हरिवरासनम्
Harivaraasanam
हरिवरासनं विश्वमोहनम् हरिदधीश्वरं आराध्यपादुकम् । अरिविमर्दनं नित्यनर्तनम् हरिहरात्मजं देवमाश्रये ॥ १ ॥
Harivaraasanam vishvamohanam Haridadheeshvaram aaraadhyapaadukam | Arivimardanam nityanartanam Hariharaatmajam devamaashraye || 1 ||
शरणकीर्तनं भक्तमानसम् भरणलोलुपं नर्तनालसम् । अरुणभासुरं भूतनायकम् हरिहरात्मजं देवमाश्रये ॥ २ ॥
Sharanakeertanam bhaktamaanasam Bharanalolupam nartanaalasam | Arunabhaasuram bhootanaayakam Hariharaatmajam devamaashraye || 2 ||
प्रणयसत्यकं प्राणनायकम् प्रणतकल्पकं सुप्रभाञ्चितम् । प्रणवमन्दिरं कीर्तनप्रियम् हरिहरात्मजं देवमाश्रये ॥ ३ ॥
Pranayasatyakam praananaayakam Pranatakalpakam suprabhaanchitam | Pranavamandiram keertanapriyam Hariharaatmajam devamaashraye || 3 ||
तुरगवाहनं सुन्दराननम् वरगदायुधं वेदवर्णितम् । गुरुकृपाकरं कीर्तनप्रियम् हरिहरात्मजं देवमाश्रये ॥ ४ ॥
Turagavaahanam sundaraananam Varagadaayudham vedavarnitam | Gurukrupaakaram keertanapriyam Hariharaatmajam devamaashraye || 4 ||
त्रिभुवनार्चितं देवतात्मकम् त्रिनयनप्रभुं दिव्यदेशिकम् । त्रिदशपूजितं चिन्तितप्रदम् हरिहरात्मजं देवमाश्रये ॥ ५ ॥
Tribhuvanaarchitam devataatmakam Trinayanaprabhum divyadeshikam | Tridashapoojitam chintitapradam Hariharaatmajam devamaashraye || 5 ||
भवभयापहं भावुकावहं भुवनमोहनं भूतिभूषणम् । धवलवाहनं दिव्यवारणम् हरिहरात्मजं देवमाश्रये ॥ ६ ॥
Bhavabhayaapaham bhaavukaavaham Bhuvanamohanam bhootibhooshanam | Dhavalavaahanam divyavaaranam Hariharaatmajam devamaashraye || 6 ||
कलमृदुस्मितं सुन्दराननम् कलभकोमलं गात्रमोहनम् । कलभकेसरीवाजिवाहनम् हरिहरात्मजं देवमाश्रये ॥ ७ ॥
Kalamrudusmitam sundaraananam Kalabhakomalam gaatramohanam | Kalabhakesareevaajivaahanam Hariharaatmajam devamaashraye || 7 ||
श्रितजनप्रियं चिन्तितप्रदम् श्रुतिविभूषणं साधुजीवनम् । श्रुतिमनोहरं गीतलालसम् हरिहरात्मजं देवमाश्रये ॥ ८ ॥
Shritajanapriyam chintitapradam Shrutivibhooshanam saadhujeevanam | Shrutimanoharam geetalaalasam Hariharaatmajam devamaashraye || 8 ||
शरणं अय्यप्पा स्वामि शरणं अय्यप्पा । शरणं अय्यप्पा स्वामि शरणं अय्यप्पा ॥
Sharanam ayyappaa svaami sharanam ayyappaa | Sharanam ayyappaa svaami sharanam ayyappaa ||
॥ इति श्री हरिहरात्मजाष्टकं सम्पूर्णम् ॥
|| Iti shree hariharaatmajaashtakam sampoornam ||