{"id":"kalabhairavashtakam","code":"56","title":{"dev":"कालभैरवाष्टकम्","rom":"Kalabhairavashtakam"},"type":"ashtakam","typeLabel":"Ashtakam","language":"sa","languageName":"Sanskrit","deity":["bhairava"],"aliases":["Devaraja Sevyamana"],"verses":9,"sections":[{"kind":"verse","n":1,"dev":"देवराजसेव्यमानपावनांघ्रिपङ्कजं\nव्यालयज्ञसूत्रमिन्दुशेखरं कृपाकरम् ।\nनारदादियोगिवृन्दवन्दितं दिगंबरं\nकाशिकापुराधिनाथकालभैरवं भजे ॥ १ ॥","rom":"Devaraajasevyamaanapaavanaanghripankajam\nVyaalayajnasootramindushekharam krupaakaram |\nNaaradaadiyogivrundavanditam digambaram\nKaashikaapuraadhinaathakaalabhairavam bhaje || 1 ||"},{"kind":"verse","n":2,"dev":"भानुकोटिभास्वरं भवाब्धितारकं परं\nनीलकण्ठमीप्सितार्थदायकं त्रिलोचनम् ।\nकालकालमंबुजाक्षमक्षशूलमक्षरं\nकाशिकापुराधिनाथकालभैरवं भजे ॥ २ ॥","rom":"Bhaanukotibhaasvaram bhavaabdhitaarakam param\nNeelakanthameepsitaarthadaayakam trilochanam |\nKaalakaalamambujaakshamakshashoolamaksharam\nKaashikaapuraadhinaathakaalabhairavam bhaje || 2 ||"},{"kind":"verse","n":3,"dev":"शूलटंकपाशदण्डपाणिमादिकारणं\nश्यामकायमादिदेवमक्षरं निरामयम् ।\nभीमविक्रमं प्रभुं विचित्रताण्डवप्रियं\nकाशिकापुराधिनाथकालभैरवं भजे ॥ ३ ॥","rom":"Shoolatankapaashadandapaanimaadikaaranam\nShyaamakaayamaadidevamaksharam niraamayam |\nBheemavikramam prabhum vichitrataandavapriyam\nKaashikaapuraadhinaathakaalabhairavam bhaje || 3 ||"},{"kind":"verse","n":4,"dev":"भुक्तिमुक्तिदायकं प्रशस्तचारुविग्रहं\nभक्तवत्सलं स्थितं समस्तलोकविग्रहम् ।\nविनिक्वणन्मनोज्ञहेमकिङ्किणीलसत्कटिं\nकाशिकापुराधिनाथकालभैरवं भजे ॥ ४ ॥","rom":"Bhuktimuktidaayakam prashastachaaruvigraham\nBhaktavatsalam sthitam samastalokavigraham |\nVinikvananmanojnahemakinkineelasatkatim\nKaashikaapuraadhinaathakaalabhairavam bhaje || 4 ||"},{"kind":"verse","n":5,"dev":"धर्मसेतुपालकं त्वधर्ममार्गनाशकं\nकर्मपाशमोचकं सुशर्मदायकं विभुम् ।\nस्वर्णवर्णशेषपाशशोभितांगमण्डलं\nकाशिकापुराधिनाथकालभैरवं भजे ॥ ५ ॥","rom":"Dharmasetupaalakam tvadharmamaarganaashakam\nKarmapaashamochakam susharmadaayakam vibhum |\nSvarnavarnasheshapaashashobhitaangamandalam\nKaashikaapuraadhinaathakaalabhairavam bhaje || 5 ||"},{"kind":"verse","n":6,"dev":"रत्नपादुकाप्रभाभिरामपादयुग्मकं\nनित्यमद्वितीयमिष्टदैवतं निरंजनम् ।\nमृत्युदर्पनाशनं करालदंष्ट्रमोक्षदं\nकाशिकापुराधिनाथकालभैरवं भजे ॥ ६ ॥","rom":"Ratnapaadukaaprabhaabhiraamapaadayugmakam\nNityamadviteeyamishtadaivatam niranjanam |\nMrutyudarpanaashanam karaaladanshtramokshadam\nKaashikaapuraadhinaathakaalabhairavam bhaje || 6 ||"},{"kind":"verse","n":7,"dev":"अट्टहासभिन्नपद्मजाण्डकोशसंततिं\nदृष्टिपातनष्टपापजालमुग्रशासनम् ।\nअष्टसिद्धिदायकं कपालमालिकाधरं\nकाशिकापुराधिनाथकालभैरवं भजे ॥ ७ ॥","rom":"Attahaasabhinnapadmajaandakoshasantatim\nDrushtipaatanashtapaapajaalamugrashaasanam |\nAshtasiddhidaayakam kapaalamaalikaadharam\nKaashikaapuraadhinaathakaalabhairavam bhaje || 7 ||"},{"kind":"verse","n":8,"dev":"भूतसंघनायकं विशालकीर्तिदायकं\nकाशिवासलोकपुण्यपापशोधकं विभुम् ।\nनीतिमार्गकोविदं पुरातनं जगत्पतिं\nकाशिकापुराधिनाथकालभैरवं भजे ॥ ८ ॥","rom":"Bhootasanghanaayakam vishaalakeertidaayakam\nKaashivaasalokapunyapaapashodhakam vibhum |\nNeetimaargakovidam puraatanam jagatpatim\nKaashikaapuraadhinaathakaalabhairavam bhaje || 8 ||"},{"kind":"verse","n":9,"dev":"कालभैरवाष्टकं पठंति ये मनोहरं\nज्ञानमुक्तिसाधनं विचित्रपुण्यवर्धनम् ।\nशोकमोहदैन्यलोभकोपतापनाशनं\nप्रयान्ति कालभैरवांघ्रिसन्निधिं नरा ध्रुवम् ॥ ९ ॥","rom":"Kaalabhairavaashtakam pathanti ye manoharam\nJnaanamuktisaadhanam vichitrapunyavardhanam |\nShokamohadainyalobhakopataapanaashanam\nPrayaanti kaalabhairavaanghrisannidhim naraa dhruvam || 9 ||"},{"kind":"heading","dev":"॥ इति श्रीमच्छङ्कराचार्यविरचितं कालभैरवाष्टकं सम्पूर्णम् ॥","rom":"|| Iti shreemachchhankaraachaaryavirachitam kaalabhairavaashtakam sampoornam ||"}],"verified":false,"url":"https://pocketpothi.com/texts/kalabhairavashtakam","appUrl":"https://pocketpothi.com/read?t=kalabhairavashtakam","shareUrl":"https://pocketpothi.com/p/56"}