{"id":"bhagavad-gita-17","code":"fn","title":{"dev":"गीता १७ · श्रद्धात्रयविभागयोगः","rom":"Gita 17 · Shraddhatraya Vibhaga Yoga"},"type":"gita-adhyaya","typeLabel":"Chapter","language":"sa","languageName":"Sanskrit","deity":["krishna"],"aliases":["Bhagavad Gita chapter 17","Gita adhyay 17","गीता अध्याय 17"],"book":{"id":"bhagavad-gita","n":17,"title":"Shrimad Bhagavad Gita"},"verses":28,"sections":[{"kind":"heading","dev":"अर्जुन उवाच","rom":"Arjuna uvaacha"},{"kind":"verse","n":1,"dev":"ये शास्त्रविधिमुत्सृज्य यजन्ते श्रद्धयान्विताः ।\nतेषां निष्ठा तु का कृष्ण सत्त्वमाहो रजस्तमः ॥ १ ॥","rom":"Ye shaastravidhimutsrujya yajante shraddhayaanvitaah |\nTeshaam nishthaa tu kaa krushna sattvamaaho rajastamah || 1 ||"},{"kind":"heading","dev":"श्रीभगवानुवाच","rom":"Shreebhagavaanuvaacha"},{"kind":"verse","n":2,"dev":"त्रिविधा भवति श्रद्धा देहिनां सा स्वभावजा ।\nसात्त्विकी राजसी चैव तामसी चेति तां शृणु ॥ २ ॥","rom":"Trividhaa bhavati shraddhaa dehinaam saa svabhaavajaa |\nSaattvikee raajasee chaiva taamasee cheti taam shrunu || 2 ||"},{"kind":"verse","n":3,"dev":"सत्त्वानुरूपा सर्वस्य श्रद्धा भवति भारत ।\nश्रद्धामयोऽयं पुरुषो यो यच्छ्रद्धः स एव सः ॥ ३ ॥","rom":"Sattvaanuroopaa sarvasya shraddhaa bhavati bhaarata |\nShraddhaamayo'yam purusho yo yachchhraddhah sa eva sah || 3 ||"},{"kind":"verse","n":4,"dev":"यजन्ते सात्त्विका देवान्यक्षरक्षांसि राजसाः ।\nप्रेतान्भूतगणांश्चान्ये यजन्ते तामसा जनाः ॥ ४ ॥","rom":"Yajante saattvikaa devaanyaksharakshaansi raajasaah |\nPretaanbhootaganaanshchaanye yajante taamasaa janaah || 4 ||"},{"kind":"verse","n":5,"dev":"अशास्त्रविहितं घोरं तप्यन्ते ये तपो जनाः ।\nदम्भाहङ्कारसंयुक्ताः कामरागबलान्विताः ॥ ५ ॥","rom":"Ashaastravihitam ghoram tapyante ye tapo janaah |\nDambhaahankaarasanyuktaah kaamaraagabalaanvitaah || 5 ||"},{"kind":"verse","n":6,"dev":"कर्षयन्तः शरीरस्थं भूतग्राममचेतसः ।\nमां चैवान्तःशरीरस्थं तान्विद्ध्यासुरनिश्चयान् ॥ ६ ॥","rom":"Karshayantah shareerastham bhootagraamamachetasah |\nMaam chaivaantahshareerastham taanviddhyaasuranishchayaan || 6 ||"},{"kind":"verse","n":7,"dev":"आहारस्त्वपि सर्वस्य त्रिविधो भवति प्रियः ।\nयज्ञस्तपस्तथा दानं तेषां भेदमिमं शृणु ॥ ७ ॥","rom":"Aahaarastvapi sarvasya trividho bhavati priyah |\nYajnastapastathaa daanam teshaam bhedamimam shrunu || 7 ||"},{"kind":"verse","n":8,"dev":"आयुःसत्त्वबलारोग्यसुखप्रीतिविवर्धनाः ।\nरस्याः स्निग्धाः स्थिरा हृद्या आहाराः सात्त्विकप्रियाः ॥ ८ ॥","rom":"Aayuhsattvabalaarogyasukhapreetivivardhanaah |\nRasyaah snigdhaah sthiraa hrudyaa aahaaraah saattvikapriyaah || 8 ||"},{"kind":"verse","n":9,"dev":"कट्वम्ललवणात्युष्णतीक्ष्णरूक्षविदाहिनः ।\nआहारा राजसस्येष्टा दुःखशोकामयप्रदाः ॥ ९ ॥","rom":"Katvamlalavanaatyushnateekshnarookshavidaahinah |\nAahaaraa raajasasyeshtaa duhkhashokaamayapradaah || 9 ||"},{"kind":"verse","n":10,"dev":"यातयामं गतरसं पूति पर्युषितं च यत् ।\nउच्छिष्टमपि चामेध्यं भोजनं तामसप्रियम् ॥ १० ॥","rom":"Yaatayaamam gatarasam pooti paryushitam cha yat |\nUchchhishtamapi chaamedhyam bhojanam taamasapriyam || 10 ||"},{"kind":"verse","n":11,"dev":"अफलाकाङ्क्षिभिर्यज्ञो विधिदृष्टो य इज्यते ।\nयष्टव्यमेवेति मनः समाधाय स सात्त्विकः ॥ ११ ॥","rom":"Aphalaakaankshibhiryajno vidhidrushto ya ijyate |\nYashtavyameveti manah samaadhaaya sa saattvikah || 11 ||"},{"kind":"verse","n":12,"dev":"अभिसन्धाय तु फलं दम्भार्थमपि चैव यत् ।\nइज्यते भरतश्रेष्ठ तं यज्ञं विद्धि राजसम् ॥ १२ ॥","rom":"Abhisandhaaya tu phalam dambhaarthamapi chaiva yat |\nIjyate bharatashreshtha tam yajnam viddhi raajasam || 12 ||"},{"kind":"verse","n":13,"dev":"विधिहीनमसृष्टान्नं मन्त्रहीनमदक्षिणम् ।\nश्रद्धाविरहितं यज्ञं तामसं परिचक्षते ॥ १३ ॥","rom":"Vidhiheenamasrushtaannam mantraheenamadakshinam |\nShraddhaavirahitam yajnam taamasam parichakshate || 13 ||"},{"kind":"verse","n":14,"dev":"देवद्विजगुरुप्राज्ञपूजनं शौचमार्जवम् ।\nब्रह्मचर्यमहिंसा च शारीरं तप उच्यते ॥ १४ ॥","rom":"Devadvijagurupraajnapoojanam shauchamaarjavam |\nBrahmacharyamahinsaa cha shaareeram tapa uchyate || 14 ||"},{"kind":"verse","n":15,"dev":"अनुद्वेगकरं वाक्यं सत्यं प्रियहितं च यत् ।\nस्वाध्यायाभ्यसनं चैव वाङ्मयं तप उच्यते ॥ १५ ॥","rom":"Anudvegakaram vaakyam satyam priyahitam cha yat |\nSvaadhyaayaabhyasanam chaiva vaanmayam tapa uchyate || 15 ||"},{"kind":"verse","n":16,"dev":"मनः प्रसादः सौम्यत्वं मौनमात्मविनिग्रहः ।\nभावसंशुद्धिरित्येतत्तपो मानसमुच्यते ॥ १६ ॥","rom":"Manah prasaadah saumyatvam maunamaatmavinigrahah |\nBhaavasanshuddhirityetattapo maanasamuchyate || 16 ||"},{"kind":"verse","n":17,"dev":"श्रद्धया परया तप्तं तपस्तत्त्रिविधं नरैः ।\nअफलाकाङ्क्षिभिर्युक्तैः सात्त्विकं परिचक्षते ॥ १७ ॥","rom":"Shraddhayaa parayaa taptam tapastattrividham naraih |\nAphalaakaankshibhiryuktaih saattvikam parichakshate || 17 ||"},{"kind":"verse","n":18,"dev":"सत्कारमानपूजार्थं तपो दम्भेन चैव यत् ।\nक्रियते तदिह प्रोक्तं राजसं चलमध्रुवम् ॥ १८ ॥","rom":"Satkaaramaanapoojaartham tapo dambhena chaiva yat |\nKriyate tadiha proktam raajasam chalamadhruvam || 18 ||"},{"kind":"verse","n":19,"dev":"मूढग्राहेणात्मनो यत्पीडया क्रियते तपः ।\nपरस्योत्सादनार्थं वा तत्तामसमुदाहृतम् ॥ १९ ॥","rom":"Moodhagraahenaatmano yatpeedayaa kriyate tapah |\nParasyotsaadanaartham vaa tattaamasamudaahrutam || 19 ||"},{"kind":"verse","n":20,"dev":"दातव्यमिति यद्दानं दीयतेऽनुपकारिणे ।\nदेशे काले च पात्रे च तद्दानं सात्त्विकं स्मृतम् ॥ २० ॥","rom":"Daatavyamiti yaddaanam deeyate'nupakaarine |\nDeshe kaale cha paatre cha taddaanam saattvikam smrutam || 20 ||"},{"kind":"verse","n":21,"dev":"यत्तु प्रत्युपकारार्थं फलमुद्दिश्य वा पुनः ।\nदीयते च परिक्लिष्टं तद्दानं राजसं स्मृतम् ॥ २१ ॥","rom":"Yattu pratyupakaaraartham phalamuddishya vaa punah |\nDeeyate cha pariklishtam taddaanam raajasam smrutam || 21 ||"},{"kind":"verse","n":22,"dev":"अदेशकाले यद्दानमपात्रेभ्यश्च दीयते ।\nअसत्कृतमवज्ञातं तत्तामसमुदाहृतम् ॥ २२ ॥","rom":"Adeshakaale yaddaanamapaatrebhyashcha deeyate |\nAsatkrutamavajnaatam tattaamasamudaahrutam || 22 ||"},{"kind":"verse","n":23,"dev":"ॐतत्सदिति निर्देशो ब्रह्मणस्त्रिविधः स्मृतः ।\nब्राह्मणास्तेन वेदाश्च यज्ञाश्च विहिताः पुरा ॥ २३ ॥","rom":"Omtatsaditi nirdesho brahmanastrividhah smrutah |\nBraahmanaastena vedaashcha yajnaashcha vihitaah puraa || 23 ||"},{"kind":"verse","n":24,"dev":"तस्मादोमित्युदाहृत्य यज्ञदानतपःक्रियाः ।\nप्रवर्तन्ते विधानोक्ताः सततं ब्रह्मवादिनाम् ॥ २४ ॥","rom":"Tasmaadomityudaahrutya yajnadaanatapahkriyaah |\nPravartante vidhaanoktaah satatam brahmavaadinaam || 24 ||"},{"kind":"verse","n":25,"dev":"तदित्यनभिसन्धाय फलं यज्ञतपःक्रियाः ।\nदानक्रियाश्च विविधाः क्रियन्ते मोक्षकाङ्क्षिभिः ॥ २५ ॥","rom":"Tadityanabhisandhaaya phalam yajnatapahkriyaah |\nDaanakriyaashcha vividhaah kriyante mokshakaankshibhih || 25 ||"},{"kind":"verse","n":26,"dev":"सद्भावे साधुभावे च सदित्येतत्प्रयुज्यते ।\nप्रशस्ते कर्मणि तथा सच्छब्दः पार्थ युज्यते ॥ २६ ॥","rom":"Sadbhaave saadhubhaave cha sadityetatprayujyate |\nPrashaste karmani tathaa sachchhabdah paartha yujyate || 26 ||"},{"kind":"verse","n":27,"dev":"यज्ञे तपसि दाने च स्थितिः सदिति चोच्यते ।\nकर्म चैव तदर्थीयं सदित्येवाभिधीयते ॥ २७ ॥","rom":"Yajne tapasi daane cha sthitih saditi chochyate |\nKarma chaiva tadartheeyam sadityevaabhidheeyate || 27 ||"},{"kind":"verse","n":28,"dev":"अश्रद्धया हुतं दत्तं तपस्तप्तं कृतं च यत् ।\nअसदित्युच्यते पार्थ न च तत्प्रेत्य नो इह ॥ २८ ॥","rom":"Ashraddhayaa hutam dattam tapastaptam krutam cha yat |\nAsadityuchyate paartha na cha tatpretya no iha || 28 ||"},{"kind":"prose","dev":"ॐ तत्सदिति श्रीमद्भगवद्गीतासूपनिषत्सु\nब्रह्मविद्यायां योगशास्त्रे श्रीकृष्णार्जुनसंवादे\nश्रद्धात्रयविभागयोगो नाम सप्तदशोऽध्यायः ॥","rom":"Om tatsaditi shreemadbhagavadgeetaasoopanishatsu\nBrahmavidyaayaam yogashaastre shreekrushnaarjunasanvaade\nShraddhaatrayavibhaagayogo naama saptadasho'dhyaayah ||"}],"verified":true,"url":"https://pocketpothi.com/texts/bhagavad-gita-17","appUrl":"https://pocketpothi.com/read?t=bhagavad-gita-17","shareUrl":"https://pocketpothi.com/p/fn"}