणविग्रहां त्रिणयनां माणिक्यमौलिस्फुर-\n-त्तारानायकशेखरां स्मितमुखीमापीनवक्षोरुहाम् ।\nपाणिभ्यामलिपूर्णरत्नचषकं रक्तोत्पलं बिभ्रतीं\nसौम्यां रत्नघटस्थरक्तचरणां ध्यायेत्परामम्बिकाम् ॥","rom":"Dhyaanam |\nSindooraarunavigrahaam trinayanaam maanikyamaulisphura-\n-ttaaraanaayakashekharaam smitamukheemaapeenavakshoruhaam |\nPaanibhyaamalipoornaratnachashakam raktotpalam bibhrateem\nSaumyaam ratnaghatastharaktacharanaam dhyaayetparaamambikaam ||"},{"kind":"prose","dev":"अरुणां करुणातरङ्गिताक्षीं\nधृतपाशाङ्कुशपुष्पबाणचापाम् ।\nअणिमादिभिरावृतां मयूखैः\nअहमित्येव विभावये भवानीम् ॥","rom":"Arunaam karunaatarangitaaksheem\nDhrutapaashaankushapushpabaanachaapaam |\nAnimaadibhiraavrutaam mayookhaih\nAhamityeva vibhaavaye bhavaaneem ||"},{"kind":"prose","dev":"ध्यायेत्पद्मासनस्थां विकसितवदनां पद्मपत्रायताक्षीं\nहेमाभां पीतवस्त्रां करकलितलसद्धेमपद्मां वराङ्गीम् ।\nसर्वालङ्कारयुक्तां सततमभयदां भक्तनम्रां भवानीं\nश्रीविद्यां शान्तमूर्तिं सकलसुरनुतां सर्वसम्पत्प्रदात्रीम् ॥","rom":"Dhyaayetpadmaasanasthaam vikasitavadanaam padmapatraayataaksheem\nHemaabhaam peetavastraam karakalitalasaddhemapadmaam varaangeem |\nSarvaalankaarayuktaam satatamabhayadaam bhaktanamraam bhavaaneem\nShreevidyaam shaantamoortim sakalasuranutaam sarvasampatpradaatreem ||"},{"kind":"prose","dev":"सकुङ्कुमविलेपनामलिकचुम्बिकस्तूरिकां\nसमन्दहसितेक्षणां सशरचापपाशाङ्कुशाम् ।\nअशेषजनमोहिनीमरुणमाल्यभूषाम्बरां\nजपाकुसुमभासुरां जपविधौ स्मरेदम्बिकाम् ॥","rom":"Sakunkumavilepanaamalikachumbikastoorikaam\nSamandahasitekshanaam sasharachaapapaashaankushaam |\nAsheshajanamohineemarunamaalyabhooshaambaraam\nJapaakusumabhaasuraam japavidhau smaredambikaam ||"},{"kind":"heading","dev":"अथ स्तोत्रम् ।","rom":"Atha stotram |"},{"kind":"verse","n":1,"dev":"श्रीमाता श्रीमहाराज्ञी श्रीमत्सिंहासनेश्वरी ।\nचिदग्निकुण्डसम्भूता देवकार्यसमुद्यता ॥ १ ॥","rom":"Shreemaataa shreemahaaraajnee shreematsinhaasaneshvaree |\nChidagnikundasambhootaa devakaaryasamudyataa || 1 ||"},{"kind":"verse","n":2,"dev":"उद्यद्भानुसहस्राभा चतुर्बाहुसमन्विता ।\nरागस्वरूपपाशाढ्या क्रोधाकाराङ्कुशोज्ज्वला ॥ २ ॥","rom":"Udyadbhaanusahasraabhaa chaturbaahusamanvitaa |\nRaagasvaroopapaashaadhyaa krodhaakaaraankushojjvalaa || 2 ||"},{"kind":"verse","n":3,"dev":"मनोरूपेक्षुकोदण्डा पञ्चतन्मात्रसायका ।\nनिजारुणप्रभापूरमज्जद्ब्रह्माण्डमण्डला ॥ ३ ॥","rom":"Manoroopekshukodandaa panchatanmaatrasaayakaa |\nNijaarunaprabhaapooramajjadbrahmaandamandalaa || 3 ||"},{"kind":"verse","n":4,"dev":"चम्पकाशोकपुन्नागसौगन्धिकलसत्कचा ।\nकुरुविन्दमणिश्रेणीकनत्कोटीरमण्डिता ॥ ४ ॥","rom":"Champakaashokapunnaagasaugandhikalasatkachaa |\nKuruvindamanishreneekanatkoteeramanditaa || 4 ||"},{"kind":"verse","n":5,"dev":"अष्टमीचन्द्रविभ्राजदलिकस्थलशोभिता ।\nमुखचन्द्रकलङ्काभमृगनाभिविशेषका ॥ ५ ॥","rom":"Ashtameechandravibhraajadalikasthalashobhitaa |\nMukhachandrakalankaabhamruganaabhivisheshakaa || 5 ||"},{"kind":"verse","n":6,"dev":"वदनस्मरमाङ्गल्यगृहतोरणचिल्लिका ।\nवक्त्रलक्ष्मीपरीवाहचलन्मीनाभलोचना ॥ ६ ॥","rom":"Vadanasmaramaangalyagruhatoranachillikaa |\nVaktralakshmeepareevaahachalanmeenaabhalochanaa || 6 ||"},{"kind":"verse","n":7,"dev":"नवचम्पकपुष्पाभनासादण्डविराजिता ।\nताराकान्तितिरस्कारिनासाभरणभासुरा ॥ ७ ॥","rom":"Navachampakapushpaabhanaasaadandaviraajitaa |\nTaaraakaantitiraskaarinaasaabharanabhaasuraa || 7 ||"},{"kind":"verse","n":8,"dev":"कदम्बमञ्जरीक्लुप्तकर्णपूरमनोहरा ।\nताटङ्कयुगलीभूततपनोडुपमण्डला ॥ ८ ॥","rom":"Kadambamanjareekluptakarnapooramanoharaa |\nTaatankayugaleebhootatapanodupamandalaa || 8 ||"},{"kind":"verse","n":9,"dev":"पद्मरागशिलादर्शपरिभाविकपोलभूः ।\nनवविद्रुमबिम्बश्रीन्यक्कारिरदनच्छदा ॥ ९ ॥","rom":"Padmaraagashilaadarshaparibhaavikapolabhooh |\nNavavidrumabimbashreenyakkaariradanachchhadaa || 9 ||"},{"kind":"verse","n":10,"dev":"शुद्धविद्याङ्कुराकारद्विजपङ्क्तिद्वयोज्ज्वला ।\nकर्पूरवीटिकामोदसमाकर्षद्दिगन्तरा ॥ १० ॥","rom":"Shuddhavidyaankuraakaaradvijapanktidvayojjvalaa |\nKarpooraveetikaamodasamaakarshaddigantaraa || 10 ||"},{"kind":"verse","n":11,"dev":"निजसल्लापमाधुर्यविनिर्भर्त्सितकच्छपी ।\nमन्दस्मितप्रभापूरमज्जत्कामेशमानसा ॥ ११ ॥","rom":"Nijasallaapamaadhuryavinirbhartsitakachchhapee |\nMandasmitaprabhaapooramajjatkaameshamaanasaa || 11 ||"},{"kind":"verse","n":12,"dev":"अनाकलितसादृश्यचुबुकश्रीविराजिता ।\nकामेशबद्धमाङ्गल्यसूत्रशोभितकन्धरा ॥ १२ ॥","rom":"Anaakalitasaadrushyachubukashreeviraajitaa |\nKaameshabaddhamaangalyasootrashobhitakandharaa || 12 ||"},{"kind":"verse","n":13,"dev":"कनकाङ्गदकेयूरकमनीयभुजान्विता ।\nरत्नग्रैवेयचिन्ताकलोलमुक्ताफलान्विता ॥ १३ ॥","rom":"Kanakaangadakeyoorakamaneeyabhujaanvitaa |\nRatnagraiveyachintaakalolamuktaaphalaanvitaa || 13 ||"},{"kind":"verse","n":14,"dev":"कामेश्वरप्रेमरत्नमणिप्रतिपणस्तनी ।\nनाभ्यालवालरोमालिलताफलकुचद्वयी ॥ १४ ॥","rom":"Kaameshvarapremaratnamanipratipanastanee |\nNaabhyaalavaalaromaalilataaphalakuchadvayee || 14 ||"},{"kind":"verse","n":15,"dev":"लक्ष्यरोमलताधारतासमुन्नेयमध्यमा ।\nस्तनभारदलन्मध्यपट्‍टबन्धवलित्रया ॥ १५ ॥","rom":"Lakshyaromalataadhaarataasamunneyamadhyamaa |\nStanabhaaradalanmadhyapat‍tabandhavalitrayaa || 15 ||"},{"kind":"verse","n":16,"dev":"अरुणारुणकौसुम्भवस्त्रभास्वत्कटीतटी ।\nरत्नकिङ्किणिकारम्यरशनादामभूषिता ॥ १६ ॥","rom":"Arunaarunakausumbhavastrabhaasvatkateetatee |\nRatnakinkinikaaramyarashanaadaamabhooshitaa || 16 ||"},{"kind":"verse","n":17,"dev":"कामेशज्ञातसौभाग्यमार्दवोरुद्वयान्विता ।\nमाणिक्यमकुटाकारजानुद्वयविराजिता ॥ १७ ॥","rom":"Kaameshajnaatasaubhaagyamaardavorudvayaanvitaa |\nMaanikyamakutaakaarajaanudvayaviraajitaa || 17 ||"},{"kind":"verse","n":18,"dev":"इन्द्रगोपपरिक्षिप्तस्मरतूणाभजङ्घिका ।\nगूढगुल्फा कूर्मपृष्ठजयिष्णुप्रपदान्विता ॥ १८ ॥","rom":"Indragopaparikshiptasmaratoonaabhajanghikaa |\nGoodhagulphaa koormaprushthajayishnuprapadaanvitaa || 18 ||"},{"kind":"verse","n":19,"dev":"नखदीधितिसञ्छन्ननमज्जनतमोगुणा ।\nपदद्वयप्रभाजालपराकृतसरोरुहा ॥ १९ ॥","rom":"Nakhadeedhitisanchhannanamajjanatamogunaa |\nPadadvayaprabhaajaalaparaakrutasaroruhaa || 19 ||"},{"kind":"verse","n":20,"dev":"शिञ्जानमणिमञ्जीरमण्डितश्रीपदाम्बुजा ।\nमरालीमन्दगमना महालावण्यशेवधिः ॥ २० ॥","rom":"Shinjaanamanimanjeeramanditashreepadaambujaa |\nMaraaleemandagamanaa mahaalaavanyashevadhih || 20 ||"},{"kind":"verse","n":21,"dev":"सर्वारुणाऽनवद्याङ्गी सर्वाभरणभूषिता ।\nशिवकामेश्वराङ्कस्था शिवा स्वाधीनवल्लभा ॥ २१ ॥","rom":"Sarvaarunaa'navadyaangee sarvaabharanabhooshitaa |\nShivakaameshvaraankasthaa shivaa svaadheenavallabhaa || 21 ||"},{"kind":"verse","n":22,"dev":"सुमेरुमध्यशृङ्गस्था श्रीमन्नगरनायिका ।\nचिन्तामणिगृहान्तःस्था पञ्चब्रह्मासनस्थिता ॥ २२ ॥","rom":"Sumerumadhyashrungasthaa shreemannagaranaayikaa |\nChintaamanigruhaantahsthaa panchabrahmaasanasthitaa || 22 ||"},{"kind":"verse","n":23,"dev":"महापद्माटवीसंस्था कदम्बवनवासिनी ।\nसुधासागरमध्यस्था कामाक्षी कामदायिनी ॥ २३ ॥","rom":"Mahaapadmaataveesansthaa kadambavanavaasinee |\nSudhaasaagaramadhyasthaa kaamaakshee kaamadaayinee || 23 ||"},{"kind":"verse","n":24,"dev":"देवर्षिगणसङ्घातस्तूयमानात्मवैभवा ।\nभण्डासुरवधोद्युक्तशक्तिसेनासमन्विता ॥ २४ ॥","rom":"Devarshiganasanghaatastooyamaanaatmavaibhavaa |\nBhandaasuravadhodyuktashaktisenaasamanvitaa || 24 ||"},{"kind":"verse","n":25,"dev":"सम्पत्करीसमारूढसिन्धुरव्रजसेविता ।\nअश्वारूढाधिष्ठिताश्वकोटिकोटिभिरावृता ॥ २५ ॥","rom":"Sampatkareesamaaroodhasindhuravrajasevitaa |\nAshvaaroodhaadhishthitaashvakotikotibhiraavrutaa || 25 ||"},{"kind":"verse","n":26,"dev":"चक्रराजरथारूढसर्वायुधपरिष्कृता ।\nगेयचक्ररथारूढमन्त्रिणीपरिसेविता ॥ २६ ॥","rom":"Chakraraajarathaaroodhasarvaayudhaparishkrutaa |\nGeyachakrarathaaroodhamantrineeparisevitaa || 26 ||"},{"kind":"verse","n":27,"dev":"किरिचक्ररथारूढदण्डनाथापुरस्कृता ।\nज्वालामालिनिकाक्षिप्तवह्निप्राकारमध्यगा ॥ २७ ॥","rom":"Kirichakrarathaaroodhadandanaathaapuraskrutaa |\nJvaalaamaalinikaakshiptavahnipraakaaramadhyagaa || 27 ||"},{"kind":"verse","n":28,"dev":"भण्डसैन्यवधोद्युक्तशक्तिविक्रमहर्षिता ।\nनित्यापराक्रमाटोपनिरीक्षणसमुत्सुका ॥ २८ ॥","rom":"Bhandasainyavadhodyuktashaktivikramaharshitaa |\nNityaaparaakramaatopanireekshanasamutsukaa || 28 ||"},{"kind":"verse","n":29,"dev":"भण्डपुत्रवधोद्युक्तबालाविक्रमनन्दिता ।\nमन्त्रिण्यम्बाविरचितविषङ्गवधतोषिता ॥ २९ ॥","rom":"Bhandaputravadhodyuktabaalaavikramananditaa |\nMantrinyambaavirachitavishangavadhatoshitaa || 29 ||"},{"kind":"verse","n":30,"dev":"विशुक्रप्राणहरणवाराहीवीर्यनन्दिता ।\nकामेश्वरमुखालोककल्पितश्रीगणेश्वरा ॥ ३० ॥","rom":"Vishukrapraanaharanavaaraaheeveeryananditaa |\nKaameshvaramukhaalokakalpitashreeganeshvaraa || 30 ||"},{"kind":"verse","n":31,"dev":"महागणेशनिर्भिन्नविघ्नयन्त्रप्रहर्षिता ।\nभण्डासुरेन्द्रनिर्मुक्तशस्त्रप्रत्यस्त्रवर्षिणी ॥ ३१ ॥","rom":"Mahaaganeshanirbhinnavighnayantrapraharshitaa |\nBhandaasurendranirmuktashastrapratyastravarshinee || 31 ||"},{"kind":"verse","n":32,"dev":"कराङ्गुलिनखोत्पन्ननारायणदशाकृतिः ।\nमहापाशुपतास्त्राग्निनिर्दग्धासुरसैनिका ॥ ३२ ॥","rom":"Karaangulinakhotpannanaaraayanadashaakrutih |\nMahaapaashupataastraagninirdagdhaasurasainikaa || 32 ||"},{"kind":"verse","n":33,"dev":"कामेश्वरास्त्रनिर्दग्धसभण्डासुरशून्यका ।\nब्रह्मोपेन्द्रमहेन्द्रादिदेवसंस्तुतवैभवा ॥ ३३ ॥","rom":"Kaameshvaraastranirdagdhasabhandaasurashoonyakaa |\nBrahmopendramahendraadidevasanstutavaibhavaa || 33 ||"},{"kind":"verse","n":34,"dev":"हरनेत्राग्निसन्दग्धकामसञ्जीवनौषधिः ।\nश्रीमद्वाग्भवकूटैकस्वरूपमुखपङ्कजा ॥ ३४ ॥","rom":"Haranetraagnisandagdhakaamasanjeevanaushadhih |\nShreemadvaagbhavakootaikasvaroopamukhapankajaa || 34 ||"},{"kind":"verse","n":35,"dev":"कण्ठाधःकटिपर्यन्तमध्यकूटस्वरूपिणी ।\nशक्तिकूटैकतापन्नकट्यधोभागधारिणी ॥ ३५ ॥","rom":"Kanthaadhahkatiparyantamadhyakootasvaroopinee |\nShaktikootaikataapannakatyadhobhaagadhaarinee || 35 ||"},{"kind":"verse","n":36,"dev":"मूलमन्त्रात्मिका मूलकूटत्रयकलेबरा ।\nकुलामृतैकरसिका कुलसङ्केतपालिनी ॥ ३६ ॥","rom":"Moolamantraatmikaa moolakootatrayakalebaraa |\nKulaamrutaikarasikaa kulasanketapaalinee || 36 ||"},{"kind":"verse","n":37,"dev":"कुलाङ्गना कुलान्तःस्था कौलिनी कुलयोगिनी ।\nअकुला समयान्तःस्था समयाचारतत्परा ॥ ३७ ॥","rom":"Kulaanganaa kulaantahsthaa kaulinee kulayoginee |\nAkulaa samayaantahsthaa samayaachaaratatparaa || 37 ||"},{"kind":"verse","n":38,"dev":"मूलाधारैकनिलया ब्रह्मग्रन्थिविभेदिनी ।\nमणिपूरान्तरुदिता विष्णुग्रन्थिविभेदिनी ॥ ३८ ॥","rom":"Moolaadhaaraikanilayaa brahmagranthivibhedinee |\nManipooraantaruditaa vishnugranthivibhedinee || 38 ||"},{"kind":"verse","n":39,"dev":"आज्ञाचक्रान्तरालस्था रुद्रग्रन्थिविभेदिनी ।\nसहस्राराम्बुजारूढा सुधासाराभिवर्षिणी ॥ ३९ ॥","rom":"Aajnaachakraantaraalasthaa rudragranthivibhedinee |\nSahasraaraambujaaroodhaa sudhaasaaraabhivarshinee || 39 ||"},{"kind":"verse","n":40,"dev":"तटिल्लतासमरुचिः षट्चक्रोपरिसंस्थिता ।\nमहासक्तिः कुण्डलिनी बिसतन्तुतनीयसी ॥ ४० ॥","rom":"Tatillataasamaruchih shatchakroparisansthitaa |\nMahaasaktih kundalinee bisatantutaneeyasee || 40 ||"},{"kind":"verse","n":41,"dev":"भवानी भावनागम्या भवारण्यकुठारिका ।\nभद्रप्रिया भद्रमूर्तिर्भक्तसौभाग्यदायिनी ॥ ४१ ॥","rom":"Bhavaanee bhaavanaagamyaa bhavaaranyakuthaarikaa |\nBhadrapriyaa bhadramoortirbhaktasaubhaagyadaayinee || 41 ||"},{"kind":"verse","n":42,"dev":"भक्तिप्रिया भक्तिगम्या भक्तिवश्या भयापहा ।\nशाम्भवी शारदाराध्या शर्वाणी शर्मदायिनी ॥ ४२ ॥","rom":"Bhaktipriyaa bhaktigamyaa bhaktivashyaa bhayaapahaa |\nShaambhavee shaaradaaraadhyaa sharvaanee sharmadaayinee || 42 ||"},{"kind":"verse","n":43,"dev":"शाङ्करी श्रीकरी साध्वी शरच्चन्द्रनिभानना ।\nशातोदरी शान्तिमती निराधारा निरञ्जना ॥ ४३ ॥","rom":"Shaankaree shreekaree saadhvee sharachchandranibhaananaa |\nShaatodaree shaantimatee niraadhaaraa niranjanaa || 43 ||"},{"kind":"verse","n":44,"dev":"निर्लेपा निर्मला नित्या निराकारा निराकुला ।\nनिर्गुणा निष्कला शान्ता निष्कामा निरुपप्लवा ॥ ४४ ॥","rom":"Nirlepaa nirmalaa nityaa niraakaaraa niraakulaa |\nNirgunaa nishkalaa shaantaa nishkaamaa nirupaplavaa || 44 ||"},{"kind":"verse","n":45,"dev":"नित्यमुक्ता निर्विकारा निष्प्रपञ्चा निराश्रया ।\nनित्यशुद्धा नित्यबुद्धा निरवद्या निरन्तरा ॥ ४५ ॥","rom":"Nityamuktaa nirvikaaraa nishprapanchaa niraashrayaa |\nNityashuddhaa nityabuddhaa niravadyaa nirantaraa || 45 ||"},{"kind":"verse","n":46,"dev":"निष्कारणा निष्कलङ्का निरुपाधिर्निरीश्वरा ।\nनीरागा रागमथनी निर्मदा मदनाशिनी ॥ ४६ ॥","rom":"Nishkaaranaa nishkalankaa nirupaadhirnireeshvaraa |\nNeeraagaa raagamathanee nirmadaa madanaashinee || 46 ||"},{"kind":"verse","n":47,"dev":"निश्चिन्ता निरहङ्कारा निर्मोहा मोहनाशिनी ।\nनिर्ममा ममताहन्त्री निष्पापा पापनाशिनी ॥ ४७ ॥","rom":"Nishchintaa nirahankaaraa nirmohaa mohanaashinee |\nNirmamaa mamataahantree nishpaapaa paapanaashinee || 47 ||"},{"kind":"verse","n":48,"dev":"निष्क्रोधा क्रोधशमनी निर्लोभा लोभनाशिनी ।\nनिःसंशया संशयघ्नी निर्भवा भवनाशिनी ॥ ४८ ॥","rom":"Nishkrodhaa krodhashamanee nirlobhaa lobhanaashinee |\nNihsanshayaa sanshayaghnee nirbhavaa bhavanaashinee || 48 ||"},{"kind":"verse","n":49,"dev":"निर्विकल्पा निराबाधा निर्भेदा भेदनाशिनी ।\nनिर्नाशा मृत्युमथनी निष्क्रिया निष्परिग्रहा ॥ ४९ ॥","rom":"Nirvikalpaa niraabaadhaa nirbhedaa bhedanaashinee |\nNirnaashaa mrutyumathanee nishkriyaa nishparigrahaa || 49 ||"},{"kind":"verse","n":50,"dev":"निस्तुला नीलचिकुरा निरपाया निरत्यया ।\nदुर्लभा दुर्गमा दुर्गा दुःखहन्त्री सुखप्रदा ॥ ५० ॥","rom":"Nistulaa neelachikuraa nirapaayaa niratyayaa |\nDurlabhaa durgamaa durgaa duhkhahantree sukhapradaa || 50 ||"},{"kind":"verse","n":51,"dev":"दुष्टदूरा दुराचारशमनी दोषवर्जिता ।\nसर्वज्ञा सान्द्रकरुणा समानाधिकवर्जिता ॥ ५१ ॥","rom":"Dushtadooraa duraachaarashamanee doshavarjitaa |\nSarvajnaa saandrakarunaa samaanaadhikavarjitaa || 51 ||"},{"kind":"verse","n":52,"dev":"सर्वशक्तिमयी सर्वमङ्गला सद्गतिप्रदा ।\nसर्वेश्वरी सर्वमयी सर्वमन्त्रस्वरूपिणी ॥ ५२ ॥","rom":"Sarvashaktimayee sarvamangalaa sadgatipradaa |\nSarveshvaree sarvamayee sarvamantrasvaroopinee || 52 ||"},{"kind":"verse","n":53,"dev":"सर्वयन्त्रात्मिका सर्वतन्त्ररूपा मनोन्मनी ।\nमाहेश्वरी महादेवी महालक्ष्मीर्मृडप्रिया ॥ ५३ ॥","rom":"Sarvayantraatmikaa sarvatantraroopaa manonmanee |\nMaaheshvaree mahaadevee mahaalakshmeermrudapriyaa || 53 ||"},{"kind":"verse","n":54,"dev":"महारूपा महापूज्या महापातकनाशिनी ।\nमहामाया महासत्त्वा महाशक्तिर्महारतिः ॥ ५४ ॥","rom":"Mahaaroopaa mahaapoojyaa mahaapaatakanaashinee |\nMahaamaayaa mahaasattvaa mahaashaktirmahaaratih || 54 ||"},{"kind":"verse","n":55,"dev":"महाभोगा महैश्वर्या महावीर्या महाबला ।\nमहाबुद्धिर्महासिद्धिर्महायोगेश्वरेश्वरी ॥ ५५ ॥","rom":"Mahaabhogaa mahaishvaryaa mahaaveeryaa mahaabalaa |\nMahaabuddhirmahaasiddhirmahaayogeshvareshvaree || 55 ||"},{"kind":"verse","n":56,"dev":"महातन्त्रा महामन्त्रा महायन्त्रा महासना ।\nमहायागक्रमाराध्या महाभैरवपूजिता ॥ ५६ ॥","rom":"Mahaatantraa mahaamantraa mahaayantraa mahaasanaa |\nMahaayaagakramaaraadhyaa mahaabhairavapoojitaa || 56 ||"},{"kind":"verse","n":57,"dev":"महेश्वरमहाकल्पमहाताण्डवसाक्षिणी ।\nमहाकामेशमहिषी महात्रिपुरसुन्दरी ॥ ५७ ॥","rom":"Maheshvaramahaakalpamahaataandavasaakshinee |\nMahaakaameshamahishee mahaatripurasundaree || 57 ||"},{"kind":"verse","n":58,"dev":"चतुःषष्ट्युपचाराढ्या चतुःषष्टिकलामयी ।\nमहाचतुःषष्टिकोटियोगिनीगणसेविता ॥ ५८ ॥","rom":"Chatuhshashtyupachaaraadhyaa chatuhshashtikalaamayee |\nMahaachatuhshashtikotiyogineeganasevitaa || 58 ||"},{"kind":"verse","n":59,"dev":"मनुविद्या चन्द्रविद्या चन्द्रमण्डलमध्यगा ।\nचारुरूपा चारुहासा चारुचन्द्रकलाधरा ॥ ५९ ॥","rom":"Manuvidyaa chandravidyaa chandramandalamadhyagaa |\nChaaruroopaa chaaruhaasaa chaaruchandrakalaadharaa || 59 ||"},{"kind":"verse","n":60,"dev":"चराचरजगन्नाथा चक्रराजनिकेतना ।\nपार्वती पद्मनयना पद्मरागसमप्रभा ॥ ६० ॥","rom":"Charaacharajagannaathaa chakraraajaniketanaa |\nPaarvatee padmanayanaa padmaraagasamaprabhaa || 60 ||"},{"kind":"verse","n":61,"dev":"पञ्चप्रेतासनासीना पञ्चब्रह्मस्वरूपिणी ।\nचिन्मयी परमानन्दा विज्ञानघनरूपिणी ॥ ६१ ॥","rom":"Panchapretaasanaaseenaa panchabrahmasvaroopinee |\nChinmayee paramaanandaa vijnaanaghanaroopinee || 61 ||"},{"kind":"verse","n":62,"dev":"ध्यानध्यातृध्येयरूपा धर्माधर्मविवर्जिता ।\nविश्वरूपा जागरिणी स्वपन्ती तैजसात्मिका ॥ ६२ ॥","rom":"Dhyaanadhyaatrudhyeyaroopaa dharmaadharmavivarjitaa |\nVishvaroopaa jaagarinee svapantee taijasaatmikaa || 62 ||"},{"kind":"verse","n":63,"dev":"सुप्ता प्राज्ञात्मिका तुर्या सर्वावस्थाविवर्जिता ।\nसृष्टिकर्त्री ब्रह्मरूपा गोप्त्री गोविन्दरूपिणी ॥ ६३ ॥","rom":"Suptaa praajnaatmikaa turyaa sarvaavasthaavivarjitaa |\nSrushtikartree brahmaroopaa goptree govindaroopinee || 63 ||"},{"kind":"verse","n":64,"dev":"संहारिणी रुद्ररूपा तिरोधानकरीश्वरी ।\nसदाशिवानुग्रहदा पञ्चकृत्यपरायणा ॥ ६४ ॥","rom":"Sanhaarinee rudraroopaa tirodhaanakareeshvaree |\nSadaashivaanugrahadaa panchakrutyaparaayanaa || 64 ||"},{"kind":"verse","n":65,"dev":"भानुमण्डलमध्यस्था भैरवी भगमालिनी ।\nपद्मासना भगवती पद्मनाभसहोदरी ॥ ६५ ॥","rom":"Bhaanumandalamadhyasthaa bhairavee bhagamaalinee |\nPadmaasanaa bhagavatee padmanaabhasahodaree || 65 ||"},{"kind":"verse","n":66,"dev":"उन्मेषनिमिषोत्पन्नविपन्नभुवनावलिः ।\nसहस्रशीर्षवदना सहस्राक्षी सहस्रपात् ॥ ६६ ॥","rom":"Unmeshanimishotpannavipannabhuvanaavalih |\nSahasrasheershavadanaa sahasraakshee sahasrapaat || 66 ||"},{"kind":"verse","n":67,"dev":"आब्रह्मकीटजननी वर्णाश्रमविधायिनी ।\nनिजाज्ञारूपनिगमा पुण्यापुण्यफलप्रदा ॥ ६७ ॥","rom":"Aabrahmakeetajananee varnaashramavidhaayinee |\nNijaajnaaroopanigamaa punyaapunyaphalapradaa || 67 ||"},{"kind":"verse","n":68,"dev":"श्रुतिसीमन्तसिन्दूरीकृतपादाब्जधूलिका ।\nसकलागमसन्दोहशुक्तिसम्पुटमौक्तिका ॥ ६८ ॥","rom":"Shrutiseemantasindooreekrutapaadaabjadhoolikaa |\nSakalaagamasandohashuktisamputamauktikaa || 68 ||"},{"kind":"verse","n":69,"dev":"पुरुषार्थप्रदा पूर्णा भोगिनी भुवनेश्वरी ।\nअम्बिकाऽनादिनिधना हरिब्रह्मेन्द्रसेविता ॥ ६९ ॥","rom":"Purushaarthapradaa poornaa bhoginee bhuvaneshvaree |\nAmbikaa'naadinidhanaa haribrahmendrasevitaa || 69 ||"},{"kind":"verse","n":70,"dev":"नारायणी नादरूपा नामरूपविवर्जिता ।\nह्रीङ्कारी ह्रीमती हृद्या हेयोपादेयवर्जिता ॥ ७० ॥","rom":"Naaraayanee naadaroopaa naamaroopavivarjitaa |\nHreenkaaree hreematee hrudyaa heyopaadeyavarjitaa || 70 ||"},{"kind":"verse","n":71,"dev":"राजराजार्चिता राज्ञी रम्या राजीवलोचना ।\nरञ्जनी रमणी रस्या रणत्किङ्किणिमेखला ॥ ७१ ॥","rom":"Raajaraajaarchitaa raajnee ramyaa raajeevalochanaa |\nRanjanee ramanee rasyaa ranatkinkinimekhalaa || 71 ||"},{"kind":"verse","n":72,"dev":"रमा राकेन्दुवदना रतिरूपा रतिप्रिया ।\nरक्षाकरी राक्षसघ्नी रामा रमणलम्पटा ॥ ७२ ॥","rom":"Ramaa raakenduvadanaa ratiroopaa ratipriyaa |\nRakshaakaree raakshasaghnee raamaa ramanalampataa || 72 ||"},{"kind":"verse","n":73,"dev":"काम्या कामकलारूपा कदम्बकुसुमप्रिया ।\nकल्याणी जगतीकन्दा करुणारससागरा ॥ ७३ ॥","rom":"Kaamyaa kaamakalaaroopaa kadambakusumapriyaa |\nKalyaanee jagateekandaa karunaarasasaagaraa || 73 ||"},{"kind":"verse","n":74,"dev":"कलावती कलालापा कान्ता कादम्बरीप्रिया ।\nवरदा वामनयना वारुणीमदविह्वला ॥ ७४ ॥","rom":"Kalaavatee kalaalaapaa kaantaa kaadambareepriyaa |\nVaradaa vaamanayanaa vaaruneemadavihvalaa || 74 ||"},{"kind":"verse","n":75,"dev":"विश्वाधिका वेदवेद्या विन्ध्याचलनिवासिनी ।\nविधात्री वेदजननी विष्णुमाया विलासिनी ॥ ७५ ॥","rom":"Vishvaadhikaa vedavedyaa vindhyaachalanivaasinee |\nVidhaatree vedajananee vishnumaayaa vilaasinee || 75 ||"},{"kind":"verse","n":76,"dev":"क्षेत्रस्वरूपा क्षेत्रेशी क्षेत्रक्षेत्रज्ञपालिनी ।\nक्षयवृद्धिविनिर्मुक्ता क्षेत्रपालसमर्चिता ॥ ७६ ॥","rom":"Kshetrasvaroopaa kshetreshee kshetrakshetrajnapaalinee |\nKshayavruddhivinirmuktaa kshetrapaalasamarchitaa || 76 ||"},{"kind":"verse","n":77,"dev":"विजया विमला वन्द्या वन्दारुजनवत्सला ।\nवाग्वादिनी वामकेशी वह्निमण्डलवासिनी ॥ ७७ ॥","rom":"Vijayaa vimalaa vandyaa vandaarujanavatsalaa |\nVaagvaadinee vaamakeshee vahnimandalavaasinee || 77 ||"},{"kind":"verse","n":78,"dev":"भक्तिमत्कल्पलतिका पशुपाशविमोचनी ।\nसंहृताशेषपाषण्डा सदाचारप्रवर्तिका ॥ ७८ ॥","rom":"Bhaktimatkalpalatikaa pashupaashavimochanee |\nSanhrutaasheshapaashandaa sadaachaarapravartikaa || 78 ||"},{"kind":"verse","n":79,"dev":"तापत्रयाग्निसन्तप्तसमाह्लादनचन्द्रिका ।\nतरुणी तापसाराध्या तनुमध्या तमोऽपहा ॥ ७९ ॥","rom":"Taapatrayaagnisantaptasamaahlaadanachandrikaa |\nTarunee taapasaaraadhyaa tanumadhyaa tamo'pahaa || 79 ||"},{"kind":"verse","n":80,"dev":"चितिस्तत्पदलक्ष्यार्था चिदेकरसरूपिणी ।\nस्वात्मानन्दलवीभूतब्रह्माद्यानन्दसन्ततिः ॥ ८० ॥","rom":"Chitistatpadalakshyaarthaa chidekarasaroopinee |\nSvaatmaanandalaveebhootabrahmaadyaanandasantatih || 80 ||"},{"kind":"verse","n":81,"dev":"परा प्रत्यक्चितीरूपा पश्यन्ती परदेवता ।\nमध्यमा वैखरीरूपा भक्तमानसहंसिका ॥ ८१ ॥","rom":"Paraa pratyakchiteeroopaa pashyantee paradevataa |\nMadhyamaa vaikhareeroopaa bhaktamaanasahansikaa || 81 ||"},{"kind":"verse","n":82,"dev":"कामेश्वरप्राणनाडी कृतज्ञा कामपूजिता ।\nशृङ्गाररससम्पूर्णा जया जालन्धरस्थिता ॥ ८२ ॥","rom":"Kaameshvarapraananaadee krutajnaa kaamapoojitaa |\nShrungaararasasampoornaa jayaa jaalandharasthitaa || 82 ||"},{"kind":"verse","n":83,"dev":"ओड्याणपीठनिलया बिन्दुमण्डलवासिनी ।\nरहोयागक्रमाराध्या रहस्तर्पणतर्पिता ॥ ८३ ॥","rom":"Odyaanapeethanilayaa bindumandalavaasinee |\nRahoyaagakramaaraadhyaa rahastarpanatarpitaa || 83 ||"},{"kind":"verse","n":84,"dev":"सद्यःप्रसादिनी विश्वसाक्षिणी साक्षिवर्जिता ।\nषडङ्गदेवतायुक्ता षाड्गुण्यपरिपूरिता ॥ ८४ ॥","rom":"Sadyahprasaadinee vishvasaakshinee saakshivarjitaa |\nShadangadevataayuktaa shaadgunyaparipooritaa || 84 ||"},{"kind":"verse","n":85,"dev":"नित्यक्लिन्ना निरुपमा निर्वाणसुखदायिनी ।\nनित्याषोडशिकारूपा श्रीकण्ठार्धशरीरिणी ॥ ८५ ॥","rom":"Nityaklinnaa nirupamaa nirvaanasukhadaayinee |\nNityaashodashikaaroopaa shreekanthaardhashareerinee || 85 ||"},{"kind":"verse","n":86,"dev":"प्रभावती प्रभारूपा प्रसिद्धा परमेश्वरी ।\nमूलप्रकृतिरव्यक्ता व्यक्ताव्यक्तस्वरूपिणी ॥ ८६ ॥","rom":"Prabhaavatee prabhaaroopaa prasiddhaa parameshvaree |\nMoolaprakrutiravyaktaa vyaktaavyaktasvaroopinee || 86 ||"},{"kind":"verse","n":87,"dev":"व्यापिनी विविधाकारा विद्याऽविद्यास्वरूपिणी ।\nमहाकामेशनयनकुमुदाह्लादकौमुदी ॥ ८७ ॥","rom":"Vyaapinee vividhaakaaraa vidyaa'vidyaasvaroopinee |\nMahaakaameshanayanakumudaahlaadakaumudee || 87 ||"},{"kind":"verse","n":88,"dev":"भक्तहार्दतमोभेदभानुमद्भानुसन्ततिः ।\nशिवदूती शिवाराध्या शिवमूर्तिः शिवङ्करी ॥ ८८ ॥","rom":"Bhaktahaardatamobhedabhaanumadbhaanusantatih |\nShivadootee shivaaraadhyaa shivamoortih shivankaree || 88 ||"},{"kind":"verse","n":89,"dev":"शिवप्रिया शिवपरा शिष्टेष्टा शिष्टपूजिता ।\nअप्रमेया स्वप्रकाशा मनोवाचामगोचरा ॥ ८९ ॥","rom":"Shivapriyaa shivaparaa shishteshtaa shishtapoojitaa |\nAprameyaa svaprakaashaa manovaachaamagocharaa || 89 ||"},{"kind":"verse","n":90,"dev":"चिच्छक्तिश्चेतनारूपा जडशक्तिर्जडात्मिका ।\nगायत्री व्याहृतिः सन्ध्या द्विजबृन्दनिषेविता ॥ ९० ॥","rom":"Chichchhaktishchetanaaroopaa jadashaktirjadaatmikaa |\nGaayatree vyaahrutih sandhyaa dvijabrundanishevitaa || 90 ||"},{"kind":"verse","n":91,"dev":"तत्त्वासना तत्त्वमयी पञ्चकोशान्तरस्थिता ।\nनिःसीममहिमा नित्ययौवना मदशालिनी ॥ ९१ ॥","rom":"Tattvaasanaa tattvamayee panchakoshaantarasthitaa |\nNihseemamahimaa nityayauvanaa madashaalinee || 91 ||"},{"kind":"verse","n":92,"dev":"मदघूर्णितरक्ताक्षी मदपाटलगण्डभूः ।\nचन्दनद्रवदिग्धाङ्गी चाम्पेयकुसुमप्रिया ॥ ९२ ॥","rom":"Madaghoornitaraktaakshee madapaatalagandabhooh |\nChandanadravadigdhaangee chaampeyakusumapriyaa || 92 ||"},{"kind":"verse","n":93,"dev":"कुशला कोमलाकारा कुरुकुल्ला कुलेश्वरी ।\nकुलकुण्डालया कौलमार्गतत्परसेविता ॥ ९३ ॥","rom":"Kushalaa komalaakaaraa kurukullaa kuleshvaree |\nKulakundaalayaa kaulamaargatatparasevitaa || 93 ||"},{"kind":"verse","n":94,"dev":"कुमारगणनाथाम्बा तुष्टिः पुष्टिर्मतिर्धृतिः ।\nशान्तिः स्वस्तिमती कान्तिर्नन्दिनी विघ्ननाशिनी ॥ ९४ ॥","rom":"Kumaaragananaathaambaa tushtih pushtirmatirdhrutih |\nShaantih svastimatee kaantirnandinee vighnanaashinee || 94 ||"},{"kind":"verse","n":95,"dev":"तेजोवती त्रिनयना लोलाक्षीकामरूपिणी ।\nमालिनी हंसिनी माता मलयाचलवासिनी ॥ ९५ ॥","rom":"Tejovatee trinayanaa lolaaksheekaamaroopinee |\nMaalinee hansinee maataa malayaachalavaasinee || 95 ||"},{"kind":"verse","n":96,"dev":"सुमुखी नलिनी सुभ्रूः शोभना सुरनायिका ।\nकालकण्ठी कान्तिमती क्षोभिणी सूक्ष्मरूपिणी ॥ ९६ ॥","rom":"Sumukhee nalinee subhrooh shobhanaa suranaayikaa |\nKaalakanthee kaantimatee kshobhinee sookshmaroopinee || 96 ||"},{"kind":"verse","n":97,"dev":"वज्रेश्वरी वामदेवी वयोऽवस्थाविवर्जिता ।\nसिद्धेश्वरी सिद्धविद्या सिद्धमाता यशस्विनी ॥ ९७ ॥","rom":"Vajreshvaree vaamadevee vayo'vasthaavivarjitaa |\nSiddheshvaree siddhavidyaa siddhamaataa yashasvinee || 97 ||"},{"kind":"verse","n":98,"dev":"विशुद्धिचक्रनिलयाऽऽरक्तवर्णा त्रिलोचना ।\nखट्वाङ्गादिप्रहरणा वदनैकसमन्विता ॥ ९८ ॥","rom":"Vishuddhichakranilayaa''raktavarnaa trilochanaa |\nKhatvaangaadipraharanaa vadanaikasamanvitaa || 98 ||"},{"kind":"verse","n":99,"dev":"पायसान्नप्रिया त्वक्‍स्था पशुलोकभयङ्करी ।\nअमृतादिमहाशक्तिसंवृता डाकिनीश्वरी ॥ ९९ ॥","rom":"Paayasaannapriyaa tvak‍sthaa pashulokabhayankaree |\nAmrutaadimahaashaktisanvrutaa daakineeshvaree || 99 ||"},{"kind":"verse","n":100,"dev":"अनाहताब्जनिलया श्यामाभा वदनद्वया ।\nदंष्ट्रोज्ज्वलाऽक्षमालादिधरा रुधिरसंस्थिता ॥ १०० ॥","rom":"Anaahataabjanilayaa shyaamaabhaa vadanadvayaa |\nDanshtrojjvalaa'kshamaalaadidharaa rudhirasansthitaa || 100 ||"},{"kind":"verse","n":101,"dev":"कालरात्र्यादिशक्त्यौघवृता स्निग्धौदनप्रिया ।\nमहावीरेन्द्रवरदा राकिण्यम्बास्वरूपिणी ॥ १०१ ॥","rom":"Kaalaraatryaadishaktyaughavrutaa snigdhaudanapriyaa |\nMahaaveerendravaradaa raakinyambaasvaroopinee || 101 ||"},{"kind":"verse","n":102,"dev":"मणिपूराब्जनिलया वदनत्रयसम्युता ।\nवज्रादिकायुधोपेता डामर्यादिभिरावृता ॥ १०२ ॥","rom":"Manipooraabjanilayaa vadanatrayasamyutaa |\nVajraadikaayudhopetaa daamaryaadibhiraavrutaa || 102 ||"},{"kind":"verse","n":103,"dev":"रक्तवर्णा मांसनिष्ठा गुडान्नप्रीतमानसा ।\nसमस्तभक्तसुखदा लाकिन्यम्बास्वरूपिणी ॥ १०३ ॥","rom":"Raktavarnaa maansanishthaa gudaannapreetamaanasaa |\nSamastabhaktasukhadaa laakinyambaasvaroopinee || 103 ||"},{"kind":"verse","n":104,"dev":"स्वाधिष्ठानाम्बुजगता चतुर्वक्त्रमनोहरा ।\nशूलाद्यायुधसम्पन्ना पीतवर्णाऽतिगर्विता ॥ १०४ ॥","rom":"Svaadhishthaanaambujagataa chaturvaktramanoharaa |\nShoolaadyaayudhasampannaa peetavarnaa'tigarvitaa || 104 ||"},{"kind":"verse","n":105,"dev":"मेदोनिष्ठा मधुप्रीता बन्धिन्यादिसमन्विता ।\nदध्यन्नासक्तहृदया काकिनीरूपधारिणी ॥ १०५ ॥","rom":"Medonishthaa madhupreetaa bandhinyaadisamanvitaa |\nDadhyannaasaktahrudayaa kaakineeroopadhaarinee || 105 ||"},{"kind":"verse","n":106,"dev":"मूलाधाराम्बुजारूढा पञ्चवक्त्राऽस्थिसंस्थिता ।\nअङ्कुशादिप्रहरणा वरदादिनिषेविता ॥ १०६ ॥","rom":"Moolaadhaaraambujaaroodhaa panchavaktraa'sthisansthitaa |\nAnkushaadipraharanaa varadaadinishevitaa || 106 ||"},{"kind":"verse","n":107,"dev":"मुद्गौदनासक्तचित्ता साकिन्यम्बास्वरूपिणी ।\nआज्ञाचक्राब्जनिलया शुक्लवर्णा षडानना ॥ १०७ ॥","rom":"Mudgaudanaasaktachittaa saakinyambaasvaroopinee |\nAajnaachakraabjanilayaa shuklavarnaa shadaananaa || 107 ||"},{"kind":"verse","n":108,"dev":"मज्जासंस्था हंसवतीमुख्यशक्तिसमन्विता ।\nहरिद्रान्नैकरसिका हाकिनीरूपधारिणी ॥ १०८ ॥","rom":"Majjaasansthaa hansavateemukhyashaktisamanvitaa |\nHaridraannaikarasikaa haakineeroopadhaarinee || 108 ||"},{"kind":"verse","n":109,"dev":"सहस्रदलपद्मस्था सर्ववर्णोपशोभिता ।\nसर्वायुधधरा शुक्लसंस्थिता सर्वतोमुखी ॥ १०९ ॥","rom":"Sahasradalapadmasthaa sarvavarnopashobhitaa |\nSarvaayudhadharaa shuklasansthitaa sarvatomukhee || 109 ||"},{"kind":"verse","n":110,"dev":"सर्वौदनप्रीतचित्ता याकिन्यम्बास्वरूपिणी ।\nस्वाहा स्वधाऽमतिर्मेधा श्रुतिः स्मृतिरनुत्तमा ॥ ११० ॥","rom":"Sarvaudanapreetachittaa yaakinyambaasvaroopinee |\nSvaahaa svadhaa'matirmedhaa shrutih smrutiranuttamaa || 110 ||"},{"kind":"verse","n":111,"dev":"पुण्यकीर्तिः पुण्यलभ्या पुण्यश्रवणकीर्तना ।\nपुलोमजार्चिता बन्धमोचनी बन्धुरालका ॥ १११ ॥","rom":"Punyakeertih punyalabhyaa punyashravanakeertanaa |\nPulomajaarchitaa bandhamochanee bandhuraalakaa || 111 ||"},{"kind":"verse","n":112,"dev":"विमर्शरूपिणी विद्या वियदादिजगत्प्रसूः ।\nसर्वव्याधिप्रशमनी सर्वमृत्युनिवारिणी ॥ ११२ ॥","rom":"Vimarsharoopinee vidyaa viyadaadijagatprasooh |\nSarvavyaadhiprashamanee sarvamrutyunivaarinee || 112 ||"},{"kind":"verse","n":113,"dev":"अग्रगण्याऽचिन्त्यरूपा कलिकल्मषनाशिनी ।\nकात्यायनी कालहन्त्री कमलाक्षनिषेविता ॥ ११३ ॥","rom":"Agraganyaa'chintyaroopaa kalikalmashanaashinee |\nKaatyaayanee kaalahantree kamalaakshanishevitaa || 113 ||"},{"kind":"verse","n":114,"dev":"ताम्बूलपूरितमुखी दाडिमीकुसुमप्रभा ।\nमृगाक्षी मोहिनी मुख्या मृडानी मित्ररूपिणी ॥ ११४ ॥","rom":"Taamboolapooritamukhee daadimeekusumaprabhaa |\nMrugaakshee mohinee mukhyaa mrudaanee mitraroopinee || 114 ||"},{"kind":"verse","n":115,"dev":"नित्यतृप्ता भक्तनिधिर्नियन्त्री निखिलेश्वरी ।\nमैत्र्यादिवासनालभ्या महाप्रलयसाक्षिणी ॥ ११५ ॥","rom":"Nityatruptaa bhaktanidhirniyantree nikhileshvaree |\nMaitryaadivaasanaalabhyaa mahaapralayasaakshinee || 115 ||"},{"kind":"verse","n":116,"dev":"पराशक्तिः परानिष्ठा प्रज्ञानघनरूपिणी ।\nमाध्वीपानालसा मत्ता मातृकावर्णरूपिणी ॥ ११६ ॥","rom":"Paraashaktih paraanishthaa prajnaanaghanaroopinee |\nMaadhveepaanaalasaa mattaa maatrukaavarnaroopinee || 116 ||"},{"kind":"verse","n":117,"dev":"महाकैलासनिलया मृणालमृदुदोर्लता ।\nमहनीया दयामूर्तिर्महासाम्राज्यशालिनी ॥ ११७ ॥","rom":"Mahaakailaasanilayaa mrunaalamrududorlataa |\nMahaneeyaa dayaamoortirmahaasaamraajyashaalinee || 117 ||"},{"kind":"verse","n":118,"dev":"आत्मविद्या महाविद्या श्रीविद्या कामसेविता ।\nश्रीषोडशाक्षरीविद्या त्रिकूटा कामकोटिका ॥ ११८ ॥","rom":"Aatmavidyaa mahaavidyaa shreevidyaa kaamasevitaa |\nShreeshodashaakshareevidyaa trikootaa kaamakotikaa || 118 ||"},{"kind":"verse","n":119,"dev":"कटाक्षकिङ्करीभूतकमलाकोटिसेविता ।\nशिरःस्थिता चन्द्रनिभा भालस्थेन्द्रधनुःप्रभा ॥ ११९ ॥","rom":"Kataakshakinkareebhootakamalaakotisevitaa |\nShirahsthitaa chandranibhaa bhaalasthendradhanuhprabhaa || 119 ||"},{"kind":"verse","n":120,"dev":"हृदयस्था रविप्रख्या त्रिकोणान्तरदीपिका ।\nदाक्षायणी दैत्यहन्त्री दक्षयज्ञविनाशिनी ॥ १२० ॥","rom":"Hrudayasthaa raviprakhyaa trikonaantaradeepikaa |\nDaakshaayanee daityahantree dakshayajnavinaashinee || 120 ||"},{"kind":"verse","n":121,"dev":"दरान्दोलितदीर्घाक्षी दरहासोज्ज्वलन्मुखी ।\nगुरुमूर्तिर्गुणनिधिर्गोमाता गुहजन्मभूः ॥ १२१ ॥","rom":"Daraandolitadeerghaakshee darahaasojjvalanmukhee |\nGurumoortirgunanidhirgomaataa guhajanmabhooh || 121 ||"},{"kind":"verse","n":122,"dev":"देवेशी दण्डनीतिस्था दहराकाशरूपिणी ।\nप्रतिपन्मुख्यराकान्ततिथिमण्डलपूजिता ॥ १२२ ॥","rom":"Deveshee dandaneetisthaa daharaakaasharoopinee |\nPratipanmukhyaraakaantatithimandalapoojitaa || 122 ||"},{"kind":"verse","n":123,"dev":"कलात्मिका कलानाथा काव्यालापविनोदिनी ।\nसचामररमावाणीसव्यदक्षिणसेविता ॥ १२३ ॥","rom":"Kalaatmikaa kalaanaathaa kaavyaalaapavinodinee |\nSachaamararamaavaaneesavyadakshinasevitaa || 123 ||"},{"kind":"verse","n":124,"dev":"आदिशक्तिरमेयात्मा परमा पावनाकृतिः ।\nअनेककोटिब्रह्माण्डजननी दिव्यविग्रहा ॥ १२४ ॥","rom":"Aadishaktirameyaatmaa paramaa paavanaakrutih |\nAnekakotibrahmaandajananee divyavigrahaa || 124 ||"},{"kind":"verse","n":125,"dev":"क्लीङ्कारी केवला गुह्या कैवल्यपददायिनी ।\nत्रिपुरा त्रिजगद्वन्द्या त्रिमूर्तिस्त्रिदशेश्वरी ॥ १२५ ॥","rom":"Kleenkaaree kevalaa guhyaa kaivalyapadadaayinee |\nTripuraa trijagadvandyaa trimoortistridasheshvaree || 125 ||"},{"kind":"verse","n":126,"dev":"त्र्यक्षरी दिव्यगन्धाढ्या सिन्दूरतिलकाञ्चिता ।\nउमा शैलेन्द्रतनया गौरी गन्धर्वसेविता ॥ १२६ ॥","rom":"Tryaksharee divyagandhaadhyaa sindooratilakaanchitaa |\nUmaa shailendratanayaa gauree gandharvasevitaa || 126 ||"},{"kind":"verse","n":127,"dev":"विश्वगर्भा स्वर्णगर्भाऽवरदा वागधीश्वरी ।\nध्यानगम्याऽपरिच्छेद्या ज्ञानदा ज्ञानविग्रहा ॥ १२७ ॥","rom":"Vishvagarbhaa svarnagarbhaa'varadaa vaagadheeshvaree |\nDhyaanagamyaa'parichchhedyaa jnaanadaa jnaanavigrahaa || 127 ||"},{"kind":"verse","n":128,"dev":"सर्ववेदान्तसंवेद्या सत्यानन्दस्वरूपिणी ।\nलोपामुद्रार्चिता लीलाक्लुप्तब्रह्माण्डमण्डला ॥ १२८ ॥","rom":"Sarvavedaantasanvedyaa satyaanandasvaroopinee |\nLopaamudraarchitaa leelaakluptabrahmaandamandalaa || 128 ||"},{"kind":"verse","n":129,"dev":"अदृश्या दृश्यरहिता विज्ञात्री वेद्यवर्जिता ।\nयोगिनी योगदा योग्या योगानन्दा युगन्धरा ॥ १२९ ॥","rom":"Adrushyaa drushyarahitaa vijnaatree vedyavarjitaa |\nYoginee yogadaa yogyaa yogaanandaa yugandharaa || 129 ||"},{"kind":"verse","n":130,"dev":"इच्छाशक्तिज्ञानशक्तिक्रियाशक्तिस्वरूपिणी ।\nसर्वाधारा सुप्रतिष्ठा सदसद्रूपधारिणी ॥ १३० ॥","rom":"Ichchhaashaktijnaanashaktikriyaashaktisvaroopinee |\nSarvaadhaaraa supratishthaa sadasadroopadhaarinee || 130 ||"},{"kind":"verse","n":131,"dev":"अष्टमूर्तिरजाजैत्री लोकयात्राविधायिनी ।\nएकाकिनी भूमरूपा निर्द्वैता द्वैतवर्जिता ॥ १३१ ॥","rom":"Ashtamoortirajaajaitree lokayaatraavidhaayinee |\nEkaakinee bhoomaroopaa nirdvaitaa dvaitavarjitaa || 131 ||"},{"kind":"verse","n":132,"dev":"अन्नदा वसुदा वृद्धा ब्रह्मात्मैक्यस्वरूपिणी ।\nबृहती ब्राह्मणी ब्राह्मी ब्रह्मानन्दा बलिप्रिया ॥ १३२ ॥","rom":"Annadaa vasudaa vruddhaa brahmaatmaikyasvaroopinee |\nBruhatee braahmanee braahmee brahmaanandaa balipriyaa || 132 ||"},{"kind":"verse","n":133,"dev":"भाषारूपा बृहत्सेना भावाभावविवर्जिता ।\nसुखाराध्या शुभकरी शोभना सुलभा गतिः ॥ १३३ ॥","rom":"Bhaashaaroopaa bruhatsenaa bhaavaabhaavavivarjitaa |\nSukhaaraadhyaa shubhakaree shobhanaa sulabhaa gatih || 133 ||"},{"kind":"verse","n":134,"dev":"राजराजेश्वरी राज्यदायिनी राज्यवल्लभा ।\nराजत्कृपा राजपीठनिवेशितनिजाश्रिता ॥ १३४ ॥","rom":"Raajaraajeshvaree raajyadaayinee raajyavallabhaa |\nRaajatkrupaa raajapeethaniveshitanijaashritaa || 134 ||"},{"kind":"verse","n":135,"dev":"राज्यलक्ष्मीः कोशनाथा चतुरङ्गबलेश्वरी ।\nसाम्राज्यदायिनी सत्यसन्धा सागरमेखला ॥ १३५ ॥","rom":"Raajyalakshmeeh koshanaathaa chaturangabaleshvaree |\nSaamraajyadaayinee satyasandhaa saagaramekhalaa || 135 ||"},{"kind":"verse","n":136,"dev":"दीक्षिता दैत्यशमनी सर्वलोकवशङ्करी ।\nसर्वार्थदात्री सावित्री सच्चिदानन्दरूपिणी ॥ १३६ ॥","rom":"Deekshitaa daityashamanee sarvalokavashankaree |\nSarvaarthadaatree saavitree sachchidaanandaroopinee || 136 ||"},{"kind":"verse","n":137,"dev":"देशकालापरिच्छिन्ना सर्वगा सर्वमोहिनी ।\nसरस्वती शास्त्रमयी गुहाम्बा गुह्यरूपिणी ॥ १३७ ॥","rom":"Deshakaalaaparichchhinnaa sarvagaa sarvamohinee |\nSarasvatee shaastramayee guhaambaa guhyaroopinee || 137 ||"},{"kind":"verse","n":138,"dev":"सर्वोपाधिविनिर्मुक्ता सदाशिवपतिव्रता ।\nसम्प्रदायेश्वरी साध्वी गुरुमण्डलरूपिणी ॥ १३८ ॥","rom":"Sarvopaadhivinirmuktaa sadaashivapativrataa |\nSampradaayeshvaree saadhvee gurumandalaroopinee || 138 ||"},{"kind":"verse","n":139,"dev":"कुलोत्तीर्णा भगाराध्या माया मधुमती मही ।\nगणाम्बा गुह्यकाराध्या कोमलाङ्गी गुरुप्रिया ॥ १३९ ॥","rom":"Kulotteernaa bhagaaraadhyaa maayaa madhumatee mahee |\nGanaambaa guhyakaaraadhyaa komalaangee gurupriyaa || 139 ||"},{"kind":"verse","n":140,"dev":"स्वतन्त्रा सर्वतन्त्रेशी दक्षिणामूर्तिरूपिणी ।\nसनकादिसमाराध्या शिवज्ञानप्रदायिनी ॥ १४० ॥","rom":"Svatantraa sarvatantreshee dakshinaamoortiroopinee |\nSanakaadisamaaraadhyaa shivajnaanapradaayinee || 140 ||"},{"kind":"verse","n":141,"dev":"चित्कलाऽऽनन्दकलिका प्रेमरूपा प्रियङ्करी ।\nनामपारायणप्रीता नन्दिविद्या नटेश्वरी ॥ १४१ ॥","rom":"Chitkalaa''nandakalikaa premaroopaa priyankaree |\nNaamapaaraayanapreetaa nandividyaa nateshvaree || 141 ||"},{"kind":"verse","n":142,"dev":"मिथ्याजगदधिष्ठाना मुक्तिदा मुक्तिरूपिणी ।\nलास्यप्रिया लयकरी लज्जा रम्भादिवन्दिता ॥ १४२ ॥","rom":"Mithyaajagadadhishthaanaa muktidaa muktiroopinee |\nLaasyapriyaa layakaree lajjaa rambhaadivanditaa || 142 ||"},{"kind":"verse","n":143,"dev":"भवदावसुधावृष्टिः पापारण्यदवानला ।\nदौर्भाग्यतूलवातूला जराध्वान्तरविप्रभा ॥ १४३ ॥","rom":"Bhavadaavasudhaavrushtih paapaaranyadavaanalaa |\nDaurbhaagyatoolavaatoolaa jaraadhvaantaraviprabhaa || 143 ||"},{"kind":"verse","n":144,"dev":"भाग्याब्धिचन्द्रिका भक्तचित्तकेकिघनाघना ।\nरोगपर्वतदम्भोलिर्मृत्युदारुकुठारिका ॥ १४४ ॥","rom":"Bhaagyaabdhichandrikaa bhaktachittakekighanaaghanaa |\nRogaparvatadambholirmrutyudaarukuthaarikaa || 144 ||"},{"kind":"verse","n":145,"dev":"महेश्वरी महाकाली महाग्रासा महाशना ।\nअपर्णा चण्डिका चण्डमुण्डासुरनिषूदिनी ॥ १४५ ॥","rom":"Maheshvaree mahaakaalee mahaagraasaa mahaashanaa |\nAparnaa chandikaa chandamundaasuranishoodinee || 145 ||"},{"kind":"verse","n":146,"dev":"क्षराक्षरात्मिका सर्वलोकेशी विश्वधारिणी ।\nत्रिवर्गदात्री सुभगा त्र्यम्बका त्रिगुणात्मिका ॥ १४६ ॥","rom":"Ksharaaksharaatmikaa sarvalokeshee vishvadhaarinee |\nTrivargadaatree subhagaa tryambakaa trigunaatmikaa || 146 ||"},{"kind":"verse","n":147,"dev":"स्वर्गापवर्गदा शुद्धा जपापुष्पनिभाकृतिः ।\nओजोवती द्युतिधरा यज्ञरूपा प्रियव्रता ॥ १४७ ॥","rom":"Svargaapavargadaa shuddhaa japaapushpanibhaakrutih |\nOjovatee dyutidharaa yajnaroopaa priyavrataa || 147 ||"},{"kind":"verse","n":148,"dev":"दुराराध्या दुराधर्षा पाटलीकुसुमप्रिया ।\nमहती मेरुनिलया मन्दारकुसुमप्रिया ॥ १४८ ॥","rom":"Duraaraadhyaa duraadharshaa paataleekusumapriyaa |\nMahatee merunilayaa mandaarakusumapriyaa || 148 ||"},{"kind":"verse","n":149,"dev":"वीराराध्या विराड्रूपा विरजा विश्वतोमुखी ।\nप्रत्यग्रूपा पराकाशा प्राणदा प्राणरूपिणी ॥ १४९ ॥","rom":"Veeraaraadhyaa viraadroopaa virajaa vishvatomukhee |\nPratyagroopaa paraakaashaa praanadaa praanaroopinee || 149 ||"},{"kind":"verse","n":150,"dev":"मार्ताण्डभैरवाराध्या मन्त्रिणीन्यस्तराज्यधूः ।\nत्रिपुरेशी जयत्सेना निस्त्रैगुण्या परापरा ॥ १५० ॥","rom":"Maartaandabhairavaaraadhyaa mantrineenyastaraajyadhooh |\nTripureshee jayatsenaa nistraigunyaa paraaparaa || 150 ||"},{"kind":"verse","n":151,"dev":"सत्यज्ञानानन्दरूपा सामरस्यपरायणा ।\nकपर्दिनी कलामाला कामधुक्कामरूपिणी ॥ १५१ ॥","rom":"Satyajnaanaanandaroopaa saamarasyaparaayanaa |\nKapardinee kalaamaalaa kaamadhukkaamaroopinee || 151 ||"},{"kind":"verse","n":152,"dev":"कलानिधिः काव्यकला रसज्ञा रसशेवधिः ।\nपुष्टा पुरातना पूज्या पुष्करा पुष्करेक्षणा ॥ १५२ ॥","rom":"Kalaanidhih kaavyakalaa rasajnaa rasashevadhih |\nPushtaa puraatanaa poojyaa pushkaraa pushkarekshanaa || 152 ||"},{"kind":"verse","n":153,"dev":"परञ्ज्योतिः परन्धाम परमाणुः परात्परा ।\nपाशहस्ता पाशहन्त्री परमन्त्रविभेदिनी ॥ १५३ ॥","rom":"Paranjyotih parandhaama paramaanuh paraatparaa |\nPaashahastaa paashahantree paramantravibhedinee || 153 ||"},{"kind":"verse","n":154,"dev":"मूर्ताऽमूर्ताऽनित्यतृप्ता मुनिमानसहंसिका ।\nसत्यव्रता सत्यरूपा सर्वान्तर्यामिनी सती ॥ १५४ ॥","rom":"Moortaa'moortaa'nityatruptaa munimaanasahansikaa |\nSatyavrataa satyaroopaa sarvaantaryaaminee satee || 154 ||"},{"kind":"verse","n":155,"dev":"ब्रह्माणी ब्रह्मजननी बहुरूपा बुधार्चिता ।\nप्रसवित्री प्रचण्डाऽऽज्ञा प्रतिष्ठा प्रकटाकृतिः ॥ १५५ ॥","rom":"Brahmaanee brahmajananee bahuroopaa budhaarchitaa |\nPrasavitree prachandaa''jnaa pratishthaa prakataakrutih || 155 ||"},{"kind":"verse","n":156,"dev":"प्राणेश्वरी प्राणदात्री पञ्चाशत्पीठरूपिणी ।\nविशृङ्खला विविक्तस्था वीरमाता वियत्प्रसूः ॥ १५६ ॥","rom":"Praaneshvaree praanadaatree panchaashatpeetharoopinee |\nVishrunkhalaa viviktasthaa veeramaataa viyatprasooh || 156 ||"},{"kind":"verse","n":157,"dev":"मुकुन्दा मुक्तिनिलया मूलविग्रहरूपिणी ।\nभावज्ञा भवरोगघ्नी भवचक्रप्रवर्तिनी ॥ १५७ ॥","rom":"Mukundaa muktinilayaa moolavigraharoopinee |\nBhaavajnaa bhavarogaghnee bhavachakrapravartinee || 157 ||"},{"kind":"verse","n":158,"dev":"छन्दःसारा शास्त्रसारा मन्त्रसारा तलोदरी ।\nउदारकीर्तिरुद्दामवैभवा वर्णरूपिणी ॥ १५८ ॥","rom":"Chhandahsaaraa shaastrasaaraa mantrasaaraa talodaree |\nUdaarakeertiruddaamavaibhavaa varnaroopinee || 158 ||"},{"kind":"verse","n":159,"dev":"जन्ममृत्युजरातप्तजनविश्रान्तिदायिनी ।\nसर्वोपनिषदुद्घुष्टा शान्त्यतीतकलात्मिका ॥ १५९ ॥","rom":"Janmamrutyujaraataptajanavishraantidaayinee |\nSarvopanishadudghushtaa shaantyateetakalaatmikaa || 159 ||"},{"kind":"verse","n":160,"dev":"गम्भीरा गगनान्तस्था गर्विता गानलोलुपा ।\nकल्पनारहिता काष्ठाऽकान्ता कान्तार्धविग्रहा ॥ १६० ॥","rom":"Gambheeraa gaganaantasthaa garvitaa gaanalolupaa |\nKalpanaarahitaa kaashthaa'kaantaa kaantaardhavigrahaa || 160 ||"},{"kind":"verse","n":161,"dev":"कार्यकारणनिर्मुक्ता कामकेलितरङ्गिता ।\nकनत्कनकताटङ्का लीलाविग्रहधारिणी ॥ १६१ ॥","rom":"Kaaryakaarananirmuktaa kaamakelitarangitaa |\nKanatkanakataatankaa leelaavigrahadhaarinee || 161 ||"},{"kind":"verse","n":162,"dev":"अजा क्षयविनिर्मुक्ता मुग्धा क्षिप्रप्रसादिनी ।\nअन्तर्मुखसमाराध्या बहिर्मुखसुदुर्लभा ॥ १६२ ॥","rom":"Ajaa kshayavinirmuktaa mugdhaa kshipraprasaadinee |\nAntarmukhasamaaraadhyaa bahirmukhasudurlabhaa || 162 ||"},{"kind":"verse","n":163,"dev":"त्रयी त्रिवर्गनिलया त्रिस्था त्रिपुरमालिनी ।\nनिरामया निरालम्बा स्वात्मारामा सुधासृतिः ॥ १६३ ॥","rom":"Trayee trivarganilayaa tristhaa tripuramaalinee |\nNiraamayaa niraalambaa svaatmaaraamaa sudhaasrutih || 163 ||"},{"kind":"verse","n":164,"dev":"संसारपङ्कनिर्मग्नसमुद्धरणपण्डिता ।\nयज्ञप्रिया यज्ञकर्त्री यजमानस्वरूपिणी ॥ १६४ ॥","rom":"Sansaarapankanirmagnasamuddharanapanditaa |\nYajnapriyaa yajnakartree yajamaanasvaroopinee || 164 ||"},{"kind":"verse","n":165,"dev":"धर्माधारा धनाध्यक्षा धनधान्यविवर्धिनी ।\nविप्रप्रिया विप्ररूपा विश्वभ्रमणकारिणी ॥ १६५ ॥","rom":"Dharmaadhaaraa dhanaadhyakshaa dhanadhaanyavivardhinee |\nViprapriyaa vipraroopaa vishvabhramanakaarinee || 165 ||"},{"kind":"verse","n":166,"dev":"विश्वग्रासा विद्रुमाभा वैष्णवी विष्णुरूपिणी ।\nअयोनिर्योनिनिलया कूटस्था कुलरूपिणी ॥ १६६ ॥","rom":"Vishvagraasaa vidrumaabhaa vaishnavee vishnuroopinee |\nAyoniryoninilayaa kootasthaa kularoopinee || 166 ||"},{"kind":"verse","n":167,"dev":"वीरगोष्ठीप्रिया वीरा नैष्कर्म्या नादरूपिणी ।\nविज्ञानकलना कल्या विदग्धा बैन्दवासना ॥ १६७ ॥","rom":"Veeragoshtheepriyaa veeraa naishkarmyaa naadaroopinee |\nVijnaanakalanaa kalyaa vidagdhaa baindavaasanaa || 167 ||"},{"kind":"verse","n":168,"dev":"तत्त्वाधिका तत्त्वमयी तत्त्वमर्थस्वरूपिणी ।\nसामगानप्रिया सौम्या सदाशिवकुटुम्बिनी ॥ १६८ ॥","rom":"Tattvaadhikaa tattvamayee tattvamarthasvaroopinee |\nSaamagaanapriyaa saumyaa sadaashivakutumbinee || 168 ||"},{"kind":"verse","n":169,"dev":"सव्यापसव्यमार्गस्था सर्वापद्विनिवारिणी ।\nस्वस्था स्वभावमधुरा धीरा धीरसमर्चिता ॥ १६९ ॥","rom":"Savyaapasavyamaargasthaa sarvaapadvinivaarinee |\nSvasthaa svabhaavamadhuraa dheeraa dheerasamarchitaa || 169 ||"},{"kind":"verse","n":170,"dev":"चैतन्यार्घ्यसमाराध्या चैतन्यकुसुमप्रिया ।\nसदोदिता सदातुष्टा तरुणादित्यपाटला ॥ १७० ॥","rom":"Chaitanyaarghyasamaaraadhyaa chaitanyakusumapriyaa |\nSadoditaa sadaatushtaa tarunaadityapaatalaa || 170 ||"},{"kind":"verse","n":171,"dev":"दक्षिणादक्षिणाराध्या दरस्मेरमुखाम्बुजा ।\nकौलिनीकेवलाऽनर्घ्यकैवल्यपददायिनी ॥ १७१ ॥","rom":"Dakshinaadakshinaaraadhyaa darasmeramukhaambujaa |\nKaulineekevalaa'narghyakaivalyapadadaayinee || 171 ||"},{"kind":"verse","n":172,"dev":"स्तोत्रप्रिया स्तुतिमती श्रुतिसंस्तुतवैभवा ।\nमनस्विनी मानवती महेशी मङ्गलाकृतिः ॥ १७२ ॥","rom":"Stotrapriyaa stutimatee shrutisanstutavaibhavaa |\nManasvinee maanavatee maheshee mangalaakrutih || 172 ||"},{"kind":"verse","n":173,"dev":"विश्वमाता जगद्धात्री विशालाक्षी विरागिणी ।\nप्रगल्भा परमोदारा परामोदा मनोमयी ॥ १७३ ॥","rom":"Vishvamaataa jagaddhaatree vishaalaakshee viraaginee |\nPragalbhaa paramodaaraa paraamodaa manomayee || 173 ||"},{"kind":"verse","n":174,"dev":"व्योमकेशी विमानस्था वज्रिणी वामकेश्वरी ।\nपञ्चयज्ञप्रिया पञ्चप्रेतमञ्चाधिशायिनी ॥ १७४ ॥","rom":"Vyomakeshee vimaanasthaa vajrinee vaamakeshvaree |\nPanchayajnapriyaa panchapretamanchaadhishaayinee || 174 ||"},{"kind":"verse","n":175,"dev":"पञ्चमी पञ्चभूतेशी पञ्चसङ्ख्योपचारिणी ।\nशाश्वती शाश्वतैश्वर्या शर्मदा शम्भुमोहिनी ॥ १७५ ॥","rom":"Panchamee panchabhooteshee panchasankhyopachaarinee |\nShaashvatee shaashvataishvaryaa sharmadaa shambhumohinee || 175 ||"},{"kind":"verse","n":176,"dev":"धरा धरसुता धन्या धर्मिणी धर्मवर्धिनी ।\nलोकातीता गुणातीता सर्वातीता शमात्मिका ॥ १७६ ॥","rom":"Dharaa dharasutaa dhanyaa dharminee dharmavardhinee |\nLokaateetaa gunaateetaa sarvaateetaa shamaatmikaa || 176 ||"},{"kind":"verse","n":177,"dev":"बन्धूककुसुमप्रख्या बाला लीलाविनोदिनी ।\nसुमङ्गली सुखकरी सुवेषाढ्या सुवासिनी ॥ १७७ ॥","rom":"Bandhookakusumaprakhyaa baalaa leelaavinodinee |\nSumangalee sukhakaree suveshaadhyaa suvaasinee || 177 ||"},{"kind":"verse","n":178,"dev":"सुवासिन्यर्चनप्रीताऽऽशोभना शुद्धमानसा ।\nबिन्दुतर्पणसन्तुष्टा पूर्वजा त्रिपुराम्बिका ॥ १७८ ॥","rom":"Suvaasinyarchanapreetaa''shobhanaa shuddhamaanasaa |\nBindutarpanasantushtaa poorvajaa tripuraambikaa || 178 ||"},{"kind":"verse","n":179,"dev":"दशमुद्रासमाराध्या त्रिपुराश्रीवशङ्करी ।\nज्ञानमुद्रा ज्ञानगम्या ज्ञानज्ञेयस्वरूपिणी ॥ १७९ ॥","rom":"Dashamudraasamaaraadhyaa tripuraashreevashankaree |\nJnaanamudraa jnaanagamyaa jnaanajneyasvaroopinee || 179 ||"},{"kind":"verse","n":180,"dev":"योनिमुद्रा त्रिखण्डेशी त्रिगुणाऽम्बा त्रिकोणगा ।\nअनघाऽद्भुतचारित्रा वाञ्छितार्थप्रदायिनी ॥ १८० ॥","rom":"Yonimudraa trikhandeshee trigunaa'mbaa trikonagaa |\nAnaghaa'dbhutachaaritraa vaanchhitaarthapradaayinee || 180 ||"},{"kind":"verse","n":181,"dev":"अभ्यासातिशयज्ञाता षडध्वातीतरूपिणी ।\nअव्याजकरुणामूर्तिरज्ञानध्वान्तदीपिका ॥ १८१ ॥","rom":"Abhyaasaatishayajnaataa shadadhvaateetaroopinee |\nAvyaajakarunaamoortirajnaanadhvaantadeepikaa || 181 ||"},{"kind":"verse","n":182,"dev":"आबालगोपविदिता सर्वानुल्लङ्घ्यशासना ।\nश्रीचक्रराजनिलया श्रीमत्त्रिपुरसुन्दरी ॥ १८२ ॥","rom":"Aabaalagopaviditaa sarvaanullanghyashaasanaa |\nShreechakraraajanilayaa shreemattripurasundaree || 182 ||"},{"kind":"verse","n":183,"dev":"श्रीशिवा शिवशक्त्यैक्यरूपिणी ललिताम्बिका ।\nएवं श्रीललितादेव्या नाम्नां साहस्रकं जगुः ॥ १८३ ॥","rom":"Shreeshivaa shivashaktyaikyaroopinee lalitaambikaa |\nEvam shreelalitaadevyaa naamnaam saahasrakam jaguh || 183 ||"},{"kind":"heading","dev":"इति श्रीब्रह्माण्डपुराणे उत्तरखण्डे श्रीहयग्रीवागस्त्यसंवादे श्रीललिता रहस्यनामसाहस्र स्तोत्रकथनं नाम द्वितीयोऽध्यायः ॥","rom":"Iti shreebrahmaandapuraane uttarakhande shreehayagreevaagastyasanvaade shreelalitaa rahasyanaamasaahasra stotrakathanam naama dviteeyo'dhyaayah ||"}],"verified":true,"url":"https://pocketpothi.com/texts/lalita-sahasranama","appUrl":"https://pocketpothi.com/read?t=lalita-sahasranama","shareUrl":"https://pocketpothi.com/p/86"}