{"id":"dvadasha-jyotirlinga-stotra","code":"4p","title":{"dev":"द्वादशज्योतिर्लिङ्गस्तोत्रम्","rom":"Dvadasha Jyotirlinga Stotra"},"type":"stotra","typeLabel":"Stotra","language":"sa","languageName":"Sanskrit","deity":["shiva"],"aliases":["Saurashtre Somanatham","12 Jyotirlinga"],"verses":13,"sections":[{"kind":"verse","n":1,"dev":"सौराष्ट्रदेशे विशदेऽतिरम्ये\nज्योतिर्मयं चन्द्रकलावतंसम् ।\nभक्तिप्रदानाय कृपावतीर्णं\nतं सोमनाथं शरणं प्रपद्ये ॥ १ ॥","rom":"Sauraashtradeshe vishade'tiramye\nJyotirmayam chandrakalaavatansam |\nBhaktipradaanaaya krupaavateernam\nTam somanaatham sharanam prapadye || 1 ||"},{"kind":"verse","n":2,"dev":"श्रीशैलशृङ्गे विबुधातिसङ्गे\nतुलाद्रितुङ्गेऽपि मुदा वसन्तम् ।\nतमर्जुनं मल्लिकपूर्वमेकं\nनमामि संसारसमुद्रसेतुम् ॥ २ ॥","rom":"Shreeshailashrunge vibudhaatisange\nTulaadritunge'pi mudaa vasantam |\nTamarjunam mallikapoorvamekam\nNamaami sansaarasamudrasetum || 2 ||"},{"kind":"verse","n":3,"dev":"अवन्तिकायां विहितावतारं\nमुक्तिप्रदानाय च सज्जनानाम् ।\nअकालमृत्योः परिरक्षणार्थं\nवन्दे महाकालमहासुरेशम् ॥ ३ ॥","rom":"Avantikaayaam vihitaavataaram\nMuktipradaanaaya cha sajjanaanaam |\nAkaalamrutyoh parirakshanaartham\nVande mahaakaalamahaasuresham || 3 ||"},{"kind":"verse","n":4,"dev":"कावेरिकानर्मदयोः पवित्रे\nसमागमे सज्जनतारणाय ।\nसदैव मान्धातृपुरे वसन्तं\nओङ्कारमीशं शिवमेकमीडे ॥ ४ ॥","rom":"Kaaverikaanarmadayoh pavitre\nSamaagame sajjanataaranaaya |\nSadaiva maandhaatrupure vasantam\nOnkaarameesham shivamekameede || 4 ||"},{"kind":"verse","n":5,"dev":"पूर्वोत्तरे प्रज्वलिकानिधाने\nसदा वसन्तं गिरिजासमेतम् ।\nसुरासुराराधितपादपद्मं\nश्रीवैद्यनाथं तमहं नमामि ॥ ५ ॥","rom":"Poorvottare prajvalikaanidhaane\nSadaa vasantam girijaasametam |\nSuraasuraaraadhitapaadapadmam\nShreevaidyanaatham tamaham namaami || 5 ||"},{"kind":"verse","n":6,"dev":"याम्ये सदङ्गे नगरेऽतिरम्ये\nविभूषिताङ्गं विविधैश्च भोगैः ।\nसद्भक्तिमुक्तिप्रदमीशमेकं\nश्रीनागनाथं शरणं प्रपद्ये ॥ ६ ॥","rom":"Yaamye sadange nagare'tiramye\nVibhooshitaangam vividhaishcha bhogaih |\nSadbhaktimuktipradameeshamekam\nShreenaaganaatham sharanam prapadye || 6 ||"},{"kind":"verse","n":7,"dev":"महाद्रिपार्श्वे च तटे रमन्तं\nसम्पूज्यमानं सततं मुनीन्द्रैः ।\nसुरासुरैर्यक्षमहोरगाढ्यैः\nकेदारमीशं शिवमेकमीडे ॥ ७ ॥","rom":"Mahaadripaarshve cha tate ramantam\nSampoojyamaanam satatam muneendraih |\nSuraasurairyakshamahoragaadhyaih\nKedaarameesham shivamekameede || 7 ||"},{"kind":"verse","n":8,"dev":"सह्याद्रिशीर्षे विमले वसन्तं\nगोदावरितीरपवित्रदेशे ।\nयद्दर्शनात्पातकमाशु नाशं\nप्रयाति तं त्र्यम्बकमीशमीडे ॥ ८ ॥","rom":"Sahyaadrisheershe vimale vasantam\nGodaavariteerapavitradeshe |\nYaddarshanaatpaatakamaashu naasham\nPrayaati tam tryambakameeshameede || 8 ||"},{"kind":"verse","n":9,"dev":"सुताम्रपर्णीजलराशियोगे\nनिबध्य सेतुं विशिखैरसंख्यैः ।\nश्रीरामचन्द्रेण समर्पितं तं\nरामेश्वराख्यं नियतं नमामि ॥ ९ ॥","rom":"Sutaamraparneejalaraashiyoge\nNibadhya setum vishikhairasankhyaih |\nShreeraamachandrena samarpitam tam\nRaameshvaraakhyam niyatam namaami || 9 ||"},{"kind":"verse","n":10,"dev":"यं डाकिनिशाकिनिकासमाजे\nनिषेव्यमाणं पिशिताशनैश्च ।\nसदैव भीमादिपदप्रसिद्धं\nतं शङ्करं भक्तहितं नमामि ॥ १० ॥","rom":"Yam daakinishaakinikaasamaaje\nNishevyamaanam pishitaashanaishcha |\nSadaiva bheemaadipadaprasiddham\nTam shankaram bhaktahitam namaami || 10 ||"},{"kind":"verse","n":11,"dev":"सानन्दमानन्दवने वसन्त-\nमानन्दकन्दं हतपापबृन्दम् ।\nवाराणसीनाथमनाथनाथं\nश्रीविश्वनाथं शरणं प्रपद्ये ॥ ११ ॥","rom":"Saanandamaanandavane vasanta-\nMaanandakandam hatapaapabrundam |\nVaaraanaseenaathamanaathanaatham\nShreevishvanaatham sharanam prapadye || 11 ||"},{"kind":"verse","n":12,"dev":"इलापुरे रम्यविशालकेऽस्मिन्\nसमुल्लसन्तं च जगद्वरेण्यम् ।\nवन्दे महोदारतरस्वभावं\nघृष्णेश्वराख्यं शरणं प्रपद्ये ॥ १२ ॥","rom":"Ilaapure ramyavishaalake'smin\nSamullasantam cha jagadvarenyam |\nVande mahodaaratarasvabhaavam\nGhrushneshvaraakhyam sharanam prapadye || 12 ||"},{"kind":"verse","n":13,"dev":"ज्योतिर्मयद्वादशलिङ्गकानां\nशिवात्मनां प्रोक्तमिदं क्रमेण ।\nस्तोत्रं पठित्वा मनुजोऽतिभक्त्या\nफलं तदालोक्यनिशं भजेच्च ॥ १३ ॥","rom":"Jyotirmayadvaadashalingakaanaam\nShivaatmanaam proktamidam kramena |\nStotram pathitvaa manujo'tibhaktyaa\nPhalam tadaalokyanisham bhajechcha || 13 ||"},{"kind":"heading","dev":"॥ इति श्रीद्वादशज्योतिर्लिङ्गस्तोत्रं संपूर्णम् ॥","rom":"|| Iti shreedvaadashajyotirlingastotram sampoornam ||"}],"verified":false,"url":"https://pocketpothi.com/texts/dvadasha-jyotirlinga-stotra","appUrl":"https://pocketpothi.com/read?t=dvadasha-jyotirlinga-stotra","shareUrl":"https://pocketpothi.com/p/4p"}