ध्यान
Dhyaan
सुंदर ते ध्यान उभे विटेवरी । कर कटेवरी ठेवून या ॥ तुळशी हार गळा कासे पितांबर । आवडे निरंतर हेचि ध्यान ॥ मकर कुंडले तळपती श्रवणी । कंठी कौस्तुभमणी विराजीत ॥ तुका म्हणे माझे हेचि सर्व सुख । पाहीन श्रीमुख आवडीने ॥
Sundar te dhyaan ubhe vitevaree | kar katevaree thevoon yaa || Tulashee haar galaa kaase pitaambar | aavade nirantar hechi dhyaan || Makar kundale talapatee shravanee | kanthee kaustubhamanee viraajeet || Tukaa mhane maajhe hechi sarva sukh | paaheen shreemukh aavadeene ||
देवाचिये द्वारीं उभा क्षणभरी । तेणें मुक्ति चारी साधियेल्या ॥ हरि मुखें म्हणा हरि मुखें म्हणा । पुण्याची गणना कोण करी ॥ असोनि संसारीं जिव्हे वेगु करी । वेदशास्त्र उभारी बाह्या सदा ॥ ज्ञानदेव म्हणे व्यासाचिया खुणा । द्वारकेचा राणा पांडवां घरीं ॥ १ ॥
Devaachiye dvaaree ubhaa kshanabharee | tene mukti chaaree saadhiyelyaa || Hari mukhe mhanaa hari mukhe mhanaa | punyaachee gananaa kon karee || Asoni sansaaree jivhe vegu karee | vedashaastra ubhaaree baahyaa sadaa || Dnyaanadev mhane vyaasaachiyaa khunaa | dvaarakechaa raanaa paandavaa gharee || 1 ||
चहूं वेदीं जाण साहीशास्त्रीं कारण । अठराहीं पुराणें हरीसी गाती ॥ मंथुनी नवनीता तैसें घे अनंता । वायां व्यर्थ कथा सांडी मार्ग ॥ एक हरि आत्मा जीवशिव सम । वायां तूं दुर्गमा न घालीं मन ॥ ज्ञानदेवा पाठ हरि हा वैकुंठ । भरला घनदाट हरि दिसे ॥ २ ॥
Chahoo vedee jaan saaheeshaastree kaaran | atharaahee puraane hareesee gaatee || Manthunee navaneetaa taise ghe anantaa | vaayaa vyartha kathaa saandee maarga || Ek hari aatmaa jeevashiv sam | vaayaa too durgamaa na ghaalee man || Dnyaanadevaa paath hari haa vaikunth | bharalaa ghanadaat hari dise || 2 ||
त्रिगुण असार निर्गुण हें सार । सारासार विचार हरिपाठ ॥ सगुण निर्गुण गुणांचें अगुण । हरिविणें मन व्यर्थ जाय ॥ अव्यक्त निराकार नाहीं ज्या आकार । जेथुनी चराचर हरिसी भजें ॥ ज्ञानदेवा ध्यानीं रामकृष्ण मनीं । अनंत जन्मांनीं पुण्य होय ॥ ३ ॥
Trigun asaar nirgun he saar | saaraasaar vichaar haripaath || Sagun nirgun gunaanche agun | harivine man vyartha jaay || Avyakta niraakaar naahee jyaa aakaar | jethunee charaachar harisee bhaje || Dnyaanadevaa dhyaanee raamakrushna manee | anant janmaannee punya hoy || 3 ||
भावेंवीण भक्ति भक्तिवीण मुक्ति । बळेंवीण शक्ति बोलूं नये ॥ कैसेनि दैवत प्रसन्न त्वरित । उगा राहें निवांत शिणसी वायां ॥ सायासें करिसी प्रपञ्च दिननिशीं । हरिसी न भजसी कवण्या गुणें ॥ ज्ञानदेव म्हणे हरिजप करणें । तुटेल धरणें प्रपंचाचें ॥ ४ ॥
Bhaavenveen bhakti bhaktiveen mukti | balenveen shakti boloo naye || Kaiseni daivat prasanna tvarit | ugaa raahe nivaant shinasee vaayaa || Saayaase karisee prapancha dinanishee | harisee na bhajasee kavanyaa gune || Dnyaanadev mhane harijap karane | tutel dharane prapanchaache || 4 ||
योग याग विधी येणें नोहे सिद्धि । वायांचि उपाधि दंभधर्म ॥ भावेंवीण देव न कळे निःसंदेह । गुरुवीण अनुभव कैसा कळे ॥ तपेवीण दैवत दिधल्यावीण प्राप्त । गुजेवीण हित कोण सांगे ॥ ज्ञानदेव सांगे दृष्टांताची मात । साधूचे संगती तरणोपाय ॥ ५ ॥
Yog yaag vidhee yene nohe siddhi | vaayaanchi upaadhi dambhadharma || Bhaavenveen dev na kale nihsandeh | guruveen anubhav kaisaa kale || Tapeveen daivat didhalyaaveen praapta | gujeveen hit kon saange || Dnyaanadev saange drushtaantaachee maat | saadhooche sangatee taranopaay || 5 ||
साधुबोध झाला तो नुरोनियां ठेला । ठायींच मुराला अनुभवें ॥ कापुराची वाती उजळली ज्योती । ठायींच समाप्ती झाली जैसी ॥ मोक्षरेखें आला भाग्ये विनटला । साधूचा अंकिला हरिभक्त ॥ ज्ञानदेवा गोडी संगती सज्जनीं । हरि दिसे जनीं वनीं आत्मतत्त्वीं ॥ ६ ॥
Saadhubodh jhaalaa to nuroniyaa thelaa | thaayeench muraalaa anubhave || Kaapuraachee vaatee ujalalee jyotee | thaayeench samaaptee jhaalee jaisee || Moksharekhe aalaa bhaagye vinatalaa | saadhoochaa ankilaa haribhakta || Dnyaanadevaa godee sangatee sajjanee | hari dise janee vanee aatmatattvee || 6 ||
पर्वताप्रमाणें पातक करणें । वज्रलेप होणें अभक्तांसी ॥ नाहीं ज्यांसी भक्ति ते पतित अभक्त । हरीसी न भजत दैवहत ॥ अनंत वाचाळ बरळती बरळ । त्यां कैंचा दयाळ पावे हरी ॥ ज्ञानदेवा प्रमाण आत्मा हा निधान । सर्वांघटीं पूर्ण एक नांदे ॥ ७ ॥
Parvataapramaane paatak karane | vajralep hone abhaktaansee || Naahee jyaansee bhakti te patit abhakta | hareesee na bhajat daivahat || Anant vaachaal baralatee baral | tyaa kainchaa dayaal paave haree || Dnyaanadevaa pramaan aatmaa haa nidhaan | sarvaanghatee poorna ek naande || 7 ||
संतांचे संगती मनोमार्गगती । आकळावा श्रीपति येणें पंथें ॥ रामकृष्ण वाचा भाव हा जीवाचा । आत्मा जो शिवाचा राम जप ॥ एकतत्त्व नाम साधिती साधन । द्वैताचें बंधन न बाधिजे ॥ नामामृत गोडी वैष्णवां लाधली । योगियां साधली जीवनकळा ॥ सत्वर उच्चार प्रल्हादी बिंबला । उद्धवा लाधला कृष्णदाता ॥ ज्ञानदेव म्हणे नाम हें सुलभ । सर्वत्र दुर्लभ विरळा जाणे ॥ ८ ॥
Santaanche sangatee manomaargagatee | aakalaavaa shreepati yene panthe || Raamakrushna vaachaa bhaav haa jeevaachaa | aatmaa jo shivaachaa raam jap || Ekatattva naam saadhitee saadhan | dvaitaache bandhan na baadhije || Naamaamrut godee vaishnavaa laadhalee | yogiyaa saadhalee jeevanakalaa || Satvar uchchaar pralhaadee bimbalaa | uddhavaa laadhalaa krushnadaataa || Dnyaanadev mhane naam he sulabh | sarvatra durlabh viralaa jaane || 8 ||
विष्णुविण जप व्यर्थ त्याचें ज्ञान । रामकृष्णीं मन नाहीं ज्याचें ॥ उपजोनी करंटा नेणें अद्वय वाटा । रामकृष्णीं पैठा कैसेनि होय ॥ द्वैताची झाडणी गुरुविण ज्ञान । तया कैचें कीर्तन घडे नामीं ॥ ज्ञानदेव म्हणे सगुण हें ध्यान । नामपाठ मौन प्रपंचाचें ॥ ९ ॥
Vishnuvin jap vyartha tyaache dnyaan | raamakrushnee man naahee jyaache || Upajonee karantaa nene advay vaataa | raamakrushnee paithaa kaiseni hoy || Dvaitaachee jhaadanee guruvin dnyaan | tayaa kaiche keertan ghade naamee || Dnyaanadev mhane sagun he dhyaan | naamapaath maun prapanchaache || 9 ||
त्रिवेणीसंगमीं नाना तीर्थें भ्रमीं । चित्त नाहीं नामीं तरी ते व्यर्थ ॥ नामासी विन्मुख तो नर पापिया । हरीविण धांवया न पावे कोणी ॥ पुराणप्रसिद्ध बोलिले वाल्मिक । नामें तिन्ही लोक उद्धरती ॥ ज्ञानदेव म्हणे नाम जपा हरिचें । परंपरा त्याचें कुळ शुद्ध ॥ १० ॥
Triveneesangamee naanaa teerthe bhramee | chitta naahee naamee taree te vyartha || Naamaasee vinmukh to nar paapiyaa | hareevin dhaanvayaa na paave konee || Puraanaprasiddha bolile vaalmik | naame tinhee lok uddharatee || Dnyaanadev mhane naam japaa hariche | paramparaa tyaache kul shuddha || 10 ||
हरिउच्चारणीं अनंत पापराशी । जातील लयासी क्षणमात्रें ॥ तृण अग्निमेळें समरस झालें । तैसें नामें केलें जपता हरी ॥ हरिउच्चारण मंत्र पैं अगाध । पळे भूतबाधा भेणें तेथें ॥ ज्ञानदेव म्हणे हरि माझा समर्थ । न करवे अर्थ उपनिषदां ॥ ११ ॥
Hariuchchaaranee anant paaparaashee | jaateel layaasee kshanamaatre || Trun agnimele samaras jhaale | taise naame kele japataa haree || Hariuchchaaran mantra pai agaadh | pale bhootabaadhaa bhene tethe || Dnyaanadev mhane hari maajhaa samartha | na karave artha upanishadaa || 11 ||
तीर्थ व्रत नेम भावेवीण सिद्धी । वायांची उपाधी करिसी जनां ॥ भावबळें आकळे येऱ्हवीं नाकळे । करतळीं आंवळे तैसा हरी ॥ पारियाचा रवा घेतां भूमीवरी । यत्न परोपरी साधन तैसें ॥ ज्ञानदेव म्हणे निवृत्ति निर्गुण । दिधलें संपूर्ण माझे हातीं ॥ १२ ॥
Teertha vrat nem bhaaveveen siddhee | vaayaanchee upaadhee karisee janaa || Bhaavabale aakale yerhavee naakale | karatalee aanvale taisaa haree || Paariyaachaa ravaa ghetaa bhoomeevaree | yatna paroparee saadhan taise || Dnyaanadev mhane nivrutti nirgun | didhale sampoorna maajhe haatee || 12 ||
समाधि हरीची सम सुखेंवीण । न साधेल जाण द्वैतबुद्धि ॥ बुद्धीचें वैभव अन्य नाहीं दुजें । एका केशवराजे सकळ सिद्धि ॥ ऋद्धि सिद्धि निधि अवघीच उपाधी । जंव त्या परमानंदी मन नाहीं ॥ ज्ञानदेवीं रम्य रमलें समाधान । हरीचें चिंतन सर्वकाळ ॥ १३ ॥
Samaadhi hareechee sam sukhenveen | na saadhel jaan dvaitabuddhi || Buddheeche vaibhav anya naahee duje | ekaa keshavaraaje sakal siddhi || Ruddhi siddhi nidhi avagheech upaadhee | janv tyaa paramaanandee man naahee || Dnyaanadevee ramya ramale samaadhaan | hareeche chintan sarvakaal || 13 ||
नित्य सत्य मित हरिपाठ ज्यासी । कळिकाळ त्यासी न पाहे दृष्टी ॥ रामकृष्ण उच्चार अनंतराशी तप । पापाचे कळप पळती पुढें ॥ हरि हरि हरि मंत्र हा शिवाचा । म्हणती जे वाचा तया मोक्ष ॥ ज्ञानदेवा पाठ नारायण नाम । पाविजे उत्तम निज स्थान ॥ १४ ॥
Nitya satya mit haripaath jyaasee | kalikaal tyaasee na paahe drushtee || Raamakrushna uchchaar anantaraashee tap | paapaache kalap palatee pudhe || Hari hari hari mantra haa shivaachaa | mhanatee je vaachaa tayaa moksha || Dnyaanadevaa paath naaraayan naam | paavije uttam nij sthaan || 14 ||
एक नाम हरि द्वैतनाम दूरी । अद्वैत कुसरी विरळा जाणे ॥ समबुद्धि घेतां समान श्रीहरी । शमदमां वरी हरि झाला ॥ सर्वांघटी राम देहादेहीं एक । सूर्य प्रकाशक सहस्ररश्मी ॥ ज्ञानदेवा चित्तीं हरिपाठ नेमा । मागिलिया जन्मा मुक्त झालों ॥ १५ ॥
Ek naam hari dvaitanaam dooree | advait kusaree viralaa jaane || Samabuddhi ghetaa samaan shreeharee | shamadamaa varee hari jhaalaa || Sarvaanghatee raam dehaadehee ek | soorya prakaashak sahasrarashmee || Dnyaanadevaa chittee haripaath nemaa | maagiliyaa janmaa mukta jhaalo || 15 ||
हरिनाम जपे तो नर दुर्लभ । वाचेसी सुलभ राम कृष्ण ॥ राम कृष्ण नामीं उन्मनी साधली । तयासी लाधली सकळ सिद्धि ॥ सिद्धि बुद्धि धर्म हरिपाठीं आले । प्रपंची निवाले साधुसंगे ॥ ज्ञानदेवीं नाम रामकृष्ण ठसा । येणें दशदिशा आत्माराम ॥ १६ ॥
Harinaam jape to nar durlabh | vaachesee sulabh raam krushna || Raam krushna naamee unmanee saadhalee | tayaasee laadhalee sakal siddhi || Siddhi buddhi dharma haripaathee aale | prapanchee nivaale saadhusange || Dnyaanadevee naam raamakrushna thasaa | yene dashadishaa aatmaaraam || 16 ||
हरिपाठकीर्ति मुखें जरी गाय । पवित्रचि होय देह त्याचा ॥ तपाचे सामर्थ्ये तपिन्नला अमूप । चिरंजीव कल्प वैकुंठीं नांदे ॥ मातृपितृभ्राता सगोत्र अपार । चतुर्भुज नर होऊनि ठेले ॥ ज्ञान गूढगम्य ज्ञानदेवा लाधलें । निवृत्तीनें दिधलें माझें हातीं ॥ १७ ॥
Haripaathakeerti mukhe jaree gaay | pavitrachi hoy deh tyaachaa || Tapaache saamarthye tapinnalaa amoop | chiranjeev kalpa vaikunthee naande || Maatrupitrubhraataa sagotra apaar | chaturbhuj nar hoooni thele || Dnyaan goodhagamya dnyaanadevaa laadhale | nivrutteene didhale maajhe haatee || 17 ||
हरिवंशपुराण हरिनाम संकीर्तन । हरिविण सौजन्य नेणें कांहीं ॥ त्या नरा लाधलें वैकुंठ जोडलें । सकळही घडलें तीर्थाटन ॥ मनोमार्गें गेला तो तेथें मुकला । हरिपाठीं स्थिरावला तोचि धन्य ॥ ज्ञानदेवा गोडी हरिनामाची जोडी । रामकृष्णी आवडी सर्वकाळ ॥ १८ ॥
Harivanshapuraan harinaam sankeertan | harivin saujanya nene kaanhee || Tyaa naraa laadhale vaikunth jodale | sakalahee ghadale teerthaatan || Manomaarge gelaa to tethe mukalaa | haripaathee sthiraavalaa tochi dhanya || Dnyaanadevaa godee harinaamaachee jodee | raamakrushnee aavadee sarvakaal || 18 ||
नामसंकीर्तन वैष्णवांची जोडी । पापें अनंत कोटी गेलीं त्यांची ॥ अनंत जन्मांचें तप एक नाम । सर्व मार्ग सुगम हरिपाठ ॥ योग याग क्रिया धर्माधर्म माया । गेले ते विलया हरिपाठी ॥ ज्ञानदेवी यज्ञयाग क्रिया धर्म । हरीविण नेम नाहीं दुजा ॥ १९ ॥
Naamasankeertan vaishnavaanchee jodee | paape anant kotee gelee tyaanchee || Anant janmaanche tap ek naam | sarva maarga sugam haripaath || Yog yaag kriyaa dharmaadharma maayaa | gele te vilayaa haripaathee || Dnyaanadevee yadnyayaag kriyaa dharma | hareevin nem naahee dujaa || 19 ||
वेदशास्त्रपुराण श्रुतीचें वचन । एक नारायण सार जप ॥ जप तप कर्म हरीविण धर्म । वाउगाचि श्रम व्यर्थ जाय ॥ हरिपाठीं गेले ते निवांतचि ठेले । भ्रमर गुंतले सुमनकळिके ॥ ज्ञानदेवीं मंत्र हरिनामाचें शस्त्र । यमें कुळगोत्र वर्जियेलें ॥ २० ॥
Vedashaastrapuraan shruteeche vachan | ek naaraayan saar jap || Jap tap karma hareevin dharma | vaaugaachi shram vyartha jaay || Haripaathee gele te nivaantachi thele | bhramar guntale sumanakalike || Dnyaanadevee mantra harinaamaache shastra | yame kulagotra varjiyele || 20 ||
काळ वेळ नाम उच्चारितां नाहीं । दोन्ही पक्ष पाहीं उद्धरती ॥ रामकृष्ण नाम सर्व दोषां हरण । जडजीवां तारण हरि एक ॥ हरिनाम सार जिव्हा या नामाची । उपमा त्या देवाची कोण वानी ॥ ज्ञानदेवा सांग झाला हरिपाठ । पूर्वजां वैकुंठ मार्ग सोपा ॥ २१ ॥
Kaal vel naam uchchaaritaa naahee | donhee paksha paahee uddharatee || Raamakrushna naam sarva doshaa haran | jadajeevaa taaran hari ek || Harinaam saar jivhaa yaa naamaachee | upamaa tyaa devaachee kon vaanee || Dnyaanadevaa saang jhaalaa haripaath | poorvajaa vaikunth maarga sopaa || 21 ||
नित्यनेम नामीं ते प्राणी दुर्लभ । लक्ष्मीवल्लभ तयां जवळी ॥ नारायण हरी नारायण हरी । भुक्ति मुक्ति चारी घरीं त्यांच्या ॥ हरिविण जन्म तो नरकचि पैं जाणा । यमाचा पाहुणा प्राणी होय ॥ ज्ञानदेव पुसे निवृत्तिसी चाड । गगनाहूनि वाड नाम आहे ॥ २२ ॥
Nityanem naamee te praanee durlabh | lakshmeevallabh tayaa javalee || Naaraayan haree naaraayan haree | bhukti mukti chaaree gharee tyaanchyaa || Harivin janma to narakachi pai jaanaa | yamaachaa paahunaa praanee hoy || Dnyaanadev puse nivruttisee chaad | gaganaahooni vaad naam aahe || 22 ||
सात पांच तीन दशकांचा मेळा । एक तत्त्वी कळा दावी हरी ॥ तैसें नव्हे नाम सर्वत्र वरिष्ठ । तेथें कांहीं कष्ट न लागती ॥ अजपा जपणें उलट प्राणाचा । तेथेंही मनाचा निर्धार असे ॥ ज्ञानदेवा जिणें नामेंविण व्यर्थ । रामकृष्णीं पंथ क्रमियेला ॥ २३ ॥
Saat paanch teen dashakaanchaa melaa | ek tattvee kalaa daavee haree || Taise navhe naam sarvatra varishtha | tethe kaanhee kashta na laagatee || Ajapaa japane ulat praanaachaa | tethenhee manaachaa nirdhaar ase || Dnyaanadevaa jine naamenvin vyartha | raamakrushnee panth kramiyelaa || 23 ||
जप तप कर्म क्रिया नेम धर्म । सर्वांघटीं राम भाव शुद्ध ॥ न सोडी हा भावो टाकी रे संदेहो । रामकृष्ण टाहो नित्य फोडी ॥ जाति वित्त गोत कुळ शीळ मात । भजकां त्वरित भावनायुक्त ॥ ज्ञानदेवा ध्यानीं रामकृष्ण मनीं । वैकुंठभुवनीं घर केलें ॥ २४ ॥
Jap tap karma kriyaa nem dharma | sarvaanghatee raam bhaav shuddha || Na sodee haa bhaavo taakee re sandeho | raamakrushna taaho nitya phodee || Jaati vitta got kul sheel maat | bhajakaa tvarit bhaavanaayukta || Dnyaanadevaa dhyaanee raamakrushna manee | vaikunthabhuvanee ghar kele || 24 ||
जाणीव नेणीव भगवंतीं नाही ।न् । हरिउच्चारणी पाही मोक्ष सदा ॥ नारायण हरी उच्चार नामाचा । तेथें कळिकाळाचा रीघ नाहीं ॥ तेथील प्रमाण नेणवे वेदांसी । तें जीवजंतूंसीं केवीं कळे ॥ ज्ञानदेवा फळ नारायण पाठ । सर्वत्र वैकुंठ केलें असे ॥ २५ ॥
Jaaneev neneev bhagavantee naahee |n | hariuchchaaranee paahee moksha sadaa || Naaraayan haree uchchaar naamaachaa | tethe kalikaalaachaa reegh naahee || Tetheel pramaan nenave vedaansee | te jeevajantoonsee kevee kale || Dnyaanadevaa phal naaraayan paath | sarvatra vaikunth kele ase || 25 ||
एक तत्त्व नाम दृढ धरीं मना । हरीसी करुणा येईल तुझी ॥ तें नाम सोपें रे रामकृष्ण गोविंद । वाचेसी सद्गद जपे आधीं ॥ नामापरतें तत्त्व नाहीं रे अन्यथा । वायां आणि पंथा जाशी झणी ॥ ज्ञानदेवा मौन जपमाळ अंतरी । धरोनी श्रीहरी जपे सदा ॥ २६ ॥
Ek tattva naam drudh dharee manaa | hareesee karunaa yeeel tujhee || Te naam sope re raamakrushna govind | vaachesee sadgad jape aadhee || Naamaaparate tattva naahee re anyathaa | vaayaa aani panthaa jaashee jhanee || Dnyaanadevaa maun japamaal antaree | dharonee shreeharee jape sadaa || 26 ||
सर्व सुख गोडी साही शास्त्रें निवडी । रिकामा अर्धघडी राहूं नको ॥ लटिका व्यवहार सर्व हा संसार । वायां येरझार हरीविण ॥ नाममंत्र जप कोटी जाईल पाप । रामकृष्णीं संकल्प धरूनी राहे ॥ निजवृत्ति हे काढी सर्व माया तोडी । इंद्रियांसवडी लपूं नको ॥ तीर्थीं व्रतीं भाव धरीं रे करुणा । शांति दया पाहुणा हरि करीं ॥ ज्ञानदेवा प्रमाण निवृत्तिदेवीं ज्ञान । समाधि संजीवन हरिपाठ ॥ २७ ॥
Sarva sukh godee saahee shaastre nivadee | rikaamaa ardhaghadee raahoo nako || Latikaa vyavahaar sarva haa sansaar | vaayaa yerajhaar hareevin || Naamamantra jap kotee jaaeel paap | raamakrushnee sankalpa dharoonee raahe || Nijavrutti he kaadhee sarva maayaa todee | indriyaansavadee lapoo nako || Teerthee vratee bhaav dharee re karunaa | shaanti dayaa paahunaa hari karee || Dnyaanadevaa pramaan nivruttidevee dnyaan | samaadhi sanjeevan haripaath || 27 ||
अभंग हरिपाठ असती अठ्ठावीस । रचिले विश्वासें ज्ञानदेवें ॥ नित्य पाठ करी इंद्रायणीतीरीं । होय अधिकारी सर्वथा तो ॥ असावें एकाग्रीं स्वस्थ चित्त मन । उल्हासें करून स्मरण जीवी ॥ अंतकाळीं तैसा संकटाचें वेळीं । हरि तया सांभाळी अंतर्बाह्य ॥ संतसज्जनानीं घेतली प्रचीती । आळशी मंदमती केवीं तरें ॥ श्रीगुरु निवृत्ति वचन प्रेमळ । तोषला तात्काळ ज्ञानदेव ॥ २८ ॥
Abhang haripaath asatee aththaavees | rachile vishvaase dnyaanadeve || Nitya paath karee indraayaneeteeree | hoy adhikaaree sarvathaa to || Asaave ekaagree svastha chitta man | ulhaase karoon smaran jeevee || Antakaalee taisaa sankataache velee | hari tayaa saambhaalee antarbaahya || Santasajjanaanee ghetalee pracheetee | aalashee mandamatee kevee tare || Shreeguru nivrutti vachan premal | toshalaa taatkaal dnyaanadev || 28 ||
कोणाचें हें घर हा देह कोणाचा । आत्माराम त्याचा तोचि जाणे ॥ मी तूं हा विचार विवेक शोधावा । गोविंदा माधवा याच देहीं ॥ देहीं ध्याता ध्यान त्रिपुटीवेगळा । सहस्र दळीं उगवला सूर्य जैसा ॥ ज्ञानदेव म्हणे नयनाची ज्योती । या नावें रूपें तुम्ही जाणा ॥ २९ ॥
Konaache he ghar haa deh konaachaa | aatmaaraam tyaachaa tochi jaane || Mee too haa vichaar vivek shodhaavaa | govindaa maadhavaa yaach dehee || Dehee dhyaataa dhyaan triputeevegalaa | sahasra dalee ugavalaa soorya jaisaa || Dnyaanadev mhane nayanaachee jyotee | yaa naave roope tumhee jaanaa || 29 ||