{"id":"aditya-hridayam","code":"aq","title":{"dev":"आदित्यहृदयम्","rom":"Aditya Hridayam"},"type":"stotra","typeLabel":"Stotra","language":"sa","languageName":"Sanskrit","deity":["surya"],"aliases":["Aditya Hridaya Stotra"],"verses":31,"sections":[{"kind":"verse","n":1,"dev":"ततो युद्धपरिश्रान्तं समरे चिन्तया स्थितम् ।\nरावणं चाग्रतो दृष्ट्वा युद्धाय समुपस्थितम् ॥ १ ॥","rom":"Tato yuddhaparishraantam samare chintayaa sthitam |\nRaavanam chaagrato drushtvaa yuddhaaya samupasthitam || 1 ||"},{"kind":"verse","n":2,"dev":"दैवतैश्च समागम्य द्रष्टुमभ्यागतो रणम् ।\nउपागम्याब्रवीद्राममगस्त्यो भगवानृषिः ॥ २ ॥","rom":"Daivataishcha samaagamya drashtumabhyaagato ranam |\nUpaagamyaabraveedraamamagastyo bhagavaanrushih || 2 ||"},{"kind":"verse","n":3,"dev":"राम राम महाबाहो शृणु गुह्यं सनातनम् ।\nयेन सर्वानरीन् वत्स समरे विजयिष्यसि ॥ ३ ॥","rom":"Raama raama mahaabaaho shrunu guhyam sanaatanam |\nYena sarvaanareen vatsa samare vijayishyasi || 3 ||"},{"kind":"verse","n":4,"dev":"आदित्यहृदयं पुण्यं सर्वशत्रुविनाशनम् ।\nजयावहं जपेन्नित्यमक्षय्यं परमं शिवम् ॥ ४ ॥","rom":"Aadityahrudayam punyam sarvashatruvinaashanam |\nJayaavaham japennityamakshayyam paramam shivam || 4 ||"},{"kind":"verse","n":5,"dev":"सर्वमङ्गलमाङ्गल्यं सर्वपापप्रणाशनम् ।\nचिन्ताशोकप्रशमनमायुर्वर्धनमुत्तमम् ॥ ५ ॥","rom":"Sarvamangalamaangalyam sarvapaapapranaashanam |\nChintaashokaprashamanamaayurvardhanamuttamam || 5 ||"},{"kind":"verse","n":6,"dev":"रश्मिमन्तं समुद्यन्तं देवासुरनमस्कृतम् ।\nपूजयस्व विवस्वन्तं भास्करं भुवनेश्वरम् ॥ ६ ॥","rom":"Rashmimantam samudyantam devaasuranamaskrutam |\nPoojayasva vivasvantam bhaaskaram bhuvaneshvaram || 6 ||"},{"kind":"verse","n":7,"dev":"सर्वदेवात्मको ह्येष तेजस्वी रश्मिभावनः ।\nएष देवासुरगणाँल्लोकान् पाति गभस्तिभिः ॥ ७ ॥","rom":"Sarvadevaatmako hyesha tejasvee rashmibhaavanah |\nEsha devaasuraganaanllokaan paati gabhastibhih || 7 ||"},{"kind":"verse","n":8,"dev":"एष ब्रह्मा च विष्णुश्च शिवः स्कन्दः प्रजापतिः ।\nमहेन्द्रो धनदः कालो यमः सोमो ह्यपां पतिः ॥ ८ ॥","rom":"Esha brahmaa cha vishnushcha shivah skandah prajaapatih |\nMahendro dhanadah kaalo yamah somo hyapaam patih || 8 ||"},{"kind":"verse","n":9,"dev":"पितरो वसवः साध्या ह्यश्विनौ मरुतो मनुः ।\nवायुर्वह्निः प्रजाप्राण ऋतुकर्ता प्रभाकरः ॥ ९ ॥","rom":"Pitaro vasavah saadhyaa hyashvinau maruto manuh |\nVaayurvahnih prajaapraana rutukartaa prabhaakarah || 9 ||"},{"kind":"verse","n":10,"dev":"आदित्यः सविता सूर्यः खगः पूषा गभस्तिमान् ।\nसुवर्णसदृशो भानुर्हिरण्यरेता दिवाकरः ॥ १० ॥","rom":"Aadityah savitaa sooryah khagah pooshaa gabhastimaan |\nSuvarnasadrusho bhaanurhiranyaretaa divaakarah || 10 ||"},{"kind":"verse","n":11,"dev":"हरिदश्वः सहस्रार्चिः सप्तसप्तिर्मरीचिमान् ।\nतिमिरोन्मथनः शम्भुस्त्वष्टा मार्ताण्ड अंशुमान् ॥ ११ ॥","rom":"Haridashvah sahasraarchih saptasaptirmareechimaan |\nTimironmathanah shambhustvashtaa maartaanda anshumaan || 11 ||"},{"kind":"verse","n":12,"dev":"हिरण्यगर्भः शिशिरस्तपनो भास्करो रविः ।\nअग्निगर्भोऽदितेः पुत्रः शङ्खः शिशिरनाशनः ॥ १२ ॥","rom":"Hiranyagarbhah shishirastapano bhaaskaro ravih |\nAgnigarbho'diteh putrah shankhah shishiranaashanah || 12 ||"},{"kind":"verse","n":13,"dev":"व्योमनाथस्तमोभेदी ऋग्यजुःसामपारगः ।\nघनवृष्टिरपां मित्रो विन्ध्यवीथीप्लवङ्गमः ॥ १३ ॥","rom":"Vyomanaathastamobhedee rugyajuhsaamapaaragah |\nGhanavrushtirapaam mitro vindhyaveetheeplavangamah || 13 ||"},{"kind":"verse","n":14,"dev":"आतपी मण्डली मृत्युः पिङ्गलः सर्वतापनः ।\nकविर्विश्वो महातेजा रक्तः सर्वभवोद्भवः ॥ १४ ॥","rom":"Aatapee mandalee mrutyuh pingalah sarvataapanah |\nKavirvishvo mahaatejaa raktah sarvabhavodbhavah || 14 ||"},{"kind":"verse","n":15,"dev":"नक्षत्रग्रहताराणामधिपो विश्वभावनः ।\nतेजसामपि तेजस्वी द्वादशात्मन्नमोऽस्तु ते ॥ १५ ॥","rom":"Nakshatragrahataaraanaamadhipo vishvabhaavanah |\nTejasaamapi tejasvee dvaadashaatmannamo'stu te || 15 ||"},{"kind":"verse","n":16,"dev":"नमः पूर्वाय गिरये पश्चिमायाद्रये नमः ।\nज्योतिर्गणानां पतये दिनाधिपतये नमः ॥ १६ ॥","rom":"Namah poorvaaya giraye pashchimaayaadraye namah |\nJyotirganaanaam pataye dinaadhipataye namah || 16 ||"},{"kind":"verse","n":17,"dev":"जयाय जयभद्राय हर्यश्वाय नमो नमः ।\nनमो नमः सहस्रांशो आदित्याय नमो नमः ॥ १७ ॥","rom":"Jayaaya jayabhadraaya haryashvaaya namo namah |\nNamo namah sahasraansho aadityaaya namo namah || 17 ||"},{"kind":"verse","n":18,"dev":"नम उग्राय वीराय सारङ्गाय नमो नमः ।\nनमः पद्मप्रबोधाय मार्ताण्डाय नमो नमः ॥ १८ ॥","rom":"Nama ugraaya veeraaya saarangaaya namo namah |\nNamah padmaprabodhaaya maartaandaaya namo namah || 18 ||"},{"kind":"verse","n":19,"dev":"ब्रह्मेशानाच्युतेशाय सूर्यायादित्यवर्चसे ।\nभास्वते सर्वभक्षाय रौद्राय वपुषे नमः ॥ १९ ॥","rom":"Brahmeshaanaachyuteshaaya sooryaayaadityavarchase |\nBhaasvate sarvabhakshaaya raudraaya vapushe namah || 19 ||"},{"kind":"verse","n":20,"dev":"तमोघ्नाय हिमघ्नाय शत्रुघ्नायामितात्मने ।\nकृतघ्नघ्नाय देवाय ज्योतिषां पतये नमः ॥ २० ॥","rom":"Tamoghnaaya himaghnaaya shatrughnaayaamitaatmane |\nKrutaghnaghnaaya devaaya jyotishaam pataye namah || 20 ||"},{"kind":"verse","n":21,"dev":"तप्तचामीकराभाय वह्नये विश्वकर्मणे ।\nनमस्तमोऽभिनिघ्नाय रुचये लोकसाक्षिणे ॥ २१ ॥","rom":"Taptachaameekaraabhaaya vahnaye vishvakarmane |\nNamastamo'bhinighnaaya ruchaye lokasaakshine || 21 ||"},{"kind":"verse","n":22,"dev":"नाशयत्येष वै भूतं तदेव सृजति प्रभुः ।\nपायत्येष तपत्येष वर्षत्येष गभस्तिभिः ॥ २२ ॥","rom":"Naashayatyesha vai bhootam tadeva srujati prabhuh |\nPaayatyesha tapatyesha varshatyesha gabhastibhih || 22 ||"},{"kind":"verse","n":23,"dev":"एष सुप्तेषु जागर्ति भूतेषु परिनिष्ठितः ।\nएष एवाग्निहोत्रं च फलं चैवाग्निहोत्रिणाम् ॥ २३ ॥","rom":"Esha supteshu jaagarti bhooteshu parinishthitah |\nEsha evaagnihotram cha phalam chaivaagnihotrinaam || 23 ||"},{"kind":"verse","n":24,"dev":"वेदाश्च क्रतवश्चैव क्रतूनां फलमेव च ।\nयानि कृत्यानि लोकेषु सर्व एष रविः प्रभुः ॥ २४ ॥","rom":"Vedaashcha kratavashchaiva kratoonaam phalameva cha |\nYaani krutyaani lokeshu sarva esha ravih prabhuh || 24 ||"},{"kind":"verse","n":25,"dev":"एनमापत्सु कृच्छ्रेषु कान्तारेषु भयेषु च ।\nकीर्तयन् पुरुषः कश्चिन्नावसीदति राघव ॥ २५ ॥","rom":"Enamaapatsu kruchchhreshu kaantaareshu bhayeshu cha |\nKeertayan purushah kashchinnaavaseedati raaghava || 25 ||"},{"kind":"verse","n":26,"dev":"पूजयस्वैनमेकाग्रो देवदेवं जगत्पतिम् ।\nएतत्त्रिगुणितं जप्त्वा युद्धेषु विजयिष्यसि ॥ २६ ॥","rom":"Poojayasvainamekaagro devadevam jagatpatim |\nEtattrigunitam japtvaa yuddheshu vijayishyasi || 26 ||"},{"kind":"verse","n":27,"dev":"अस्मिन् क्षणे महाबाहो रावणं त्वं वधिष्यसि ।\nएवमुक्त्वा तदाऽगस्त्यो जगाम च यथागतम् ॥ २७ ॥","rom":"Asmin kshane mahaabaaho raavanam tvam vadhishyasi |\nEvamuktvaa tadaa'gastyo jagaama cha yathaagatam || 27 ||"},{"kind":"verse","n":28,"dev":"एतच्छ्रुत्वा महातेजा नष्टशोकोऽभवत्तदा ।\nधारयामास सुप्रीतो राघवः प्रयतात्मवान् ॥ २८ ॥","rom":"Etachchhrutvaa mahaatejaa nashtashoko'bhavattadaa |\nDhaarayaamaasa supreeto raaghavah prayataatmavaan || 28 ||"},{"kind":"verse","n":29,"dev":"आदित्यं प्रेक्ष्य जप्त्वा तु परं हर्षमवाप्तवान् ।\nत्रिराचम्य शुचिर्भूत्वा धनुरादाय वीर्यवान् ॥ २९ ॥","rom":"Aadityam prekshya japtvaa tu param harshamavaaptavaan |\nTriraachamya shuchirbhootvaa dhanuraadaaya veeryavaan || 29 ||"},{"kind":"verse","n":30,"dev":"रावणं प्रेक्ष्य हृष्टात्मा युद्धाय समुपागमत् ।\nसर्वयत्नेन महता वधे तस्य धृतोऽभवत् ॥ ३० ॥","rom":"Raavanam prekshya hrushtaatmaa yuddhaaya samupaagamat |\nSarvayatnena mahataa vadhe tasya dhruto'bhavat || 30 ||"},{"kind":"verse","n":31,"dev":"अथ रविरवदन्निरीक्ष्य रामं\nमुदितमनाः परमं प्रहृष्यमाणः ।\nनिशिचरपतिसङ्क्षयं विदित्वा\nसुरगणमध्यगतो वचस्त्वरेति ॥ ३१ ॥","rom":"Atha raviravadannireekshya raamam\nMuditamanaah paramam prahrushyamaanah |\nNishicharapatisankshayam viditvaa\nSuraganamadhyagato vachastvareti || 31 ||"},{"kind":"heading","dev":"॥ इति आदित्यहृदयम् ॥","rom":"|| Iti aadityahrudayam ||"}],"verified":true,"url":"https://pocketpothi.com/texts/aditya-hridayam","appUrl":"https://pocketpothi.com/read?t=aditya-hridayam","shareUrl":"https://pocketpothi.com/p/aq"}