{"id":"achyutashtakam","code":"5h","title":{"dev":"अच्युताष्टकम्","rom":"Achyutashtakam"},"type":"ashtakam","typeLabel":"Ashtakam","language":"sa","languageName":"Sanskrit","deity":["krishna"],"aliases":["Achyutam Keshavam Rama Narayanam"],"verses":9,"sections":[{"kind":"verse","n":1,"dev":"अच्युतं केशवं रामनारायणं कृष्णदामोदरं वासुदेवं हरिम् ।\nश्रीधरं माधवं गोपिकावल्लभं जानकीनायकं रामचन्द्रं भजे ॥ १ ॥","rom":"Achyutam keshavam raamanaaraayanam krushnadaamodaram vaasudevam harim |\nShreedharam maadhavam gopikaavallabham jaanakeenaayakam raamachandram bhaje || 1 ||"},{"kind":"verse","n":2,"dev":"अच्युतं केशवं सत्यभामाधवं माधवं श्रीधरं राधिकाराधितम् ।\nइन्दिरामन्दिरं चेतसा सुन्दरं देवकीनन्दनं नन्दनं सन्दधे ॥ २ ॥","rom":"Achyutam keshavam satyabhaamaadhavam maadhavam shreedharam raadhikaaraadhitam |\nIndiraamandiram chetasaa sundaram devakeenandanam nandanam sandadhe || 2 ||"},{"kind":"verse","n":3,"dev":"विष्णवे जिष्णवे शङ्खिने चक्रिणे रुक्मिणीरागिणे जानकीजानये ।\nवल्लवीवल्लभायाऽर्चितायात्मने कंसविध्वंसिने वंशिने ते नमः ॥ ३ ॥","rom":"Vishnave jishnave shankhine chakrine rukmineeraagine jaanakeejaanaye |\nVallaveevallabhaayaa'rchitaayaatmane kansavidhvansine vanshine te namah || 3 ||"},{"kind":"verse","n":4,"dev":"कृष्ण गोविन्द हे राम नारायण श्रीपते वासुदेवाजित श्रीनिधे ।\nअच्युतानन्त हे माधवाधोक्षज द्वारकानायक द्रौपदीरक्षक ॥ ४ ॥","rom":"Krushna govinda he raama naaraayana shreepate vaasudevaajita shreenidhe |\nAchyutaananta he maadhavaadhokshaja dvaarakaanaayaka draupadeerakshaka || 4 ||"},{"kind":"verse","n":5,"dev":"राक्षसक्षोभितः सीतया शोभितो दण्डकारण्यभूपुण्यताकारणः ।\nलक्ष्मणेनान्वितो वानरैः सेवितोऽगस्त्यसम्पूजितो राघवः पातु माम् ॥ ५ ॥","rom":"Raakshasakshobhitah seetayaa shobhito dandakaaranyabhoopunyataakaaranah |\nLakshmanenaanvito vaanaraih sevito'gastyasampoojito raaghavah paatu maam || 5 ||"},{"kind":"verse","n":6,"dev":"धेनुकारिष्टकोऽनिष्टकृद्द्वेषिणां केशिहा कंसहृद्वंशिकावादकः ।\nपूतनाकोपकः सूरजाखेलनो बालगोपालकः पातु माम् सर्वदा ॥ ६ ॥","rom":"Dhenukaarishtako'nishtakruddveshinaam keshihaa kansahrudvanshikaavaadakah |\nPootanaakopakah soorajaakhelano baalagopaalakah paatu maam sarvadaa || 6 ||"},{"kind":"verse","n":7,"dev":"विद्युदुद्योतवत्प्रस्फुरद्वाससं प्रावृडम्भोदवत्प्रोल्लसद्विग्रहम् ।\nवन्यया मालया शोभितोरःस्थलं लोहिताङ्घ्रिद्वयं वारिजाक्षं भजे ॥ ७ ॥","rom":"Vidyududyotavatprasphuradvaasasam praavrudambhodavatprollasadvigraham |\nVanyayaa maalayaa shobhitorahsthalam lohitaanghridvayam vaarijaaksham bhaje || 7 ||"},{"kind":"verse","n":8,"dev":"कुञ्चितैः कुन्तलैर्भ्राजमानाननं रत्नमौलिं लसत्कुण्डलं गण्डयोः ।\nहारकेयूरकं कङ्कणप्रोज्ज्वलं किङ्किणीमञ्जुलं श्यामलं तं भजे ॥ ८ ॥","rom":"Kunchitaih kuntalairbhraajamaanaananam ratnamaulim lasatkundalam gandayoh |\nHaarakeyoorakam kankanaprojjvalam kinkineemanjulam shyaamalam tam bhaje || 8 ||"},{"kind":"verse","n":9,"dev":"अच्युतस्याष्टकं यः पठेदिष्टदं प्रेमतः प्रत्यहं पूरुषः सस्पृहम् ।\nवृत्ततः सुन्दरं कर्तृ विश्वम्भरस्तस्य वश्यो हरिर्जायते सत्वरम् ॥ ९ ॥","rom":"Achyutasyaashtakam yah pathedishtadam prematah pratyaham poorushah saspruham |\nVruttatah sundaram kartru vishvambharastasya vashyo harirjaayate satvaram || 9 ||"},{"kind":"heading","dev":"॥ इति श्रीशङ्कराचार्यविरचितमच्युताष्टकं सम्पूर्णम् ॥","rom":"|| Iti shreeshankaraachaaryavirachitamachyutaashtakam sampoornam ||"}],"verified":false,"url":"https://pocketpothi.com/texts/achyutashtakam","appUrl":"https://pocketpothi.com/read?t=achyutashtakam","shareUrl":"https://pocketpothi.com/p/5h"}