{"id":"ganapati-atharvashirsha","code":"3w","title":{"dev":"श्रीगणपत्यथर्वशीर्षम्","rom":"Ganapati Atharvashirsha"},"type":"suktam","typeLabel":"Suktam","language":"sa","languageName":"Sanskrit","deity":["ganesha"],"aliases":["Ganesh Atharvashirsha","Ganapati Upanishad"],"verses":14,"sections":[{"kind":"prose","dev":"ॐ भद्रं कर्णेभिः शृणुयाम देवाः ।\nभद्रं पश्येमाक्षभिर्यजत्राः ॥\nस्थिरैरङ्गैस्तुष्टुवांसस्तनूभिः ।\nव्यशेम देवहितं यदायुः ॥\nॐ स्वस्ति न इन्द्रो वृद्धश्रवाः ।\nस्वस्ति नः पूषा विश्ववेदाः ॥\nस्वस्तिनस्तार्क्ष्यो अरिष्टनेमिः ।\nस्वस्ति नो बृहस्पतिर्दधातु ॥\nॐ शांतिः शांतिः शांतिः ॥","rom":"Om bhadram karnebhih shrunuyaama devaah |\nBhadram pashyemaakshabhiryajatraah ||\nSthirairangaistushtuvaansastanoobhih |\nVyashema devahitam yadaayuh ||\nOm svasti na indro vruddhashravaah |\nSvasti nah pooshaa vishvavedaah ||\nSvastinastaarkshyo arishtanemih |\nSvasti no bruhaspatirdadhaatu ||\nOm shaantih shaantih shaantih ||"},{"kind":"verse","n":1,"dev":"हरिः ॐ नमस्ते गणपतये ॥\nत्वमेव प्रत्यक्षं तत्त्वमसि ॥ त्वमेव केवलं कर्ताऽसि ॥\nत्वमेव केवलं धर्ताऽसि ॥ त्वमेव केवलं हर्ताऽसि ॥\nत्वमेव सर्वं खल्विदं ब्रह्मासि ॥\nत्वं साक्षादात्माऽसि नित्यम् ॥ १ ॥","rom":"Harih Om namaste ganapataye ||\nTvameva pratyaksham tattvamasi || tvameva kevalam kartaa'si ||\nTvameva kevalam dhartaa'si || tvameva kevalam hartaa'si ||\nTvameva sarvam khalvidam brahmaasi ||\nTvam saakshaadaatmaa'si nityam || 1 ||"},{"kind":"verse","n":2,"dev":"ऋतं वच्मि ॥ सत्यं वच्मि ॥ २ ॥","rom":"Rutam vachmi || satyam vachmi || 2 ||"},{"kind":"verse","n":3,"dev":"अव त्वं माम् ॥ अव वक्तारम् ॥ अव श्रोतारम् ॥\nअव दातारम् ॥ अव धातारम् ॥\nअवानूचानमव शिष्यम् ॥\nअव पश्चात्तात् ॥ अव पुरस्तात् ॥\nअवोत्तरात्तात् ॥ अव दक्षिणात्तात् ॥\nअव चोर्ध्वात्तात् ॥ अवाधरात्तात् ॥\nसर्वतो मां पाहि पाहि समंतात् ॥ ३ ॥","rom":"Ava tvam maam || ava vaktaaram || ava shrotaaram ||\nAva daataaram || ava dhaataaram ||\nAvaanoochaanamava shishyam ||\nAva pashchaattaat || ava purastaat ||\nAvottaraattaat || ava dakshinaattaat ||\nAva chordhvaattaat || avaadharaattaat ||\nSarvato maam paahi paahi samantaat || 3 ||"},{"kind":"verse","n":4,"dev":"त्वं वाङ्मयस्त्वं चिन्मयः ॥\nत्वमानंदमयस्त्वं ब्रह्ममयः ॥\nत्वं सच्चिदानंदाद्वितीयोऽसि ॥\nत्वं प्रत्यक्षं ब्रह्मासि ॥\nत्वं ज्ञानमयो विज्ञानमयोऽसि ॥ ४ ॥","rom":"Tvam vaanmayastvam chinmayah ||\nTvamaanandamayastvam brahmamayah ||\nTvam sachchidaanandaadviteeyo'si ||\nTvam pratyaksham brahmaasi ||\nTvam jnaanamayo vijnaanamayo'si || 4 ||"},{"kind":"verse","n":5,"dev":"सर्वं जगदिदं त्वत्तो जायते ॥\nसर्वं जगदिदं त्वत्तस्तिष्ठति ॥\nसर्वं जगदिदं त्वयि लयमेष्यति ॥\nसर्वं जगदिदं त्वयि प्रत्येति ॥\nत्वं भूमिरापोऽनलोऽनिलो नभः ॥\nत्वं चत्वारि वाक्पदानि ॥ ५ ॥","rom":"Sarvam jagadidam tvatto jaayate ||\nSarvam jagadidam tvattastishthati ||\nSarvam jagadidam tvayi layameshyati ||\nSarvam jagadidam tvayi pratyeti ||\nTvam bhoomiraapo'nalo'nilo nabhah ||\nTvam chatvaari vaakpadaani || 5 ||"},{"kind":"verse","n":6,"dev":"त्वं गुणत्रयातीतः त्वमवस्थात्रयातीतः ॥\nत्वं देहत्रयातीतः ॥ त्वं कालत्रयातीतः ॥\nत्वं मूलाधारस्थितोऽसि नित्यम् ॥\nत्वं शक्तित्रयात्मकः ॥\nत्वां योगिनो ध्यायंति नित्यम् ॥\nत्वं ब्रह्मा त्वं विष्णुस्त्वं रुद्रस्त्वमिन्द्रस्त्वमग्निस्त्वं\nवायुस्त्वं सूर्यस्त्वं चंद्रमास्त्वं\nब्रह्मभूर्भुवःस्वरोम् ॥ ६ ॥","rom":"Tvam gunatrayaateetah tvamavasthaatrayaateetah ||\nTvam dehatrayaateetah || tvam kaalatrayaateetah ||\nTvam moolaadhaarasthito'si nityam ||\nTvam shaktitrayaatmakah ||\nTvaam yogino dhyaayanti nityam ||\nTvam brahmaa tvam vishnustvam rudrastvamindrastvamagnistvam\nVaayustvam sooryastvam chandramaastvam\nBrahmabhoorbhuvahsvarom || 6 ||"},{"kind":"verse","n":7,"dev":"गणादिं पूर्वमुच्चार्य वर्णादींस्तदनंतरम् ॥\nअनुस्वारः परतरः ॥ अर्धेन्दुलसितम् ॥ तारेण ऋद्धम् ॥\nएतत्तव मनुस्वरूपम् ॥ गकारः पूर्वरूपम् ॥\nअकारो मध्यमरूपम् ॥ अनुस्वारश्चान्त्यरूपम् ॥\nबिन्दुरुत्तररूपम् ॥ नादः संधानम् ॥\nसंहितासंधिः ॥ सैषा गणेशविद्या ॥\nगणकऋषिः ॥ निचृद्गायत्रीच्छंदः ॥\nगणपतिर्देवता ॥ ॐ गं गणपतये नमः ॥ ७ ॥","rom":"Ganaadim poorvamuchchaarya varnaadeenstadanantaram ||\nAnusvaarah paratarah || ardhendulasitam || taarena ruddham ||\nEtattava manusvaroopam || gakaarah poorvaroopam ||\nAkaaro madhyamaroopam || anusvaarashchaantyaroopam ||\nBinduruttararoopam || naadah sandhaanam ||\nSanhitaasandhih || saishaa ganeshavidyaa ||\nGanakarushih || nichrudgaayatreechchhandah ||\nGanapatirdevataa || Om gam ganapataye namah || 7 ||"},{"kind":"verse","n":8,"dev":"एकदंताय विद्महे । वक्रतुण्डाय धीमहि ॥\nतन्नो दंतिः प्रचोदयात् ॥ ८ ॥","rom":"Ekadantaaya vidmahe | vakratundaaya dheemahi ||\nTanno dantih prachodayaat || 8 ||"},{"kind":"verse","n":9,"dev":"एकदंतं चतुर्हस्तं पाशमंकुशधारिणम् ॥\nरदं च वरदं हस्तैर्बिभ्राणं मूषकध्वजम् ॥\nरक्तं लंबोदरं शूर्पकर्णकं रक्तवाससम् ॥\nरक्तगंधानुलिप्तांगं रक्तपुष्पैः सुपूजितम् ॥\nभक्तानुकंपिनं देवं जगत्कारणमच्युतम् ॥\nआविर्भूतं च सृष्ट्यादौ प्रकृतेः पुरुषात्परम् ॥\nएवं ध्यायति यो नित्यं स योगी योगिनां वरः ॥ ९ ॥","rom":"Ekadantam chaturhastam paashamankushadhaarinam ||\nRadam cha varadam hastairbibhraanam mooshakadhvajam ||\nRaktam lambodaram shoorpakarnakam raktavaasasam ||\nRaktagandhaanuliptaangam raktapushpaih supoojitam ||\nBhaktaanukampinam devam jagatkaaranamachyutam ||\nAavirbhootam cha srushtyaadau prakruteh purushaatparam ||\nEvam dhyaayati yo nityam sa yogee yoginaam varah || 9 ||"},{"kind":"verse","n":10,"dev":"नमो व्रातपतये । नमो गणपतये । नमः प्रमथपतये ।\nनमस्तेऽस्तु लंबोदरायैकदंताय ।\nविघ्ननाशिने शिवसुताय । श्रीवरदमूर्तये नमो नमः ॥ १० ॥","rom":"Namo vraatapataye | namo ganapataye | namah pramathapataye |\nNamaste'stu lambodaraayaikadantaaya |\nVighnanaashine shivasutaaya | shreevaradamoortaye namo namah || 10 ||"},{"kind":"verse","n":11,"dev":"एतदथर्वशीर्षं योऽधीते ॥ स ब्रह्मभूयाय कल्पते ॥\nस सर्वतः सुखमेधते ॥ स सर्व विघ्नैर्नबाध्यते ॥\nस पंचमहापापात्प्रमुच्यते ॥\nसायमधीयानो दिवसकृतं पापं नाशयति ॥\nप्रातरधीयानो रात्रिकृतं पापं नाशयति ॥\nसायंप्रातः प्रयुंजानो अपापो भवति ॥\nसर्वत्राधीयानोऽपविघ्नो भवति ॥\nधर्मार्थकाममोक्षं च विंदति ॥\nइदमथर्वशीर्षमशिष्याय न देयम् ॥\nयो यदि मोहाद्दास्यति स पापीयान् भवति\nसहस्रावर्तनाद्यं यं काममधीते\nतं तमनेन साधयेत् ॥ ११ ॥","rom":"Etadatharvasheersham yo'dheete || sa brahmabhooyaaya kalpate ||\nSa sarvatah sukhamedhate || sa sarva vighnairnabaadhyate ||\nSa panchamahaapaapaatpramuchyate ||\nSaayamadheeyaano divasakrutam paapam naashayati ||\nPraataradheeyaano raatrikrutam paapam naashayati ||\nSaayampraatah prayunjaano apaapo bhavati ||\nSarvatraadheeyaano'pavighno bhavati ||\nDharmaarthakaamamoksham cha vindati ||\nIdamatharvasheershamashishyaaya na deyam ||\nYo yadi mohaaddaasyati sa paapeeyaan bhavati\nSahasraavartanaadyam yam kaamamadheete\nTam tamanena saadhayet || 11 ||"},{"kind":"verse","n":12,"dev":"अनेन गणपतिमभिषिंचति स वाग्मी भवति ॥\nचतुर्थ्यामनश्नन् जपति स विद्यावान् भवति ॥\nइत्यथर्वणवाक्यम् ॥ ब्रह्माद्यावरणं विद्यात्\nन बिभेति कदाचनेति ॥ १२ ॥","rom":"Anena ganapatimabhishinchati sa vaagmee bhavati ||\nChaturthyaamanashnan japati sa vidyaavaan bhavati ||\nItyatharvanavaakyam || brahmaadyaavaranam vidyaat\nNa bibheti kadaachaneti || 12 ||"},{"kind":"verse","n":13,"dev":"यो दूर्वांकुरैर्यजति स वैश्रवणोपमो भवति ॥\nयो लाजैर्यजति स यशोवान् भवति ॥\nस मेधावान् भवति ॥\nयो मोदकसहस्रेण यजति\nस वाञ्छितफलमवाप्नोति ॥\nयः साज्यसमिद्भिर्यजति\nस सर्वं लभते स सर्वं लभते ॥ १३ ॥","rom":"Yo doorvaankurairyajati sa vaishravanopamo bhavati ||\nYo laajairyajati sa yashovaan bhavati ||\nSa medhaavaan bhavati ||\nYo modakasahasrena yajati\nSa vaanchhitaphalamavaapnoti ||\nYah saajyasamidbhiryajati\nSa sarvam labhate sa sarvam labhate || 13 ||"},{"kind":"verse","n":14,"dev":"अष्टौ ब्राह्मणान् सम्यग्ग्राहयित्वा\nसूर्यवर्चस्वी भवति ॥\nसूर्यग्रहे महानद्यां प्रतिमासंनिधौ\nवा जप्त्वा सिद्धमंत्रो भवति ॥\nमहाविघ्नात्प्रमुच्यते ॥ महादोषात्प्रमुच्यते ॥\nमहापापात् प्रमुच्यते ॥\nस सर्वविद्भवति स सर्वविद्भवति ॥\nय एवं वेद इत्युपनिषत् ॥ १४ ॥","rom":"Ashtau braahmanaan samyaggraahayitvaa\nSooryavarchasvee bhavati ||\nSooryagrahe mahaanadyaam pratimaasannidhau\nVaa japtvaa siddhamantro bhavati ||\nMahaavighnaatpramuchyate || mahaadoshaatpramuchyate ||\nMahaapaapaat pramuchyate ||\nSa sarvavidbhavati sa sarvavidbhavati ||\nYa evam veda ityupanishat || 14 ||"},{"kind":"prose","dev":"ॐ सहनाववतु ॥ सहनौभुनक्तु ॥\nसह वीर्यं करवावहै ॥\nतेजस्विनावधीतमस्तु मा विद्विषावहै ॥\nॐ भद्रं कर्णेभिः शृणुयाम देवाः ।\nभद्रं पश्येमाक्षभिर्यजत्राः ॥\nस्थिरैरंगैस्तुष्टुवांसस्तनूभिः ।\nव्यशेम देवहितं यदायुः ॥\nॐ स्वस्ति न इन्द्रो वृद्धश्रवाः ।\nस्वस्ति नः पूषा विश्ववेदाः ॥\nस्वस्तिनस्तार्क्ष्यो अरिष्टनेमिः ।\nस्वस्ति नो बृहस्पतिर्दधातु ॥\nॐ शांतिः शांतिः शांतिः ॥","rom":"Om sahanaavavatu || sahanaubhunaktu ||\nSaha veeryam karavaavahai ||\nTejasvinaavadheetamastu maa vidvishaavahai ||\nOm bhadram karnebhih shrunuyaama devaah |\nBhadram pashyemaakshabhiryajatraah ||\nSthirairangaistushtuvaansastanoobhih |\nVyashema devahitam yadaayuh ||\nOm svasti na indro vruddhashravaah |\nSvasti nah pooshaa vishvavedaah ||\nSvastinastaarkshyo arishtanemih |\nSvasti no bruhaspatirdadhaatu ||\nOm shaantih shaantih shaantih ||"},{"kind":"heading","dev":"॥ इति श्रीगणपत्यथर्वशीर्षं समाप्तम् ॥","rom":"|| Iti shreeganapatyatharvasheersham samaaptam ||"}],"verified":false,"url":"https://pocketpothi.com/texts/ganapati-atharvashirsha","appUrl":"https://pocketpothi.com/read?t=ganapati-atharvashirsha","shareUrl":"https://pocketpothi.com/p/3w"}