{"id":"guru-stotram","code":"b8","title":{"dev":"गुरुस्तोत्रम्","rom":"Guru Stotram"},"type":"stotra","typeLabel":"Stotra","language":"sa","languageName":"Sanskrit","deity":["guru"],"aliases":["Akhanda Mandalakaram"],"verses":14,"sections":[{"kind":"verse","n":1,"dev":"अखण्डमण्डलाकारं व्याप्तं येन चराचरम् ।\nतत्पदं दर्शितं येन तस्मै श्रीगुरवे नमः ॥ १ ॥","rom":"Akhandamandalaakaaram vyaaptam yena charaacharam |\nTatpadam darshitam yena tasmai shreegurave namah || 1 ||"},{"kind":"verse","n":2,"dev":"अज्ञानतिमिरान्धस्य ज्ञानाञ्जनशलाकया ।\nचक्षुरुन्मीलितं येन तस्मै श्रीगुरवे नमः ॥ २ ॥","rom":"Ajnaanatimiraandhasya jnaanaanjanashalaakayaa |\nChakshurunmeelitam yena tasmai shreegurave namah || 2 ||"},{"kind":"verse","n":3,"dev":"गुरुर्ब्रह्मा गुरुर्विष्णुः गुरुर्देवो महेश्वरः ।\nगुरुरेव परं ब्रह्म तस्मै श्रीगुरवे नमः ॥ ३ ॥","rom":"Gururbrahmaa gururvishnuh gururdevo maheshvarah |\nGurureva param brahma tasmai shreegurave namah || 3 ||"},{"kind":"verse","n":4,"dev":"स्थावरं जङ्गमं व्याप्तं यत्किञ्चित्सचराचरम् ।\nतत्पदं दर्शितं येन तस्मै श्रीगुरवे नमः ॥ ४ ॥","rom":"Sthaavaram jangamam vyaaptam yatkinchitsacharaacharam |\nTatpadam darshitam yena tasmai shreegurave namah || 4 ||"},{"kind":"verse","n":5,"dev":"चिन्मयं व्यापि यत्सर्वं त्रैलोक्यं सचराचरम् ।\nतत्पदं दर्शितं येन तस्मै श्रीगुरवे नमः ॥ ५ ॥","rom":"Chinmayam vyaapi yatsarvam trailokyam sacharaacharam |\nTatpadam darshitam yena tasmai shreegurave namah || 5 ||"},{"kind":"verse","n":6,"dev":"सर्वश्रुतिशिरोरत्नविराजितपदाम्बुजः ।\nवेदान्ताम्बुजसूर्यो यः तस्मै श्रीगुरवे नमः ॥ ६ ॥","rom":"Sarvashrutishiroratnaviraajitapadaambujah |\nVedaantaambujasooryo yah tasmai shreegurave namah || 6 ||"},{"kind":"verse","n":7,"dev":"चैतन्यः शाश्वतः शान्तः व्योमातीतो निरञ्जनः ।\nबिन्दुनादकलातीतः तस्मै श्रीगुरवे नमः ॥ ७ ॥","rom":"Chaitanyah shaashvatah shaantah vyomaateeto niranjanah |\nBindunaadakalaateetah tasmai shreegurave namah || 7 ||"},{"kind":"verse","n":8,"dev":"ज्ञानशक्तिसमारूढः तत्त्वमालाविभूषितः ।\nभुक्तिमुक्तिप्रदाता च तस्मै श्रीगुरवे नमः ॥ ८ ॥","rom":"Jnaanashaktisamaaroodhah tattvamaalaavibhooshitah |\nBhuktimuktipradaataa cha tasmai shreegurave namah || 8 ||"},{"kind":"verse","n":9,"dev":"अनेकजन्मसम्प्राप्तकर्मबन्धविदाहिने ।\nआत्मज्ञानप्रदानेन तस्मै श्रीगुरवे नमः ॥ ९ ॥","rom":"Anekajanmasampraaptakarmabandhavidaahine |\nAatmajnaanapradaanena tasmai shreegurave namah || 9 ||"},{"kind":"verse","n":10,"dev":"शोषणं भवसिन्धोश्च ज्ञापनं सारसम्पदः ।\nगुरोः पादोदकं सम्यक् तस्मै श्रीगुरवे नमः ॥ १० ॥","rom":"Shoshanam bhavasindhoshcha jnaapanam saarasampadah |\nGuroh paadodakam samyak tasmai shreegurave namah || 10 ||"},{"kind":"verse","n":11,"dev":"न गुरोरधिकं तत्त्वं न गुरोरधिकं तपः ।\nतत्त्वज्ञानात् परं नास्ति तस्मै श्रीगुरवे नमः ॥ ११ ॥","rom":"Na guroradhikam tattvam na guroradhikam tapah |\nTattvajnaanaat param naasti tasmai shreegurave namah || 11 ||"},{"kind":"verse","n":12,"dev":"मन्नाथः श्रीजगन्नाथः मद्गुरुः श्रीजगद्गुरुः ।\nमदात्मा सर्वभूतात्मा तस्मै श्रीगुरवे नमः ॥ १२ ॥","rom":"Mannaathah shreejagannaathah madguruh shreejagadguruh |\nMadaatmaa sarvabhootaatmaa tasmai shreegurave namah || 12 ||"},{"kind":"verse","n":13,"dev":"गुरुरादिरनादिश्च गुरुः परमदैवतम् ।\nगुरोः परतरं नास्ति तस्मै श्रीगुरवे नमः ॥ १३ ॥","rom":"Gururaadiranaadishcha guruh paramadaivatam |\nGuroh parataram naasti tasmai shreegurave namah || 13 ||"},{"kind":"verse","n":14,"dev":"त्वमेव माता च पिता त्वमेव । त्वमेव बन्धुश्च सखा त्वमेव ।\nत्वमेव विद्या द्रविणं त्वमेव । त्वमेव सर्वं मम देवदेव ॥ १४ ॥","rom":"Tvameva maataa cha pitaa tvameva | tvameva bandhushcha sakhaa tvameva |\nTvameva vidyaa dravinam tvameva | tvameva sarvam mama devadeva || 14 ||"}],"verified":true,"url":"https://pocketpothi.com/texts/guru-stotram","appUrl":"https://pocketpothi.com/read?t=guru-stotram","shareUrl":"https://pocketpothi.com/p/b8"}