{"id":"gita-dhyanam","code":"6c","title":{"dev":"गीताध्यानम्","rom":"Gita Dhyanam"},"type":"shloka","typeLabel":"Shloka","language":"sa","languageName":"Sanskrit","deity":["krishna"],"aliases":["Parthaya Pratibodhitam","Gita Dhyana Shlokas"],"verses":9,"sections":[{"kind":"verse","n":1,"dev":"ॐ पार्थाय प्रतिबोधितां भगवता नारायणेन स्वयं\nव्यासेन ग्रथितां पुराणमुनिना मध्ये महाभारते ।\nअद्वैतामृतवर्षिणीं भगवतीमष्टादशाध्यायिनीं\nअम्ब त्वामनुसन्दधामि भगवद्गीते भवद्वेषिणीम् ॥ १ ॥","rom":"Om paarthaaya pratibodhitaam bhagavataa naaraayanena svayam\nVyaasena grathitaam puraanamuninaa madhye mahaabhaarate |\nAdvaitaamrutavarshineem bhagavateemashtaadashaadhyaayineem\nAmba tvaamanusandadhaami bhagavadgeete bhavadveshineem || 1 ||"},{"kind":"verse","n":2,"dev":"नमोऽस्तु ते व्यास विशालबुद्धे\nफुल्लारविन्दायतपत्रनेत्र ।\nयेन त्वया भारततैलपूर्णः\nप्रज्वालितो ज्ञानमयः प्रदीपः ॥ २ ॥","rom":"Namo'stu te vyaasa vishaalabuddhe\nPhullaaravindaayatapatranetra |\nYena tvayaa bhaaratatailapoornah\nPrajvaalito jnaanamayah pradeepah || 2 ||"},{"kind":"verse","n":3,"dev":"प्रपन्नपारिजाताय तोत्रवेत्रैकपाणये ।\nज्ञानमुद्राय कृष्णाय गीतामृतदुहे नमः ॥ ३ ॥","rom":"Prapannapaarijaataaya totravetraikapaanaye |\nJnaanamudraaya krushnaaya geetaamrutaduhe namah || 3 ||"},{"kind":"verse","n":4,"dev":"सर्वोपनिषदो गावो दोग्धा गोपालनन्दनः ।\nपार्थो वत्सः सुधीर्भोक्ता दुग्धं गीतामृतं महत् ॥ ४ ॥","rom":"Sarvopanishado gaavo dogdhaa gopaalanandanah |\nPaartho vatsah sudheerbhoktaa dugdham geetaamrutam mahat || 4 ||"},{"kind":"verse","n":5,"dev":"वसुदेवसुतं देवं कंसचाणूरमर्दनम् ।\nदेवकी परमानन्दं कृष्णं वन्दे जगद्गुरुम् ॥ ५ ॥","rom":"Vasudevasutam devam kansachaanooramardanam |\nDevakee paramaanandam krushnam vande jagadgurum || 5 ||"},{"kind":"verse","n":6,"dev":"भीष्मद्रोणतटा जयद्रथजला गान्धारनीलोत्पला\nशल्यग्राहवती कृपेण वहनी कर्णेन वेलाकुला ।\nअश्वत्थामविकर्णघोरमकरा दुर्योधनावर्तिनी\nसोत्तीर्णा खलु पाण्डवैः रणनदी कैवर्तकः केशवः ॥ ६ ॥","rom":"Bheeshmadronatataa jayadrathajalaa gaandhaaraneelotpalaa\nShalyagraahavatee krupena vahanee karnena velaakulaa |\nAshvatthaamavikarnaghoramakaraa duryodhanaavartinee\nSotteernaa khalu paandavaih rananadee kaivartakah keshavah || 6 ||"},{"kind":"verse","n":7,"dev":"पाराशर्यवचः सरोजममलं गीतार्थगन्धोत्कटं\nनानाख्यानककेसरं हरिकथासम्बोधनाबोधितम् ।\nलोके सज्जनषट्पदैरहरहः पेपीयमानं मुदा\nभूयाद्भारतपङ्कजं कलिमलप्रध्वंसिनः श्रेयसे ॥ ७ ॥","rom":"Paaraasharyavachah sarojamamalam geetaarthagandhotkatam\nNaanaakhyaanakakesaram harikathaasambodhanaabodhitam |\nLoke sajjanashatpadairaharahah pepeeyamaanam mudaa\nBhooyaadbhaaratapankajam kalimalapradhvansinah shreyase || 7 ||"},{"kind":"verse","n":8,"dev":"मूकं करोति वाचालं पङ्गुं लङ्घयते गिरिम् ।\nयत्कृपा तमहं वन्दे परमानन्दमाधवम् ॥ ८ ॥","rom":"Mookam karoti vaachaalam pangum langhayate girim |\nYatkrupaa tamaham vande paramaanandamaadhavam || 8 ||"},{"kind":"verse","n":9,"dev":"यं ब्रह्मा वरुणेन्द्ररुद्रमरुतः स्तुन्वन्ति दिव्यैः स्तवै-\n-र्वेदैः साङ्गपदक्रमोपनिषदैर्गायन्ति यं सामगाः ।\nध्यानावस्थिततद्गतेन मनसा पश्यन्ति यं योगिनो\nयस्यान्तं न विदुः सुरासुरगणा देवाय तस्मै नमः ॥ ९ ॥","rom":"Yam brahmaa varunendrarudramarutah stunvanti divyaih stavai-\n-rvedaih saangapadakramopanishadairgaayanti yam saamagaah |\nDhyaanaavasthitatadgatena manasaa pashyanti yam yogino\nYasyaantam na viduh suraasuraganaa devaaya tasmai namah || 9 ||"}],"verified":false,"url":"https://pocketpothi.com/texts/gita-dhyanam","appUrl":"https://pocketpothi.com/read?t=gita-dhyanam","shareUrl":"https://pocketpothi.com/p/6c"}