{"id":"hanuman-chalisa","code":"7n","title":{"dev":"श्रीहनुमान चालीसा","rom":"Shri Hanuman Chalisa"},"type":"chalisa","typeLabel":"Chalisa","language":"awa","languageName":"Awadhi","deity":["hanuman"],"aliases":["Hanuman Chalisa","Jai Hanuman Gyan Gun Sagar"],"verses":40,"sections":[{"kind":"heading","dev":"दोहा","rom":"Dohaa"},{"kind":"prose","dev":"श्रीगुरु चरन सरोज रज निज मनु मुकुरु सुधारि ।\nबरनउँ रघुबर बिमल जसु जो दायकु फल चारि ॥","rom":"Shreeguru charan saroj raj nij manu mukuru sudhaari |\nBaranaum raghubar bimal jasu jo daayaku phal chaari ||"},{"kind":"prose","dev":"बुद्धिहीन तनु जानिके, सुमिरौं पवन-कुमार ।\nबल बुद्धि बिद्या देहु मोहिं, हरहु कलेस बिकार ॥","rom":"Buddhiheen tanu jaanike, sumirau pavan-kumaar |\nBal buddhi bidyaa dehu mohi, harahu kales bikaar ||"},{"kind":"heading","dev":"चौपाई","rom":"Chaupaaee"},{"kind":"verse","n":1,"dev":"जय हनुमान ज्ञान गुन सागर ।\nजय कपीस तिहुँ लोक उजागर ॥ १ ॥","rom":"Jay hanumaan gyaan gun saagar |\nJay kapees tihu lok ujaagar || 1 ||"},{"kind":"verse","n":2,"dev":"राम दूत अतुलित बल धामा ।\nअंजनि-पुत्र पवनसुत नामा ॥ २ ॥","rom":"Raam doot atulit bal dhaamaa |\nAnjani-putra pavanasut naamaa || 2 ||"},{"kind":"verse","n":3,"dev":"महाबीर बिक्रम बजरंगी ।\nकुमति निवार सुमति के संगी ॥ ३ ॥","rom":"Mahaabeer bikram bajarangee |\nKumati nivaar sumati ke sangee || 3 ||"},{"kind":"verse","n":4,"dev":"कंचन बरन बिराज सुबेसा ।\nकानन कुंडल कुंचित केसा ॥ ४ ॥","rom":"Kanchan baran biraaj subesaa |\nKaanan kundal kunchit kesaa || 4 ||"},{"kind":"verse","n":5,"dev":"हाथ बज्र औ ध्वजा बिराजै ।\nकाँधे मूँज जनेऊ साजै ॥ ५ ॥","rom":"Haath bajra au dhvajaa biraajai |\nKaandhe moonj janeoo saajai || 5 ||"},{"kind":"verse","n":6,"dev":"संकर सुवन केसरीनंदन ।\nतेज प्रताप महा जग बंदन ॥ ६ ॥","rom":"Sankar suvan kesareenandan |\nTej prataap mahaa jag bandan || 6 ||"},{"kind":"verse","n":7,"dev":"बिद्यावान गुनी अति चातुर ।\nराम काज करिबे को आतुर ॥ ७ ॥","rom":"Bidyaavaan gunee ati chaatur |\nRaam kaaj karibe ko aatur || 7 ||"},{"kind":"verse","n":8,"dev":"प्रभु चरित्र सुनिबे को रसिया ।\nराम लखन सीता मन बसिया ॥ ८ ॥","rom":"Prabhu charitra sunibe ko rasiyaa |\nRaam lakhan seetaa man basiyaa || 8 ||"},{"kind":"verse","n":9,"dev":"सूक्ष्म रूप धरि सियहिं दिखावा ।\nबिकट रूप धरि लंक जरावा ॥ ९ ॥","rom":"Sookshma roop dhari siyahi dikhaavaa |\nBikat roop dhari lank jaraavaa || 9 ||"},{"kind":"verse","n":10,"dev":"भीम रूप धरि असुर सँहारे ।\nरामचंद्र के काज सँवारे ॥ १० ॥","rom":"Bheem roop dhari asur sanhaare |\nRaamachandra ke kaaj sanvaare || 10 ||"},{"kind":"verse","n":11,"dev":"लाय सजीवन लखन जियाये ।\nश्रीरघुबीर हरषि उर लाये ॥ ११ ॥","rom":"Laay sajeevan lakhan jiyaaye |\nShreeraghubeer harashi ur laaye || 11 ||"},{"kind":"verse","n":12,"dev":"रघुपति कीन्ही बहुत बड़ाई ।\nतुम मम प्रिय भरतहि सम भाई ॥ १२ ॥","rom":"Raghupati keenhee bahut baraaee |\nTum mam priy bharatahi sam bhaaee || 12 ||"},{"kind":"verse","n":13,"dev":"सहस बदन तुम्हरो जस गावैं ।\nअस कहि श्रीपति कंठ लगावैं ॥ १३ ॥","rom":"Sahas badan tumharo jas gaavai |\nAs kahi shreepati kanth lagaavai || 13 ||"},{"kind":"verse","n":14,"dev":"सनकादिक ब्रह्मादि मुनीसा ।\nनारद सारद सहित अहीसा ॥ १४ ॥","rom":"Sanakaadik brahmaadi muneesaa |\nNaarad saarad sahit aheesaa || 14 ||"},{"kind":"verse","n":15,"dev":"जम कुबेर दिगपाल जहाँ ते ।\nकबि कोबिद कहि सके कहाँ ते ॥ १५ ॥","rom":"Jam kuber digapaal jahaa te |\nKabi kobid kahi sake kahaa te || 15 ||"},{"kind":"verse","n":16,"dev":"तुम उपकार सुग्रीवहिं कीन्हा ।\nराम मिलाय राज पद दीन्हा ॥ १६ ॥","rom":"Tum upakaar sugreevahi keenhaa |\nRaam milaay raaj pad deenhaa || 16 ||"},{"kind":"verse","n":17,"dev":"तुम्हरो मन्त्र बिभीषन माना ।\nलंकेस्वर भए सब जग जाना ॥ १७ ॥","rom":"Tumharo mantra bibheeshan maanaa |\nLankesvar bhae sab jag jaanaa || 17 ||"},{"kind":"verse","n":18,"dev":"जुग सहस्र जोजन पर भानू ।\nलील्यो ताहि मधुर फल जानू ॥ १८ ॥","rom":"Jug sahasra jojan par bhaanoo |\nLeelyo taahi madhur phal jaanoo || 18 ||"},{"kind":"verse","n":19,"dev":"प्रभु मुद्रिका मेलि मुख माहीं ।\nजलधि लाँघि गये अचरज नाहीं ॥ १९ ॥","rom":"Prabhu mudrikaa meli mukh maahee |\nJaladhi laanghi gaye acharaj naahee || 19 ||"},{"kind":"verse","n":20,"dev":"दुर्गम काज जगत के जेते ।\nसुगम अनुग्रह तुम्हरे तेते ॥ २० ॥","rom":"Durgam kaaj jagat ke jete |\nSugam anugrah tumhare tete || 20 ||"},{"kind":"verse","n":21,"dev":"राम दुआरे तुम रखवारे ।\nहोत न आज्ञा बिनु पैसारे ॥ २१ ॥","rom":"Raam duaare tum rakhavaare |\nHot na aagyaa binu paisaare || 21 ||"},{"kind":"verse","n":22,"dev":"सब सुख लहै तुम्हारी सरना ।\nतुम रच्छक काहू को डर ना ॥ २२ ॥","rom":"Sab sukh lahai tumhaaree saranaa |\nTum rachchhak kaahoo ko dar naa || 22 ||"},{"kind":"verse","n":23,"dev":"आपन तेज सम्हारो आपै ।\nतीनों लोक हाँक तें काँपै ॥ २३ ॥","rom":"Aapan tej samhaaro aapai |\nTeeno lok haank te kaampai || 23 ||"},{"kind":"verse","n":24,"dev":"भूत पिसाच निकट नहिं आवै ।\nमहाबीर जब नाम सुनावै ॥ २४ ॥","rom":"Bhoot pisaach nikat nahi aavai |\nMahaabeer jab naam sunaavai || 24 ||"},{"kind":"verse","n":25,"dev":"नासै रोग हरै सब पीरा ।\nजपत निरंतर हनुमत बीरा ॥ २५ ॥","rom":"Naasai rog harai sab peeraa |\nJapat nirantar hanumat beeraa || 25 ||"},{"kind":"verse","n":26,"dev":"संकट तें हनुमान छुड़ावै ।\nमन क्रम बचन ध्यान जो लावै ॥ २६ ॥","rom":"Sankat te hanumaan chhuraavai |\nMan kram bachan dhyaan jo laavai || 26 ||"},{"kind":"verse","n":27,"dev":"सब पर राम तपस्वी राजा ।\nतिन के काज सकल तुम साजा ॥ २७ ॥","rom":"Sab par raam tapasvee raajaa |\nTin ke kaaj sakal tum saajaa || 27 ||"},{"kind":"verse","n":28,"dev":"और मनोरथ जो कोई लावै ।\nसोइ अमित जीवन फल पावै ॥ २८ ॥","rom":"Aur manorath jo koee laavai |\nSoi amit jeevan phal paavai || 28 ||"},{"kind":"verse","n":29,"dev":"चारों जुग परताप तुम्हारा ।\nहै परसिद्ध जगत उजियारा ॥ २९ ॥","rom":"Chaaro jug parataap tumhaaraa |\nHai parasiddha jagat ujiyaaraa || 29 ||"},{"kind":"verse","n":30,"dev":"साधु संत के तुम रखवारे ।\nअसुर निकंदन राम दुलारे ॥ ३० ॥","rom":"Saadhu sant ke tum rakhavaare |\nAsur nikandan raam dulaare || 30 ||"},{"kind":"verse","n":31,"dev":"अष्ट सिद्धि नौ निधि के दाता ।\nअस बर दीन जानकी माता ॥ ३१ ॥","rom":"Ashta siddhi nau nidhi ke daataa |\nAs bar deen jaanakee maataa || 31 ||"},{"kind":"verse","n":32,"dev":"राम रसायन तुम्हरे पासा ।\nसदा रहो रघुपति के दासा ॥ ३२ ॥","rom":"Raam rasaayan tumhare paasaa |\nSadaa raho raghupati ke daasaa || 32 ||"},{"kind":"verse","n":33,"dev":"तुम्हरे भजन राम को पावै ।\nजनम जनम के दुख बिसरावै ॥ ३३ ॥","rom":"Tumhare bhajan raam ko paavai |\nJanam janam ke dukh bisaraavai || 33 ||"},{"kind":"verse","n":34,"dev":"अंत काल रघुबर पुर जाई ।\nजहाँ जन्म हरि-भक्त कहाई ॥ ३४ ॥","rom":"Ant kaal raghubar pur jaaee |\nJahaa janma hari-bhakta kahaaee || 34 ||"},{"kind":"verse","n":35,"dev":"और देवता चित्त न धरई ।\nहनुमत सेइ सर्ब सुख करई ॥ ३५ ॥","rom":"Aur devataa chitta na dharaee |\nHanumat sei sarba sukh karaee || 35 ||"},{"kind":"verse","n":36,"dev":"संकट कटै मिटै सब पीरा ।\nजो सुमिरै हनुमत बलबीरा ॥ ३६ ॥","rom":"Sankat katai mitai sab peeraa |\nJo sumirai hanumat balabeeraa || 36 ||"},{"kind":"verse","n":37,"dev":"जै जै जै हनुमान गोसाईं ।\nकृपा करहु गुरु देव की नाईं ॥ ३७ ॥","rom":"Jai jai jai hanumaan gosaaeem |\nKrupaa karahu guru dev kee naaeem || 37 ||"},{"kind":"verse","n":38,"dev":"जो सत बार पाठ कर कोई ।\nछूटहि बंदि महा सुख होई ॥ ३८ ॥","rom":"Jo sat baar paath kar koee |\nChhootahi bandi mahaa sukh hoee || 38 ||"},{"kind":"verse","n":39,"dev":"जो यह पढ़ै हनुमान चलीसा ।\nहोय सिद्धि साखी गौरीसा ॥ ३९ ॥","rom":"Jo yah parhai hanumaan chaleesaa |\nHoy siddhi saakhee gaureesaa || 39 ||"},{"kind":"verse","n":40,"dev":"तुलसीदास सदा हरि चेरा ।\nकीजै नाथ हृदय महँ डेरा ॥ ४० ॥","rom":"Tulaseedaas sadaa hari cheraa |\nKeejai naath hruday maham deraa || 40 ||"},{"kind":"heading","dev":"दोहा","rom":"Dohaa"},{"kind":"prose","dev":"पवनतनय संकट हरन, मंगल मूरति रूप ।\nराम लखन सीता सहित, हृदय बसहु सुर भूप ॥","rom":"Pavanatanay sankat haran, mangal moorati roop |\nRaam lakhan seetaa sahit, hruday basahu sur bhoop ||"}],"verified":false,"url":"https://pocketpothi.com/texts/hanuman-chalisa","appUrl":"https://pocketpothi.com/read?t=hanuman-chalisa","shareUrl":"https://pocketpothi.com/p/7n"}