{"id":"ganesha-pancharatnam","code":"3y","title":{"dev":"गणेशपञ्चरत्नम्","rom":"Ganesha Pancharatnam"},"type":"stotra","typeLabel":"Stotra","language":"sa","languageName":"Sanskrit","deity":["ganesha"],"aliases":["Mudakaratta Modakam"],"verses":6,"sections":[{"kind":"verse","n":1,"dev":"मुदा करात्तमोदकं सदा विमुक्तिसाधकं\nकलाधरावतंसकं विलासिलोकरक्षकम् ।\nअनायकैकनायकं विनाशितेभदैत्यकं\nनताशुभाशुनाशकं नमामि तं विनायकम् ॥ १ ॥","rom":"Mudaa karaattamodakam sadaa vimuktisaadhakam\nKalaadharaavatansakam vilaasilokarakshakam |\nAnaayakaikanaayakam vinaashitebhadaityakam\nNataashubhaashunaashakam namaami tam vinaayakam || 1 ||"},{"kind":"verse","n":2,"dev":"नतेतरातिभीकरं नवोदितार्कभास्वरं\nनमत्सुरारिनिर्जरं नताधिकापदुद्धरम् ।\nसुरेश्वरं निधीश्वरं गजेश्वरं गणेश्वरं\nमहेश्वरं तमाश्रये परात्परं निरन्तरम् ॥ २ ॥","rom":"Natetaraatibheekaram navoditaarkabhaasvaram\nNamatsuraarinirjaram nataadhikaapaduddharam |\nSureshvaram nidheeshvaram gajeshvaram ganeshvaram\nMaheshvaram tamaashraye paraatparam nirantaram || 2 ||"},{"kind":"verse","n":3,"dev":"समस्तलोकशंकरं निरस्तदैत्यकुञ्जरं\nदरेतरोदरं वरं वरेभवक्त्रमक्षरम् ।\nकृपाकरं क्षमाकरं मुदाकरं यशस्करं\nमनस्करं नमस्कृतां नमस्करोमि भास्वरम् ॥ ३ ॥","rom":"Samastalokashankaram nirastadaityakunjaram\nDaretarodaram varam varebhavaktramaksharam |\nKrupaakaram kshamaakaram mudaakaram yashaskaram\nManaskaram namaskrutaam namaskaromi bhaasvaram || 3 ||"},{"kind":"verse","n":4,"dev":"अकिंचनार्तिमार्जनं चिरन्तनोक्तिभाजनं\nपुरारिपूर्वनन्दनं सुरारिगर्वचर्वणम् ।\nप्रपञ्चनाशभीषणं धनञ्जयादिभूषणं\nकपोलदानवारणं भजे पुराणवारणम् ॥ ४ ॥","rom":"Akinchanaartimaarjanam chirantanoktibhaajanam\nPuraaripoorvanandanam suraarigarvacharvanam |\nPrapanchanaashabheeshanam dhananjayaadibhooshanam\nKapoladaanavaaranam bhaje puraanavaaranam || 4 ||"},{"kind":"verse","n":5,"dev":"नितान्तकान्तदन्तकान्तिमन्तकान्तकात्मजं\nअचिन्त्यरूपमन्तहीनमन्तरायकृन्तनम् ।\nहृदन्तरे निरन्तरं वसन्तमेव योगिनां\nतमेकदन्तमेव तं विचिन्तयामि सन्ततम् ॥ ५ ॥","rom":"Nitaantakaantadantakaantimantakaantakaatmajam\nAchintyaroopamantaheenamantaraayakruntanam |\nHrudantare nirantaram vasantameva yoginaam\nTamekadantameva tam vichintayaami santatam || 5 ||"},{"kind":"verse","n":6,"dev":"महागणेशपञ्चरत्नमादरेण योऽन्वहं\nप्रजल्पति प्रभातके हृदि स्मरन्गणेश्वरम् ।\nअरोगतामदोषतां सुसाहितीं सुपुत्रतां\nसमाहितायुरष्टभूतिमभ्युपैति सोऽचिरात् ॥ ६ ॥","rom":"Mahaaganeshapancharatnamaadarena yo'nvaham\nPrajalpati prabhaatake hrudi smaranganeshvaram |\nArogataamadoshataam susaahiteem suputrataam\nSamaahitaayurashtabhootimabhyupaiti so'chiraat || 6 ||"}],"verified":true,"url":"https://pocketpothi.com/texts/ganesha-pancharatnam","appUrl":"https://pocketpothi.com/read?t=ganesha-pancharatnam","shareUrl":"https://pocketpothi.com/p/3y"}