{"id":"bhagavad-gita-12","code":"fg","title":{"dev":"गीता १२ · भक्तियोगः","rom":"Gita 12 · Bhakti Yoga"},"type":"gita-adhyaya","typeLabel":"Chapter","language":"sa","languageName":"Sanskrit","deity":["krishna"],"aliases":["Bhagavad Gita chapter 12","Gita adhyay 12","गीता अध्याय 12"],"book":{"id":"bhagavad-gita","n":12,"title":"Shrimad Bhagavad Gita"},"verses":20,"sections":[{"kind":"heading","dev":"अर्जुन उवाच","rom":"Arjuna uvaacha"},{"kind":"verse","n":1,"dev":"एवं सततयुक्ता ये भक्तास्त्वां पर्युपासते ।\nये चाप्यक्षरमव्यक्तं तेषां के योगवित्तमाः ॥ १ ॥","rom":"Evam satatayuktaa ye bhaktaastvaam paryupaasate |\nYe chaapyaksharamavyaktam teshaam ke yogavittamaah || 1 ||"},{"kind":"heading","dev":"श्रीभगवानुवाच","rom":"Shreebhagavaanuvaacha"},{"kind":"verse","n":2,"dev":"मय्यावेश्य मनो ये मां नित्ययुक्ता उपासते ।\nश्रद्धया परयोपेतास्ते मे युक्ततमा मताः ॥ २ ॥","rom":"Mayyaaveshya mano ye maam nityayuktaa upaasate |\nShraddhayaa parayopetaaste me yuktatamaa mataah || 2 ||"},{"kind":"verse","n":3,"dev":"ये त्वक्षरमनिर्देश्यमव्यक्तं पर्युपासते ।\nसर्वत्रगमचिन्त्यं च कूटस्थमचलं ध्रुवम् ॥ ३ ॥","rom":"Ye tvaksharamanirdeshyamavyaktam paryupaasate |\nSarvatragamachintyam cha kootasthamachalam dhruvam || 3 ||"},{"kind":"verse","n":4,"dev":"संनियम्येन्द्रियग्रामं सर्वत्र समबुद्धयः ।\nते प्राप्नुवन्ति मामेव सर्वभूतहिते रताः ॥ ४ ॥","rom":"Sanniyamyendriyagraamam sarvatra samabuddhayah |\nTe praapnuvanti maameva sarvabhootahite rataah || 4 ||"},{"kind":"verse","n":5,"dev":"क्लेशोऽधिकतरस्तेषामव्यक्तासक्तचेतसाम् ।\nअव्यक्ता हि गतिर्दुःखं देहवद्भिरवाप्यते ॥ ५ ॥","rom":"Klesho'dhikatarasteshaamavyaktaasaktachetasaam |\nAvyaktaa hi gatirduhkham dehavadbhiravaapyate || 5 ||"},{"kind":"verse","n":6,"dev":"ये तु सर्वाणि कर्माणि मयि संन्यस्य मत्पराः ।\nअनन्येनैव योगेन मां ध्यायन्त उपासते ॥ ६ ॥","rom":"Ye tu sarvaani karmaani mayi sannyasya matparaah |\nAnanyenaiva yogena maam dhyaayanta upaasate || 6 ||"},{"kind":"verse","n":7,"dev":"तेषामहं समुद्धर्ता मृत्युसंसारसागरात् ।\nभवामि नचिरात्पार्थ मय्यावेशितचेतसाम् ॥ ७ ॥","rom":"Teshaamaham samuddhartaa mrutyusansaarasaagaraat |\nBhavaami nachiraatpaartha mayyaaveshitachetasaam || 7 ||"},{"kind":"verse","n":8,"dev":"मय्येव मन आधत्स्व मयि बुद्धिं निवेशय ।\nनिवसिष्यसि मय्येव अत ऊर्ध्वं न संशयः ॥ ८ ॥","rom":"Mayyeva mana aadhatsva mayi buddhim niveshaya |\nNivasishyasi mayyeva ata oordhvam na sanshayah || 8 ||"},{"kind":"verse","n":9,"dev":"अथ चित्तं समाधातुं न शक्नोषि मयि स्थिरम् ।\nअभ्यासयोगेन ततो मामिच्छाप्तुं धनञ्जय ॥ ९ ॥","rom":"Atha chittam samaadhaatum na shaknoshi mayi sthiram |\nAbhyaasayogena tato maamichchhaaptum dhananjaya || 9 ||"},{"kind":"verse","n":10,"dev":"अभ्यासेऽप्यसमर्थोऽसि मत्कर्मपरमो भव ।\nमदर्थमपि कर्माणि कुर्वन्सिद्धिमवाप्स्यसि ॥ १० ॥","rom":"Abhyaase'pyasamartho'si matkarmaparamo bhava |\nMadarthamapi karmaani kurvansiddhimavaapsyasi || 10 ||"},{"kind":"verse","n":11,"dev":"अथैतदप्यशक्तोऽसि कर्तुं मद्योगमाश्रितः ।\nसर्वकर्मफलत्यागं ततः कुरु यतात्मवान् ॥ ११ ॥","rom":"Athaitadapyashakto'si kartum madyogamaashritah |\nSarvakarmaphalatyaagam tatah kuru yataatmavaan || 11 ||"},{"kind":"verse","n":12,"dev":"श्रेयो हि ज्ञानमभ्यासाज्ज्ञानाद्ध्यानं विशिष्यते ।\nध्यानात्कर्मफलत्यागस्त्यागाच्छान्तिरनन्तरम् ॥ १२ ॥","rom":"Shreyo hi jnaanamabhyaasaajjnaanaaddhyaanam vishishyate |\nDhyaanaatkarmaphalatyaagastyaagaachchhaantiranantaram || 12 ||"},{"kind":"verse","n":13,"dev":"अद्वेष्टा सर्वभूतानां मैत्रः करुण एव च ।\nनिर्ममो निरहङ्कारः समदुःखसुखः क्षमी ॥ १३ ॥","rom":"Adveshtaa sarvabhootaanaam maitrah karuna eva cha |\nNirmamo nirahankaarah samaduhkhasukhah kshamee || 13 ||"},{"kind":"verse","n":14,"dev":"सन्तुष्टः सततं योगी यतात्मा दृढनिश्चयः ।\nमय्यर्पितमनोबुद्धिर्यो मद्भक्तः स मे प्रियः ॥ १४ ॥","rom":"Santushtah satatam yogee yataatmaa drudhanishchayah |\nMayyarpitamanobuddhiryo madbhaktah sa me priyah || 14 ||"},{"kind":"verse","n":15,"dev":"यस्मान्नोद्विजते लोको लोकान्नोद्विजते च यः ।\nहर्षामर्षभयोद्वेगैर्मुक्तो यः स च मे प्रियः ॥ १५ ॥","rom":"Yasmaannodvijate loko lokaannodvijate cha yah |\nHarshaamarshabhayodvegairmukto yah sa cha me priyah || 15 ||"},{"kind":"verse","n":16,"dev":"अनपेक्षः शुचिर्दक्ष उदासीनो गतव्यथः ।\nसर्वारम्भपरित्यागी यो मद्भक्तः स मे प्रियः ॥ १६ ॥","rom":"Anapekshah shuchirdaksha udaaseeno gatavyathah |\nSarvaarambhaparityaagee yo madbhaktah sa me priyah || 16 ||"},{"kind":"verse","n":17,"dev":"यो न हृष्यति न द्वेष्टि न शोचति न काङ्क्षति ।\nशुभाशुभपरित्यागी भक्तिमान्यः स मे प्रियः ॥ १७ ॥","rom":"Yo na hrushyati na dveshti na shochati na kaankshati |\nShubhaashubhaparityaagee bhaktimaanyah sa me priyah || 17 ||"},{"kind":"verse","n":18,"dev":"समः शत्रौ च मित्रे च तथा मानापमानयोः ।\nशीतोष्णसुखदुःखेषु समः सङ्गविवर्जितः ॥ १८ ॥","rom":"Samah shatrau cha mitre cha tathaa maanaapamaanayoh |\nSheetoshnasukhaduhkheshu samah sangavivarjitah || 18 ||"},{"kind":"verse","n":19,"dev":"तुल्यनिन्दास्तुतिर्मौनी सन्तुष्टो येन केनचित् ।\nअनिकेतः स्थिरमतिर्भक्तिमान्मे प्रियो नरः ॥ १९ ॥","rom":"Tulyanindaastutirmaunee santushto yena kenachit |\nAniketah sthiramatirbhaktimaanme priyo narah || 19 ||"},{"kind":"verse","n":20,"dev":"ये तु धर्म्यामृतमिदं यथोक्तं पर्युपासते ।\nश्रद्दधाना मत्परमा भक्तास्तेऽतीव मे प्रियाः ॥ २० ॥","rom":"Ye tu dharmyaamrutamidam yathoktam paryupaasate |\nShraddadhaanaa matparamaa bhaktaaste'teeva me priyaah || 20 ||"},{"kind":"prose","dev":"ॐ तत्सदिति श्रीमद्भगवद्गीतासूपनिषत्सु ब्रह्मविद्यायां योगशास्त्रे\nश्रीकृष्णार्जुनसंवादे भक्तियोगो नाम द्वादशोऽध्यायः ॥","rom":"Om tatsaditi shreemadbhagavadgeetaasoopanishatsu brahmavidyaayaam yogashaastre\nShreekrushnaarjunasanvaade bhaktiyogo naama dvaadasho'dhyaayah ||"}],"verified":true,"url":"https://pocketpothi.com/texts/bhagavad-gita-12","appUrl":"https://pocketpothi.com/read?t=bhagavad-gita-12","shareUrl":"https://pocketpothi.com/p/fg"}